Nue Oroshi
Sot e përmbyllëm përgatitjen e librit enciklopedik: “Gjergj Kastrioti – Skënderbeu, heroi kombëtar i shqiptarëve“.
Ky është libri i tetëmbëdhjetë me radhë që shoqata e intelektualëve gjithshqiptarë “Trojet e Arbrit“ po i jep lexuesit shqiptar anë e kënd trojeve etnike shqiptare dhe diasporës së madhe atdhetare.Ky libër vjen si fryt i sesionit shkencor që kemi mbajtur vitin e kaluar në Lezhë më rastin e 550 vjetorit të kalimit në amshim të Gjergj Kastriotit – Skënderbeut.
Libri ka 550 faqe është një enciklopedi e gjallë falë studiuesve atdhetarë të cilët me studimet e tyre e bashkangjitën edhe një libër enciklopedik për Gjergj Kastriotin- Skënderbeun shkencës shqiptare. Ky libër do të shpërndahet në menyrë ekskluzive në akademinë solemne që do ta mbajmë në Prizren pas vendosjës së monumentit të Gjergj Kastriotit- Skënderbeut në Prizren.
Gëzon fakti se ideja e dhënë nga shoqata “Trojet e Arbrit“ në Lezhë për vendosjën e monumentit të Gjergj Kastriotit -Skënderbeut po vjen ngadalë drejtë fundit.Prandaj ju bëjmë thirrje të gjithë atyre që ende nuk kanë dhënë kontributin e tyre për këtë monument kombëtar të na përkrahin që ta shpejtojmë vëndosjen e monumentit të Gjergj Kastriotit Skënderbeut në Prizren.
