Poeti Zymer Mehani
(Skënderbeut)
Kush e ka menduar
Se mbi supin tënd
Mermeri do të bije
Kush e ka besuar
Se prej shpatës sate
Liria do të vije
Kush nuk ka shpresuar
Se trimit fati i prin
Kryeheroi im
Kush e ka ëndërruar
Se Ty zemër-burrë
Shtati t’kthehet n’gur
Sot o Kryetrim
E jotja shtatore
E ruan sypatrembur
Këtë tokë arbërore
Vogëlushët po pyesin
– Ç’bën Gjergji në shtatore
E unë atyre u përgjigjem
-Po e ruan tokën stërgjyshore
Ata brohorasin njëzërit:
– Lavdi Skënderbeut
E unë me gaz ua them:
– Ju jeni shpresa e atdheut
