{"id":2977,"date":"2016-05-12T21:37:55","date_gmt":"2016-05-12T20:37:55","guid":{"rendered":"http:\/\/www.fjala.info\/?p=2977"},"modified":"2018-04-13T12:12:12","modified_gmt":"2018-04-13T11:12:12","slug":"fjala-e-plote-blushi-shperthen-ne-kuvend-rama-i-paafte-fycke-medioker","status":"publish","type":"post","link":"https:\/\/jehonashqiptare.al\/fjala\/fjala-e-plote-blushi-shperthen-ne-kuvend-rama-i-paafte-fycke-medioker\/","title":{"rendered":"FJALA E PLOTE\/ Blushi \u2018shp\u00ebrthen\u2019 n\u00eb Kuvend: Rama i paaft\u00eb, fy\u00e7k\u00eb, mediok\u00ebr"},"content":{"rendered":"

Marr\u00eb nga Panorama.al<\/a><\/em><\/p>\n

Kritiku i ashp\u00ebr i kryeministrit Rama, deputeti socialist Ben Blushi ka l\u00ebshuar sot akuza t\u00eb forta n\u00eb drejtim t\u00eb kreut t\u00eb qeveris\u00eb, duke e quajtur nj\u00eb t\u00eb paaft\u00eb t\u00eb madh.<\/strong><\/p>\n

Gjat\u00eb fjal\u00ebs n\u00eb Kuvend, Blushi ka barazuar Ram\u00ebn me Berish\u00ebn n\u00eb paaft\u00ebsi dhe d\u00ebmin e madh q\u00eb i kan\u00eb shkaktuar e po i shkaktojn\u00eb p\u00ebrdit\u00eb vendit.<\/em><\/p>\n

Blushi e nisi fjal\u00ebn me shkat\u00ebrrimin e masakrimin q\u00eb me dashje qeveria po i b\u00ebn interesit publik n\u00eb favor t\u00eb atij privat e p\u00ebr interesa private.<\/em><\/p>\n

Fjala e Blushit <\/strong><\/p>\n

Ky Parlament jo vet\u00ebm nuk e mbron, por e shantazhin, e masakron interesin publik t\u00eb qytetar\u00ebve shqiptar\u00eb. Ka nj\u00eb koncept t\u00eb pranuesh\u00ebm nga t\u00eb gjith\u00eb se \u00e7far\u00eb \u00ebsht\u00eb interes publik. A e mbron interesin publik, a po merr sot ndonj\u00eb vendim p\u00ebr t\u00eb mbrojtur interesin publik t\u00eb shqiptar\u00ebve sa i takon pron\u00ebs, jet\u00ebs, arsimit dhe sh\u00ebndet\u00ebsis\u00eb? T\u00eb gjitha t\u00eb drejta themelore. P\u00ebr t\u00eb kuptuar \u00e7far\u00eb \u00ebsht\u00eb interesi publik dhe p\u00ebr t\u00eb th\u00ebn\u00eb si mbrohet apo si sabotohet ai po jap nj\u00eb rast dhe ky nuk ka ndodhur shekullin e kaluar, por para nj\u00eb jave.<\/p>\n

Nj\u00eb grua me tre f\u00ebmij\u00eb po shkonte p\u00ebr t\u00eb par\u00eb burrin e saj n\u00eb burg. Shteti me dashje i kishte cenuar mund\u00ebsin\u00eb p\u00ebr tu mbrojtur nga rruga. Aksident jo nga pakujdesia, por nga sabotimi i interesit publik. Vdiq\u00ebn dy f\u00ebmij\u00eb. Do tua them edhe pse u fut ai n\u00eb burg. A foli njeri p\u00ebr k\u00ebta dy f\u00ebmij\u00eb q\u00eb humb\u00ebn jet\u00ebn? Po p\u00ebr nj\u00eb familje q\u00eb u shkat\u00ebrrua? Askush nga k\u00ebta. Aq m\u00eb pak ai, q\u00eb duhet t\u00eb fliste m\u00eb shum\u00eb, Kryeministri i Shqip\u00ebris\u00eb. Po \u00e7\u00ebshtja \u00ebsht\u00eb kush e hoqi trafikndar\u00ebsen? Nj\u00eb interes privat. Ato 10 metra kangjella t\u00eb hequra masakruan dy f\u00ebmij\u00eb dhe nj\u00eb familje q\u00eb nuk do ta marr\u00eb m\u00eb kurr\u00eb jet\u00ebn.<\/p>\n

Kush e d\u00ebmtoi interesin publik? Ua them un\u00eb kush e d\u00ebmtoi. Interesi privat. Nevoja e qeveris\u00eb p\u00ebr t\u00eb mbrojtur interesin privat para interesit publik shkaktoi dy viktima, nj\u00eb tre vje\u00e7, nj\u00eb pes\u00eb vje\u00e7 dhe bashk\u00eb me ata edhe prind\u00ebrit e tyre. Po pse ishin hequr ato 10 metra ndar\u00ebse trafiku? Ishte pakujdesi? Nuk kishte para? Ishte borxhi shum\u00eb i lart\u00eb dhe nuk e rregullonin dot rrug\u00ebn? Jo. Ishin hequr p\u00ebr ti sh\u00ebrbyer nj\u00eb karburanti privat. K\u00eb mbrojti n\u00eb k\u00ebt\u00eb rast qeveria? Karburantin privat. A keni par\u00eb prej 10 dit\u00ebsh q\u00eb ka ndodhur aksidenti t\u00eb shkoj\u00eb shteti atje dhe t\u00eb rivendos\u00eb kangjell\u00ebn q\u00eb hoqi p\u00ebr t\u00eb mbrojtur nj\u00eb karburant privat? Jo. Shikoni me \u00e7far\u00eb llogjesh merren.<\/p>\n

Do tu them edhe tjetr\u00ebn, pse p\u00ebrfundoi kjo familje n\u00eb burg? Sepse babai i k\u00ebtyre vajzave q\u00eb shteti nuk i mbrojti, por i \u00e7oi n\u00eb humbje jete, ky kishte nd\u00ebrtuar nj\u00eb \u00e7ati n\u00eb tok\u00ebn e tij. Nuk kishte zaptuar ndonj\u00eb tok\u00eb dhe p\u00ebrfundoi n\u00eb burg prej 6 muajsh. Sa para atij duhet t\u00eb ishin n\u00eb burg, edhe nga ky parlament? Q\u00eb zaptojn\u00eb prona? Interesin e kujt mbron qeveria, interesin privat, apo interesin publik? Apo interesi publik cenohet vet\u00ebm kur vjen puna te t\u00eb varfrit?<\/p>\n

Doni tu jap nj\u00eb rast tjet\u00ebr? \u00cbsht\u00eb rasti i fundit n\u00eb Sarand\u00eb q\u00eb tregon se si mbrohet dhe n\u00eb fakt se si cenohet dhe sabotohet interesi publik n\u00eb Shqip\u00ebri. Ka tre dit\u00eb q\u00eb flitet p\u00ebr nj\u00eb trafik t\u00eb madh droge n\u00eb Sarand\u00eb. Nuk e di kush \u00ebsht\u00eb ai njeri, kujt i ka dh\u00ebn\u00eb m\u00eb shum\u00eb para, Rilindjes, PS-s\u00eb, PD-s\u00eb, apo LSI-s\u00eb. Kjo nuk m\u00eb intereson. E dini \u00e7far\u00eb m\u00eb intereson? Ky njeri \u00ebsht\u00eb akoma n\u00eb pun\u00eb sot, deri dje n\u00eb pakt\u00ebn. P\u00ebr \u00e7far\u00eb thot\u00eb qeveria e kam hetuar prej tre muajsh dhe ai vazhdon pun\u00eb? Ai hetohet pik\u00ebrisht p\u00ebr pun\u00ebn q\u00eb b\u00ebn, p\u00ebr transportin. Ajo ishte detyra e tij, drejtor i transportit. A mbrohet k\u00ebtu interesi publik? Jo, k\u00ebtu mbrohet interesi privat.<\/p>\n

Ne k\u00ebtu ndahemi n\u00eb mbrojt\u00ebs t\u00eb interesit publik dhe c\u00ebnues t\u00eb interesit publik dhe qeveria n\u00eb shum\u00eb raste e saboton interesin publik. Po u marr nj\u00eb rast tjet\u00ebr. K\u00ebtu ka \u00e7udira. Ky \u00ebsht\u00eb b\u00ebr\u00eb kryeministri m\u00eb i \u00e7uditsh\u00ebm n\u00eb k\u00ebto an\u00eb q\u00eb po jetojm\u00eb. Ishin disa protestues dhe \u00e7far\u00eb ndryshonin ata q\u00eb dol\u00ebn dje te Gjykata? Nuk ndryshonin. Ata shkuan t\u00eb protestojn\u00eb p\u00ebr nj\u00eb stadium me majuc. Doli kryeministri dhe tha \u201cn\u00ebse doni t\u00eb merrni nj\u00eb vendim, shkoni merrni vota\u201d. Nuk ka gj\u00eb m\u00eb cinike se kaq, nuk ka gj\u00eb m\u00eb mendjeleht\u00eb se kaq, m\u00eb fy\u00e7k\u00eb se kaq. Po pse mor zot\u00ebri, nj\u00eb m\u00ebsues q\u00eb ankohet p\u00ebr nj\u00eb padrejt\u00ebsi duhet t\u00eb b\u00ebj\u00eb nj\u00eb parti q\u00eb ta zgjidh\u00eb at\u00eb pun\u00eb? Nj\u00eb fukara q\u00eb ankohet se asistenca ekonomike \u00ebsht\u00eb e pamjaftueshme duhet t\u00eb b\u00ebj\u00eb nj\u00eb parti q\u00eb t\u00eb marr\u00eb vota?<\/p>\n

Kush ka t\u00eb drejt\u00eb t\u00eb marr\u00eb vendime? Vet\u00ebm ata q\u00eb kan\u00eb vota? Vet\u00ebm ne 140 q\u00eb jemi k\u00ebtu? Kjo nuk \u00ebsht\u00eb nj\u00eb fjal\u00eb prej nj\u00eb mendjelehti, kjo \u00ebsht\u00eb shprehje e nj\u00eb njeriu t\u00eb paaft\u00eb, i cili p\u00ebr fat t\u00eb keq prej 3 vjet\u00ebsh po na provon q\u00eb e vetmja cil\u00ebsi q\u00eb ka \u00ebsht\u00eb paaft\u00ebsia. Un\u00eb e kam quajtur mediokritet, por kjo \u00ebsht\u00eb nj\u00eb fjal\u00eb pak e bukur, nuk i takon. Edi Rama \u00ebsht\u00eb i paaft\u00eb p\u00ebr t\u00eb na qeverisur, po administron Shqip\u00ebrin\u00eb shum\u00eb keq prej tre vjet\u00ebsh dhe po t\u00eb doni e vazhdoj k\u00ebt\u00eb debat sa t\u00eb doni. Por nuk \u00ebsht\u00eb vet\u00ebm kaq. Her\u00ebn e kaluar ika nga ky Parlament, kat\u00ebr or\u00eb foli kryetari i Rilindjes, kat\u00ebr or\u00eb t\u00eb tjera foli ky ish kryetari i Lindjes, se k\u00ebshtu i ndaj tani. Dhe \u00e7far\u00eb \u00ebsht\u00eb Lindja? Nga lindja na kan\u00eb ardhur t\u00eb gjitha k\u00ebto problemet q\u00eb kemi sot. Lindja \u00ebsht\u00eb dhunim, mediokritet, paaft\u00ebsi, vjedhje votash, represion brenda partis\u00eb. K\u00ebt\u00eb po b\u00ebn edhe kryetari i Rilindjes.<\/p>\n

E vetmja gj\u00eb q\u00eb Edi Rama po b\u00ebn prej tre vjet\u00ebsh, \u00ebsht\u00eb q\u00eb po lyen me boj\u00eb g\u00ebrmadh\u00ebn e Sali Berish\u00ebs. Ajo mbetet prap\u00eb g\u00ebrmadh\u00eb, lyeje si t\u00eb duash. V\u00ebri streh\u00eb si\u00e7 ka ndodhur te kryeministria, ajo mbetet prap\u00eb g\u00ebrmadh\u00eb. Kjo \u00ebsht\u00eb puna e Edi Ram\u00ebs n\u00eb tre vjet. Dhe \u00e7far\u00eb ndodh n\u00eb k\u00ebt\u00eb Parlament? Konkurrojn\u00eb t\u00eb dy me njeri tjetrin, po konkurron e djeshmja me t\u00eb pardjeshmen, nj\u00eb paaft\u00ebsi e vjet\u00ebr, me nj\u00eb paaft\u00ebsi t\u00eb re. Kush \u00ebsht\u00eb bilanci i tyre n\u00eb 25 vjet? Kryetari i Lindjes ka 25 vjet q\u00eb drejton, ky tjetri ka 18 vjet.<\/p>\n

\u00c7far\u00eb \u00ebsht\u00eb bilanci sot i Shqip\u00ebris\u00eb? Shpopullim, papun\u00ebsi, r\u00ebnie ekonomike, ikje e investimeve t\u00eb huaja, munges\u00eb besimi te shteti, cenim sovraniteti. Po na b\u00ebjn\u00eb qesharak, sepse jemi t\u00eb paaft\u00eb, drejtohemi nga dy t\u00eb paaft\u00eb, nj\u00eb i djesh\u00ebm, nj\u00eb i sot\u00ebm. Tu them p\u00ebr \u00e7far\u00eb konkurrojn\u00eb k\u00ebta t\u00eb dy. Kat\u00ebr or\u00eb seanc\u00ebn e kaluar, kat\u00ebr or\u00eb sot. Kush ka shkaktuar m\u00eb shum\u00eb papun\u00ebsi n\u00eb Shqip\u00ebri, Sali Berisha apo Edi Rama. Kjo \u00ebsht\u00eb konkurrenca. Kush ka hequr m\u00eb shum\u00eb njer\u00ebz nga puna respektivisht, kush po merr m\u00eb shum\u00eb borxh publik. P\u00ebr k\u00ebt\u00eb po konkurrojn\u00eb. Nj\u00ebri thot\u00eb kam marr\u00eb 1.6 miliard, tjetri thot\u00eb kam shlyer 2.2 miliard. N\u00eb total jemi 75% borxh publik dhe mohojeni po t\u00eb doni.<\/p>\n

Ka ardhur koha ta themi pa hezitim, \u00ebsht\u00eb konkurrenc\u00eb n\u00eb paaft\u00ebsi. Rama foli sot p\u00ebr tre pika. Tha se fakti q\u00eb po vijn\u00eb kinez\u00ebt n\u00eb Shqip\u00ebri \u00ebsht\u00eb shum\u00eb mir\u00eb. Edhe un\u00eb them shum\u00eb mir\u00eb, nuk kam asnj\u00eb paragjykim. Pyetja nuk \u00ebsht\u00eb pse vijn\u00eb kinez\u00ebt se ata jan\u00eb tregtar\u00eb, pyetja \u00ebsht\u00eb pse ikin gjerman\u00ebt dhe kanadez\u00ebt. \u00c7mimi i naft\u00ebs po rritet, pse ik\u00ebn nj\u00eb kompani kanadeze? Pse ik\u00ebn nj\u00eb kompani gjermane nga aeroporti? Ka nj\u00eb imazh. Shkoni n\u00eb nj\u00eb fshat t\u00eb vog\u00ebl dhe n\u00ebse aty shikoni vet\u00ebm g\u00ebrmadha askush prej jush nuk shkon t\u00eb b\u00ebj\u00eb pushime. Po n\u00ebse shikoni q\u00eb ka nj\u00eb hotel t\u00eb mir\u00eb dhe gatuhet mir\u00eb, dhe ka njer\u00ebz normal aty do shkoni prap\u00eb p\u00ebr pushime. K\u00ebshtu \u00ebsht\u00eb edhe rasti jon\u00eb. N\u00ebse nga Europa dhe SHBA shohin q\u00eb k\u00ebtu investojn\u00eb vet\u00ebm kinez\u00eb edhe turq (shum\u00eb mir\u00eb q\u00eb investojn\u00eb) dhe shohin q\u00eb gjerman\u00eb e kanadez\u00eb ikin, mendoni se do vijn\u00eb prap\u00eb gjerman\u00eb dhe kanadez\u00eb t\u00eb tjer\u00eb? Nuk besoj.<\/p>\n

Kjo ndodh vet\u00ebm p\u00ebr nj\u00eb arsye sepse ekonomia jon\u00eb po bie dhe ka m\u00eb pak konsum. Kinez\u00ebt kan\u00eb m\u00eb shum\u00eb para sot, kan\u00eb m\u00eb shum\u00eb mund\u00ebsi t\u00eb durojn\u00eb, nd\u00ebrsa t\u00eb tjer\u00ebt nuk mund t\u00eb durojn\u00eb q\u00eb k\u00ebtu t\u00eb ket\u00eb r\u00ebnie konsumi, r\u00ebnie klientele. Foli p\u00ebr \u00e7\u00ebshtjen e pronave. Pronat nuk jan\u00eb reform\u00eb, por deformim i papar\u00eb i asaj \u00e7far\u00eb mund t\u00eb ishte nj\u00eb reform\u00eb. ky \u00ebsht\u00eb totalisht i paaft\u00eb. Nuk ka ligj p\u00ebr t\u00eb kthyer pronat, por p\u00ebr trajtimin e pron\u00ebs. Ky nuk matet me metrin e s\u00eb ardhmes, por me metrin e s\u00eb djeshmes. B\u00ebn konkurrenc\u00eb me Saliun. Tha se ne jemi krenar\u00eb q\u00eb po paguajm\u00eb 500 milion\u00eb euro p\u00ebr pronat e pakthyera. Un\u00eb kam nj\u00eb pyetje, pse ti merr lek\u00ebt e mia p\u00ebr tua dh\u00ebn\u00eb atyre q\u00eb mund ti kompensosh fizikisht? A ka Shqip\u00ebria nj\u00eb fond publik, prona t\u00eb pakthyera? Ktheja pronar\u00ebve dhe dit\u00ebn q\u00eb ato nuk mjaftojn\u00eb fut dor\u00ebn n\u00eb buxhet p\u00ebr ti kompensuar. Kjo nuk po ndodh.<\/p>\n