{"id":22752,"date":"2018-01-23T22:52:58","date_gmt":"2018-01-23T22:52:58","guid":{"rendered":"http:\/\/www.fjala.info\/?p=22752"},"modified":"2018-01-23T22:52:58","modified_gmt":"2018-01-23T22:52:58","slug":"vizita-e-pare-e-rugoves-ne-tirane","status":"publish","type":"post","link":"https:\/\/jehonashqiptare.al\/fjala\/vizita-e-pare-e-rugoves-ne-tirane\/","title":{"rendered":"VIZITA E PAR\u00cb E RUGOV\u00cbS N\u00cb TIRAN\u00cb"},"content":{"rendered":"

Fisnik Zeqiraj<\/strong><\/a><\/p>\n

Student\u00ebve absolvent\u00eb, Ibrahim Rugov\u00ebs dhe Rexhep Ismailit, Instituti i Historis\u00eb dhe i Gjuh\u00ebsis\u00eb si dhe gazeta “Studenti”, u b\u00ebri ftes\u00eb p\u00ebr vizit\u00eb nj\u00eb-javore n\u00eb Shqip\u00ebri, m\u00eb 1971. Profesor Androkli Kostallari, m\u00eb ftoi n\u00eb Institut, m\u00eb tregoi se po vijn\u00eb Ibrahimi me Rexhepin, por ai po udh\u00ebtonte, papritur, p\u00ebr Itali, ke Arbresh\u00ebt. Prandaj, k\u00ebrkoi falje. Kishte p\u00ebrgaditur dy paketime literatur\u00eb p\u00ebr mysafir\u00ebt. Edhe k\u00ebta m\u00eb lan\u00eb ca dhurata t\u00eb majme p\u00ebr profesor Kostallarin.<\/p>\n

N\u00eb ujdi me Sigurimin, p\u00ebr shoq\u00ebrim t\u00eb student\u00ebve t\u00eb Kosov\u00ebs, ishin caktuar Ko\u00e7o Bihiku e Jorgo Bulo, i pari historian n\u00eb Shkencat politike, i dyti, gjuh\u00ebtar n\u00eb Filologji, nj\u00ebher\u00ebsh pedagog\u00eb t\u00eb mi, n\u00eb Universitetin e Tiran\u00ebs. Nd\u00ebrsa Mehmet Elezi, kryeredaktor n\u00eb gazet\u00ebn “Studenti”.<\/p>\n

N\u00eb Hotel “Dajti” shkova n\u00eb mbremje. Nga holli d\u00ebgjova nj\u00eb bised\u00eb t\u00eb zhurmshme. Kurr\u00eb se kisha par\u00eb Ibrahim Rugov\u00ebn kaq nervoz n\u00eb bised\u00eb. Ko\u00e7o Bihiku ishte njeri i mir\u00eb, ligj\u00ebrues i Historis\u00eb s\u00eb Re Bot\u00ebrore, por, grindavec dhe polemist i z\u00ebsh\u00ebm. Pedagog\u00ebt mbronin Kadaren\u00eb, Ibrahimi dhe Rexhepi e mbronin profesor Qosjen, i cili kishte demantuar Kadaren\u00eb n\u00eb nj\u00eb shkrim, ku Kadareja b\u00ebnte nj\u00eb krahasim paushall se, gjoja, “let\u00ebrsia shqiptare ka arritur nivelin e let\u00ebrsis\u00eb evropiane” dhe, si shembull konkret, kishte cituar Migjenin.<\/p>\n

Qosja kishte reaguar se “let\u00ebrsia shqiptare nuk ka arritur as stadin ballkanik e l\u00ebre m\u00eb at\u00eb evropian”. Si duket, Qosja kishte t\u00eb drejt\u00eb, por edhe Kadareja e dinte k\u00ebt\u00eb. Sigurisht, shkrimi ishte b\u00ebr\u00eb me porosi t\u00eb partis\u00eb nga Kadareja.<\/p>\n

N\u00eb Shqip\u00ebri diktatura dhe varf\u00ebria b\u00ebnin k\u00ebrdin\u00eb. Arrestimet dhe d\u00ebnimet politike ishin shtuar, nd\u00ebrsa gjiri i lop\u00ebve dhe i n\u00ebnave-nuse kishte shterruar, nj\u00ebher\u00ebsh. P\u00ebr nj\u00eb lit\u00ebr qum\u00ebsht, duhej ngritur n\u00eb ora 4 t\u00eb mengjezit, p\u00ebr t\u00eb bredhur nga nj\u00ebra pik\u00eb shitjeje n\u00eb tjetr\u00ebn, p\u00ebr ta siguruar. Nd\u00ebrkoh\u00eb, propaganda komuniste, m\u00eb sakt\u00eb, lehaqene, trumb\u00ebtonte se “Shqip\u00ebria \u00ebsht\u00eb vendi m\u00eb i begat\u00eb n\u00eb Evrop\u00eb” dhe kur u prish me Kin\u00ebn, “m\u00eb i pasuri n\u00eb bot\u00eb!!” Hajde rren\u00eb, hajde!<\/p>\n

Rexhep Ismajli ishte idhnak n\u00eb bised\u00eb dhe un\u00eb druaja mos po l\u00ebshon fjal\u00eb t\u00eb pamatura dhe mund ta arrestonin. Nd\u00ebrhyra, krejt pa takt, dhe u thash\u00eb djem\u00ebve t\u00eb ngjitemi n\u00eb dhom\u00ebn e hotelit. Rexhep Ismailit nuk i pushonte goja. E trashi muhabetin, duke th\u00ebn\u00eb se “k\u00ebta t\u00eb Shqip\u00ebris\u00eb jan\u00eb m\u00ebsuar me citatet e Mao Ce Dunit dhe t\u00eb klasik\u00ebve t\u00eb marksiz\u00ebm-leninizmit, por un\u00eb jam gadi t\u00eb hyj n\u00eb provim me ta se sa e din\u00eb marksizmin!”<\/p>\n

P\u00ebrgjimi n\u00eb hotel, madje edhe kamera t\u00eb maskuara, jan\u00eb t\u00eb vendosura n\u00eb t\u00eb gjith\u00eb hap\u00ebsir\u00ebn. I b\u00ebta me shenj\u00eb Ibrahimit p\u00ebr p\u00ebrgjimin dhe Ai i tha Rexhepit, “un\u00eb po e p\u00ebrcjell\u00eb Idrizin deri ke konvikti, ti pusho pak”. U leht\u00ebsova nga ai ankth, edhe pse Rexhepi m\u00eb p\u00eblqente se ishte shum\u00eb luftarak, i drejt\u00ebp\u00ebrdrejt\u00eb dhe krejt i shpenguar n\u00eb bised\u00eb .<\/p>\n

Asaj nate mbet\u00ebm n\u00eb p\u00ebrcjellje t\u00eb nj\u00ebri-tjetrit. Kishim kaq mall p\u00ebr t\u00eb biseduar, sa nuk po e ndjenim shetitjen e ngadalshme dhe qendrimin n\u00eb k\u00ebmb\u00eb. Ibrahimi m\u00eb pyeste p\u00ebr gjith\u00e7ka: studimet, kushtet e jet\u00ebs. Ai donte t\u00eb m\u00ebsonte p\u00ebr jet\u00ebn e njer\u00ebzve me em\u00ebr, si: Tafil Boletini, me djalin Aliun, Zekirja Rexha, Ahmet Gashi, Selman Riza, Aziz Zhilivoda, Agim Gjakova, Kapllan Resuli, Adem Istrefi, Sadri Ahmetaj dhe disa t\u00eb tjer\u00eb.<\/p>\n

Ibrahimi dhe Rexhepi kishin vizituar “Qytetin Studenti”, n\u00eb shoq\u00ebrim t\u00eb Mehmet Elezit. Ibrahimi kishte k\u00ebrkuar t\u00eb vinte n\u00eb dhom\u00ebn time, por Mehmeti kishte mashtruar, duke th\u00ebn\u00eb se “nuk \u00ebsht\u00eb n\u00eb dhom\u00eb”. – Do t`i k\u00ebrkoj llogari pse ka g\u00ebnjyer, – i thash\u00eb un\u00eb. Por, Ibrahimi m`u lut t\u00eb mos i them. Dhe, u binda. Hija e asaj nate do t\u00eb ishte objekt i hetimit dhe i gjykimit tim dy vjet m\u00eb von\u00eb.<\/p>\n

P\u00ebrgjat\u00eb asaj nate, q\u00eb mbet\u00ebm duke e p\u00ebrcjellur nj\u00ebri-tjetrin, Ibrahimi me foli p\u00ebr vizit\u00ebn e ber\u00eb n\u00eb Qytetin Studenti, s\u00eb bashku me mikun e tij t\u00eb mir\u00eb, Rexhep Ismaili, i shoq\u00ebruar nga gazetari Mehmet Elezi. I kishte p\u00eblqyer gjith\u00eb\u00e7ka: Qyteti “Studenti, i ngritur mbi nj\u00eb kod\u00ebr, n\u00eb lindje t\u00eb Tiran\u00ebs. Kishte 19 nd\u00ebrtesa konviktore, q\u00eb quheshin – godina -.<\/p>\n

Dhomat ishin me hap\u00ebsir\u00eb, ajrim dhe ndri\u00e7im t\u00eb bollsh\u00ebm, me 8 shtret\u00ebr, dy kat\u00ebsh, por, edhe dhoma t\u00eb vogla qoshake, me dy ose tre sht\u00ebt\u00ebr t\u00eb hekurt\u00eb. Past\u00ebrtia ishte n\u00eb nivel. Menxa e student\u00ebve, banjot t\u00eb vendosura n\u00eb nj\u00eb nd\u00ebrtim nj\u00eb kat\u00ebsh, uji i t\u00eb cilave nxehej nga nj\u00eb kaldaj\u00eb me qymyr guri, pak m\u00eb larg nga konvikt\u00ebt.<\/p>\n

Biblioteka “Studenti”, salla e madhe e mbledhjeve dhe dhoma t\u00eb tjera rrethanore, ishte posht\u00eb konvikteve. Kurse, krejt n\u00eb fund t\u00eb qytetit “Studenti”, ishin t\u00eb gjitha fushat sportive. E gjith\u00eb hap\u00ebsira tok\u00ebsore e qytetit “Studenti”, ishte tok\u00eb e sekuestruar, pa shp\u00ebrblim, familjeve t\u00eb m\u00ebdha, vendor\u00eb tiranas. N\u00eb vitet `70-a, Shqip\u00ebria kishte 14 mij\u00eb student\u00eb.<\/p>\n

Ibrahimi fliste me pasion dhe i kishte b\u00ebr\u00eb p\u00ebrshtypje se si shoq\u00ebruesi Mehmet i \u00e7onte n\u00eb \u00e7do objekt, q\u00eb ishte n\u00eb sh\u00ebrbim t\u00eb student\u00ebve. Dhe, kujtuam at\u00eb konviktin- baraka, ku Ibrahimi me Rexhepin i filluan studimet n\u00eb Prishtin\u00eb. I ndodhur n\u00eb konak ke Ibrahimi, p\u00ebr t\u00eb hyr\u00eb n\u00eb WC-n\u00eb konviktore, mund t\u00eb shp\u00ebtoje pa u lagur, vet\u00ebm me \u00e7izme. Nd\u00ebrsa konviktet e reja, pak m\u00eb sip\u00ebr, ishin moderne, me kushte normale p\u00ebr ndej\u00eb, fjetje dhe studim.<\/p>\n

P\u00ebr Mehmet Elezin \u00ebsht\u00eb shpifur shum\u00eb, sikur ai ka qen\u00eb informator i Sigurimit. E v\u00ebrteta e shoq\u00ebrimit t\u00eb Ibrhim Rugov\u00ebs dhe Rexhep Ismailit, nga Mehmeti, \u00ebsht\u00eb kjo: Shef i Sigurimit p\u00ebr inteligjenc\u00ebn e Tiran\u00ebs ishte Bajram Do\u00e7i nga Tropoja, prej nga vinte edhe Mehmet Elezi. Personalisht, kam pasur probleme me shefin n\u00eb fjal\u00eb. Me nj\u00eb rast, duke qen\u00eb student\u00eb, mua dhe Sadri Tafilaj, nga L\u00ebbusha e De\u00e7anit, na thirri n\u00eb Ministrin\u00eb e Pun\u00ebve t\u00eb Brendshme dhe na k\u00ebrc\u00ebnoi t\u00eb mos hyjm\u00eb as n\u00eb Hotel “Dajti” dhe as t\u00eb mos i takojm\u00eb kurr\u00eb vizitor\u00ebt nga Kosova!<\/p>\n

Ne reaguam, bil\u00ebz Sadriu m\u00eb ashp\u00ebr, duke shp\u00ebrthyer edhe n\u00eb vaj\u00eb. “P\u00ebr k\u00ebt\u00eb Shqip\u00ebri ka luftuar edhe Kosova dhe kufizimet e tilla nuk i pranojm\u00eb”,- tha Sadriu, i cili ishte n\u00eb prag t\u00eb p\u00ebrfundimit t\u00eb studimeve dhe e em\u00ebruan m\u00ebsues t\u00eb matematik\u00ebs, m\u00eb sakt, e internuan, n\u00eb k\u00ebrshat e K\u00eblcyr\u00ebs t\u00eb P\u00ebrmetit. Nd\u00ebrkoh\u00eb, un\u00eb vazhdoja studimet dhe nuk ia vara fare as shefit Bajram dhe as koleg\u00ebve t\u00eb tij. Edhe arrestimi im \u00ebsht\u00eb b\u00ebr\u00eb ke “Dajti”.<\/p>\n

Reja e Enver Hoxh\u00ebs, nusja problematike Liljan\u00eb, q\u00eb akuzon p\u00ebr shum\u00eb\u00e7ka vjehrr\u00ebn Nexhmije, rr\u00ebfen nj\u00eb bised\u00eb me vjehrrin: “Enver Hoxha me tha se rinia jon\u00eb duhet t\u00eb udh\u00ebhiqet nga nj\u00eb kuad\u00ebr m\u00eb energjik. A ke ndonj\u00eb em\u00ebr p\u00ebr rinin\u00eb? – Un\u00eb i propozova Mehmet Elezin, gazetar i “Z\u00ebri i Popullit”. Enveri e pranoi dhe ai u em\u00ebrua Sekretar i Par\u00eb i Rinis\u00eb t\u00eb Shqip\u00ebris\u00eb”, – thot\u00eb Liljan\u00eb Hoxha.<\/p>\n

Mehmet Elezi ishte student i shk\u00eblqyer, Sekretar i suksessh\u00ebm i rinis\u00eb shqiptare, kryeredaktor i gazet\u00ebs qendrore “Z\u00ebri i Popullit”, kuad\u00ebr i lart\u00eb, n\u00eb kabinetin e Ramiz Alis\u00eb. “Un\u00eb nuk isha student i dhjetorit”,- \u00ebsht\u00eb titulli i nj\u00ebrit nga librat e Mehmet Elezit. Por, ai dor\u00ebzoi librez\u00ebn e kuqe dhe iu bashkua Partis\u00eb Demokratike t\u00eb Prof. Sali Berish\u00ebs.<\/p>\n

\n

<\/p>\n

\n
\n Loading… <\/div>\n