DEA HALIMI
Gjergj Kastrioti`
Ty të morën Gjergj ende fëmijë, me lot në sy,
Të të ripagëzojnë Skënderbe në tokë të Azisë.
Çdo gjë të mbeti peng në fotografitë e fëmijërisë,
Në pamjet e shpatës e të zjarrit në Arbëri.
Gjuhën shqipe e flisje fshehtë, etjes së pashuar,
Kujtoje babain Gjon e nënën të larë në gjak.
Shaloje gjokun ëndrrës kaq vjet larg i vetmuar
E vije në kthim në atdhe, vetëtimë e flakë.
Të afruan malësorët zemër, bukë, kripë e ujë,
Për Arbrinë e lidhën besën të gjithë në Krujë,
Të luftojnë dhe të vdesin një e një dorë për dore,
Të mos jepen dot pa shënuar fitore e fitore.
