{"id":22711,"date":"2018-01-23T09:04:19","date_gmt":"2018-01-23T09:04:19","guid":{"rendered":"http:\/\/www.fjala.info\/?p=22711"},"modified":"2018-01-23T09:14:59","modified_gmt":"2018-01-23T09:14:59","slug":"kryetrimi-i-kastrioteve-shkoj-pas-mendjes-se-trimave-arberor-e-ata-mbas-tij","status":"publish","type":"post","link":"https:\/\/jehonashqiptare.al\/fjala\/kryetrimi-i-kastrioteve-shkoj-pas-mendjes-se-trimave-arberor-e-ata-mbas-tij\/","title":{"rendered":"Kryetrimi i Kastriot\u00ebve shkoj pas mendjes s\u00eb trimave arb\u00ebror e ata mbas tij"},"content":{"rendered":"

(Gjergj Kastrioti \u00ebsht\u00eb
\nmodeli i Atit t\u00eb kombit, nj\u00eb shenjt i shqiptaris\u00eb<\/strong>)<\/p>\n

\u201cGjergj Kastrioti, asht fatosi i liris\u00eb dhe i pamvar\u0117sis s\u0117 kombeve, tue qen\u00eb q\u00eb d\u00ebshira e liris\u00eb qe ajo q\u00eb ma s\u2019pari e shtyni at burr\u00eb t\u00eb p\u00ebrmendun me rrok arm\u00ebt p\u0117r Shqipnin. Prandaj t\u00eb gjith shqiptar\u00ebt e v\u00ebrtet, pa nd\u00ebrlikim partie a besimi, do ta nderojn\u00eb Sk\u00ebnderbeun, si nji fatos t\u00eb kombit e do t\u2019u bahet nam me kremtue emnin e pun\u0117n e tij. Sk\u00ebnderbeu, asht ideali i liris e i pamvarsis s\u00eb Shqipnis.\u201d At Gjergj Fishta O.F.M. (1870-1940)<\/strong><\/em><\/p><\/blockquote>\n

Klajd Kapinova <\/strong><\/p>\n

Viti 2018, \u00ebsht\u00eb shpallur me t\u00eb drejt\u00eb nga shteti am\u00eb shqiptar dhe Qeveria e Tiran\u00ebs si Viti i Gjergj Gjon Kastriotit. \u00cbsht\u00eb e r\u00ebnd\u00ebsishme q\u00eb bota shqiptare t\u00eb mir\u00ebinformohet se komuniteti yn\u00eb n\u00eb SHBA, asnj\u00ebher\u00eb nuk e ka harruar kryetrimin e Arb\u00ebris\u00eb, i cili, me t\u00eb drejt\u00eb \u00ebsht\u00eb p\u00ebrfshir\u00eb nd\u00ebr 4 (kat\u00ebr) strateg\u00ebt m\u00eb t\u00eb m\u00ebdhenj ushtarak\u00eb t\u00eb t\u00eb gjith\u00eb koh\u00ebrave n\u00eb historin\u00eb e njer\u00ebzimit. N\u00eb akademit\u00eb ushtarake amerikan\u00eb m\u00ebsohet arti i luft\u00ebs s\u00eb tij me ushtri t\u00eb vogla shum\u00eb praktike, duke i rezistuar Perandoris\u00eb Otomane, e cila kishte shpallur zyrtarisht p\u00ebrmes sulltanit kalifatin (xhihadin) kund\u00ebr trojeve t\u00eb Arb\u00ebris\u00eb dhe shteteve t\u00eb krishtera t\u00eb Ballkanit \u2026<\/em><\/p>\n

\"\"<\/p>\n

Hartsdale, New York<\/strong>. Mesh\u00eb dhe Simpozium Shkencor P\u00ebrkujtimor n\u00eb New York, n\u00eb 550-vjetorin e kalimit n\u00eb amshim t\u00eb Heroit Komb\u00ebtar Gjergj Kastriotit.<\/p>\n

Viti jubilar kushtuar Kryetrimit t\u00eb Arb\u00ebris\u00eb Gjergj Kastriotit, po p\u00ebrkujtohet kudo nd\u00ebr shqiptar\u00ebt n\u00eb SHBA. N\u00eb disa shtete, si: New York, Michigan, Philadelphia, Florida, dhe n\u00eb disa qytete t\u00eb Kanadas\u00eb, ku ka shqiptar\u00eb, m\u00ebsojm\u00eb se diaspora shqiptare kudo ndodhet po organizohet me veprimtari t\u00eb ndryshme p\u00ebrkujtimore kushtuar kryetrimit legjendar.<\/p>\n

N\u00eb tradit\u00ebn e saj t\u00eb vazhdueshme patriotike dhe kulturdash\u00ebse, k\u00ebto dit\u00eb kisha katolike shqiptare e Zoj\u00ebs s\u00eb Shkodr\u00ebs, pran\u00eb Qendr\u00ebs Kulturore N\u00ebn\u00eb Tereza n\u00eb Hartsdale, New York, n\u00eb bashk\u00ebpunim me Federat\u00ebn Panshqiptare \u201cVatra\u201d, p\u00ebrkujtuan kalimin n\u00eb amshim, m\u00eb 17 janarin t\u00eb vitit 1468, t\u00eb Kalor\u00ebsit t\u00eb Krisht\u00ebrimit, Atletit t\u00eb Krishtit, Mbrojt\u00ebsit t\u00eb Krisht\u00ebrimit dhe t\u00eb popullit shqiptar.<\/p>\n

\"\"<\/p>\n

P\u00ebr k\u00ebt\u00eb ngjarje, n\u00eb kish\u00ebn katolike shqiptare Zoja e Shkodr\u00ebs n\u00eb Hartsdale New York, u mbajt nj\u00eb mesh\u00eb drite shum\u00eb e ve\u00e7ant\u00eb n\u00eb bashk\u00ebcelebrim nga shum\u00eb meshtar\u00eb shqiptar\u00eb, p\u00ebrkushtuar birit t\u00eb denj\u00eb t\u00eb Arb\u00ebris\u00eb, strategut t\u00eb madh ushtarak Gjergj Gjon Kastriotit.<\/p>\n

Mesha p\u00ebrkujtimore, u celebrua nga meshtar\u00ebt miq t\u00eb ardhur nga vendlindja, si ipeshkvi i Rreshenit imzot Gjergj Meta, dom Vlash Palaj famullitar n\u00eb katedralen e sh\u00ebn Shtjefnit n\u00eb Shkod\u00ebr dhe meshtar\u00ebt e famullis\u00eb son\u00eb I P\u00ebrndershmi dom Pjet\u00ebr Popaj dhe ndihm\u00ebs famullitari dom Viktor Deda etj.
\nGjat\u00eb predikimit t\u00eb tij, mons. Gjergj Meta, ka kujtuar se nj\u00eb mesh\u00eb drite e till\u00eb ishte mbajtur po n\u00eb k\u00ebt\u00eb dit\u00eb, n\u00eb vendin ku 550 vjet m\u00eb par\u00eb, kaloi n\u00eb amshim n\u00eb Lezh\u00eb heroi yn\u00eb komb\u00ebtar Gjergj Kastrioti, aty ku u mbajt dhe Kuvendi i Bes\u00eblidhjes s\u00eb Shqiptar\u00ebve.<\/p>\n

Nd\u00ebrkoh\u00eb, fal\u00eb p\u00ebrgatitjes s\u00eb gj\u00ebr\u00eb historike, prelati i ri katolik, disa her\u00eb gjat\u00eb sh\u00ebrbes\u00ebs fetare ka renditur shum\u00eb fakte dhe prova historike t\u00eb koh\u00ebs, q\u00eb sipas predikuesit v\u00ebrtetonin se Gjergj Kastrioti, ishte nj\u00eb mbrojt\u00ebs heroik i qyterimit perendimor, i cili, luftoi deri n\u00eb fund t\u00eb jet\u00ebs s\u00eb tij p\u00ebr mbrotjen e trojeve shqiptare dhe civilizimin e mbar\u00eb krisht\u00ebrimit.<\/p>\n

\"\"<\/p>\n

Shum\u00eb emocionuese ishin intepretimet gjat\u00eb mesh\u00ebs t\u00eb disa perlave apo kryeveprave klasike t\u00eb muzik\u00ebs s\u00eb p\u00ebrbotshme kishtare, t\u00eb interpretuar me profesionaliz\u00ebm dhe ndjenja shpirt\u00ebrore nga artist\u00ebt profesionist\u00eb t\u00eb famsh\u00ebm shqiptare si kantautori dhe artisti i madh Frederik Ndoci, i cili, intepretoi Ave Maria etj., dhe artistja Donika Ukshini Gjokaj.<\/p>\n

Meshtari yn\u00eb i p\u00ebrkushtuar atdhetar, I P\u00ebrndershmi dom Pjet\u00ebr Popaj, n\u00eb cil\u00ebsin\u00eb e organizaorit dhe mik\u00ebprit\u00ebsit, udh\u00ebhoqi denj\u00ebsisht veprimtarin\u00eb, duke shprehur vler\u00ebsimet p\u00ebr figur\u00ebn e r\u00ebnd\u00ebsishme t\u00eb historis\u00eb p\u00ebr mbar\u00eb kombin ton\u00eb, ku nd\u00ebr t\u00eb tjera tha: \u201cMir\u00ebse keni ardhur n\u00eb Simpoziumin shkencor kushtuar 550-vjetorit t\u00eb kalimit n\u00eb amshim t\u00eb Gjergj Kastriotit. Prania e juaj k\u00ebtu pa dallim feje e krahine, na g\u00ebzon t\u00eb gjith\u00ebve dhe n\u00eb m\u00ebnyr\u00eb t\u00eb ve\u00e7ant\u00eb i jepni soleminitetin e duhur dit\u00ebs s\u00eb madhe t\u00eb gjith\u00eb kombit shqiptar\u00eb. Po t\u00eb mos ishte Heroi Komb\u00ebtar Gjergj Gjon Kastrioti, ne si komb nuk do t\u00eb ekzistonim si shqiptar\u00eb dhe kurr\u00eb nuk do t\u00eb flisnim shqip\u2026\u201d<\/p>\n

Mbas mesh\u00ebs solemne, t\u00eb gjith\u00eb t\u00eb pranishmit u drejtuan n\u00eb ambientet e Qendr\u00ebs N\u00ebn\u00eb Tereza, ku, u zhvillua akademia p\u00ebrkujtimore, n\u00eb nderim t\u00eb 550-vjetorit t\u00eb kalimit n\u00eb amshim t\u00eb Heroit Komb\u00ebtar dhe kryetrimit t\u00eb Arb\u00ebris\u00eb t\u00eb pavdekshmin Gjergj Gjon Kastriotin.<\/p>\n

Flamuri amerikan dhe ai shqiptar me ngjyr\u00eb t\u00eb kuqe dhe shqiponj\u00ebn dykrenare q\u00ebndronte p\u00ebrkrah nj\u00eb busti t\u00eb madh t\u00eb Gjergj Kastriotit, punuar n\u00eb fib\u00ebr glass, krijim artistik i skuptorit t\u00eb talentuar Kristaq Kapidani, i cili, hijeshtonte ambientin shqiptar, t\u00eb cil\u00ebt, ndiheshin krenar p\u00ebr Kryetrimin e njohur t\u00eb trojeve t\u00eb Arb\u00ebris\u00eb.<\/p>\n

\"\"<\/p>\n

Nd\u00ebr miqt\u00eb special t\u00eb ftuar ishte imzot Gjergj Meta, ipeshk\u00ebv i Rreshenit, don Vlash Palaj, famullitar i katedral\u00ebs s\u00eb sh\u00ebn Shtjefnit n\u00eb Shkodr\u00ebr, Ambasadorja Teuta Sahat\u00e7ia konsulle e p\u00ebrgjithshme e Republik\u00ebs s\u00eb Kosov\u00ebs, zv. ambasadori i Republik\u00ebs s\u00eb Shqip\u00ebris\u00eb n\u00eb OKB-s\u00eb Arben Idrizi, Fr. Nathan Preaston nga kisha ortodokse shqiptare e sh\u00ebn Nikollit n\u00eb Queens, NY, asamblisti i porsazgjedhur dhe nj\u00ebkohsisht aktivist i kish\u00ebs son\u00eb zoti Mark Gjonaj, kryetari i Vatr\u00ebs Dritan Mishto, an\u00ebtar\u00eb t\u00eb trungut t\u00eb familjes princ\u00ebrore t\u00eb Muzakajve, Victoria Muzakaj Murphy me bashk\u00ebshortin, q\u00eb kishin udh\u00ebtuar nga Texas-i n\u00eb New York, enkas p\u00ebr t\u00eb marr\u00eb pjes\u00eb n\u00eb sh\u00ebnimin e p\u00ebrkujtimit t\u00eb 550 vjetorit t\u00eb kalimit n\u00eb amshim t\u00eb Gjergj Kastriotit si dhe p\u00ebrfaq\u00ebsuesit e komunitetit shqiptar\u00eb, lider\u00eb, veprimtar\u00eb, gazetar\u00eb, shkrimtar\u00eb, muzikant\u00eb, artist\u00eb emigrant\u00eb t\u00eb rinj dhe veteran\u00eb shqiptar\u00eb, q\u00eb prej vitesh jetojn\u00eb e punojn\u00eb n\u00eb SHBA.<\/p>\n

Gjat\u00eb nj\u00eb bisede me shqiptaro amerikanen Victoria Muzaka Murphy e emocionuar tha se ka zbuluar prejardhjen e saj nga familja e madhe e Muzakajve, dhe se ndjehet thell\u00ebsisht krenare p\u00ebr rr\u00ebnj\u00ebt e saj t\u00eb lashta shqiptare, q\u00eb shkojn\u00eb deri n\u00eb epok\u00ebn kastriotiane t\u00eb Gjergj Kastriotit.
\nAjo nd\u00ebr t\u00eb tjera tha se: \u201dUn\u00eb, mund t\u00eb mos e flas gjuh\u00ebn shqipe, por gjakun e kam shqiptar. Dhe gjaku shqiptar na b\u00ebn nj\u00eb familje. Ju jeni familja ime dhe un\u00eb jam familja juaj”.<\/p>\n

Kisha katolike Zoja e Shkodr\u00ebs, \u00ebsht\u00eb bes\u00eblidhje e vlerave etnike arb\u00ebrore n\u00eb SHBA. Gjat\u00eb viteve t\u00eb fundit institucionet kulturore t\u00eb kish\u00ebs n\u00eb New York, jan\u00eb b\u00ebr\u00eb epiqendra n\u00eb p\u00ebrkujtimin e fytyrave t\u00eb ndritshme t\u00eb pushk\u00ebs (liri) dhe pend\u00ebs (dituri).<\/p>\n

\"\"<\/p>\n

Krahu i djatht\u00eb i meshtar\u00ebve dom Pjet\u00ebr Popaj e dom Viktor Deda, aktivisti veteran i kish\u00ebs katolike Zoja e Shkodr\u00ebs dhe editor i revist\u00ebs fetaro kulturore Jeta Katolike, moderatori veteran i palodhuri Mark K. Shkreli, \u00ebsht\u00eb b\u00ebr\u00eb bashkideatori i shum\u00eb paraqitjeve me kultur\u00eb t\u00eb personaliteteve m\u00eb t\u00eb shquara t\u00eb krenaris\u00eb s\u00eb kombit ton\u00eb.<\/p>\n

Kryeredaktori i revist\u00ebs Shkreli, ishte caktuar nga komisioni p\u00ebrgatitor p\u00ebr t\u00eb b\u00ebr\u00eb hapjes e Simpoziumi Shkencor, n\u00eb 550-vjetorin e vdekjes s\u00eb Kryetrimit ton\u00eb komb\u00ebtar, t\u00eb madhit dhe t\u00eb ve\u00e7uarit, Gjergj Gjon Kastritotit.<\/p>\n

\"\"<\/p>\n

N\u00eb fillim t\u00eb kumtes\u00ebs s\u00eb tij Shkreli tha: \u201cQ\u00eb nga Viti i Ri 1468, Sk\u00ebnderbeu, bashk\u00eb me Fisnik\u00ebt e Arb\u00ebrit, q\u00eb i kishte ftuar, sikur kishte b\u00ebr\u00eb m\u00eb 2 mars 1444, filluan k\u00ebshillimet p\u00ebr t\u2019u p\u00ebrgatitur p\u00ebr t\u00eb sulmuar k\u00ebshtjell\u00ebn turke t\u00eb Elbasanit. Por, n\u00eb ato dit\u00eb, si\u00e7 na thot\u00eb jet\u00ebshkruesi i tij, prifti Marin Barleti, \u201c\u2026e zun\u00eb nj\u00eb pal\u00eb ethe t\u00eb r\u00ebnda\u2026\u201d. \u00cbsht\u00eb titulli i nj\u00eb filmi, \u201cUshtar\u00ebt vdesin me \u00e7izmet mbathur\u201d. Edhe pse me ethe t\u00eb r\u00ebnda, kur i than\u00eb se turqit do t\u00eb sulmonin Shkodr\u00ebn af\u00ebr lumit Kir, ai u \u00e7ua n\u00eb k\u00ebmb\u00eb, u vesh me rrobat luftarake, por nuk mundi t\u00eb hyp mbi kalin e tij. U kthye n\u00eb shtrat p\u00ebr mos t\u2019u ngritur m\u00eb. I rrethuar nga fisnik\u00ebt dhe familja, Gjergj Kastrioti Sk\u00ebnderbeu vdiq, para 550 vitesh, m\u00eb 17 janar 1468. Fran\u00e7eskani Dhimit\u00ebr Frangu, miku dhe bashk\u00ebpun\u00ebtori i ngusht\u00eb i Heroit ton\u00eb Komb\u00ebtar, thot\u00eb: “\u2026ra i s\u00ebmur\u00eb nga nj\u00eb ethe e fort\u00eb… M\u00eb n\u00eb fund, duke ndjer\u00eb vdekjen fare pran\u00eb, thirri rreth vetes kapedan\u00ebt dhe pati me ta nj\u00eb bised\u00eb t\u00eb gjat\u00eb. Ata u p\u00ebrlot\u00ebn\u2026\u201d (Dh. Frangu, fq. 63). Sikur i pati bashkuar fisnik\u00ebt para vdekjes s\u00eb tij, pas 550 vitesh, Ai vazhdon t\u2019i bashkoj\u00eb shqiptar\u00ebt kudo q\u00eb jan\u00eb, n\u00eb trojet tona dhe n\u00eb diaspor\u00ebn an\u00eb e mban\u00eb bot\u00ebs.\u201d<\/p>\n

\"\"<\/p>\n

Nd\u00ebrsa m\u00eb posht\u00eb, ai theksoi se: \u201cDy qeverit\u00eb e shteteve shqiptare, n\u00eb Tiran\u00eb dhe Prishtin\u00eb e kan\u00eb shpallur Vitin 2018 \u2013 Viti i Gjergj Kastriotit-Sk\u00ebnderbe. Edhe Kisha Katolike, n\u00eb Shqip\u00ebri dhe Kosov\u00eb, e ka b\u00ebr\u00eb t\u00eb nj\u00ebjt\u00ebn gj\u00eb. Kudo po organizohen konferenca, simpoziume, seminare, mbr\u00ebnje solemne, p\u00ebr ta p\u00ebrkujtuar k\u00ebt\u00eb \u201csuper-njeri\u201d t\u00eb kombit ton\u00eb. Poashtu, skikur b\u00ebm\u00eb ne sot, p\u00ebr shpirtin e Gjergjit gjat\u00eb vitit do t\u00eb kremtohen edhe mesh\u00eb t\u00eb shumta. N\u00eb kuad\u00ebr t\u00eb k\u00ebtij Viti Jubilar, edhe ne sonte, jemi bashkuar n\u00eb k\u00ebt\u00eb vend t\u00eb shenjt\u00eb, p\u00ebr t\u2019ju bashkuar \u201cfisnik\u00ebve e kapedan\u00ebve\u201d dhe familjes n\u00eb Lezhe, ashtu t\u00eb \u201cp\u00ebrlotur\u201d p\u00ebr t\u2019i b\u00ebr\u00eb homazh\u00eb k\u00ebtij kolosi jo vet\u00ebm t\u00eb kombit por t\u00eb t\u00ebr\u00eb Evrop\u00ebs.\u201d<\/p>\n

Zoti Shkreli, tregoi se p\u00ebrmes Gjergj Kastriotit, fisin e Arb\u00ebrit e njohi bota. At\u00eb e nderuan mbret\u00ebr e gjeneral\u00eb t\u00eb kosh\u00ebs, e nderuan pap\u00ebt e Rom\u00ebs, e paten frik\u00eb armiqt\u00eb, u p\u00ebrmend n\u00eb veprat e shum\u00eb shkrimtar\u00ebve dhe poet\u00ebve, si Peshkop Fan Noli dhe At\u00eb Gjergj Fishta, duke mos munguar as t\u00eb huajt, sikur amerikani Henry Longfello\u00eb q\u00eb i kushton 173 vargje, kroati Fra Andria Ka\u00e7iq Mioshiq, me 17 poema epike, kroati tjet\u00ebr nga Dubrovniku, Ivan Mazhuraniq, q\u00eb n\u00eb vepr\u00ebn \u201cOsman\u201d, nuk e l\u00eb pa e p\u00ebrmendur at\u00eb, etj.<\/p>\n

\n

<\/p>\n

\n
Loading…<\/div>\n