ME BABANË
REQUIEM PËR BABANË ME RASTIN E 50 -VJETORIT
TË NDARJES NGA JETA MË 21 GUSHT 1968
FASLLI HALITI
BABAI
Vdiq babai,
Bota s’i uli flamurët,
Vetëm ne bijtë dhe nëna kokat ulëm,
Fqinjët fikën radiot deri vonë,
Fëmijët e lagjes s’erdhën atë ditë
Të luanin në oborrin tonë.
Vdiq babai,
Bota s’i uli flamurët.
Dhe qejfi
Ne s’na mbeti,
Nuk kishte përse,
Bota të ulte flamurët për të.
Keq ne s’na erdhi aspak
Që bota babanë
S’e qau.
Por mirë na erdhi sa s’ka
Që bota babanë tonë s’e shau.
1970
