Agim Desku
Diellore
Diellore është Itaka
Kur hyjnitë e krijuan jetën
Për t῾u ndeshur me shpirtin pellazg.
Tradhëtish u çmend Homeri
Bota u ndesh me vërbëri shpirti
Sytë e tij u dogjen në zjarret e Zeusit
Toka mbrohej nga fuçitë e zanave.
Diellore mbetemi Via Egnatia
Udha që më ngrit si krijesë e ozonit
Kur më munguan puthjet edhe për trëndafilat
E kopshtit tënd.
Nëse nuk shndërrohemi në gjemba jete
Prap diellore toka flet.
NËSE JAM FAJTOR
Nëse jam fajtor pse linda dje
Botën nuk e mora me vete
E mbaja udhëkryqeve të jetës
Me të u grinda si me vet djajët.
Nëse jam fajtor pse nuk linda sot
Ti piktura e Mona Lizes je fajtore
Pse nuk lindem për një ditë a vit
Kohës jashariane të Prekazit.
Ah, sa do isha luftëtar i jetës dhe vdekjes
I tokës që në flakë më rriti dhe më bëri burr
Dhe në mëkate e lash në dysh të ndarë zemre
Tokën dhe jetën që e kisha mbi yje ozoni.
Nëse mbetëm fajtor për emrin tim
Mëkatar m῾u bëfshin ëndrrat që më mbyesin çdo cast
As lutjet mos m῾u pranofshin të dielave
Atëherë kur ëngjëjt janë urata ime e shejtë.
E di fajtor jam pse të ngrita mbi Mona lizën
Të dytë e ndajmë këtë fat të dhembjes
Që Zoti na bëri plagë Titaniku të detit të pafund.
Ti linde dje a sot është njëjtë me lindjen e Diellit.
Drenicë
(Llapushnik, me rastin e hapjes së kishës “Shën Abrahami”, më 9 Tetor 2016)
Drenicë, më ktheve në gjakun e ruajtur të secilës shqipe
Në kryqëzimin e Evropës mbeta fjalë e zanave të pathëna
Me shpirt Drenice shqip sot pas dymijë vitesh para Krishti
Në emrin e bac Ademit, Xhevë dhe Fehmi Lladrovcit, po lutemi.
Drenicë, gjashtëmbëdhjetë shekuj para lindjes së Kryqit
Tanagra ishte këtu
shqip më bëri uratën për jetën e lirë
Vdekjen kurrë nuk e përmendi në asnjë psalmë bible
Nuk paska vdekje toka e Drenicës, sepse edhe gurët i ka luftëtarë lirie.
Sot, secila shqipe është prap uratë e gjuhës së Zotit
A nuk mjaftuan robërinë që ma falën shekujt pesëqind vjeqar ?
Drenica është toka e Zotit e shqipeve dhe zanave që falën gji luftëtarësh
Evropa këtu e ka lindjen dhe këtu e ka vdekjen shqip.
Larg nga mëkatet që ju bënë Drenicës, lavdi Zotit që sot lutemi shqip
Flini të qetë bac Adem, Zahir, Shkelzen, Marie Shllaku, Shotë e Azem.
E ty miku im poet që ngrite vargun e lirë në gjithësi
Ismet Sopi ta paqa borxh një varg përjetësie të lirë migjenian.
Urime z.Ismet Sopi tempulli i shejtë shqip
AGIM DESKU Llapushnik, më 9 Tetor 2016
Përgaditi për publikim, Gjin Musa, gazetar
