08/11/2019
Minishengeni Ballkanik ka marrë edhe mbështetjen e SHBA, duke e cilësuar si frytdhënës për rajonin. I dërguari i Posaçëm i Departamentit të Shtetit, Mathew Palmer e shikon këtë nisëm si një sinjal pozitiv që liderët e Ballkanit po marrin në dorë fatin e tyre. Gjithashtu Palmer shpreson që deri në Samitin e Zagrebit liderët e unionit do të arrijnë konsensusin për hapjen e negociatave me Shqipërinë dhe Maqedoninë e Veriut.
Një ditë para takimit të dytë në Ohër, Minishengeni Ballkanik ka marrë edhe mbështetjen e SHBA-së. Nismën e Edi Ramës, Aleksandër Vuçiç dhe Zoran Zaev, i dërguari i Departamentit të Shtetit për Ballkanin Perëndimor Mathew Palmer e sheh si një veprim pozitiv për rajonin, ndërkohë kujton që pjesë e këtij projekti duhet të jenë edhe Mali e Zi, Bosnja dhe Kosova.
Palmer: Angazhimi i Serbisë, Maqedonisë së Veriut dhe Shqipërisë të promovojnë bashkëpunimin përmes së ashtu-quajturës nisma e minishengenit është shpresëdhënës, është një tregues që liderët në rajon po marrin përgjegjësi për fatin e tyre, po marrin në dorë të ardhmen e vet. Arkitektura e kësaj nisme ka një skaj të hapur, ka vend për Malin e Zi, Bosnje dhe Hercegovinën, Kosovën.
Nga Forumi Ekonomik Botëror në Davos, Palmer i bën thirrjeve Shqipërisë dhe Maqedonisë së Veriut të mos devijojnë nga perspektiva europiane, pavarësisht zhgënjimit nga samitit i Tetorit i liderëve të BE.
Palmer: Kjo nuk është fjala e fundit. Shpresojmë që Këshilli i Europës t’i rikthehet çështjes në mbledhjen e liderëve në maj, në Zagreb, të arrijë konsensusin e duhur dhe të nisë atë proces aq të rëndësishëm duke dërguar sinjalin e rëndësishëm në rajon.
I dërguari i Posaçëm i SHBA-së kërkon që Shqipëria të plotësojë kushtet e vendosur nga Brukseli dhe të miratojnë sa më shpejt nëpërmjet dialogut Reformën zgjedhore.
Levizja e lire e mallit dhe njerezve ndermjet shteteve te Europes, ne kete rast te Shqiperise, Serbise, Maqedonise… dhe vendeve tjera qe mund te bejne kete veprim (Kosova, Mali i Zi) etj… eshte veprim pozitiv. Ndersa ata analfabetë politikë, qe mendoj e se kjo LEVIZJE, eshte krijim i nje shteti te ri vetem e vertetojne analfabetizmin e tyre politik, dhe paditurine qe te perparojne raportet shtetrore fqinjesore.
SHQIPERIA ESHTE NE NATO, DHE NATO ESHTE NJE SHTET I MADH NE KUPTIM TE SIGURISE, DHE ESHTE E ARRITURA ME E MADHE POLITIKE E SHQIPERISE NE HISTORINE E SAJ 107 VJEÇARE.
Se shpejti edhe MAQEDONIA do te behet pjese e megashtetit te sigurise NATO, dhe perrallat e analfabeteve, per krijim te ndonje shteti te ri jane qesharake dhe idiotikodebilleske.