Sqarim nga Arben Çokaj
Për ata që nuk kanë njohje juridike, por edhe për ata që kanë keqkuptime në interpretimin e përcaktimeve kushtetuese, ja nenet përkatëse, me të cilat Kuvendi i Shqipërisë e shkarkon Presidentin e Republikës:
Neni 90
1. Presidenti i Republikës nuk ka përgjegjësi për aktet e kryera në ushtrim të detyrës së tij.
2. Presidenti i Republikës mund të shkarkohet për shkelje të rëndë të Kushtetutës dhe për kryerjen e një krimi të rëndë. Propozimi për shkarkimin e Presidentit në këto raste mund të bëhet nga jo më pak se një e katërta e anëtarëve të Kuvendit dhe duhet të mbështetet nga jo më pak se dy të tretat e të gjithë anëtarëve të tij.
3. Vendimi i Kuvendit i dërgohet Gjykatës Kushtetuese, e cila, kur vërteton fajësinë e Presidentit të Republikës, deklaron shkarkimin e tij nga detyra.Neni 91
1. Kur Presidenti i Republikës është në pamundësi të përkohshme për të ushtruar funksionet e tij ose kur vendi i tij mbetet vakant, Kryetari i Kuvendit zë vendin dhe ushtron kompetencat e tij.
2. Në rast se Presidenti nuk mund të ushtrojë detyrën për më shumë se 60 ditë, Kuvendi, me dy të tretat e të gjithë anëtarëve, vendos dërgimin e çështjes në Gjykatën Kushtetuese, e cila vërteton përfundimisht faktin e pamundësisë. Në rast të vërtetimit të pamundësisë, vendi i Presidentit mbetet vakant dhe zgjedhja e Presidentit të ri fillon brenda 10 ditëve nga dita e vërtetimit të pamundësisë.
Si e kuptoj dhe e interpretoj unë Kushtetutërn në këtë rast, pasi procedura ka filluar për shkarkimin e Presidentit. Nëse gjërat ecin sipas parashikimeve ligjore, Presidenti do të shkatrkohet një ditë nga minimalisht 94 deputetë në Kuvend. Pastaj hyn në fuqi Neni 91, pika 1, ku vendin e tij e zë Kryetari i Kuvendit, nëse nuk ka Gjykatë Kushtetuese për interpretimin dhe miratimin e vendimit të Kuvendit. ok? Juristët në veprim…
