{"id":31387,"date":"2018-07-21T01:15:43","date_gmt":"2018-07-20T23:15:43","guid":{"rendered":"http:\/\/www.fjala.info\/?p=31387"},"modified":"2018-07-21T01:16:04","modified_gmt":"2018-07-20T23:16:04","slug":"nje-dite-korriku-ne-muskoka","status":"publish","type":"post","link":"https:\/\/jehonashqiptare.al\/fjala\/nje-dite-korriku-ne-muskoka\/","title":{"rendered":"NJ\u00cb DIT\u00cb KORRIKU N\u00cb MUSKOKA"},"content":{"rendered":"

KRISTAQ TURTULLI <\/strong><\/p>\n

novel\u00eb<\/em><\/p>\n

1<\/strong>.<\/p>\n

Rruga dyt\u00ebsore \u2018Fishk\u00ebllima e shigjet\u00ebs\u2019 dredhon haresh\u00ebm n\u00ebp\u00ebrmjet nj\u00eb pylli t\u00eb dendur me pem\u00eb t\u00eb larta dhe t\u00eb nxjerr n\u00eb skajin e majt\u00eb t\u00eb liqenit Muskoka. P\u00ebrnj\u00ebmend t\u00eb b\u00ebhet sikur udh\u00ebton n\u00eb nj\u00eb tunel t\u00eb gjelb\u00ebruar dhe mahnitesh me shk\u00eblqimin dhe transparenc\u00ebn e ngjyrave. Rezet fosforeshente t\u00eb diellit m\u00ebngjesor thyhen n\u00ebp\u00ebr deg\u00eb dhe gjethe, lodrojn\u00eb t\u00eb shpenguara dhe krijuar hieroglif\u00eb t\u00eb lashta sa vete bota. Xhamat e makin\u00ebs jan\u00eb t\u00eb hapura, \u00ebmb\u00eblsisht t\u00eb p\u00ebrk\u00ebdhel fytyr\u00ebn, trupin, ajri i fresk\u00ebt m\u00ebngjesor dhe era e lag\u00ebsht e ujit. Nga radioja d\u00ebgjohet muzik\u00eb e \u00ebmb\u00ebl qyteti. N\u00eb dy an\u00ebt e rrug\u00ebs shfaqen dhe lihen pas rrugina t\u00eb ngushta si t\u00eb fshehura, t\u00eb cilat dredhojn\u00eb n\u00ebp\u00ebr pyll dhe t\u00eb \u00e7ojn\u00eb n\u00eb sht\u00ebpit\u00eb e drunjta t\u00eb rrethuara me jeshill\u00ebk, me plot freski dhe drit\u00eb.
\nTutje, n\u00eb fund t\u00eb labirintit gjelb\u00ebror dallohet kalt\u00ebrsia ujore e liqenit, si nj\u00eb unaz\u00eb qiellore e flladitur prej gjetheve dhe deg\u00ebve. Zemra rreh me vrull dhe makina ngadal\u00ebson shpejt\u00ebsin\u00eb. Liqeni fillon dhe shfaqet i t\u00ebri me joshjen dhe magjin\u00eb ujore. Makina frenon n\u00eb krahun e majt\u00eb t\u00eb sheshit t\u00eb vog\u00ebl t\u00eb parkimit \u2018 Dielli lind\u2019. N\u00eb t\u00eb djatht\u00eb t\u00eb liqenit t\u00eb Muskok\u00ebs. Disa metra larg rrot\u00ebs s\u00eb madhe metalike, t\u00eb ndryshkur prej koh\u00ebs q\u00eb q\u00ebndron si simbol i ardh\u00ebsve t\u00eb par\u00eb. N\u00eb pllak\u00ebn metalike p\u00ebrkujtimore, shkruhet:
\nN\u00eb k\u00ebt\u00eb vend n\u00eb vitin 1825 nd\u00ebrtoi mullirin dhe ka jetuar ardh\u00ebsi i par\u00eb i k\u00ebsaj zone Xhoni i rrepti me t\u00eb bijt\u00eb. N\u00eb vitin 1895 mulliri u dogj nga nj\u00eb zjarr i befasish\u00ebm dhe nuk u rind\u00ebrtua m\u00eb prej t\u00eb bijve.
\nNdan\u00eb rrug\u00ebs, n\u00eb t\u00eb djatht\u00eb, gjendet nj\u00eb ur\u00eb e drunjt\u00eb e ngr\u00ebn\u00eb nga reshjet dhe koha e cila t\u00eb \u00e7on disa metra m\u00eb posht\u00eb n\u00eb l\u00ebndin\u00ebn e but\u00eb, me bar posa t\u00eb kositur. Dehesh prej er\u00ebs s\u00eb fresk\u00ebt t\u00eb blerimit. N\u00eb t\u00eb dy an\u00ebt e bregut ka pak r\u00ebr\u00eb t\u00eb im\u00ebt, t\u00eb verdh\u00eb. N\u00eb k\u00ebt\u00eb k\u00ebnd t\u00eb dashur t\u00eb mbrojtur prej er\u00ebs, marrin rreze dielli dhe lahen n\u00eb liqenin Muskoka banor\u00ebt e qytetit Engj\u00eblli i bardh\u00eb.
\nShum\u00eb familje nga qyteti Engj\u00eblli i bardh\u00eb\u2019, nuk kan\u00eb prona dhe dalje buz\u00eb liqenit t\u00eb kulluar me uj\u00eb t\u00eb past\u00ebr dhe t\u00eb ngroht\u00eb. Sht\u00ebpit\u00eb e tyre gjenden n\u00eb an\u00ebn e kund\u00ebrt t\u00eb rrug\u00ebs, t\u00eb rrethuara prej pem\u00ebve t\u00eb larta ose n\u00eb qend\u00ebr t\u00eb qytetit. Ata t\u00eb k\u00ebnaqur e preferojn\u00eb dhe e frekuentojn\u00eb gjithnj\u00eb k\u00ebt\u00eb cep t\u00eb k\u00ebndsh\u00ebm, vend me bukuri natyrore. Edhe k\u00ebtu, disa metra larg bregut gjendet nj\u00eb pllak\u00eb p\u00ebrkujtimore ku shkruhet:
\nKy vend publik p\u00ebr \u00e7lodhjen e arg\u00ebtimin e banoreve u krijua n\u00eb vitin 1876 me d\u00ebshir\u00ebn e mir\u00eb dhe ndihmes\u00ebn e vet\u00eb banoreve t\u00eb qytetit Engj\u00eblli i bardh\u00eb
\nMakinat e pushuesve frenojn\u00eb buz\u00eb rrug\u00ebs, shpijn\u00eb k\u00ebmb\u00ebt, soditin nj\u00eb cop\u00eb her\u00eb natyr\u00ebn. Marrin frym\u00eb thell\u00eb, mbushen me aj\u00ebr t\u00eb fresk\u00ebt, pastaj i parkojn\u00eb makinat n\u00eb parkingun: \u2019Dielli lind,\u2019 t\u00eb shtruar me zhavorr t\u00eb im\u00ebt. Ata p\u00ebrsh\u00ebndesin me z\u00eb t\u00eb ul\u00ebt njeri-tjetrin. T\u00ebrheqin nga bagazhet e makinave sendet e nevojshme dhe drejtohen me hapa t\u00eb matura drejt stolave dhe tavolinave t\u00eb drunjta. Q\u00ebndrojn\u00eb nj\u00eb cop\u00eb her\u00eb dhe kundrojn\u00eb me k\u00ebnaq\u00ebsi kalt\u00ebrsin\u00eb dhe magjin\u00eb ujore t\u00eb liqenit. Shtrojn\u00eb mbi bar ose n\u00eb r\u00ebr\u00eb \u00e7ar\u00e7af\u00ebt dhe peshqir\u00ebt. Ndihmojn\u00eb shoqi-shoqin t\u00eb lyhen me vaj plazhi dhe m\u00eb pas prehen t\u00eb shpenguar pa shk\u00ebputur v\u00ebshtrim e ngul\u00ebt nga liqeni.
\nDisa pushues t\u00eb tjer\u00eb hapin stolat portative fare pran\u00eb ujit, buz\u00eb bordur\u00ebs s\u00eb betont\u00eb. Han\u00eb me t\u00eb shpejt\u00eb hamburger. Ata jan\u00eb si gjithnj\u00eb t\u00eb paduruar, duan t\u00eb lahen p\u00ebr t\u00eb shpir\u00eb trupin dhe t\u00eb gjuajn\u00eb peshq. P\u00ebrflitet se n\u00eb liqenin Muskoka gjendet nj\u00eb peshk i madh, i bukur, por askush nuk ka mundur ta hedh\u00eb n\u00eb rrjet\u00eb ose ta kap\u00eb me grep. Peshqit e kapur me grep, kryesisht salmon ose tuna, nuk i han\u00eb, i gjuajn\u00eb vet\u00ebm p\u00ebr t\u00eb kaluar kok\u00ebn, p\u00ebr k\u00ebnaq\u00ebsi. V\u00ebshtrojn\u00eb t\u00eb ngaz\u00eblluar nj\u00eb cop\u00eb her\u00eb p\u00ebrdredhjen e peshqve, t\u00eb kapur nga grepi e q\u00eb rr\u00ebz\u00ebllejn\u00eb t\u00eb uj\u00ebsuar n\u00ebn shk\u00eblqimin diellor. Pastaj me dhembshuri dhe kujdes u heqin grepat dhe i l\u00ebshojn\u00eb s\u00ebrish n\u00eb liqen. Ndjekin sy pic\u00ebrruar duke p\u00ebrtypur \u00e7am\u00e7ak\u00ebz\u00eb notimin e plog\u00ebt t\u00eb ujor\u00ebve t\u00eb cil\u00ebt marrin veten me v\u00ebshtir\u00ebsi prej grepit t\u00eb metalt\u00eb e m\u00eb pas zhduken n\u00ebn uj\u00eb. Ka nga ata peshq budallenj q\u00eb nuk kuptojn\u00eb mir\u00eb \u00e7\u2019\u00ebsht\u00eb p\u00ebsimi. Bihen dy her\u00eb n\u00eb grep dhe peshkatar\u00ebt amator\u00eb tundin kokat t\u00eb m\u00ebrzitur. Edhe ata vet\u00eb nuk e kan\u00eb p\u00ebr mbar\u00eb nj\u00eb peshk kaqol t\u00eb kapur prej grepit dy her\u00eb.
\nM\u00eb i dalluari prej tyre \u00ebsht\u00eb Stive topalli me profesion postier. \u00c7alimi i k\u00ebmb\u00ebs s\u00eb majt\u00eb i \u00ebsht\u00eb shkaktuar prej kafshimit t\u00eb gjarprit, kur po shp\u00ebrndante post\u00ebn n\u00ebp\u00ebr rrethina, shum\u00eb vite m\u00eb par\u00eb. P\u00ebr shkak t\u00eb k\u00ebmb\u00ebs i afruan pun\u00eb n\u00eb post\u00ebn qendrore, n\u00eb seleksionimin e letrave. Stive i fyer nuk e pranoi, nuk mund t\u00eb b\u00ebhej Stive Foks mi i vog\u00ebl zyre. Stive Foks ishte dre i lir\u00eb, i lidhur me pyllin, me er\u00ebn e liqenit dhe drer\u00ebt ngandonj\u00ebher\u00eb i d\u00ebmtojn\u00eb k\u00ebmb\u00ebt por kurr\u00eb nuk e nd\u00ebrpresin vrapin.
\nGjat\u00eb nat\u00ebs Stive topalli sillej dhe v\u00ebrtitej n\u00ebp\u00ebr shtrat aq sa zgjoi t\u00eb shoqen nga gjumi.
\n\u2013 Stive, \u2013 iu g\u00ebrmuq Sara dhe e q\u00eblloi me shkelm n\u00eb vithe. Kur ajo plasej n\u00eb shtrat e b\u00ebnte dyshekun pet\u00eb dhe Stive i dukej sikur l\u00ebkundej dhe fundosej n\u00eb liqenin me dallg\u00eb.
\nStive u zgjua i trembur.
\n\u2013 H\u00eb, \u2013 ia b\u00ebri dhe f\u00ebrkoi t\u00eb ndenjurat.
\n\u2013 Mjaft m\u2019u p\u00ebrdrodhe si peshk i kapur nga grepi.
\n\u2013 Sara, p\u00ebr her\u00eb t\u00eb par\u00eb n\u00eb jet\u00ebn time pash\u00eb \u00ebnd\u00ebrr sikur zura peshkun e madh, \u2013 m\u00ebrm\u00ebriti ai.
\n\u2013 Peshkun e madh! \u2013 ia pat Sara dhe ndezi drit\u00ebn e komodin\u00ebs. K\u00ebqyri me kujdes fytyr\u00ebn e mbufatur t\u00eb shoqit, n\u00ebnqeshi me t\u00eb keq dhe shtoi: \u2013 Stive im i gjor\u00eb! Nuk e shkul dot prej trurit k\u00ebt\u00eb marr\u00ebzi. S\u2019ma merr mendja t\u00eb dal\u00eb burr\u00eb n\u00ebne t\u00eb kap\u00eb at\u00eb peshk magjik.
\n\u2013 Nuk ka, \u2013 psher\u00ebtiu Stive. Ai kish par\u00eb \u00ebnd\u00ebrr sikur peshkoi peshkun e madh dhe bridhte kryelart\u00eb, duke u tundur dhe shkundur n\u00ebp\u00ebr rrug\u00ebt e qytetit. Dikush i thirri nga larg: \u201cStive mos k\u00ebrce si kangur, \u00e7do gj\u00eb q\u00eb shfaqet \u00ebsht\u00eb g\u00ebnjesht\u00ebr.\u201d Ai nuk i ktheu p\u00ebrgjigje. T\u00eb ishin vall\u00eb bashk\u00ebqytetar\u00ebt kaq t\u00eb verb\u00ebr. Apo xheloz\u00eb se Stive Foks do t\u00eb mbahej mend sa t\u00eb jet\u00eb jeta n\u00eb Muskok\u00eb.
\n\u2013 \u00cbndrrat n\u00eb dit\u00eb me diell b\u00ebhen qiqra n\u00eb hell, \u2013 foli Sara dhe mbylli drit\u00ebn. U rrotullua disa her\u00eb n\u00eb shtrat dhe mbuloi kok\u00ebn me jorgan.
\nStive topalli u kthye n\u00eb krah dhe hung\u00ebriti i nervozuar:
\n\u2013 P\u00ebr dreq nuk ka burr\u00eb n\u00ebne t\u00eb mb\u00ebrthej\u00eb at\u00eb kukudh peshk.
\nPeshku i madh v\u00ebrtitet si fantazm\u00eb n\u00eb qindra e qindra vjet n\u00eb mendjet e brezave. Nativ\u00ebt qen\u00eb lund\u00ebrtar\u00eb dhe peshkatar\u00eb shum\u00eb t\u00eb zot\u00eb e k\u00ebrkuan me ngulm dhe e gjuajt\u00ebn pa nd\u00ebrprerje at\u00eb peshk. Peshku i madh u shkiste nd\u00ebr duarsh dhe nuk mund\u00ebn ta kapnin dot.
\nStive topalli u ndje i mjer\u00eb q\u00eb kish peshkuar n\u00eb \u00ebnd\u00ebrr peshkun e madh.<\/p>\n

2<\/strong>.
\nZ\u00ebra t\u00eb g\u00ebzuar vijn\u00eb nga larg, n\u00eb an\u00ebn e kund\u00ebrt t\u00eb liqenit, prej jahteve t\u00eb vogla p\u00eblhur\u00ebbardha. Grupe t\u00eb rinjsh b\u00ebjn\u00eb l\u00ebvizje t\u00eb shkath\u00ebta, hapin krah\u00ebt, k\u00ebrcejn\u00eb, qeshin, ngacmojn\u00eb njeri tjetrin dhe kridhen me shpejt\u00ebsi n\u00eb uj\u00eb. Motoskaf\u00ebt e shpejt\u00eb t\u00ebrheqin lund\u00ebrtar\u00ebt amatore, t\u00eb cil\u00ebt b\u00ebjn\u00eb fluturime akrobatike n\u00eb aj\u00ebr, t\u00eb mbajtur mbas litar\u00ebve t\u00eb tendosur. Motoskaf\u00ebt zhurm\u00ebm\u00ebdha \u00e7ajn\u00eb ujin me shpejt\u00ebsi. U bien p\u00ebrqark ishujve t\u00eb pyll\u00ebzuar, n\u00eb brend\u00ebsi t\u00eb tyre jan\u00eb nd\u00ebrtuar sht\u00ebpi t\u00eb bardha pushimi me verand\u00eb druri.
\nBanor\u00ebt e qytetit Engj\u00eblli i bardh\u00eb, jan\u00eb t\u00eb lidhur shum\u00eb ngusht\u00eb me liqenin jet\u00ebdh\u00ebn\u00ebs Muskoka. Ata nuk shk\u00ebputen prej tij n\u00eb \u00e7do stin\u00eb t\u00eb vitit edhe n\u00eb dimrin e eg\u00ebr ku fryn era e fort\u00eb, b\u00ebn ngric\u00eb dhe r\u00ebndon d\u00ebbora e madhe e bardh\u00eb. Liqeni ngrin n\u00eb gjith\u00eb hap\u00ebsir\u00ebn e tij. Dhe ngjan si nj\u00eb hap\u00ebsir\u00eb e bardh\u00eb e pamat\u00eb, r\u00ebnduar shpesh her\u00eb prej mjegull\u00ebs. Akulli \u00ebsht\u00eb i trash\u00eb dhe ta b\u00ebjn\u00eb gara vrapimi, luajn\u00eb me patina. Peshkatar\u00ebt t\u00eb mbrojtur prej barakave portative \u00e7ajn\u00eb akullin, hapin vrima dhe gjuajn\u00eb peshq. Ndonj\u00eb kok\u00ebkrisur zhvishet me ngut, flak teshat p\u00ebrdhe, futet me kok\u00eb brenda dhe noton n\u00eb uj\u00eb e ftoht\u00eb brisk.
\nK\u00ebtu n\u00eb k\u00ebt\u00eb vend piktoresk vijn\u00eb dhe ndalen familje t\u00eb pasionuara t\u00eb ardhura prej qindra kilometra larg, nga qyteti i Torontos e t\u00eb rrethinave p\u00ebrreth. Ata jan\u00eb kureshtar\u00eb, d\u00ebshirojn\u00eb t\u00eb zbulojn\u00eb rajonin e bukur dhe turistik t\u00eb Muskok\u00ebs.
\nArdh\u00ebsit zbresin nga makinat. Ndalen. Shpijn\u00eb k\u00ebmb\u00ebt prej rrug\u00ebtimit t\u00eb gjat\u00eb. Soditin natyr\u00ebn, mrekullohen dhe ngrohen n\u00ebn diellin shk\u00eblqimtar t\u00eb kthin\u00ebs s\u00eb zbuluar n\u00eb buz\u00eb t\u00eb rrug\u00ebs. Mezi gjejn\u00eb ndonj\u00eb stol bosh. Vendosin me shkujdesje, p\u00ebrdhe sendet e tyre. Ndezin stufat e vogla portative me bombola gazi p\u00ebr t\u00eb pjekur mishin e derrit, t\u00eb qengjit ose k\u00ebmb\u00ebt e pulave. Tymi dhe era e mishit t\u00eb pjekur p\u00ebrhapet p\u00ebrreth. Vendasit t\u00eb bezdisur l\u00ebvizin kryet. V\u00ebshtrojn\u00eb drejt tyre me bisht t\u00eb syrit, nuk u p\u00eblqen t\u00eb ndotet ajri i past\u00ebr i Muskok\u00ebs me tymra, pa\u00e7ka se mban er\u00eb t\u00eb mir\u00eb mishi t\u00eb pjekur. Ka plot ushqime t\u00eb \u00e7astit, shum\u00eb t\u00eb shijshme si hamburger, hot dog, krah\u00eb pule, patate t\u00eb f\u00ebrguara, t\u00eb p\u00ebrgatitura prej kuzhinier\u00eb t\u00eb zot\u00eb dhe q\u00eb gjenden kudo n\u00ebp\u00ebr dyqane.
\nP\u00ebrse \u00ebsht\u00eb kjo mani e ardh\u00ebsve prej metropoleve, q\u00eb parap\u00eblqejn\u00eb t\u00eb harxhojn\u00eb koh\u00ebn e vyer dhe t\u00eb tymosin mjediset e pastra, gati t\u00eb virgj\u00ebra n\u00eb veri t\u00eb vendit? Prite kur t\u00eb flakin me indiferenc\u00eb lyr\u00ebn e mishrave n\u00eb barin e gjelb\u00ebr e porsa korrur dhe ta p\u00ebrlyejn\u00eb mjedisin me vajra dhe lyr\u00eb mish derri. Por jo. Ardh\u00ebsit jan\u00eb t\u00eb disiplinuar dhe t\u00eb kujdessh\u00ebm. P\u00ebrfundojn\u00eb s\u00eb ngr\u00ebni, pastrojn\u00eb stufat portative, pa l\u00ebn\u00eb n\u00eb bar ndonj\u00eb gjurm\u00eb ndotjeje. Mbeturinat i mbledhin n\u00eb qese plastike dhe i flakin n\u00eb koshat e plehrave t\u00eb vendosura n\u00eb qoshet e l\u00ebndin\u00ebs.
\nVendasit i p\u00ebrgjojn\u00eb ardh\u00ebsit me kujdes, n\u00eb \u00e7do l\u00ebvizje pa r\u00ebn\u00eb n\u00eb sy. N\u00eb fund marrin frym\u00eb t\u00eb leht\u00ebsuar dhe v\u00ebshtrimet e tyre zbuten.<\/p>\n

3<\/strong>.
\nSipas legjend\u00ebs s\u00eb lasht\u00eb vendase thuhet se tek kjo l\u00ebndin\u00eb e vog\u00ebl, k\u00ebtu, ku t\u00eb p\u00ebrk\u00ebdhel puhiza e leht\u00eb dhe t\u00eb ngroh baba Dielli me rrezet bujare, ka qen\u00eb pik\u00eb e r\u00ebnd\u00ebsishme takimi, tregtie dhe bisedimi mes peshkatar\u00ebve t\u00eb hersh\u00ebm t\u00eb fiseve kryelart\u00eb: Thika e verdh\u00eb dhe Kali fluturues. Ata ishin lund\u00ebrtar\u00eb t\u00eb d\u00ebgjuar, peshkatar\u00eb t\u00eb mrekulluesh\u00ebm, shpesh here e zinin peshkun me duar dhe me goj\u00eb brenda n\u00eb thell\u00ebsi t\u00eb ujit. Gjithashtu ishin dhe kalor\u00ebs t\u00eb zot\u00eb. Por nj\u00eb peng u mbeti. Nuk mund\u00ebn kurr\u00eb t\u00eb kapnin peshkun e madh, me hala t\u00eb argjende dhe kok\u00eb t\u00eb art\u00eb.
\nVendasit e hersh\u00ebm e respektonin nga brezi n\u00eb brez k\u00ebt\u00eb vend takimi. P\u00ebrshkonin me kano t\u00eb shpejta lumin e rr\u00ebmbyesh\u00ebm Muskoka, q\u00ebndronin derisa dielli p\u00ebrk\u00ebdhelte kreshtat e vogla t\u00eb ishujve, debatonin, vall\u00ebzonin, dashuroheshin, k\u00ebmbenin dhurata. M\u00eb pas u hipnim kanove, lundronin dy nga dy, tre nga tre, kat\u00ebr nga kat\u00ebr, ose grupe-grupe. Shp\u00ebrndaheshin n\u00eb skaje t\u00eb ndryshme t\u00eb liqenit deri lart n\u00eb rrjedhjen e lumit duke u m\u00ebshuar lopatave dhe shkatht\u00ebsi. Me premtimin se do t\u00eb takoheshin p\u00ebrs\u00ebri n\u00eb krye t\u00eb jav\u00ebs s\u00eb ardhshme.
\nNuk dihej mir\u00ebfilli pik\u00ebnisja dhe nuk \u00ebsht\u00eb sakt\u00ebsuar burimi i k\u00ebsaj tradite t\u00eb lasht\u00eb. Goj\u00ebdh\u00ebna p\u00ebrcjell se n\u00eb k\u00ebt\u00eb vend u zhvillua takimi i detyruesh\u00ebm. I mbijetes\u00ebs p\u00ebr nd\u00ebrprerjen e armiq\u00ebsis\u00eb s\u00eb eg\u00ebr, luft\u00ebrave shkat\u00ebrrimtare, prerjes s\u00eb kokave, marrjes s\u00eb skapeve midis dy fiseve m\u00eb t\u00eb m\u00ebdha. Shkaku takimit ish shumimi marramend\u00ebs i minjve dhe i zvarranik\u00ebve, kafshimi n\u00eb gjum\u00eb, helmimi. P\u00ebrhapjes s\u00eb s\u00ebmundjeve infektive, kositja e luft\u00ebtar\u00ebve jo n\u00eb fush\u00eb t\u00eb betej\u00ebs si\u00e7 u takonte nderi dhe dinjiteti, por tretja e st\u00ebrmundimshme n\u00eb shtrat. Vrerosja, p\u00ebr\u00e7udnimi, zvarritja e grave dhe n\u00ebnave. Vdekja e dhimbshme e f\u00ebmij\u00ebve dhe kuajve.
\nN\u00ebn p\u00ebrfaq\u00ebsimin e dy prij\u00ebsve m\u00eb t\u00eb m\u00ebdhenj: Pete q\u00eb q\u00ebndron i vet\u00ebm, i fisit t\u00eb madh Syri i shqiponj\u00ebs dhe Kainai, Hijer\u00ebndi i fjal\u00ebs, i fisit t\u00eb madh Vall\u00ebzimi i luanit. N\u00ebn mbik\u00ebqyrjen e kryeplakut t\u00eb pleq\u00ebsis\u00eb: Urt\u00ebsia e gjakut t\u00eb v\u00ebrtet\u00eb. Ai i vizatoi me boj\u00eb, me ngjyra t\u00eb \u00e7elura, t\u00eb paqes fytyrat e dy prij\u00ebsve t\u00eb plotfuqish\u00ebm, t\u00eb dy fiseve m\u00eb t\u00eb m\u00ebdha t\u00eb verilindjes. K\u00ebndoi me z\u00eb t\u00eb ngjirur dhe trup p\u00ebrkulur u soll kat\u00ebr her\u00eb rreth zjarrit. Temjanisi vendin, bised\u00ebn e r\u00ebnd\u00ebsishme, prij\u00ebsat hijer\u00ebnd\u00eb dhe zjarrin q\u00eb bubulonte.
\nPrij\u00ebsat e m\u00ebdhenj u p\u00ebrkul\u00ebn me respekt, kokulur dhe krah\u00ebndehur drejt kryeplakut t\u00eb pleq\u00ebsis\u00eb Urt\u00ebsia e gjakut t\u00eb v\u00ebrtet\u00eb. Vendos\u00ebn arm\u00ebt e luft\u00ebs p\u00ebrpara k\u00ebmb\u00ebve t\u00eb tij, kur mor\u00ebn miratimin e kryeplakut p\u00ebr fillimin e bisedimeve. Ata parashtruan kushtet e paqes afatgjat\u00eb. K\u00ebmbyen dhurata dhe k\u00ebrcyen vallen e miq\u00ebsis\u00eb n\u00ebn tamtamin e daulleve.
\nThuhet se mund t\u00eb ket\u00eb qen\u00eb pik\u00eb e fsheht\u00eb takimi i dy t\u00eb rinjve t\u00eb dashuruar, por q\u00eb nuk mund t\u00eb bashkoheshin mbasi u p\u00ebrkisnin dy fiseve armike. Gjithnj\u00eb tragjedia \u201eRomeo dhe Zhuljeta\u201c ka simotra t\u00eb dhimbshme n\u00eb \u00e7do cep t\u00eb globit. Qysh at\u00ebher\u00eb kur filloi t\u00eb reg\u00ebtinte zemra dhe t\u00eb flatronin krah\u00ebt e ndjenjave rinore. Dy t\u00eb rinjt\u00eb udh\u00ebtonin me kano, nat\u00ebn, vet\u00ebm, duke mbajtur vesh z\u00ebrat e larg\u00ebta n\u00ebp\u00ebrmjet lumit t\u00eb rrjedhsh\u00ebm p\u00ebr t\u00eb shprehur ndjenjat m\u00eb t\u00eb zjarrta. \u00c7far\u00eb u b\u00eb m\u00eb von\u00eb me ta u vran\u00eb, lan\u00eb veten t\u00eb rr\u00ebmbeheshin nga rrjedha, u mbyt\u00ebn, apo u bashkuan, jetuan t\u00eb lumtur dhe fiset e tyre jetuan n\u00eb paqe?
\nMos ndoshta uj\u00ebrat e Muskok\u00ebs n\u00ebn zhaurim\u00ebn e p\u00ebrjetshme fshehin sekrete t\u00eb tjera edhe m\u00eb t\u00eb m\u00ebdha?
\nShum\u00eb vite m\u00eb von\u00eb, vendasit e hersh\u00ebm t\u00eb pak\u00ebsuar, me zem\u00ebr t\u00eb l\u00ebnduar prej humbjeve t\u00eb m\u00ebdha n\u00eb njer\u00ebz dhe kafsh\u00eb, ngarkuan pajisjet, \u00e7adrat dhe ushqimet dhe l\u00ebviz\u00ebn ngutsh\u00ebm p\u00ebr n\u00eb veri. Aty ku kishte m\u00eb shum\u00eb d\u00ebbor\u00eb, cikna dhe er\u00ebra, por m\u00eb shum\u00eb liri dhe qet\u00ebsi. Lan\u00eb pas tok\u00ebn, por mor\u00ebn me vete shum\u00eb gj\u00ebra q\u00eb u p\u00ebrkisnin vet\u00ebm atyre dhe askujt tjet\u00ebr s\u00eb bashku me legjendat. Gjith\u00e7ka u th\u00ebrrmua, u b\u00eb pluhur n\u00ebp\u00ebr brigjet e thikta t\u00eb shekujve.<\/p>\n

4<\/strong>.
\nLiqeni Muskoka nuk \u00ebsht\u00eb liqen i madh si Superior, Ontario, Huron, Mi\u00e7igan etj. t\u00eb cil\u00ebt nuk jan\u00eb shum\u00eb t\u00eb p\u00ebrshtatsh\u00ebm p\u00ebr tu lar\u00eb. Jan\u00eb t\u00eb ftoht\u00eb, gjigant\u00eb, t\u00eb shtrir\u00eb midis dy shteteve dhe nuk mund t\u00eb ngrohen aq leht\u00eb prej diellit. Por dhe jo shum\u00eb t\u00eb past\u00ebr.
\nMuskoka \u00ebsht\u00eb liqen me bukuri karakteristike, krijuar n\u00eb nj\u00eb mjedis t\u00eb mrekulluesh\u00ebm. Si\u00e7 jan\u00eb me qindra liqene t\u00eb m\u00ebdhenj dhe t\u00eb vegj\u00ebl n\u00eb Kanada. Por liqeni Muskoka \u00ebsht\u00eb m\u00eb i ve\u00e7ant\u00eb se t\u00eb tjer\u00ebt, me ishuj t\u00eb vegj\u00ebl, t\u00eb pyll\u00ebzuar dhe me sht\u00ebpi t\u00eb bardha n\u00eb breg t\u00eb cilat m\u00eb s\u00eb shumti l\u00ebshohen me qira. T\u00eb josh liqeni me but\u00ebsin\u00eb e nj\u00ebtrajtshme t\u00eb tok\u00ebs, n\u00ebn nivelin e ujit. Nuk \u00ebsht\u00eb i thikt\u00eb dhe me gropa por miq\u00ebsor dhe ngroh\u00ebs. Mund t\u00eb ec\u00ebsh shum\u00eb n\u00eb brend\u00ebsi t\u00eb liqenit dhe uji t\u00eb vjen pothuajse deri n\u00eb brez. Noton i shpenguar, ndalesh, pushon qet\u00ebsisht dhe gjith\u00eb k\u00ebnaq\u00ebsi. Noton p\u00ebrs\u00ebri. Si ajo n\u00ebna e re, Daniela e cila ka vendosur f\u00ebmij\u00ebn topolake, motake n\u00eb nj\u00eb kamerdare plastike t\u00eb improvizuar si sht\u00ebpiz\u00eb kukulle, t\u00eb gjelb\u00ebr, me palm\u00eb p\u00ebrsip\u00ebr. Daniela ndalon, shtrydh flok\u00ebt e verdh\u00eb, l\u00ebviz trupin hijsh\u00ebm si nj\u00eb amazon\u00eb, p\u00ebrgjon f\u00ebmij\u00ebn e gicilis, i qesh dhe e shtyn me kujdes n\u00eb ujin e qet\u00eb.
\n\u2013 Daniel\u00eb t\u00eb lutem, mos e mbaj gjat\u00eb f\u00ebmij\u00ebn n\u00eb uj\u00eb, \u2013 i thirri Skotti prej bregut. Burr\u00eb shtatlart\u00eb, z\u00eb trash\u00eb, me nj\u00eb nishan t\u00eb madh n\u00eb faqen e majt\u00eb, me theks skocez. Ai punon agjent i shitjeve dhe blerjeve t\u00eb sht\u00ebpive. Biznesi i shitjeve dhe blerjeve t\u00eb sht\u00ebpive koh\u00ebt e fundit i kish ecur mbar\u00eb. Burr\u00eb e grua kishin vendosur t\u00eb blinin nj\u00eb sht\u00ebpi dy katesh me dalje n\u00eb liqen dhe nj\u00eb jaht t\u00eb bardh\u00eb, t\u00eb madh.
\n\u2013 Oh i dashur, ti e di, f\u00ebmija e do ujin, \u2013 ia pat Daniela, bardhoshe e bukur, trupderdhur, gjokspredh\u00eb, punonj\u00ebse e bank\u00ebs. Ajo qeshi me z\u00eb t\u00eb lart\u00eb. Disa dit\u00eb m\u00eb par\u00eb menaxheri e thirri n\u00eb zyr\u00eb dhe i komunikoi em\u00ebrimin, p\u00ebrgjegj\u00ebse e nj\u00eb dege t\u00eb bank\u00ebs n\u00eb veriper\u00ebndim t\u00eb qytetit. G\u00ebzimin e ngritjes n\u00eb detyr\u00eb dhe rritjes s\u00eb rrog\u00ebs, donte ta festonte me familjen. Ngriti f\u00ebmij\u00ebn hopa n\u00eb krah\u00eb dhe u zhyt me t\u00eb n\u00eb uj\u00eb.
\nKristina dhe Brandi, \u00e7ift i ri, merren me shitjen e blerjen e antikuar\u00ebve. Ata ishin puthitur b\u00ebr\u00eb nj\u00eb trup. Putheshin dhe p\u00ebrk\u00ebdheleshin plot afsh. I futnin kok\u00ebn nj\u00ebri-tjetrit n\u00eb uj\u00eb, vraponin, ndiqeshin, pastaj argaliseshin me t\u00eb madhe. Shandani i florinjt\u00eb me vler\u00eb i plak\u00ebs s\u00eb verb\u00ebr Qeti, t\u00eb lagjes Fija e barit, u ble shum\u00eb lir\u00eb. Mund t\u00eb b\u00ebnin nj\u00eb dor\u00eb me dollar\u00eb. Ata kishin marr\u00eb nj\u00eb hyrje me qira n\u00eb hotelin \u2018Patkoi\u2019.
\nNx\u00ebn\u00ebsit e klas\u00ebs sportive t\u00eb bejsbollit, b\u00ebnin gar\u00eb st\u00ebrvitore. Drejtoheshin prej veteranit Braj\u00ebn i cili kish marr\u00eb me vete mbes\u00ebn e vog\u00ebl, nj\u00eb vajz\u00eb topolake, dhjet\u00eb vje\u00e7e, me g\u00ebrsheta t\u00eb verdha. \u00c7ifte pleqsh t\u00eb shkuar n\u00eb mosh\u00eb t\u00eb kapur dor\u00eb p\u00ebr dore ecin n\u00eb uj\u00eb ngadal\u00eb, ulen n\u00eb gjunj\u00eb lagin trupin dhe ecin p\u00ebrs\u00ebri. Tufa f\u00ebmij\u00ebsh si zogj n\u00ebn kujdesin e prind\u00ebrve luajn\u00eb me top dhe lahen pran\u00eb bregut. Disa prind\u00ebr t\u00eb tjer\u00eb mbajn\u00eb f\u00ebmij\u00ebt kaliqaf\u00eb dhe prej andej i l\u00ebn\u00eb t\u00eb k\u00ebrcejn\u00eb dhe zhyten n\u00eb uj\u00eb.
\nDit\u00eb e paqme korriku me diell dhe lirshm\u00ebri.<\/p>\n

5<\/strong>.
\nPo afronte mesdita kur ndan\u00eb rrug\u00ebs, pran\u00eb rrot\u00ebs s\u00eb vjet\u00ebr metalike Xhon i rrepti, mullisi ndaluan kat\u00ebr makina boj\u00eb hiri. Prej andej zbrit\u00ebn me nxitim ardh\u00ebsit e vonuar, t\u00eb fundit. Kat\u00ebr burra ezmer\u00eb, tet\u00eb gra t\u00eb mbuluara fund e krye me rroba dhe nj\u00eb tuf\u00eb e madhe me f\u00ebmij\u00eb. Burrat mbajt\u00ebn nj\u00eb cop\u00eb her\u00eb duart mbi ball\u00eb si streh\u00eb, pa vendosur se \u00e7far\u00eb duhej t\u00eb b\u00ebnin. Biseduan, debatuan, hesht\u00ebn. Grat\u00eb q\u00ebndronin grumbull m\u00eb tej me duart n\u00eb p\u00ebqi, s\u00eb bashku me f\u00ebmij\u00ebt e zhurmsh\u00ebm. L\u00ebndina ishte mbushur plot me pushues dhe nuk kish vend p\u00ebr ta. F\u00ebmij\u00ebt l\u00ebviznin t\u00eb paduruar, ngacmonin njeri-tjetrin dhe t\u00ebrhiqnin n\u00ebnat prej fustaneve t\u00eb gjata, luteshin t\u00eb q\u00ebndronin, t\u00eb arg\u00ebtoheshin dhe ata si gjith\u00eb f\u00ebmij\u00ebt e tjer\u00eb. Burrat q\u00ebndronin t\u00eb vrenjtur t\u00eb menduar dhe k\u00ebqyrnin pafolur pushuesit q\u00eb thekeshin t\u00eb zhveshur. Liqeni i kalt\u00ebr, motoskaf\u00ebt e zhurmsh\u00ebm, jahtet shkisnin but\u00eb si pul\u00ebbardha t\u00eb m\u00ebdha dhe vilat e bukura p\u00ebrqark i joshnin. Grat\u00eb u flisnin me z\u00eb t\u00eb ul\u00ebt f\u00ebmij\u00ebve t\u00eb mbanin qet\u00ebsi, n\u00eb pritje t\u00eb vendimit t\u00eb burrave.
\nBurrat m\u00eb n\u00eb fund l\u00ebviz\u00ebn si nj\u00eb trup lart n\u00eb cep t\u00eb rrug\u00ebs, ku gjendej nj\u00eb cop\u00ebs l\u00ebndin\u00eb. Pran\u00eb gardhit prej d\u00ebrrase t\u00eb pron\u00ebs private dhe ku lart\u00ebsoheshin dy pem\u00eb t\u00eb larta. Kokat e grave ishin drejtuar nga burrat. Ata hijer\u00ebnd\u00eb, me p\u00ebrtaci u b\u00ebn\u00eb grave me kok\u00eb se u vendos t\u00eb q\u00ebndronin. Ato me gjall\u00ebri hap\u00ebn bagazhet e makinave, nxor\u00ebn kuverta shum\u00ebngjyr\u00ebshe prej pambuku dhe i shtruan mbi bar. Dy f\u00ebmij\u00eb u rrokullis\u00ebn t\u00eb shpenguar mbi kuverta. Grat\u00eb u fol\u00ebn t\u00eb largoheshin, shtruan celofan mbi kuverta. Ato u ul\u00ebn m\u00eb bisht dhe nis\u00ebn t\u00eb shp\u00ebrndanin p\u00ebr f\u00ebmij\u00ebt pita t\u00eb holla, t\u00eb b\u00ebra rolle, t\u00eb mbushura me perime. \u00c7amarrok\u00ebt e vegj\u00ebl l\u00ebviznin mbi kokat e prind\u00ebrve t\u00eb tyre gjith\u00eb zhurm\u00eb si trumcak\u00eb t\u00eb paduruar dhe kafshonin pitat me shpejt\u00ebsi, me dh\u00ebmb\u00ebt e p\u00ebrparm\u00eb si ketra. Ushqimi i shp\u00ebrndar\u00eb u p\u00ebrrla sa hap e mbyll syt\u00eb. U ndan\u00eb pitet e dyta t\u00eb mbushura me perime.
\nF\u00ebmij\u00ebt fshin\u00eb duart ku mund\u00ebn t\u00eb paduruar kthyen kokat nga prind\u00ebrit. Ata e mbush\u00ebn barkun, prisnin t\u00eb jepej prej tyre urdhri p\u00ebr t’u afruar drejt ujit. Nj\u00ebri prej burrave foli me z\u00eb t\u00eb r\u00ebnd\u00eb:
\n\u2013 F\u00ebmij\u00eb, mund t\u00eb thekeni n\u00eb diell.
\nF\u00ebmij\u00ebt sa hap e mbyll syt\u00eb flak\u00ebn teshat dhe q\u00ebndruan n\u00eb t\u00eb mbathura. Ata filluan t\u00eb gilicisnin nj\u00ebri tjetrin dhe qeshnin me z\u00eb t\u00eb lart\u00eb. Burrat dhe grat\u00eb v\u00ebshtronin f\u00ebmij\u00ebt. Ata nuk u zhvesh\u00ebn p\u00ebr t\u00eb b\u00ebr\u00eb plazh.
\nNj\u00eb f\u00ebmij\u00eb i dob\u00ebt n\u00eb cep t\u00eb grupit, v\u00ebshtroi majtas dhe djathtas. Ai ishte nd\u00ebr m\u00eb t\u00eb vegjlit dhe nuk u vu re kur u shk\u00ebput me kujdes prej v\u00ebmendjes s\u00eb prind\u00ebrve dhe theri posht\u00eb, n\u00eb breg t\u00eb liqenit. Tin\u00ebs filloi t’u b\u00ebnte shenja f\u00ebmij\u00ebve t\u00eb tjer\u00eb t\u00eb ndiqnin dhe ata shembullin e tij. Nj\u00ebra prej grave u kthye me v\u00ebrtik dhe i thirri t\u00eb birit z\u00eb grindur, n\u00eb gjuh\u00ebn e tyre t\u00eb kthehej. Por kjo u t\u00ebrhoqi v\u00ebmendjen f\u00ebmij\u00ebve t\u00eb tjer\u00eb t\u00eb cil\u00ebt u turr\u00ebn posht\u00eb me zhurm\u00eb dhe rr\u00ebmet aty ku veronin pushuesit t\u00eb shpenguar. U d\u00ebgjuan b\u00ebrtitjet e trembura t\u00eb grave t\u00eb mb\u00ebshtjella fund e krye me rroba, me ferexhe dhe fustane t\u00eb gjata. Burrat automatikisht kthyen kryet t\u00eb zymtuar dhe vrapuan mbas f\u00ebmij\u00ebve. Vendasit u ngrit\u00ebn n\u00eb b\u00ebrryla dhe l\u00ebviz\u00ebn t\u00eb shqet\u00ebsuar prej poteres s\u00eb pazakonshme. V\u00ebshtruan me bezdi, gati me m\u00ebri f\u00ebmij\u00ebt e zhurmsh\u00ebm, t\u00eb shkujdesur, t\u00eb grumbulluar n\u00eb shkallinat e bregut t\u00eb liqenit n\u00eb pritje p\u00ebr t’u futur n\u00eb uj\u00eb.
\n\u2013 Duken ardh\u00ebs t\u00eb rinj, emigrant\u00eb nga Lindja e Mesme, ndoshta nga Arabia Saudite, \u2013 foli n\u00ebp\u00ebr dhemb\u00eb dhe me p\u00ebrtes\u00eb plaku thatin Harri, ish banakieri i klubit t\u00eb vjet\u00ebr \u2018Gota\u2019, dal\u00eb n\u00eb pension vite me par\u00eb, frekuentues i p\u00ebrhersh\u00ebm i plazhit. Ai rr\u00ebzoi mbi sy, me m\u00ebrzi kapel\u00ebn e bardh\u00eb streh\u00ebgjer\u00eb.
\n\u2013 Mendoj se jan\u00eb nga Afganistani, \u2013 i foli me bindje Ruana e shoqja me syze t\u00eb m\u00ebdha dielli.
\n\u2013 Mendon se ato gra t\u00eb mbuluara fund e krye duhet t\u00eb zhvishen dhe t\u00eb shijojn\u00eb freskin\u00eb e ujit, \u2013 foli Harri me z\u00eb t\u00eb ul\u00ebt t\u00eb mos e d\u00ebgjonin t\u00eb tjer\u00ebt.
\n\u2013 Plako nuk t\u00eb arrin m\u00eb gjuha tek hunda dhe mos llomotit kot, \u2013 foli n\u00ebp\u00ebr dhemb\u00eb Ruana. \u2013 Ato nuk zbulojn\u00eb fytyr\u00ebn n\u00eb pranin\u00eb e nj\u00eb t\u00eb treti dhe jo m\u00eb t\u00eb zhvishen.
\n\u2013 Ruana t\u00eb lutem l\u00ebri bro\u00e7kullat. Gjuha ime tani \u00ebsht\u00eb mbledhur b\u00ebr\u00eb shuk, \u2013 tha Harri dhe kroi me nervoziz\u00ebm gjoksin si d\u00ebrras\u00eb t\u00eb vjet\u00ebr: \u2013 Ja shiko: \u00ebsht\u00eb me t\u00eb v\u00ebrtet\u00eb paradoks. Njer\u00ebzit vijn\u00eb k\u00ebtu n\u00eb plazh t\u00eb zhvishen, t\u00eb lahen n\u00eb liqen dhe t\u2019ia ekspozojn\u00eb trupin diellit. Nd\u00ebrsa k\u00ebto krijesa q\u00eb aksidentalisht jan\u00eb gra vijn\u00eb t\u00eb mbuluara me nj\u00eb vandak me rroba?! M\u00eb thuaj moj grua, \u00e7\u2019dreqin duan ato k\u00ebtu?
\n\u2013 Plako, l\u00ebri t\u00eb b\u00ebjn\u00eb \u00e7far\u00eb t\u00eb duan, nuk \u00ebsht\u00eb puna jon\u00eb. K\u00ebtu tani po vjen \u00e7’mbledh treni, \u2013 foli Ruana me z\u00eb t\u00eb lodhur dhe vendosi parakrahun mbi syt\u00eb.
\n\u2013 T\u00eb lutem mos m\u00eb thirr plako, \u2013 u grind Harri.
\n\u2013 Po ti plak je, \u2013 nuk u t\u00ebrhoq Ruana.
\n\u2013 E di, plak jam, por t\u00eb lutem mos m\u00eb thirr me vend e pa vend. Sepse kur m\u00eb thua plako ma b\u00ebn koka bam, \u2013 u ankua Harri.
\nAi donte t\u00eb shtonte se dhe ti je nj\u00eb plak\u00eb e shpifur, g\u00ebrdall\u00eb m\u00eb keq se un\u00eb. Nj\u00eb brum\u00eb i qullur, l\u00ebng\u00ebtyr\u00eb, e tjera e t\u00eb tjera. Por nuk ia mbajti. Ajo do ta b\u00ebnte pestil.
\n\u2013 Mir\u00eb, nuk t\u00eb th\u00ebrras, \u2013 i tha gruaja e bezdisur.
\n\u2013 M\u00eb premton?
\n\u2013 T\u00eb premtoj.
\n\u2013 Faleminderit e mira ime Ruana. U prish bota, p\u00ebr at\u00eb Zot u prish, \u2013 murmuriti Harri dhe shtoi me bindje: \u2013 Ato gra nuk mund dhe nuk duhet t\u00eb futen n\u00eb uj\u00eb me gjith\u00eb rroba. Gjithsesi liqeni yn\u00eb Muskoka ka kodin dhe shenjt\u00ebrin\u00eb e vet.
\n\u2013 Mos e lodh kok\u00ebn pla.., me kode, shenjt\u00ebri dhe ku di un\u00eb \u00e7far\u00eb.., \u2013 ia b\u00ebri e bezdisur Ruana dhe i ktheu shpin\u00ebn.
\nHarri u p\u00ebrtyp por nuk foli. E shkeli si zakonisht premtimin dosa, brumi i ardhur, p\u00ebrs\u00ebri ia k\u00ebputi nj\u00eb: pla…<\/p>\n

6<\/strong>.
\nTufa e madhe e f\u00ebmij\u00ebve, si nj\u00eb grumbull patash dhe rosash t\u00eb vogla vrapuan drejt ujit t\u00eb shoq\u00ebruar me britma t\u00eb pap\u00ebrmbajtura g\u00ebzimi. Klithnin, fshikullonin ujin, ngrinin st\u00ebrkala, lagnin njeri-tjetrin, drith\u00ebroheshin, f\u00ebrkonin trupin, t\u00eb ngroheshin prej ujit t\u00eb ftoht\u00eb dhe m\u00eb pas argaliseshin me t\u00eb madhe. Mbas tyre l\u00ebvizte n\u00eb uj\u00eb me ngatht\u00ebsi njeri prej prind\u00ebrve, fytyr\u00eb ezmere, rrumbullake, me pak mustaqe. Ai mbante veshur bluz\u00eb t\u00eb leht\u00eb pambuku, me vija t\u00eb gjelbra dhe blu t\u00eb err\u00ebt, t\u00eb qullur dhe t\u00eb ngjitur pas trupit.
\nGrat\u00eb me ferexhe si n\u00eb nj\u00eb film pa z\u00eb ec\u00ebn ngadal\u00eb, zbrit\u00ebn n\u00eb nj\u00ebsh kolon\u00eb. Pushuesit ndoq\u00ebn me sy baritjen e tyre t\u00eb plog\u00ebt. Ato q\u00ebndruan t\u00eb druajtura n\u00eb pragun e shkallin\u00ebs s\u00eb par\u00eb q\u00eb \u00e7onte n\u00eb liqen. N\u00eb plazh dielli digjte dhe t\u00eb gjith\u00eb pushuesit ishin t\u00eb zhveshur. Ato gra dukeshin tmerr\u00ebsisht t\u00eb \u00e7uditshme. Vajzat e reja laheshin, shtriqeshin dhe b\u00ebnin banja dielli, mbanin veshje plazhi me dy gisht mbathje dhe sutjena.
\nGrat\u00eb e mbuluara me rroba t\u00eb r\u00ebnda dhe ferexhe l\u00ebviz\u00ebn, u b\u00ebn\u00eb rreth dhe di\u00e7 fol\u00ebn mes tyre. Dy vajza tre hapa larg tyre ishin shtrir\u00eb p\u00ebrmbys dhe kishin zb\u00ebrthyer rikat e holla t\u00eb sutjenave. Dalloheshin shkoqur nj\u00eb pjes\u00eb e gjokseve turbulluese, t\u00eb bardha dhe t\u00eb mbushura. Gruaja me ferexhe, ajo m\u00eb e gjata, shtatlarta v\u00ebshtroi me bisht t\u00eb syrit lakuriq\u00ebsin\u00eb e shpallur dhe ndehu krahun drejt liqenit. Dy gra t\u00eb tjera, ato m\u00eb t\u00eb mbushurat dhe m\u00eb t\u00eb shkurtat hodh\u00ebn nj\u00eb hap prapa dhe u kthyen shpin\u00ebn me nervoziz\u00ebm lakuriq\u00ebsis\u00eb tunduese t\u00eb vajzave vendase. Krahu i shtatlart\u00ebs q\u00ebndronte i ndehur.
\n\u2013 Allah! \u2013 m\u00ebrm\u00ebrit\u00ebm ato dhe u bashkuan p\u00ebrs\u00ebri me grupin.
\nGrat\u00eb mbajt\u00ebn k\u00ebmb\u00ebt dhe q\u00ebndruan n\u00eb nj\u00eb vij\u00eb. T\u00eb pavendosura, frika e ujit apo furtuna e burrit. Uji shushuriste. Ato nuk zhvisheshin, t\u00eb nxirrnin n\u00eb mexhlis lakuriq\u00ebsin\u00eb m\u00ebkatare t\u00eb femr\u00ebs. Nis\u00ebn t\u00eb zbrisnin shkallinat nj\u00eb nga nj\u00eb me plog\u00ebshti, gati me frik\u00eb.
\nDikush prej pushuesve u kollit me q\u00ebllim. Nj\u00eb tjet\u00ebr teshtiu. Lart n\u00eb kup\u00eb t\u00eb qiellit dielli i korrikut p\u00ebrv\u00eblonte. N\u00eb uj\u00eb reflektoheshin me miliona kristale shum\u00ebngjyr\u00ebshe. Nj\u00ebra prej grave futi dor\u00ebn n\u00eb uj\u00eb. Ajo \u00ebsht\u00eb shtatlarta, Shehrazadja, vetullharkuara, qerpik gjilp\u00ebra, gruaja e dyt\u00eb e Hamidit. Shehrazadja l\u00ebvizi gishtat n\u00eb uj\u00eb, e lloko\u00e7iti.
\n\u2013 Oh! \u2013 ia b\u00ebri, me psher\u00ebtim\u00eb t\u00eb thell\u00eb, t\u00eb heshtur.
\nAjo zb\u00ebrtheu kopsat dhe lidh\u00ebset e shumta. F\u00ebrkoi gjoksin e vog\u00ebl, barkun, deri posht\u00eb, por me kujdes t\u00eb mos e shikonin grat\u00eb e tjera dhe p\u00ebshp\u00ebriti symbyllur:
\n\u2013 Allah! Allah! Pse vall\u00eb i ke dhen\u00eb ujit kaq hijeshi?
\nKur ishte f\u00ebmij\u00eb ajo kishte \u00ebnd\u00ebrruar t\u00eb b\u00ebhej balerin\u00eb. Vall\u00ebzonte shum\u00eb bukur, por p\u00ebrgjohej prej syve t\u00eb err\u00ebta, lakmitare. Pes\u00eb her\u00eb u thyen xhamat e dritareve. N\u00ebna p\u00ebshp\u00ebriste z\u00ebul\u00ebt se xhamat i thyen era e marr\u00ebzis\u00eb. Babai duke shkrof\u00ebtir\u00eb rr\u00ebmbente pushk\u00ebn dhe turrej n\u00ebp\u00ebr nat\u00eb. Q\u00ebllonte n\u00eb aj\u00ebr, shante dhe p\u00ebshtynte gjith\u00eb inat. Kur nj\u00eb plumb i erdhi prej err\u00ebsir\u00ebs dhe i zhvoshki llap\u00ebn e veshit, ai e martoi me Hamidin e kamur i cili ia kish k\u00ebrkuar vite m\u00eb par\u00eb. Hamidi e zhveshi lakuriq qysh nat\u00ebn e par\u00eb, pa i v\u00ebn\u00eb veshin lot\u00ebve t\u00eb saj. Ata b\u00ebn\u00eb seks n\u00ebn drit\u00ebn e qirinjve. Hamidi ishte i k\u00ebnaqur. V\u00ebshtronte trupin e derdhur t\u00eb gruas s\u00eb dyt\u00eb, njoll\u00ebn e gjakut n\u00eb \u00e7ar\u00e7af dhe pinte nargjile.
\n\u00cbndrra iu b\u00eb nj\u00ebher\u00eb e p\u00ebrgjithmon\u00eb pluhur dhe hi. Ajo u b\u00eb nj\u00eb grua q\u00eb do t\u00eb jetonte e mbuluar dhe brenda kat\u00ebr mureve t\u00eb sht\u00ebpis\u00eb s\u00eb madhe t\u00eb Hamidit. N\u00eb mbr\u00ebmje hynin karvan\u00eb me gamile dhe n\u00eb m\u00ebngjes dilnin kolona me makina.
\nTrupi i Shehrazades u drith\u00ebrua prej freskis\u00eb s\u00eb ujit. Iu duk sikur do t\u2019i binte zali prej k\u00ebnaq\u00ebsis\u00eb. Ajo d\u00ebshironte t\u2019i mblidhte n\u00eb grushte reflektimet diellore dhe kristalet ujore. Ajo ishte shum\u00eb e re, trupderdhur, gjoksvog\u00ebl, si dy portokaj. Donte t\u00eb ishte e zhveshur, t\u00eb admirohej prej meshkujve dhe t\u00eb thekej prej rrezeve diellore si gjith\u00eb pushueset e tjera vendase. Pa v\u00ebshtruar nga grat\u00eb e tjera, hodhi n\u00eb uj\u00eb k\u00ebmb\u00ebn e majt\u00eb, t\u00eb mbuluar dhunsh\u00ebm prej fustanit t\u00eb gjat\u00eb.
\n\u2013 Sh\u00ebet Shahrazade! Mos po b\u00ebjm\u00eb nj\u00eb t\u00eb paqen\u00eb? Allah! Allah! Se si m\u00eb vjen!\u2019 \u2013 i p\u00ebshp\u00ebriti Sahara, gruaja e par\u00eb e Hamidit.
\nHamidi m\u00eb t\u00eb shumt\u00ebn e koh\u00ebs flinte me Shahrazaden. E verbonte bardh\u00ebsia marramend\u00ebse e trupit t\u00eb kolm\u00eb t\u00eb gruas s\u00eb re. Sahara nuk ankohej p\u00ebr braktisjen e heshtur e t\u00eb shoqit, por syt\u00eb e saj q\u00ebndronin gjithnj\u00eb t\u00eb trishtuar. Ajo p\u00ebrgjonte Shahrazaden kur lahej n\u00eb vask\u00eb n\u00eb dhom\u00ebn e m\u00ebnjanuar t\u00eb grave dhe me sy ziliqar\u00eb sodiste trupin e derdhur, k\u00ebmb\u00ebt e drejta dhe gjoksin e vog\u00ebl. Sahara vuante prej s\u00ebmundjes s\u00eb sheqerit. Hamidit i p\u00eblqenin sheqernat dhe ajo i p\u00ebrmbyste pa kursyer me shurup.
\n\u2013 Allah! Allah! \u2013 p\u00ebshp\u00ebriti nj\u00eb tjet\u00ebr. \u2013 Mos \u00ebsht\u00eb gjynah!
\nShehrazadja nuk u ktheu p\u00ebrgjigje. Pse \u00ebsht\u00eb gjynah t\u00eb lahesh n\u00eb uj\u00eb! Asaj i vinte t\u00eb \u00e7irrte me thonj k\u00ebto tesha t\u00eb r\u00ebnda, t\u00eb zhvishej lakuriq dhe t\u00eb kridhej n\u00eb uj\u00eb. Edhe pse ishte nusja m\u00eb e re, kish qen\u00eb ajo q\u00eb i kishte nxitur p\u00ebr t\u00eb l\u00ebvizur, vizituar liqenet dhe mjediset e Kanadas\u00eb. P\u00ebrderisa pranuan dhe u larguan prej atdheut, ndryshuan vend dhe mjedis, duhet t\u00eb p\u00ebrshtateshin me ambientin. Ishte koha p\u00ebr ndryshim. Kur ia tha k\u00ebto mendime Saharas\u00eb, ajo kafshoi buz\u00ebn dhe e v\u00ebshtroi me dyshim.
\nBurrat e pranuan n\u00eb heshtje p\u00ebr t\u00eb arg\u00ebtuar f\u00ebmij\u00ebt. Po t\u00eb qe p\u00ebr Shehrazaden, do t\u2019i kish flakur me koh\u00eb ato tesha t\u00eb tmerrshme q\u00eb i mundonin shpirtin dhe trupin. Feja dhe ligjet e saj ishin jasht\u00ebzakonisht t\u00eb ngurta.
\nShehrazadja q\u00ebndroi nj\u00eb cop\u00eb her\u00eb e ngurosur. Mbajti vesh z\u00ebrat e larg\u00ebta dhe z\u00ebrat e af\u00ebrta, t\u00eb fshehta t\u00eb ujit. Sa e madhe dhe zem\u00ebrgjer\u00eb \u00ebsht\u00eb bota dhe sa t\u00eb ngurta jan\u00eb d\u00ebshirat e njeriut. P\u00ebrkuli trupin me shkujdesje dhe l\u00ebvizi p\u00ebrpara. Uji i hyri nxitimthi n\u00eb trup, u rr\u00ebqeth. M\u00eb pas hodhi k\u00ebmb\u00ebn tjet\u00ebr. Freskia e ujit e joshi, hyri deri n\u00eb mes. Oh! Se si i vinte! U zhyt e t\u00ebra.
\n\u2018Oh!\u2019 ia b\u00ebri p\u00ebrs\u00ebri dhe teshat e saj u fryn\u00eb menj\u00ebher\u00eb. Iu b\u00eb sikur era ia shkuli rrobat e r\u00ebnda dhe i flaku tutje. Ajo ishte lakuriq si nj\u00eb siren\u00eb uji. I dukej sikur vall\u00ebzonte n\u00eb ujin e kthjell\u00ebt. Mbas saj u ngut\u00ebn t\u00eb futeshin n\u00eb uj\u00eb dhe grat\u00eb e tjera. Me frik\u00eb se mos nd\u00ebrronin mendje n\u00ebn forc\u00ebn e zakonit. Dhe q\u00ebndronin pran\u00eb bregut t\u00eb liqenit n\u00ebn urdhrat e ashpra t\u00eb burrave.
\nGrat\u00eb t\u00eb hutuara rrotulloheshin n\u00eb uj\u00eb krah\u00ebhapur, me ngatht\u00ebsi. Ngjanin si shpend\u00eb t\u00eb \u00e7uditsh\u00ebm, pend\u00eb qullur t\u00eb zbritur rast\u00ebsisht n\u00eb liqenin e larg\u00ebt, verior Muskoka. Uji rreth tyre shushuriste. Sa t\u00eb bezdisshme jan\u00eb rrobat kur r\u00ebndohen prej ujit.<\/p>\n

7<\/strong>.
\nU l\u00ebkund qet\u00ebsia e nj\u00eb dite t\u00eb zakonshme plazhi. Pushuesit vendas l\u00ebviz\u00ebn n\u00eb stola, shilar\u00ebs dhe mbi peshqir\u00eb, por pa u ndryshuar shprehja e ngrir\u00eb e fytyr\u00ebs. Rr\u00ebmeti i f\u00ebmij\u00ebve, ardh\u00ebsve t\u00eb vegj\u00ebl, prej vendeve t\u00eb larg\u00ebta dhe t\u00eb paftuar, arriti kulmin. Nd\u00ebrsa zhytja n\u00eb uj\u00eb e grave t\u00eb mbuluara fund e krye me tesha t\u00eb r\u00ebnda u la shije t\u00eb pak\u00ebndshme, t\u00eb ath\u00ebt, t\u00eb dal\u00eb jasht\u00eb kohe, gati jasht\u00ebtok\u00ebsore.
\nSigurisht vendasve nuk u erdhi mir\u00eb, sidomos prej tet\u00eb masave t\u00eb mbuluara fund e krye me rroba. Brenda tyre aksidentalisht fshiheshin grat\u00eb ardh\u00ebse t\u00eb cilat i g\u00ebzoheshin padrejt\u00ebsisht ujit dhe l\u00ebviznin si palombar\u00eb t\u00eb \u00e7uditsh\u00ebm. Skotti m\u00ebrm\u00ebriti n\u00ebp\u00ebr dhemb\u00eb:
\n\u2013 Do ishte mrekullisht bukur, sikur ato gra si l\u00ebmshe, t\u00eb sodisnin reflekset ujore prej bregut t\u00eb liqenit ton\u00eb t\u00eb dashur Muskoka.
\nStive mblodhi supet, por nuk i foli.
\nDaniela doli me ngutje prej ujit, duke l\u00ebvizur shpullat e hijshme dhe vithet e kolme. Ajo q\u00ebndronte e vrenjtur n\u00eb fytyr\u00eb, nd\u00ebrsa trupi i saj i derdhur dukej tejet seksual. Daniela vendosi n\u00eb cep t\u00eb stolit kamerdaren e improvizuar si sht\u00ebpi kukulle me palm\u00eb p\u00ebrsip\u00ebr. Hapi p\u00ebrdhe mbi bar nj\u00eb kuvert\u00eb me lule dhe nisi t\u00eb nd\u00ebrronte f\u00ebmij\u00ebn q\u00eb argalisej prej k\u00ebnaq\u00ebsis\u00eb.
\n\u2013 Daniela mendon t\u00eb futesh p\u00ebrs\u00ebri n\u00eb uj\u00eb? \u2013 e pyeti Skotti.
\n\u2013 Nuk e di, \u2013 u p\u00ebrgjigj that\u00eb ajo. \u2013 Po ti?
\nSkotti flaku tutje nj\u00eb fije bari dhe m\u00ebrm\u00ebriti:
\n\u2013 As un\u00eb nuk e di.
\nHarri ishte ngritur n\u00eb b\u00ebrryla syzgurdulluar dhe me qaf\u00eb t\u00eb ndehur nga liqeni.
\n\u2013 Ruana! Shiko, shiko atje n\u00eb liqen! Ato me gjith\u00eb mend u fut\u00ebn n\u00eb uj\u00eb, \u2013 foli z\u00ebdridhur Harri.
\nGruaja u kthye me p\u00ebrtes\u00eb dhe mblodhi buz\u00ebt.
\n\u2013 P\u00ebf! \u2013 ia b\u00ebri.
\n\u2013 Nj\u00eb hop besova se ishte loj\u00eb e syve. Nuk gjet\u00ebn ato gra vend tjet\u00ebr, t\u00eb lajn\u00eb rrobat, po pik\u00ebrisht n\u00eb liqenin ton\u00eb, \u2013 shtoi Harri me z\u00eb t\u00eb holluar prej ankimit.
\n\u2013 T\u00eb p\u00eblqente t\u2019i shikoje ato gra t\u00eb zhveshura, \u2013 ia pat me ironi Ruana.
\n\u2013 Jo, \u2013 hung\u00ebriti Harri.
\n\u2013 Sa do rrojm\u00eb do m\u00ebsojm\u00eb Harri, \u2013 ia priti Stive topalli dhe vazhdoi: \u2013 me sa kam d\u00ebgjuar Harri, ato gra t\u00eb jan\u00eb th\u00ebngjij t\u00eb mbuluar, po t\u2019i prek\u00ebsh pak, t\u00eb p\u00ebrv\u00eblojn\u00eb, ta b\u00ebjn\u00eb trupin me fulltaka.
\n\u2013 Si t\u00eb gjitha grat\u00eb, \u2013 m\u00ebrm\u00ebriti Ruana dhe l\u00ebvizi n\u00eb krah. Hodhi nj\u00eb v\u00ebshtrim t\u00eb vrenjtur drejt grave t\u00eb mbuluara me ferexhe, pastaj mbuloi kok\u00ebn me peshqir.
\nVendasit nuk donin t\u00eb ngat\u00ebrroheshin. Ata u t\u00ebrhoq\u00ebn me kujdes, pa shum\u00eb d\u00ebshir\u00eb, duke ju l\u00ebn\u00eb ardh\u00ebsve t\u00eb zhurmsh\u00ebm dhe \u00e7amarrok\u00eb hap\u00ebsir\u00eb m\u00eb t\u00eb madhe n\u00eb brezin e par\u00eb t\u00eb liqenit t\u00eb kthjell\u00ebt Muskoka.
\nDielli kish q\u00ebndruar n\u00eb kup\u00eb t\u00eb qiellit dhe p\u00ebrv\u00eblonte. Uji i liqenit ishte i qet\u00eb si nj\u00eb p\u00eblhur\u00eb e nder\u00eb.
\nGrat\u00eb e mb\u00ebshtjella me ferexhe dhe fustane t\u00eb gjata gjith\u00eb pala, lundronin si k\u00ebrpudha t\u00eb m\u00ebdha. Befas si me komand\u00eb ato dol\u00ebn nj\u00eb nga nj\u00eb nga prej liqenit. Barisnin ngadal\u00eb, me v\u00ebshtir\u00ebsi, si t\u00eb ishin t\u00eb lidhura me vargonj. Rrobat e tyre kullonin rr\u00ebke uji. N\u00eb ecje e sip\u00ebr, me nervoziz\u00ebm shtrydhnin teshat e r\u00ebnduara. Nj\u00ebra prej tyre, ajo m\u00eb shtatlarta, Shehrazadja, largoi me padurim cepin e ferexhes\u00eb dhe e shtrydhi. Syri i saj ishte i madh dhe l\u00ebkura fytyr\u00ebs i ndriste.
\n\u2013 Ia pash\u00eb syrin nj\u00ebr\u00ebs prej tyre. P\u00ebr at\u00eb zot q\u00eb ia pash\u00eb. Oh! T\u00eb zi dhe sa t\u00eb madh e kish, sa nj\u00eb filxhan. Shikimi i saj ish si nj\u00eb shigjet\u00eb e flak\u00ebruar,- murmuriti Stive topalli dhe shtoi me z\u00eb p\u00ebrd\u00ebllestar: \u2013 K\u00ebtu n\u00eb plazh i ke fermat si t\u2019i duash. T\u00eb bardha, ezmere, t\u00eb kolme, elegante, me dy gisht brek\u00eb, me nj\u00eb ripk\u00eb t\u00eb holl\u00eb sa mbulojn\u00eb thithat dhe nuk u shtije syt\u00eb. Sa m\u00eb shum\u00eb mbulohet femra, aq m\u00eb tep\u00ebr zhuritet mashkulli, b\u00ebhet verem.
\nF\u00ebmij\u00ebt ardh\u00ebs po josheshin dhe mrekulloheshin prej ujit t\u00eb liqenit dhe nivelit t\u00eb tij. Ish pa gropa, i shesht\u00eb, ndryshe nga sa i kishin k\u00ebshilluar prind\u00ebrit e trembur. Filluan t\u00eb ngrinin st\u00ebrkala t\u00eb madha dhe t\u00eb luanin me nj\u00eb top t\u00eb vog\u00ebl. Ia hidhnin topin nj\u00ebri-tjetrit, shtyheshin, ngat\u00ebrroheshin dhe qeshnin.
\nSahara u ndje e shqet\u00ebsuar, nd\u00ebrpreu shtrydhjen e teshave, l\u00ebvizi kryet me v\u00ebrtik dhe u foli grave. Ato si nj\u00eb trup i vet\u00ebm lan\u00eb shtrydhjen e teshave, ngrit\u00ebn kokat. Me z\u00eb t\u00eb holluar, si klithma shpend\u00ebsh nis\u00ebn tu b\u00ebrtisnin f\u00ebmij\u00ebve t\u00eb mos shkonin thell\u00eb n\u00eb liqen. Nj\u00eb tjet\u00ebr prind, Sadiu, me mjekr\u00ebn korb t\u00eb zez\u00eb dhe me bluz\u00eb t\u00eb hirt\u00eb u fut me nxitim n\u00eb uj\u00eb. F\u00ebmij\u00ebt nuk d\u00ebgjonin, i kish p\u00ebrfshit\u00eb loja. Ata ishin t\u00eb mb\u00ebrthyer prej loja dhe shpengimi bukur.<\/p>\n

8<\/strong>.
\nFilloi t\u00eb frynte er\u00eb e leht\u00eb. Pushuesit vendas po bezdiseshin gjithnj\u00eb e m\u00eb tep\u00ebr. Ata ishin m\u00ebsuar me qet\u00ebsi dhe maturi, nuk e b\u00ebnin veten. Me indiferenc\u00eb t\u00eb sip\u00ebrfaqshme merreshin me njeri tjetrin, luanin me letra.
\nGruaja me shtat t\u00eb lart\u00eb e mbante kryet vazhdimisht t\u00eb drejtuar nga liqeni. Shehrazadja me padurim t\u00eb hapur, t\u00ebrhoqi pas vetes grat\u00eb e tjera t\u00eb mbuluara me ferexhe. Ato e kishin fshir\u00eb p\u00ebrfundimisht hezitimin, me shum\u00eb d\u00ebshir\u00eb hyn\u00eb p\u00ebrs\u00ebri n\u00eb uj\u00eb. U zhyt\u00ebn deri tek shpatullat, dikush futi dhe kok\u00ebn. Ato ngjanin si k\u00ebrpudha t\u00eb m\u00ebdha. Shehrazadja f\u00ebrkoi me p\u00ebrk\u00ebdheli k\u00ebmb\u00ebt, krah\u00ebt, gjoksin. Uji i liqenit ia gjall\u00ebroi ndjenjat. Ajo u nervozua me veten dhe me hallkat e tep\u00ebrta q\u00eb mbanin emrin tesha. Sahara iu f\u00ebrkua n\u00eb shpin\u00eb, por u m\u00ebrzit shpejt. V\u00ebshtroi me frik\u00eb nga i shoqi. Fytyra e Hamidit i ngjau si mot i vrenjtur. Hamidi ishte burr\u00eb i ashp\u00ebr me rregulla t\u00eb forta n\u00eb familje dhe ajo i trembej. H\u00ebm, burr\u00eb i ashp\u00ebr! Por me k\u00ebt\u00eb Shehrazade gjith\u00eb naze b\u00ebnte nj\u00eb sy qorr dhe nj\u00eb vesh t\u00eb shurdh\u00ebr. S’do mend, ajo ishte e re, e fresk\u00ebt dhe e shkrinte n\u00eb krevat.
\nSahara m\u00eb kot nguli k\u00ebmb\u00eb t\u00eb dilnin prej ujit. Kur e pa q\u00eb askush nuk e d\u00ebgjoi, u zhyt disa her\u00eb n\u00eb uj\u00eb duke hapur k\u00ebmb\u00ebt dhe shtrir\u00eb krah\u00ebt dhe murmuriti:
\n\u2013 P\u00ebr Allah, mos po b\u00ebjm\u00eb gjynah!
\nGrat\u00eb e tjera nuk i kthyen p\u00ebrgjigje, por kontrolluan me gishta, n\u00ebn uj\u00eb teshat, mb\u00ebrthyen kopsat, karficat, shtr\u00ebnguan rripat. F\u00ebrkuan edhe nj\u00ebher\u00eb vendet delikate, duke i lloko\u00e7itur. U \u00e7uan dhe dol\u00ebn pa qejf.
\nDhe n\u00ebse ardh\u00ebset e vonuara nuk u zhvesh\u00ebn. T\u00eb flaknin tutje fustanet e gjata, t\u00eb brendshmet \u00e7itjane, p\u00ebrs\u00ebri t\u00eb brendshmet e tjera me pala, deri tek t\u00eb linjtat e holla, n\u00ebse mund t\u00eb kishin t\u00eb tilla. Ato sigurisht do hiqnin me d\u00ebshir\u00eb shamit\u00eb trek\u00ebndore me xhufka dhe m\u00eb n\u00eb fund hallkat shtr\u00ebnguese ferexhe, t\u00eb cilat mbulonin dhunsh\u00ebm fytyrat. Sidoqoft\u00eb t\u00eb gjitha k\u00ebto holl\u00ebsi delikate, q\u00eb t\u00eb ndiznin kureshtjen ishin \u00e7\u00ebshtje intime t\u00eb zhveshjes s\u00eb grave t\u00eb ardh\u00ebsve prej vendeve s\u00eb Lindjes s\u00eb Mesme. Nuk u p\u00ebrkiste vendasve. Ata jan\u00eb tolerant\u00eb, t\u00eb m\u00ebsuar me zhveshje dhe lakuriq\u00ebsi, jo vet\u00ebm n\u00eb plazh por n\u00eb rrug\u00eb, mitingje dhe kudo. Deri tek nxjerrja e kofsh\u00ebve, barqeve dhe k\u00ebrthizave ku jan\u00eb mb\u00ebrthyer dhe varen zilka t\u00eb vogla.
\nVendi i tyre i lejon t\u00eb gjitha modat, veshjet, mend\u00ebsit\u00eb dhe zakonet. Kostumet e r\u00ebnda dopiopet. Xhins t\u00eb ronitura, t\u00eb prera kryq e t\u00ebrthor. Xhingla mingla. Me tre pal\u00eb brek\u00eb t\u00eb veshura nj\u00ebra mbi tjetr\u00ebn dhe me dhjet\u00eb pal\u00eb bluza. Me turban\u00eb shum\u00ebngjyr\u00ebsh sa dy koka bashk\u00eb. Me fustane t\u00eb gjata dhe t\u00eb shkurt\u00ebra. Me \u00e7itjane dhe tallagan\u00eb. Me ferexhe si perde, ku t\u00eb mbahet fryma dhe nuk l\u00eb t\u00eb hyj\u00eb drita dhe dielli. Deri tek lakuriq\u00ebsia dypal\u00ebshe e lakmuar biseksuale, shpesh her\u00eb e shp\u00ebrdoruar, banalizuar. Ronitja e seksit kish kaluar n\u00eb ekstrem, ish zhb\u00ebr\u00eb. Dikush p\u00ebshp\u00ebriste me maraz se: prej mbingopjes, lakuriq\u00ebsia njer\u00ebzore ish zhvleft\u00ebsuar, bastarduar me tatuazhe t\u00eb p\u00ebshtira, ogurzeza, vampir\u00eb q\u00eb t\u00eb kallnin dat\u00ebn.
\nS\u00eb paku ardh\u00ebsit e vonuar t\u00eb mos i lejonin f\u00ebmij\u00ebt t\u00eb b\u00ebnin gjith\u00eb k\u00ebt\u00eb poter\u00eb t\u00eb panevojshme sa t’u shkaktonin t\u00eb tjer\u00ebve dhembje koke. Liqeni \u00ebsht\u00eb i madh dhe ka hap\u00ebsir\u00eb p\u00ebr t\u00eb gjith\u00eb. Le t\u00eb lodrojn\u00eb. Njeriu shkon n\u00eb plazh t\u00eb \u00e7lodhet, t\u00eb largoj\u00eb nga mendja stresin e dit\u00ebs dhe t\u00eb marr\u00eb rreze dielli. Kur dihet mir\u00eb q\u00eb n\u00eb k\u00ebt\u00eb vend, ka dim\u00ebr t\u00eb gjat\u00eb me ngrica dhe d\u00ebbor\u00eb t\u00eb madhe. Vet\u00ebm disa muaj t\u00eb kushtuesh\u00ebm me diell t\u00eb ngroht\u00eb.<\/p>\n

9<\/strong>.
\nPlaku thatim Harri, ish banakieri i klubit t\u00eb vjet\u00ebr \u2018Gota’, me borsalin\u00eb t\u00eb rrasur deri tek vesh\u00ebt lapucere dhe l\u00ebkur\u00eb t\u00eb p\u00ebrskuqur prej diellit, l\u00ebvizi me ngatht\u00ebsi qaf\u00ebn dhe me z\u00eb t\u00eb shuar iu lut Ruan\u00ebs t\u00eb lajm\u00ebronte ambulanc\u00ebn.
\n\u2013 \u00c7far\u00eb, \u2013 ia b\u00ebri e shoqja pa hequr peshqirin nga koka.
\n\u2013 Nuk po ndjehem mir\u00eb.
\n\u2013 Ke gjith\u00eb dit\u00ebn shtrir\u00eb, t\u00eb ka r\u00ebn\u00eb dielli n\u00eb kok\u00eb, ngrehu l\u00ebviz, \u2013 foli Ruana.
\n\u2013 Si t\u00eb l\u00ebviz, kur kam nj\u00eb g\u00ebr\u00e7 k\u00ebtu n\u00eb gjoks dhe nuk po mundem t\u00eb mbushem me frym\u00eb, \u2013 u ankua ai.
\nRuana largoi peshqirin dhe ngriti kok\u00ebn me p\u00ebrtes\u00eb.
\n\u2013 Po t\u00eb mos ndjehesh mir\u00eb, ikim. E l\u00ebm\u00eb k\u00ebt\u00eb dit\u00eb t\u00eb bukur dhe shkojm\u00eb n\u00eb sht\u00ebpi, \u2013 i tha ajo dhe mb\u00ebshteti b\u00ebrrylin n\u00eb stol.
\nHarri nuk i ktheu p\u00ebrgjigje, krah\u00ebt e dob\u00ebt t\u00eb tij u var\u00ebn n\u00eb stol.
\n\u2013 Harri d\u00ebgjon?
\nAi heshte.
\n\u2013 Plako! Harri!
\nN\u00eb rrug\u00eb kaloi nj\u00eb grua police me bi\u00e7iklet\u00eb. Ruana e shqet\u00ebsuar i k\u00ebrkoi ndihm\u00eb. Policja nj\u00eb grua energjike, me trup mesatar, la bi\u00e7iklet\u00ebn buz\u00eb rrug\u00ebs dhe zbriti me nxitim. I mati pulsin plakut. Ruana ndukte gishtat me dh\u00ebmb\u00eb dhe vazhdoi t\u00eb m\u00ebrm\u00ebriste me vete se qysh mbr\u00ebm\u00eb i shoqi e kish pasur tensionin t\u00eb ul\u00ebt. \u00cbsht\u00eb kok\u00eb mushk\u00eb plaku, nuk d\u00ebgjoi t\u00eb q\u00ebndronte n\u00eb sht\u00ebpi, nuk donte te braktiste zakonin p\u00ebr t\u00eb dal\u00eb n\u00eb bregun e liqenit.
\nMenj\u00ebher\u00eb v\u00ebmendja e pushuesve u shk\u00ebput nga f\u00ebmij\u00ebt ardh\u00ebs q\u00eb zhurm\u00ebtinin n\u00eb liqen dhe u p\u00ebrqendrua tek Harri thatim t\u00eb cilit i kish r\u00ebn\u00eb t\u00eb fik\u00ebt. Policja foli n\u00eb radio me urgjenc\u00ebn e spitalit t\u00eb qytetit: Engj\u00eblli i bardh\u00eb, t\u00eb d\u00ebrgonte menj\u00ebher\u00eb ambulanc\u00ebn. Ajo iu lut dy djelmoshave ta ndihmonin ta mbartin plakun n\u00ebn pem\u00eb, larg rrezeve t\u00eb nxehta t\u00eb diellit. Policja hoqi me nxitim kapel\u00ebn dhe xhaket\u00ebn. Largoi kureshtar\u00ebt e shumt\u00eb q\u00eb v\u00ebshtronin t\u00eb shqet\u00ebsuar trupin e l\u00ebshuar t\u00eb plakut Harri dhe nisi t\u2019i b\u00ebnte frym\u00ebmarrje artificiale. Ruana pak m\u00eb tej p\u00ebrlotej n\u00eb heshtje dhe nuk pushonte s\u00eb m\u00ebrm\u00ebritur. Ngjante si nj\u00eb mas\u00eb e qullur mishi e l\u00ebn\u00eb n\u00eb harres\u00eb.
\nK\u00ebmisha e kalt\u00ebr e polices u qull nga djersa. Mbas disa minutash Harri p\u00ebrp\u00ebliti syt\u00eb, i hapi dhe v\u00ebshtroi p\u00ebrqark i hutuar. Ruana qeshi e leht\u00ebsuar.
\n\u2013 Dreq Harri! Na b\u00ebre me zem\u00ebr, \u2013 ia b\u00ebri Skoti buzagaz dhe shtoi: \u2013 S\u00ebmuret burri prej nj\u00eb fashe dielli!
\nPlaku Harri l\u00ebvizi qaf\u00ebn ngadal\u00eb dhe buz\u00ebqeshi me v\u00ebshtir\u00ebsi.
\n\u2013 Nuk vdes leht\u00eb Harri jo, pa provuar dhe shijen e gruas s\u00eb gjasht\u00eb, \u2013 ia pat me shaka Braj\u00ebn, pa l\u00ebshuar mbes\u00ebn nga dora e cila donte t\u00eb p\u00ebrzihej me f\u00ebmij\u00ebt e tjer\u00eb.
\nRuana l\u00ebvizi kok\u00ebn me vrull, v\u00ebshtroi nga Braj\u00ebn me inat dhe i shfryu:
\n\u2013 Q\u00ebrohu tutje Braj\u00ebn! Shkoi vapa me gushtin p\u00ebr Harrin. Tani atij duhet t\u2019ia mbash vegl\u00ebn t\u00eb ngritur me spango. Apo ta ka qejfi ty t\u00eb futesh e t\u00eb kullos\u00ebsh n\u00eb luadhin tim.
\n\u2013 He,he, he, \u2013 hung\u00ebriti Braj\u00ebn. E cimbisi gruan leht\u00eb n\u00eb krahun e trash\u00eb dhe i p\u00ebshp\u00ebriti pran\u00eb veshit: \u2013 B\u00ebra shaka moj Ruana. Luadhin t\u00ebnd un\u00eb e kam kositur kur bari ishte shum\u00eb i fresk\u00ebt dhe mbante er\u00eb tr\u00ebndelin\u00eb. Apo harrove moj Ruana?
\n\u2013 Hy djall me brir\u00eb, shko gremisu! Goj\u00ebfarmak! \u2013 u g\u00ebrmush ajo: \u2013 Gjete koh\u00ebn t\u00eb grisesh me ne. Gjithnj\u00eb karagjoz ke qen\u00eb.
\nBraj\u00ebn luajti kok\u00ebn ngadal\u00eb pa i v\u00ebn\u00eb veshin sharjeve t\u00eb saj dhe p\u00ebshp\u00ebriti:
\n\u2013 L\u00ebre tani Ruana, mos e nga, t\u00eb lutem. Si\u00e7 e sheh po m\u00eb b\u00ebhet mbesa p\u00ebr t’u martuar. T\u00eb shkuara t\u00eb harruara. H\u00eb de, ngriji vetullat. M\u00eb fal. T\u00eb jem i sinqert\u00eb me ty. Ti ishe me t\u00eb v\u00ebrtet\u00eb llokum me ara Ruana. Sheqer e mjalt\u00eb. Sixhade Persie. Nj\u00ebshi me nam i qytetit dhe i t\u00ebr\u00eb zon\u00ebs s\u00eb Muskok\u00ebs.
\nRuana u shkri nga k\u00ebnaq\u00ebsia e pickoi n\u00eb ije dhe iu p\u00ebrk\u00ebdhel si kone.
\n\u2013 Eh more Braj\u00ebn, eh! At\u00ebher\u00eb pse m\u00eb le t\u00eb shkoja tek Harri, \u2013 i foli ajo gjith\u00eb p\u00ebrd\u00ebllim.
\n\u2013 Po gruan q\u00eb kisha \u00e7\u2019ta b\u00ebja, \u2013 i foli ai n\u00ebp\u00ebr dh\u00ebmb\u00eb.
\n\u2013 \u00c7\u2019ta b\u00ebje?! Ja shiko k\u00ebta ardh\u00ebsit, mbajn\u00eb nga dy gra, \u2013 murmuriti ajo me z\u00eb t\u00eb grindur.
\n\u2013 N\u00eb ato vite ti, Ruana, nuk mund t\u00eb p\u00ebrmbaheshe, jo, \u2013 r\u00ebnkoi Braj\u00ebn.
\nRuana u prish n\u00eb fytyr\u00eb dhe hapi goj\u00ebn t\u00eb fliste. N\u00eb rrug\u00eb u ndal siren\u00ebl\u00ebshuar makina e ambulanc\u00ebs dhe zbrit\u00ebn me nxitim dy veta t\u00eb veshur me uniform\u00ebn e ndihm\u00ebs s\u00eb shpejt\u00eb dhe me barel\u00eb n\u00eb duar. Ata i vendos\u00ebn n\u00eb goj\u00eb Harrit mask\u00ebn plastike t\u00eb oksigjenit.
\n\u2013 Harri \u00ebsht\u00eb kock\u00eb e fort\u00eb, nuk do pranoj\u00eb t\u00eb shkoj\u00eb n\u00eb spital. Ai gjithnj\u00eb ka th\u00ebn\u00eb se do t\u00eb vdes\u00eb n\u00eb k\u00ebmb\u00eb, \u2013 tha Stive topalli.
\n\u2013 Djall me brir\u00eb, \u2013 iu g\u00ebrmush Ruana Braj\u00ebnit: \u2013 Me burr\u00eb t\u00eb s\u00ebmur\u00eb, ma prishe mendjen.
\nBraj\u00ebn pic\u00ebrroi syt\u00eb dhe n\u00ebnqeshi.
\n\u2013 Eh Ruana, eh! \u2013 m\u00ebrm\u00ebriti: \u2013 Lumi Muskoka rrjedh f\u00ebrkohet n\u00ebp\u00ebr brigje dhe g\u00ebrxhe nj\u00eblloj si brengat e njer\u00ebzve.
\nHarri nuk kund\u00ebrshtoi kur punonj\u00ebsit e ndihm\u00ebs s\u00eb shpejt\u00eb e mbart\u00ebn n\u00eb barel\u00eb. Ai mbylli syt\u00eb i lodhur. Ruana ecte si pat\u00eb, e ndiqte barel\u00ebn kokulur me fytyr\u00eb t\u00eb zbeht\u00eb.<\/p>\n

10<\/strong>.
\nPushuesit me buz\u00ebqeshje zem\u00ebrgjer\u00ebsie u shp\u00ebrndan\u00eb t\u00eb leht\u00ebsuar n\u00ebp\u00ebr stolat, shilar\u00ebsit dhe peshqir\u00ebt e tyre. Ata u sheshuan duke psher\u00ebtir\u00eb leht\u00eb me zem\u00ebrgjer\u00ebsi dhe p\u00ebrhumb\u00ebn shikimet. Plaku Harri u mori pak koh\u00eb me s\u00ebmundjen e tij t\u00eb papritur. Pa\u00e7ka. Ngandonj\u00ebher\u00eb plazhi i ka k\u00ebto t\u00eb papritura. H\u00ebm, nevojiten intermexo t\u00eb tilla p\u00ebr t\u00eb shkundur monotonin\u00eb dhe rutin\u00ebn e p\u00ebrditshme. Harri do t\u00eb marr\u00eb serum n\u00eb spital dhe do flej\u00eb nj\u00eb nat\u00eb si shqerr\u00eb. T\u00eb nes\u00ebrmen do ta gjejn\u00eb si zakonisht n\u00eb vendin e tij, i k\u00ebndellur n\u00eb shilar\u00ebs s\u00eb bashku me gruan, besniken Ruana. Eh, more Harri, Harri p\u00ebr pak sa na b\u00ebre merak!
\nNdodh shpesh q\u00eb diellin e ngroht\u00eb e z\u00eb reja, moti ftohet sakaq. Pushuesit pa u m\u00ebrzitur mbledhin teshat, u hipin makinave dhe shp\u00ebrndahen n\u00ebp\u00ebr sht\u00ebpi, n\u00eb pritje t\u00eb dit\u00ebs tjet\u00ebr.
\nNd\u00ebrkaq pushuesit i qen\u00eb kthyer s\u00ebrish \u00e7asteve t\u00eb tyre \u00e7lodh\u00ebs dhe arg\u00ebtues. Skotti me Daniel\u00ebn hyn\u00eb n\u00eb liqen s\u00eb bashku me f\u00ebmij\u00ebn e tyre t\u00eb futur n\u00eb kamerdaren e gjelb\u00ebr, lod\u00ebr, me palm\u00eb p\u00ebrsip\u00ebr. Kristina me Brandin kishin peshkuar nj\u00eb plak\u00eb tep\u00ebr t\u00eb moshuar, me flok\u00eb t\u00eb ngjyera n\u00eb t\u00eb kuqe. Me vetulla vizatuar me kopjativ, nga lagja e vjet\u00ebr e T\u00eb Humburit. Ata e kishin marr\u00eb plak\u00ebn n\u00eb mes dhe flisnin p\u00ebr antikuar\u00ebt e pap\u00ebrdorsh\u00ebm q\u00eb mbante n\u00ebnoja n\u00eb sht\u00ebpi, kur mund t\u00eb fitonte dhjetra dollar\u00eb. Plaka thatime i d\u00ebgjonte e p\u00ebrhumbur. Ajo v\u00ebrtet kishte nevoj\u00eb p\u00ebr ca dollar\u00eb m\u00eb shum\u00eb. N\u00eb dim\u00ebr kur binte d\u00ebbor\u00eb, sht\u00ebpia e drunjt\u00eb tek Cepi i K\u00ebrcurit niste avazin e r\u00ebnkimeve dhe k\u00ebrcitjeve, nj\u00eblloj si eshtrat e saj. Sht\u00ebpia mund t\u2019i shembej n\u00eb vitet e ardhshme dhe mund ta merrte n\u00ebn vete. Djemt\u00eb i ishin martuar dhe kishin marr\u00eb udh\u00ebt vite m\u00eb par\u00eb, nj\u00eb n\u00eb Manitoba, tjetri n\u00eb Vankuver. Ajo mendonte me ata dollar\u00eb t\u00eb fituar ta meremetonte sht\u00ebpin\u00eb. Sa t\u00eb dashur dhe t\u00eb sinqert\u00eb jan\u00eb t\u00eb rinjt\u00eb e porsa martuar!
\nStive topallit iu l\u00ebkund grepi me t\u00ebrs\u00ebll\u00ebm dhe atij i rrahu zemra me vrull p\u00ebr peshkun e madh q\u00eb kish par\u00eb n\u00eb \u00ebnd\u00ebrr. Filli i tendosur dridhej. Le t\u2019ia b\u00ebnte puf Sara. Fati i madh po i trokiste n\u00eb der\u00eb. P\u00ebrderisa flitet n\u00eb qindra vjet p\u00ebr nj\u00eb peshk t\u00eb florinjt\u00eb dhe t\u00eb argjend i cili jeton i shpenguar n\u00eb uj\u00ebrat e liqenit t\u00eb Muskok\u00ebs. Nuk do ish \u00e7udi q\u00eb ky peshk t\u00eb binte nj\u00eb dit\u00eb n\u00eb grepin e t\u00eb thjeshtit, postierit t\u00eb pap\u00ebrtuar Stive topallit dhe kjo dit\u00eb mund t\u00eb ishte e sotmja.
\nBraj\u00ebn nisi t’u b\u00ebnte st\u00ebrvitje pjes\u00ebtareve t\u00eb skuadr\u00ebs s\u00eb bejsbollit. I f\u00ebrsh\u00ebllente bilbilit me furi, vraponte s\u00eb bashk\u00eb me skuadr\u00ebn nga nj\u00eb skaj n\u00eb tjetrin. Jahtet dhe motoskaf\u00ebt l\u00ebviznin t\u00eb shpenguar n\u00eb liqen dhe t\u00eb rinjt\u00eb kridheshin n\u00eb uj\u00eb shoq\u00ebruar me klithma g\u00ebzimi. Lart mbi rrug\u00eb, punonj\u00ebsit e ndihm\u00ebs s\u00eb shpejt\u00eb p\u00ebrsh\u00ebndet\u00ebn policen e sh\u00ebrbimit dhe i hip\u00ebn makin\u00ebs p\u00ebr t’u larguar.<\/p>\n

11<\/strong>.
\nN\u00eb mes t\u00eb k\u00ebsaj harmonie t\u00eb mrekullueshme u ngrit nj\u00eb klithm\u00eb e llahtarshme. Shungullim\u00eb, q\u00eb u mpiu pushuesve p\u00ebshtym\u00ebn n\u00eb goj\u00eb. Tet\u00eb grat\u00eb si l\u00ebmshe rrobash, vraponin si t\u00eb \u00e7ak\u00ebrdisura n\u00eb rrug\u00eb. Shehrazadja i doli p\u00ebrpara ambulanc\u00ebs s\u00eb emergjenc\u00ebs dhe i bllokoi rrug\u00ebn. Sa e mundimshme ish ajo ferexhe q\u00eb i mbante frym\u00ebn e djersinte dhe nuk e linte t\u00eb fliste, i vinte ta shkulte dhe ta flakte tutje. Syt\u00eb i ishin veshur prej lot\u00ebve t\u00eb nxeht\u00eb. Zemra i rrihte me vrull prej ankthit dhe p\u00ebrgjegj\u00ebsis\u00eb. Sepse ish ajo e para q\u00eb ngulmoi t\u00eb linin f\u00ebmij\u00ebt t\u00eb luanin n\u00eb liqen. Syt\u00eb e Saharas\u00eb villnin zjarr. Shoferi frenoi me shpejt\u00ebsi, duke devijuar majtas. Shehrazadja k\u00ebrceu m\u00ebnjan\u00eb.
\nGrat\u00eb e tjera ul\u00ebrinin, nduknin rrobat, ferexhet\u00eb, qanin.
\n\u2013 Ju lutem… na ndihmoni…Nj\u00eb f\u00ebmij\u00eb i yni… aty n\u00eb liqen.., \u2013 mezi mundi t\u00eb fliste Shehrazadja. Ajo dridhej. Toka l\u00ebvizte dhe asaj i b\u00ebhej sikur do gremisej.
\nPunonj\u00ebsit e emergjenc\u00ebs v\u00ebshtruan t\u00eb hutuar gruan q\u00eb u preu rrug\u00ebn dhe te veshur fund e krye me tesha t\u00eb r\u00ebnda. Ata shan\u00eb me z\u00eb t\u00eb ulet. Mend e shtyp\u00ebn k\u00ebt\u00eb far\u00eb gruaje. Trupi i saj i gjat\u00eb dridhej si purtek\u00eb. Ferexheja e qullur prej djers\u00ebs dhe frym\u00ebs l\u00ebkundej. Shikimi i tyre brodhi drejt uj\u00ebrave t\u00eb qeta t\u00eb liqenit dhe mbajt\u00ebn vesh zhurm\u00ebrim\u00ebn e pushuesve t\u00eb shpenguar.
\nMos qe kjo grua ndonj\u00eb plakaruqe e \u00e7mendur, q\u00eb i ishte m\u00ebrzitur jeta dhe iu derdh makin\u00ebs p\u00ebrpara fare pa mend!
\n\u2013 Ju lutem..! \u2013 mezi d\u00ebgjuan z\u00ebrin e p\u00ebrgj\u00ebruar t\u00eb gruas. \u2013 F\u00ebmija… atje… n\u00eb liqen..!
\nAta t\u00eb ngrehur v\u00ebshtruan nj\u00ebri-tjetrin. Nuk po gjendej nj\u00ebri prej f\u00ebmij\u00ebve?! Si ishte e mundur! Mos f\u00ebmija ishte i prap\u00eb, si\u00e7 jan\u00eb f\u00ebmij\u00ebt, kish dredhuar, rendur dhe fshehur n\u00ebp\u00ebr pyll. Dreq o pun\u00eb! U lajm\u00ebruan p\u00ebr nj\u00eb plak thatim. Tani u doli problemi i nj\u00eb f\u00ebmije.
\n\u2013 Ju lutem! \u2013 d\u00ebgjuan p\u00ebrs\u00ebri: \u2013 Vini dor\u00ebn n\u00eb zem\u00ebr!
\nAta pa e b\u00ebr\u00eb gjat\u00eb, s\u00eb bashku me policen e sh\u00ebrbimit, zbrit\u00ebn me nxitim shkall\u00ebt e drunjta dhe me gjith\u00eb rroba u fut\u00ebn n\u00eb uj\u00eb.
\nTre burrat, baballar\u00ebt e f\u00ebmij\u00ebve \u00e7amarrok\u00eb, b\u00ebr\u00eb dyll\u00eb n\u00eb fytyra v\u00ebrtiteshin t\u00eb hutuar dhe v\u00ebshtronin gjuh\u00ebthar\u00eb memec\u00ebrin\u00eb e ujit. Burri i kat\u00ebrt bariste i p\u00ebshtjelluar, syskuqur dhe mundohej t\u00eb mbante grumbull f\u00ebmij\u00ebt n\u00eb cepin e l\u00ebndin\u00ebs.
\n\u2013 Kush? P\u00ebrse? Si? Qysh?\u00c7far\u00eb? Nuk ka mund\u00ebsi. Ju thoni nj\u00ebri prej f\u00ebmij\u00ebve ardh\u00ebs?
\n\u2013 Me gjith\u00eb mend e kini? Nuk po gjendet nj\u00eb prej atyre f\u00ebmij\u00ebve zhurm\u00ebtar\u00eb? \u2013 pyeti Braj\u00ebni.
\n\u2013 Po.
\n\u2013 Ndoshta nj\u00ebri prej atyre f\u00ebmij\u00ebve k\u00ebrkon t\u00eb vazhdoj\u00eb loj\u00ebn dhe \u00ebsht\u00eb fshehur diku, \u2013 b\u00ebri i shkujdesur Brandi.
\n\u2013 Oh i dashur, t\u00eb lutem hesht! \u2013 foli Kristina.
\n\u2013 T\u00eb hesht, e dini ju sa djall\u00ebzor\u00eb jan\u00eb sot f\u00ebmij\u00ebt, \u2013 ia pat Brandi, f\u00ebrkoi qaf\u00ebn dhe shtoi: \u2013 Mos ndoshta \u00ebsht\u00eb ndonj\u00eb humor i r\u00ebndomt\u00eb?! Loj\u00eb. N\u00eb Muskok\u00eb qarkullojn\u00eb ngandonj\u00ebher\u00eb shaka t\u00eb tilla, \u2013 vazhdoi n\u00eb t\u00eb tij\u00ebn Brandi.
\n\u2013 Mjaft! Ju nuk keni t\u00eb drejt\u00eb. Muskoka gjithnj\u00eb \u00ebsht\u00eb dalluar p\u00ebr seriozitet dhe p\u00ebrgjegjshm\u00ebri t\u00eb lart\u00eb qytetarie. Ne jemi mikprit\u00ebs dhe dashamir\u00ebs p\u00ebr cilido. Ata f\u00ebmij\u00eb dukeshin aq t\u00eb mir\u00eb, t\u00eb dashur dhe t\u00eb shpenguar si n\u00eb p\u00ebrrall\u00eb, \u2013 m\u00ebrm\u00ebriti Daniela.
\n\u2013 Ti Brandi sikur i do f\u00ebmij\u00ebt? \u2013 e pyeti me dyshim Kristina.
\n\u2013 Kristina, mjalti im! E dini fort mir\u00eb sa shum\u00eb i dua un\u00eb f\u00ebmij\u00ebt, \u2013 foli me seriozitet t\u00eb shtirur Brandi.
\n\u2013 Prind\u00ebrit e tyre jan\u00eb tmerr\u00ebsisht t\u00eb shqet\u00ebsuar. Nj\u00ebri po shkul flok\u00ebt. Gruaja shtatlart\u00eb v\u00ebrtitet si e \u00e7mendur. Ajo k\u00ebrkoi t\u00eb futej n\u00eb uj\u00eb. Gruaja e shkurt\u00ebr pran\u00eb saj u k\u00ebrrus, u tendos dhe i nguli shtatlart\u00ebs si panter\u00eb thonjt\u00eb n\u00eb krah. Mos ishte ndonj\u00eb mbytje e k\u00ebrkuar e paralajm\u00ebruar? Grat\u00eb e tjera t\u00eb llahtarisura e mbajt\u00ebn nga krah\u00ebt, \u2013 foli Sara me keqardhje.
\n\u2013 Si \u00ebsht\u00eb e mundur?! K\u00ebtu tek ne, n\u00eb Muskok\u00eb?! \u2013 psher\u00ebtiu Stive. Hoqi me kujdes grepin metalik prej buz\u00ebs s\u00eb nj\u00eb peshku t\u00eb vog\u00ebl q\u00eb p\u00ebrdridhej dhe e hodhi n\u00eb uj\u00eb.
\nPyetjet e ethshme vazhduan vet\u00ebtimthi n\u00eb goj\u00ebt e pushuesve. Ata braktis\u00ebn shilar\u00ebsit, stolat portative, peshqir\u00ebt dhe ec\u00ebn drejt bregut t\u00eb liqenit. Disa prej tyre u zverdh\u00ebn dhe shtr\u00ebnguan zemrat, t\u00eb tjer\u00ebt u turr\u00ebn drejt ujit. U thirr\u00ebn f\u00ebmij\u00ebve me emra dhe i urdh\u00ebruan t\u00eb dilnin menj\u00ebher\u00eb prej ujit.
\nDiellin e zuri nj\u00eb re e madhe. Qielli u vrenjt.
\n\u2013 Phu, nga u gjend kjo dreq re! Moti menj\u00ebher\u00eb u ftoh. Gjer dje qielli ishte i kthjell\u00ebt pa re dhe dielli ndriste, \u2013 u grind Stive topalli. Ai qe i zhg\u00ebnjyer. Grepi iu tendos dhe u tund gjat\u00eb, ai besoi…si rezultat i kapi nj\u00eb salmon t\u00eb vog\u00ebl.
\nUji i liqenit nisi t\u00eb val\u00ebzohet. Pushuesit u ngut\u00ebn t\u00eb vishnin k\u00ebmishat dhe bluzat e holla.
\n\u2013 Kaq e ka ngroht\u00ebsia verore k\u00ebtu tek ne. Se nga shkulet dhe vjen nj\u00eb re nurs\u00ebze dhe moti ftohet, \u2013 m\u00ebrm\u00ebriti Braj\u00ebn.
\n\u2013 L\u00ebreni motin, ju lutem interesohuni p\u00ebr f\u00ebmij\u00ebn, \u2013 iu shkreh plaka thatime Mona. Ajo nuk kish r\u00ebn\u00eb dakord me shitjen e antikuar\u00ebve. Ata donin t\u2019ia blinin shum\u00eb lir\u00eb, vet\u00ebm me disa dollar\u00eb t\u00eb qelbur.
\n\u2013 Ah po, m\u00eb falni, \u2013 m\u00ebrm\u00ebriti Stive dhe shtoi: \u2013 Ju sikur that\u00eb f\u00ebmija e ardh\u00ebsve t\u00eb vonuar?
\n\u2013 Po. F\u00ebmij\u00eb ezmer, me t\u00eb brendshmet t\u00eb kaltra, \u2013 nd\u00ebrhyri Kristina.
\n\u2013 Ajo e imta, flok\u00ebzeza t\u00eb prera shkurt, q\u00eb q\u00ebndronte n\u00eb fund t\u00eb grupit?! \u2013 pyeti Skotti.
\n\u2013 Ju lutem, mos m\u00eb lodhni, ka shum\u00eb mund\u00ebsi q\u00eb ajo t\u00eb jet\u00eb, \u2013 foli plaka thatime Mona. Ajo v\u00ebshtroi me bisht t\u00eb syrit nga Kristina. Ajo besoi m\u00eb kot se t\u00eb rinjt\u00eb e dashuruar jan\u00eb shum\u00eb t\u00eb \u00e7ilt\u00ebr.
\n\u2013 Oh! O Zot! \u00c7\u2019po b\u00ebhet, nuk duhet t\u00eb q\u00ebndrojm\u00eb duarkryq, ta k\u00ebrkojm\u00eb ngado. O burra t\u00eb hym\u00eb n\u00eb uj\u00eb, \u2013 tha Skotti.
\n\u2013 Nuk e sheh diellin e zuri reja dhe moti menj\u00ebher\u00eb u ftoh, \u2013 u ankua plaka thatime Mona.
\n\u2013 Pun\u00eb e madhe. Muskotar\u00ebt jan\u00eb m\u00ebsuar me t\u00eb ftohtin, \u2013 ia ktheu Stive me z\u00eb t\u00eb grindur. \u00cbndrra e kapjes s\u00eb peshkut t\u00eb madh iu kthye p\u00ebrmbys dhe ai ndjehej i trishtuar.
\n\u2013 Donit t\u00eb thoshit musketar\u00ebt? \u2013 ia b\u00ebri Braj\u00ebn.
\nStive topalli p\u00ebrdrodhi buz\u00ebt, por nuk i ktheu p\u00ebrgjigje.
\n\u2013 Ju lutem Braj\u00ebn nuk \u00ebsht\u00eb koha p\u00ebr shaka tani, \u2013 nd\u00ebrhyri ashp\u00ebr Daniela dhe thirri me sa z\u00eb q\u00eb kish n\u00eb kok\u00eb: \u2013 Muskotar\u00eb, ejani t\u00eb kapemi dor\u00eb p\u00ebrdore dhe ta kontrollojm\u00eb liqenin me p\u00ebll\u00ebmb\u00eb.
\nNisi k\u00ebrkimi i ethsh\u00ebm, pushuesit e kapur dor\u00eb p\u00ebr dore l\u00ebviznin me ngadal\u00eb p\u00ebrgjat\u00eb bregut t\u00eb liqenit deri aty ku fillonte thell\u00ebsia dhe ku ishin b\u00ebr\u00eb prit\u00eb prej skafeve dhe jahteve t\u00eb vendosur p\u00ebr s\u00eb gjati. Era e hidh\u00ebt e frik\u00ebs dhe e vdekjes i kish p\u00ebrfshir\u00eb t\u00eb gjith\u00eb pushuesit.
\nF\u00ebmij\u00ebt ardh\u00ebs dridheshin t\u00eb mbledhur grumbull n\u00eb cep t\u00eb l\u00ebndin\u00ebs. U kish ikur ngjyra e fytyr\u00ebs dhe trupat e tyre t\u00eb brishta qen\u00eb mbushur me mornica t\u00eb m\u00ebdha. Ata erdh\u00ebn p\u00ebr t\u2019iu g\u00ebzuar dit\u00ebs s\u00eb re q\u00eb shpalosej p\u00ebrpara syve t\u00eb tyre. Diellit q\u00eb shk\u00eblqente. Ajrit t\u00eb fresk\u00ebt. Lodr\u00ebs s\u00eb magjishme t\u00eb ujit. Dit\u00ebve t\u00eb nes\u00ebrme, me v\u00ebshtrim e ngulur lart, n\u00eb fluturim, shaluar n\u00eb \u00ebndrr\u00ebn e bardh\u00eb. \u00c7\u2019ka lan\u00eb pas n\u00eb atdhe, shpesh her\u00eb kish er\u00ebra t\u00eb thata, hung\u00ebrima t\u00eb mbytura dhe ul\u00ebrima t\u00eb af\u00ebrta dhe t\u00eb larg\u00ebta dhe ato nuk donin t\u2019i kujtonin m\u00eb.
\nGazmendi i flatruar dhe i shkujdesur i f\u00ebmij\u00ebve u trondit. U qull. U r\u00ebndua. U q\u00ebllua. U gremis sa hap e mbyll syt\u00eb. U zhyt me rrap\u00ebllim\u00eb n\u00eb brend\u00ebsi t\u00eb ujit t\u00eb ftoht\u00eb t\u00eb liqenit Muskoka. \u00c7udit\u00ebrisht pa ngritur asnj\u00eb st\u00ebrkal\u00eb dhe krijuar rrath\u00eb t\u00eb dridhsh\u00ebm uji. Zhdukja e papritur e nj\u00ebrit prej f\u00ebmij\u00ebve t\u00eb pjes\u00ebtareve t\u00eb familjes s\u00eb tyre, u vuri n\u00eb fyt lakun e hutimit dhe t\u00eb tmerrit. Nd\u00ebrsa burrat e murr\u00ebtyer, me grat\u00eb e tyre t\u00eb mbuluar fund e krye q\u00ebndronin t\u00eb ngurt\u00ebsuar. Teshat e qullura, t\u00eb akulluara, u r\u00ebndonin n\u00eb trup sikur mbartnin mbi shpin\u00eb kodrinat e rrumbullak\u00ebta, t\u00eb zhveshura, me tek-tuk disa g\u00ebmusha t\u00eb hirta t\u00eb vendlindjes. U dukej sikur gjendeshin t\u00eb flakur aksidentalisht n\u00eb tjet\u00ebr bot\u00eb dhe n\u00eb tjet\u00ebr jet\u00eb. E par\u00ebnd\u00ebsishmja, paralajm\u00ebrimi dhe zhb\u00ebrja q\u00ebndronin t\u00eb k\u00ebrleshura n\u00eb rrug\u00ebn me pluhur t\u00eb rrug\u00ebtimit t\u00eb gjat\u00eb.
\nNj\u00eb shpres\u00eb e vak\u00ebt, si tring\u00ebllim\u00eb zileje t\u00eb shurdhuar v\u00ebrtitej n\u00eb mendjet e turbulluara t\u00eb af\u00ebrme t\u00eb vog\u00eblushes s\u00eb dashur. Fatm\u00ebs delikate gjithnj\u00eb i p\u00eblqenin lodrat, p\u00ebrk\u00ebdhelit\u00eb dhe befasit\u00eb. Ajo ishte gazi dhe \u00e7ilt\u00ebrsia. Si kotele e vog\u00ebl, me dy g\u00ebrsheta t\u00eb shkurt\u00ebza t\u00eb lidhura me fjongo t\u00eb bardh\u00eb, vraponte me hapa t\u00eb shpejta dhe strukej n\u00ebp\u00ebr kthinat e sht\u00ebpis\u00eb s\u00eb madhe, n\u00eb skutat e oborrit. Mblidhej kutulla\u00e7 n\u00ebn g\u00ebmushat e ul\u00ebta pas sht\u00ebpis\u00eb. Priste me kuturisje t\u00eb heshtur, kur t\u00eb tjer\u00ebt i th\u00ebrrisnin emrin dhe e k\u00ebrkonin.
\n\u2018Fatma!\u2019
\nAjo kukuriste n\u00ebn z\u00eb.
\n\u2018Fatma, ku je?
\nVesh\u00ebngrehur d\u00ebgjonte hapat q\u00eb afroheshin dhe strukej m\u00eb thell\u00eb. M\u00eb pas shkrihej prej gazit dhe lumturis\u00eb kur gjendej n\u00eb krah\u00ebt e prind\u00ebrve dhe t\u00eb Shehrazades mbas nj\u00eb fshehjeje t\u00eb bukur.<\/p>\n

12<\/strong>.
\nVendi i pushimit n\u00eb kthin\u00ebn e bukur t\u00eb liqenit Muskoka e humbi p\u00ebrfundimisht qet\u00ebsin\u00eb e zakonshme t\u00eb nj\u00eb dite plazhi. M\u00eb t\u00eb moshuarit q\u00ebndronin n\u00eb breg t\u00eb verdh\u00eb dyll\u00eb n\u00eb fytyr\u00eb. Ata e kishin braktisur shkujdesjen dhe shpengimin, u ishte thare lukthi i fytit. Banor\u00ebt e ardhur nga qyteti: Engj\u00eblli i bardh\u00eb, l\u00ebviznin shum\u00eb kujdessh\u00ebm n\u00eb liqen. T\u00eb preokupuar, t\u00eb kapur dor\u00eb p\u00ebr dore, kishin krijuar nj\u00eb zinxhir i gjat\u00eb. Me nervat e tendosura dhe p\u00ebrqendrimin maksimal ecnin si nj\u00eb trup i vet\u00ebm. \u00c7do sekond\u00eb q\u00eb ikte u godiste n\u00eb koka si tokmak. Fytyrat e tyre qen\u00eb ngurosur, syt\u00eb i mbanin t\u00eb p\u00ebrqendruar tek uji, q\u00eb tanim\u00eb u dukej i huaj, i dallg\u00ebzuar dhe tin\u00ebzar. Gjithsecili p\u00ebshp\u00ebriste i ankthuar pyetjen drith\u00ebruese:
\n\u2013 Ku duhet t\u00eb jet\u00eb vall\u00eb, ku duhet t\u00eb jet\u00eb vall\u00eb, ku duhet t\u00eb jet\u00eb vall\u00eb kjo f\u00ebmij\u00eb?
\n\u2013 Nga e solli kok\u00ebn edhe kjo dreq re, \u2013 u ankua p\u00ebrs\u00ebri Stive topalli.
\nK\u00ebmba e d\u00ebmtuar i therte n\u00eb zem\u00ebr prej ftoht\u00ebsis\u00eb dhe q\u00ebndrimit t\u00eb gjat\u00eb n\u00eb uj\u00eb. Kafshimi i gjarprit dhe uji i ftoht\u00eb e paskan nj\u00eblloj hidh\u00ebsin\u00eb. Por Stive topalli nuk mund t\u00eb shk\u00ebputej prej dor\u00ebs s\u00eb but\u00eb e topolake t\u00eb Daniel\u00ebs.
\nK\u00ebrkuesit l\u00ebviznin hap pas hapi, n\u00eb nj\u00eb varg t\u00eb ngjeshur, t\u00eb shtr\u00ebnguar fort. T\u00eb mos ngelej pa kontrolluar as dhe nj\u00eb p\u00ebll\u00ebmb\u00eb vend. Banor\u00ebt e qytetit Engj\u00eblli i bardh\u00eb, me mendjeleht\u00ebsi pandehnin se e njihnin me p\u00ebll\u00ebmb\u00eb tabanin e liqenit Muskoka, por nuk ishte k\u00ebshtu. Fsheht\u00ebsit\u00eb e liqenit qenkan t\u00eb pafundme. Ne k\u00ebt\u00eb \u00e7ast ata dukeshin foshnjarak\u00eb n\u00eb njohuri. Si t\u00eb gjith\u00eb ardh\u00ebsit e t\u00eb ikurit e tjer\u00eb. Kjo gj\u00eb i trishtonte thell\u00eb, sepse nuk mund t\u00eb realizonin kurr\u00eb \u00ebndrr\u00ebn e mrekullueshme, t\u00eb kapnin peshkun e madh.
\nUji i liqenit Muskoka u f\u00ebrkohej k\u00ebrkuesve n\u00ebp\u00ebr k\u00ebmb\u00eb, n\u00eb trup dhe i ftohte. Ai nuk donte t\u00eb l\u00ebshonte prej duarsh at\u00eb q\u00eb merrte. Pse vall\u00eb duhej, gjithnj\u00eb kish dh\u00ebn\u00eb me bujari. Jo m\u00eb kot kish ushqyer, p\u00ebrk\u00ebdhelur dhe p\u00ebrkundur n\u00eb qindra dhe qindra vite me miliona e miliona peshkatar\u00eb, lund\u00ebrtar\u00eb dhe pushues t\u00eb shpenguar, t\u00eb nervozuar e t\u00eb lodhur prej jet\u00ebs. Liqeni Musoka me ishujt e vegj\u00ebl dhe t\u00eb pyll\u00ebzuar, ishte i p\u00ebrhersh\u00ebm. Dhe k\u00ebta pushues, apo ardh\u00ebs t\u00eb rinj q\u00eb nd\u00ebrtonin, prishnin, q\u00eb b\u00ebnin potere, jan\u00eb tmerr\u00ebsisht t\u00eb p\u00ebrkohsh\u00ebm.
\nVargu zinxhir i pushuesve \u00e7ante ujin n\u00eb heshtje, me syt\u00eb e ngulur n\u00eb brend\u00ebsi. Uji i r\u00ebnd\u00eb ulej dhe ngrihej, sikur merrte frym\u00eb. Vendasit nga padurimi i mos gjetjes s\u00eb f\u00ebmij\u00ebs po b\u00ebheshin nervoz\u00eb me pabesin\u00eb, indiferentizmin, dhe memec\u00ebrin\u00eb e liqenit t\u00eb tyre. Liqeni i dashur Muskoka u dukej i huaj, i akullt, tmerr\u00ebsisht tekanjoz. Hakmarr\u00ebs i verb\u00ebr, kish b\u00ebr\u00eb marr\u00ebveshje t\u00eb heshtur me koh\u00ebn dhe ren\u00eb e madhe t\u00eb zez\u00eb, lart n\u00eb qiell e cila qe shtrir\u00eb tej mase, mb\u00ebrthyer dhe nuk l\u00ebvizte. Vendasit p\u00ebrs\u00ebri kishin besim t\u00eb vak\u00ebt p\u00ebr humbjen e f\u00ebmij\u00ebs n\u00eb liqen. Pse pik\u00ebrisht n\u00eb liqen? Nuk mund t\u00eb ishte fshehur diku rrotull, me enigm\u00ebn naive dhe f\u00ebmij\u00ebrore n\u00eb sy?
\nHeshtje e nder\u00eb. Zemrat rrihnin me potere. Duart vazhdonin t\u00eb q\u00ebndronin t\u00eb shtr\u00ebnguara dhe syt\u00eb t\u00eb mb\u00ebrthyera. Uji l\u00ebvizje, f\u00ebrkohej n\u00ebp\u00ebr k\u00ebmb\u00eb sikur t\u00eb mos kish ndodhur asgj\u00eb. Ankth. P\u00ebrgjim i tensionuar. Nj\u00eb r\u00ebnkim i thell\u00eb drith\u00ebrues, i tejzgjatur, d\u00ebgjohej lart n\u00eb cepin e l\u00ebndin\u00ebs ku ishin grumbulluar ardh\u00ebsit e rinj. Grat\u00eb dhe burrat ishin ulur n\u00eb gjunj\u00eb, faleshin. F\u00ebmij\u00ebt dridheshin t\u00eb mb\u00ebrthyer prej thonjve t\u00eb tmerrit. Ngjyra blu e err\u00ebt ishte ndehur n\u00eb at\u00eb cep t\u00eb l\u00ebndin\u00ebs.
\nGjendja e nder\u00eb kish arritur kulmin. K\u00ebrkimin i ngrehur, i verb\u00ebr p\u00ebr nj\u00eb f\u00ebmij\u00eb fatkeqe t\u00eb humbur, q\u00eb mund t\u00eb ishte n\u00ebn uj\u00eb. K\u00ebt\u00eb fakt t\u00eb mundimsh\u00ebm, sfilit\u00ebs askush nuk d\u00ebshironte ta besonte. Vog\u00eblushja e njom\u00eb s\u00eb cil\u00ebs posa i kishin filluar t\u2019i \u00e7elnin petalet, ishte n\u00eb shkallin\u00ebn e par\u00eb t\u00eb jet\u00ebs. Kish braktisur vatr\u00ebn e lasht\u00eb familjare, ardhur s\u00eb bashku me prind\u00ebrit prej mij\u00ebra kilometra larg. P\u00ebr \u00ebndrra t\u00eb purpurta, nj\u00eb jet\u00eb m\u00eb t\u00eb mir\u00eb. Pa trusnin\u00eb e zakoneve dhe varf\u00ebris\u00eb. T\u00eb g\u00ebzohej dhe t\u00eb lumturohej si gjith\u00eb f\u00ebmij\u00ebt e bot\u00ebs me lodra dhe shkujdesje t\u00eb bukura n\u00eb liqenin er\u00ebmir\u00eb Muskoka. F\u00ebmija nuk di se \u00e7\u2019\u00ebsht\u00eb trishtimi dhe vuajtja, sepse \u00ebsht\u00eb shkujdesja vet\u00eb, gazmendi dhe \u00e7ilt\u00ebrsia.
\nShehrazadja u shk\u00ebput me vrull prej thonjve t\u00eb shtr\u00ebnguar t\u00eb Saharas\u00eb. Trupi i saj ishte r\u00ebnduar prej djers\u00ebve t\u00eb ftohta t\u00eb mundimit. Syt\u00eb i p\u00ebrv\u00eblonin prej lot\u00ebve djeg\u00ebs t\u00eb trishtimit dhe ferexheja qe r\u00ebnduar tej mase prej lag\u00ebshtir\u00ebs. Gruas i dukej sikur po mbytej n\u00eb t\u00eb. Ajo u derdh si shqiponj\u00eb drejt bregut t\u00eb liqenit. V\u00ebrtet Fatma ishte fara e Hamidit, mbir\u00eb n\u00eb ar\u00ebn e Sahar\u00ebs, por voc\u00ebrrakja Fatma qe f\u00ebmij\u00eb shum\u00eb e \u00ebmb\u00ebl, sa ajo e donte si f\u00ebmij\u00ebn e saj.
\nE \u00e7ak\u00ebrdisur rrahu ujin me inat dhe u bashkua me zinxhirin e shtr\u00ebnguar t\u00eb pushuesve. Shehrazadja ishte e nd\u00ebrgjegjshme se nuk mund t\u00eb realizohej gjetja e f\u00ebmij\u00ebs s\u00eb dashur, lules s\u00eb mrekullueshme vet\u00ebm me lutje. N\u00eb p\u00ebll\u00ebmb\u00eb ndjeu nj\u00eb ledhatim t\u00eb leht\u00eb. P\u00ebrmes perdes s\u00eb lot\u00ebve dalloi nj\u00eb fytyr\u00eb t\u00eb rrudhosur, t\u00eb nj\u00eb gruaje t\u00eb vjet\u00ebr.
\nSaharaja r\u00ebnkoi z\u00ebngjirur p\u00ebr ikjen e Shehrazades dhe mblodhi duart n\u00ebn vete. Ndjehej tmerr\u00ebsisht e pafuqishme. Goj\u00ebn e kishte farmak dhe zemr\u00ebn e dob\u00ebt. Frika e burrit e mbante por si n\u00ebn\u00eb do ishte turrur me koh\u00eb n\u00eb liqen n\u00eb k\u00ebrkim t\u00eb lules t\u00eb saj. Kjo zd\u00ebrre i dilte gjithnj\u00eb p\u00ebrpara.
\nHamidi vari kok\u00ebn n\u00eb gjoks dhe shkrof\u00ebtiu i pik\u00eblluar. Ai e donte shum\u00eb Fatm\u00ebn, vog\u00eblushen e \u00ebmb\u00ebl, por nuk mund t\u00eb shk\u00ebputej prej grupit t\u00eb p\u00ebrgjunjur t\u00eb lutjes s\u00eb madhe. Shehrazadja ishte grua e dyt\u00eb, shurup dhe k\u00ebna dhe ai e kish llastuar ca si tep\u00ebr. Ndaj femra thyen rregullat dhe sillet e pabindur. Lutja e madhe, bashk\u00ebrisht ndaj zotit ka forc\u00eb dhe fuqi m\u00eb tep\u00ebr se nj\u00eb ndjenj\u00eb. Duhej t\u00eb linte koh\u00ebn t\u00eb mendonte p\u00ebr t\u00eb.
\nNj\u00eb er\u00eb e ftoht\u00eb vinte prej verilindjes dhe liqeni dukej sikur merrte frym\u00eb ashp\u00ebr. Zinxhiri i shtr\u00ebnguar i pushuesve n\u00eb liqen nisi t\u00eb l\u00ebkundet. Ata filluan t\u00eb ndjenin nj\u00eb kallkanosje t\u00eb brendshme. P\u00ebrse duhej q\u00eb liqeni i tyre t\u00eb b\u00ebnte k\u00ebt\u00eb mbarsje t\u00eb ndyr\u00eb pik\u00ebrisht me nj\u00eb f\u00ebmij\u00eb? P\u00ebrse?! Ardh\u00ebsit e rinj gjithnj\u00eb jan\u00eb t\u00eb padjall\u00ebzuar deri n\u00eb naivitet. Ndoshta me shum\u00eb t\u00eb hutuar. Mos vall\u00eb liqeni Muskoka k\u00ebrkonte t\u00eb b\u00ebnte shakara t\u00eb poshtra me t\u00eb \u00e7ilt\u00ebrsin\u00eb dhe hutimin f\u00ebmij\u00ebror?
\nN\u00eb krahun e majt\u00eb t\u00eb liqenit, shum\u00eb larg bregut oshtiu z\u00ebri i ngjirur prej t\u00eb ftohtit t\u00eb ujit i polices s\u00eb sh\u00ebrbimit:
\n\u2013 E gjeta! O Zot e gjeta f\u00ebmij\u00ebn!
\nZ\u00ebri i saj shkundi me shungullim\u00eb t\u00eb thell\u00eb mjedisin p\u00ebrreth. Ajo humbi n\u00ebn uj\u00eb. Shehrazadja u ngreh, m\u00eb pas u drodh si gjeth. Gruaja q\u00eb kish pran\u00eb e mbajti p\u00ebr krahu. Pushuesit dhe qytetar\u00ebt e tjer\u00eb t\u00eb qytetit: Engj\u00eblli i bardh\u00eb, nj\u00eb \u00e7ast q\u00ebndruan t\u00eb ngrir\u00eb.
\n\u2013 U gjend?! \u2013 fol\u00ebn t\u00eb gjith\u00eb nj\u00eb z\u00eb.
\n\u2013 Oh, m\u00eb n\u00eb fund u gjend f\u00ebmija! \u2013 p\u00ebrs\u00ebrit\u00ebn.
\nUj\u00ebrat e liqenit u l\u00ebkund\u00ebn. Zemrat e t\u00eb gjith\u00ebve rrah\u00ebn me forc\u00eb. Sikur po u shkrinte gjaku. Saharaja shtr\u00ebngoi krahun e Hamidit dhe dor\u00ebn tjet\u00ebr e vuri n\u00eb zem\u00ebr.
\nPolicja shp\u00ebrtheu prej ujit me f\u00ebmij\u00ebn n\u00eb krah\u00eb. Ajo mezi mbushej me frym\u00eb nga q\u00ebndrimi i gjat\u00eb n\u00ebn uj\u00eb. Kullonte e gjitha dhe \u00e7ante ujin me hapa t\u00eb m\u00ebdhenj si e shkrehur. Zinxhiri i shtr\u00ebnguar i pushuesve u shthur. Kaq larg pat shkuar ajo f\u00ebmij\u00eb? Apo mos vall\u00eb liqeni plakaruq djall\u00ebzisht e t\u00ebrhoqi vog\u00eblushen, ardh\u00ebsen e re, n\u00eb brend\u00ebsi t\u00eb vet p\u00ebr ta joshur me t\u00eb fshehtat e patreguara t\u00eb peshkut t\u00eb madh?
\nK\u00ebrkuesit e lodhur dhe t\u00eb m\u00ebrdhir\u00eb u derdh\u00ebn drejt polices t\u00eb ngaz\u00eblluar, por t\u00eb mb\u00ebrthyer prej makthit. Me pyetjen e pritshme qe i torturonte aq shume:
\n\u2013 Gjall\u00eb \u00ebsht\u00eb vog\u00eblushja?
\nPolicja nuk mund t\u00eb fliste, buza e poshtme i dridhej. Ajo ishte tmerr\u00ebsisht e zbeht\u00eb, syskuqur dhe mezi mbushej me frym\u00eb. Trupi delikat i vog\u00eblushes, koka, krah\u00ebt, k\u00ebmb\u00ebt vareshin si pa jet\u00eb n\u00eb krah\u00ebt e saj. Mbas shum\u00eb zhytje n\u00eb uj\u00eb me k\u00ebmb\u00ebngulje dhe pand\u00ebrprer\u00eb e gjeti f\u00ebmij\u00ebn p\u00ebrmbys mes dy gur\u00ebve. Policja duke mbajtur vajz\u00ebn t\u00eb shtr\u00ebnguar fort n\u00eb krah\u00eb, ngjiti me vrap shkall\u00ebt e drunjta drejt ambulanc\u00ebs, n\u00eb rrug\u00eb. Turma e madhe i binte pas duke p\u00ebrs\u00ebritur vazhdimisht:
\n\u2013 Ju lutem tregoni, a \u00ebsht\u00eb gjall\u00eb f\u00ebmija?
\n\u2013 Fatma! \u2013 klithte Shehrazadja: \u2013 Fatma!
\nLiqeni Muskoka u b\u00eb i bronzet dhe pas pak filloi t\u00eb bjer\u00eb shi i vrullsh\u00ebm. Askush prej pushuesve s\u2019u kujtua t\u00eb mbuloj\u00eb kryet dhe t\u00eb mbledh\u00eb teshat…<\/p>\n","protected":false},"excerpt":{"rendered":"

KRISTAQ TURTULLI novel\u00eb 1. Rruga dyt\u00ebsore \u2018Fishk\u00ebllima e shigjet\u00ebs\u2019 dredhon haresh\u00ebm n\u00ebp\u00ebrmjet nj\u00eb pylli t\u00eb dendur me pem\u00eb t\u00eb larta dhe t\u00eb nxjerr n\u00eb skajin e majt\u00eb t\u00eb liqenit Muskoka. P\u00ebrnj\u00ebmend t\u00eb b\u00ebhet sikur udh\u00ebton n\u00eb nj\u00eb tunel t\u00eb gjelb\u00ebruar dhe mahnitesh me shk\u00eblqimin dhe transparenc\u00ebn e ngjyrave. Rezet fosforeshente t\u00eb diellit m\u00ebngjesor thyhen n\u00ebp\u00ebr […]<\/p>\n","protected":false},"author":1,"featured_media":0,"comment_status":"open","ping_status":"closed","sticky":false,"template":"","format":"standard","meta":{"footnotes":""},"categories":[8,12],"tags":[],"class_list":["post-31387","post","type-post","status-publish","format-standard","category-letersi","category-tregime"],"yoast_head":"\nNJ\u00cb DIT\u00cb KORRIKU N\u00cb MUSKOKA - FJALA e LIR\u00cb<\/title>\n<meta name=\"robots\" content=\"index, follow, max-snippet:-1, max-image-preview:large, max-video-preview:-1\" \/>\n<link rel=\"canonical\" href=\"https:\/\/jehonashqiptare.al\/fjala\/nje-dite-korriku-ne-muskoka\/\" \/>\n<meta property=\"og:locale\" content=\"en_US\" \/>\n<meta property=\"og:type\" content=\"article\" \/>\n<meta property=\"og:title\" content=\"NJ\u00cb DIT\u00cb KORRIKU N\u00cb MUSKOKA - FJALA e LIR\u00cb\" \/>\n<meta property=\"og:description\" content=\"KRISTAQ TURTULLI novel\u00eb 1. Rruga dyt\u00ebsore \u2018Fishk\u00ebllima e shigjet\u00ebs\u2019 dredhon haresh\u00ebm n\u00ebp\u00ebrmjet nj\u00eb pylli t\u00eb dendur me pem\u00eb t\u00eb larta dhe t\u00eb nxjerr n\u00eb skajin e majt\u00eb t\u00eb liqenit Muskoka. P\u00ebrnj\u00ebmend t\u00eb b\u00ebhet sikur udh\u00ebton n\u00eb nj\u00eb tunel t\u00eb gjelb\u00ebruar dhe mahnitesh me shk\u00eblqimin dhe transparenc\u00ebn e ngjyrave. Rezet fosforeshente t\u00eb diellit m\u00ebngjesor thyhen n\u00ebp\u00ebr […]\" \/>\n<meta property=\"og:url\" content=\"https:\/\/jehonashqiptare.al\/fjala\/nje-dite-korriku-ne-muskoka\/\" \/>\n<meta property=\"og:site_name\" content=\"FJALA e LIR\u00cb\" \/>\n<meta property=\"article:publisher\" content=\"https:\/\/facebook.com\/fjala.info\/\" \/>\n<meta property=\"article:author\" content=\"https:\/\/facebook.com\/shkoder.net\/\" \/>\n<meta property=\"article:published_time\" content=\"2018-07-20T23:15:43+00:00\" \/>\n<meta property=\"article:modified_time\" content=\"2018-07-20T23:16:04+00:00\" \/>\n<meta property=\"og:image\" content=\"https:\/\/jehonashqiptare.al\/fjala\/wp-content\/uploads\/2021\/01\/fjala_e_lire.png\" \/>\n\t<meta property=\"og:image:width\" content=\"300\" \/>\n\t<meta property=\"og:image:height\" content=\"100\" \/>\n\t<meta property=\"og:image:type\" content=\"image\/png\" \/>\n<meta name=\"author\" content=\"admin\" \/>\n<meta name=\"twitter:card\" content=\"summary_large_image\" \/>\n<meta name=\"twitter:creator\" content=\"@https:\/\/twitter.com\/acokaj\" \/>\n<meta name=\"twitter:site\" content=\"@acokaj\" \/>\n<meta name=\"twitter:label1\" content=\"Written by\" \/>\n\t<meta name=\"twitter:data1\" content=\"admin\" \/>\n\t<meta name=\"twitter:label2\" content=\"Est. reading time\" \/>\n\t<meta name=\"twitter:data2\" content=\"61 minutes\" \/>\n<script type=\"application\/ld+json\" class=\"yoast-schema-graph\">{\"@context\":\"https:\\\/\\\/schema.org\",\"@graph\":[{\"@type\":\"Article\",\"@id\":\"https:\\\/\\\/jehonashqiptare.al\\\/fjala\\\/nje-dite-korriku-ne-muskoka\\\/#article\",\"isPartOf\":{\"@id\":\"https:\\\/\\\/jehonashqiptare.al\\\/fjala\\\/nje-dite-korriku-ne-muskoka\\\/\"},\"author\":{\"name\":\"admin\",\"@id\":\"https:\\\/\\\/jehonashqiptare.al\\\/fjala\\\/#\\\/schema\\\/person\\\/9c9fccf4f6449d25e258607d9b4275cb\"},\"headline\":\"NJ\u00cb DIT\u00cb KORRIKU N\u00cb MUSKOKA\",\"datePublished\":\"2018-07-20T23:15:43+00:00\",\"dateModified\":\"2018-07-20T23:16:04+00:00\",\"mainEntityOfPage\":{\"@id\":\"https:\\\/\\\/jehonashqiptare.al\\\/fjala\\\/nje-dite-korriku-ne-muskoka\\\/\"},\"wordCount\":12206,\"commentCount\":0,\"articleSection\":[\"Let\u00ebrsi\",\"Tregime\"],\"inLanguage\":\"en-US\",\"potentialAction\":[{\"@type\":\"CommentAction\",\"name\":\"Comment\",\"target\":[\"https:\\\/\\\/jehonashqiptare.al\\\/fjala\\\/nje-dite-korriku-ne-muskoka\\\/#respond\"]}]},{\"@type\":\"WebPage\",\"@id\":\"https:\\\/\\\/jehonashqiptare.al\\\/fjala\\\/nje-dite-korriku-ne-muskoka\\\/\",\"url\":\"https:\\\/\\\/jehonashqiptare.al\\\/fjala\\\/nje-dite-korriku-ne-muskoka\\\/\",\"name\":\"NJ\u00cb DIT\u00cb KORRIKU N\u00cb MUSKOKA - FJALA e LIR\u00cb\",\"isPartOf\":{\"@id\":\"https:\\\/\\\/jehonashqiptare.al\\\/fjala\\\/#website\"},\"datePublished\":\"2018-07-20T23:15:43+00:00\",\"dateModified\":\"2018-07-20T23:16:04+00:00\",\"author\":{\"@id\":\"https:\\\/\\\/jehonashqiptare.al\\\/fjala\\\/#\\\/schema\\\/person\\\/9c9fccf4f6449d25e258607d9b4275cb\"},\"breadcrumb\":{\"@id\":\"https:\\\/\\\/jehonashqiptare.al\\\/fjala\\\/nje-dite-korriku-ne-muskoka\\\/#breadcrumb\"},\"inLanguage\":\"en-US\",\"potentialAction\":[{\"@type\":\"ReadAction\",\"target\":[\"https:\\\/\\\/jehonashqiptare.al\\\/fjala\\\/nje-dite-korriku-ne-muskoka\\\/\"]}]},{\"@type\":\"BreadcrumbList\",\"@id\":\"https:\\\/\\\/jehonashqiptare.al\\\/fjala\\\/nje-dite-korriku-ne-muskoka\\\/#breadcrumb\",\"itemListElement\":[{\"@type\":\"ListItem\",\"position\":1,\"name\":\"Home\",\"item\":\"https:\\\/\\\/jehonashqiptare.al\\\/fjala\\\/\"},{\"@type\":\"ListItem\",\"position\":2,\"name\":\"NJ\u00cb DIT\u00cb KORRIKU N\u00cb MUSKOKA\"}]},{\"@type\":\"WebSite\",\"@id\":\"https:\\\/\\\/jehonashqiptare.al\\\/fjala\\\/#website\",\"url\":\"https:\\\/\\\/jehonashqiptare.al\\\/fjala\\\/\",\"name\":\"FJALA e LIR\u00cb\",\"description\":\""E para ishte fjala..." - n\u00eb Shkoder.net\",\"potentialAction\":[{\"@type\":\"SearchAction\",\"target\":{\"@type\":\"EntryPoint\",\"urlTemplate\":\"https:\\\/\\\/jehonashqiptare.al\\\/fjala\\\/?s={search_term_string}\"},\"query-input\":{\"@type\":\"PropertyValueSpecification\",\"valueRequired\":true,\"valueName\":\"search_term_string\"}}],\"inLanguage\":\"en-US\"},{\"@type\":\"Person\",\"@id\":\"https:\\\/\\\/jehonashqiptare.al\\\/fjala\\\/#\\\/schema\\\/person\\\/9c9fccf4f6449d25e258607d9b4275cb\",\"name\":\"admin\",\"image\":{\"@type\":\"ImageObject\",\"inLanguage\":\"en-US\",\"@id\":\"https:\\\/\\\/secure.gravatar.com\\\/avatar\\\/be103c95acc3db7547b619bb966688693542eac057aaed7ec4502234d461b6e3?s=96&r=g\",\"url\":\"https:\\\/\\\/secure.gravatar.com\\\/avatar\\\/be103c95acc3db7547b619bb966688693542eac057aaed7ec4502234d461b6e3?s=96&r=g\",\"contentUrl\":\"https:\\\/\\\/secure.gravatar.com\\\/avatar\\\/be103c95acc3db7547b619bb966688693542eac057aaed7ec4502234d461b6e3?s=96&r=g\",\"caption\":\"admin\"},\"description\":\"Arben \u00c7okaj - M\u00ebsues Fizike & Informatike :: Gazetar & Analist i pavarur :: Autor librash :: Ueb- & Grafik dizajner\",\"sameAs\":[\"https:\\\/\\\/fjala.info\\\/\",\"https:\\\/\\\/facebook.com\\\/shkoder.net\\\/\",\"https:\\\/\\\/linkedin.com\\\/in\\\/acokaj\\\/\",\"https:\\\/\\\/x.com\\\/https:\\\/\\\/twitter.com\\\/acokaj\",\"https:\\\/\\\/youtube.com\\\/channel\\\/UCWHTIr21i1vLKsLzVv1TM-w\"]}]}<\/script>\n<!-- \/ Yoast SEO plugin. -->","yoast_head_json":{"title":"NJ\u00cb DIT\u00cb KORRIKU N\u00cb MUSKOKA - FJALA e LIR\u00cb","robots":{"index":"index","follow":"follow","max-snippet":"max-snippet:-1","max-image-preview":"max-image-preview:large","max-video-preview":"max-video-preview:-1"},"canonical":"https:\/\/jehonashqiptare.al\/fjala\/nje-dite-korriku-ne-muskoka\/","og_locale":"en_US","og_type":"article","og_title":"NJ\u00cb DIT\u00cb KORRIKU N\u00cb MUSKOKA - FJALA e LIR\u00cb","og_description":"KRISTAQ TURTULLI novel\u00eb 1. Rruga dyt\u00ebsore \u2018Fishk\u00ebllima e shigjet\u00ebs\u2019 dredhon haresh\u00ebm n\u00ebp\u00ebrmjet nj\u00eb pylli t\u00eb dendur me pem\u00eb t\u00eb larta dhe t\u00eb nxjerr n\u00eb skajin e majt\u00eb t\u00eb liqenit Muskoka. P\u00ebrnj\u00ebmend t\u00eb b\u00ebhet sikur udh\u00ebton n\u00eb nj\u00eb tunel t\u00eb gjelb\u00ebruar dhe mahnitesh me shk\u00eblqimin dhe transparenc\u00ebn e ngjyrave. Rezet fosforeshente t\u00eb diellit m\u00ebngjesor thyhen n\u00ebp\u00ebr […]","og_url":"https:\/\/jehonashqiptare.al\/fjala\/nje-dite-korriku-ne-muskoka\/","og_site_name":"FJALA e LIR\u00cb","article_publisher":"https:\/\/facebook.com\/fjala.info\/","article_author":"https:\/\/facebook.com\/shkoder.net\/","article_published_time":"2018-07-20T23:15:43+00:00","article_modified_time":"2018-07-20T23:16:04+00:00","og_image":[{"width":300,"height":100,"url":"https:\/\/jehonashqiptare.al\/fjala\/wp-content\/uploads\/2021\/01\/fjala_e_lire.png","type":"image\/png"}],"author":"admin","twitter_card":"summary_large_image","twitter_creator":"@https:\/\/twitter.com\/acokaj","twitter_site":"@acokaj","twitter_misc":{"Written by":"admin","Est. reading time":"61 minutes"},"schema":{"@context":"https:\/\/schema.org","@graph":[{"@type":"Article","@id":"https:\/\/jehonashqiptare.al\/fjala\/nje-dite-korriku-ne-muskoka\/#article","isPartOf":{"@id":"https:\/\/jehonashqiptare.al\/fjala\/nje-dite-korriku-ne-muskoka\/"},"author":{"name":"admin","@id":"https:\/\/jehonashqiptare.al\/fjala\/#\/schema\/person\/9c9fccf4f6449d25e258607d9b4275cb"},"headline":"NJ\u00cb DIT\u00cb KORRIKU N\u00cb MUSKOKA","datePublished":"2018-07-20T23:15:43+00:00","dateModified":"2018-07-20T23:16:04+00:00","mainEntityOfPage":{"@id":"https:\/\/jehonashqiptare.al\/fjala\/nje-dite-korriku-ne-muskoka\/"},"wordCount":12206,"commentCount":0,"articleSection":["Let\u00ebrsi","Tregime"],"inLanguage":"en-US","potentialAction":[{"@type":"CommentAction","name":"Comment","target":["https:\/\/jehonashqiptare.al\/fjala\/nje-dite-korriku-ne-muskoka\/#respond"]}]},{"@type":"WebPage","@id":"https:\/\/jehonashqiptare.al\/fjala\/nje-dite-korriku-ne-muskoka\/","url":"https:\/\/jehonashqiptare.al\/fjala\/nje-dite-korriku-ne-muskoka\/","name":"NJ\u00cb DIT\u00cb KORRIKU N\u00cb MUSKOKA - FJALA e LIR\u00cb","isPartOf":{"@id":"https:\/\/jehonashqiptare.al\/fjala\/#website"},"datePublished":"2018-07-20T23:15:43+00:00","dateModified":"2018-07-20T23:16:04+00:00","author":{"@id":"https:\/\/jehonashqiptare.al\/fjala\/#\/schema\/person\/9c9fccf4f6449d25e258607d9b4275cb"},"breadcrumb":{"@id":"https:\/\/jehonashqiptare.al\/fjala\/nje-dite-korriku-ne-muskoka\/#breadcrumb"},"inLanguage":"en-US","potentialAction":[{"@type":"ReadAction","target":["https:\/\/jehonashqiptare.al\/fjala\/nje-dite-korriku-ne-muskoka\/"]}]},{"@type":"BreadcrumbList","@id":"https:\/\/jehonashqiptare.al\/fjala\/nje-dite-korriku-ne-muskoka\/#breadcrumb","itemListElement":[{"@type":"ListItem","position":1,"name":"Home","item":"https:\/\/jehonashqiptare.al\/fjala\/"},{"@type":"ListItem","position":2,"name":"NJ\u00cb DIT\u00cb KORRIKU N\u00cb MUSKOKA"}]},{"@type":"WebSite","@id":"https:\/\/jehonashqiptare.al\/fjala\/#website","url":"https:\/\/jehonashqiptare.al\/fjala\/","name":"FJALA e LIR\u00cb","description":""E para ishte fjala..." - n\u00eb Shkoder.net","potentialAction":[{"@type":"SearchAction","target":{"@type":"EntryPoint","urlTemplate":"https:\/\/jehonashqiptare.al\/fjala\/?s={search_term_string}"},"query-input":{"@type":"PropertyValueSpecification","valueRequired":true,"valueName":"search_term_string"}}],"inLanguage":"en-US"},{"@type":"Person","@id":"https:\/\/jehonashqiptare.al\/fjala\/#\/schema\/person\/9c9fccf4f6449d25e258607d9b4275cb","name":"admin","image":{"@type":"ImageObject","inLanguage":"en-US","@id":"https:\/\/secure.gravatar.com\/avatar\/be103c95acc3db7547b619bb966688693542eac057aaed7ec4502234d461b6e3?s=96&r=g","url":"https:\/\/secure.gravatar.com\/avatar\/be103c95acc3db7547b619bb966688693542eac057aaed7ec4502234d461b6e3?s=96&r=g","contentUrl":"https:\/\/secure.gravatar.com\/avatar\/be103c95acc3db7547b619bb966688693542eac057aaed7ec4502234d461b6e3?s=96&r=g","caption":"admin"},"description":"Arben \u00c7okaj - M\u00ebsues Fizike & Informatike :: Gazetar & Analist i pavarur :: Autor librash :: Ueb- & Grafik dizajner","sameAs":["https:\/\/fjala.info\/","https:\/\/facebook.com\/shkoder.net\/","https:\/\/linkedin.com\/in\/acokaj\/","https:\/\/x.com\/https:\/\/twitter.com\/acokaj","https:\/\/youtube.com\/channel\/UCWHTIr21i1vLKsLzVv1TM-w"]}]}},"_links":{"self":[{"href":"https:\/\/jehonashqiptare.al\/fjala\/wp-json\/wp\/v2\/posts\/31387","targetHints":{"allow":["GET"]}}],"collection":[{"href":"https:\/\/jehonashqiptare.al\/fjala\/wp-json\/wp\/v2\/posts"}],"about":[{"href":"https:\/\/jehonashqiptare.al\/fjala\/wp-json\/wp\/v2\/types\/post"}],"author":[{"embeddable":true,"href":"https:\/\/jehonashqiptare.al\/fjala\/wp-json\/wp\/v2\/users\/1"}],"replies":[{"embeddable":true,"href":"https:\/\/jehonashqiptare.al\/fjala\/wp-json\/wp\/v2\/comments?post=31387"}],"version-history":[{"count":0,"href":"https:\/\/jehonashqiptare.al\/fjala\/wp-json\/wp\/v2\/posts\/31387\/revisions"}],"wp:attachment":[{"href":"https:\/\/jehonashqiptare.al\/fjala\/wp-json\/wp\/v2\/media?parent=31387"}],"wp:term":[{"taxonomy":"category","embeddable":true,"href":"https:\/\/jehonashqiptare.al\/fjala\/wp-json\/wp\/v2\/categories?post=31387"},{"taxonomy":"post_tag","embeddable":true,"href":"https:\/\/jehonashqiptare.al\/fjala\/wp-json\/wp\/v2\/tags?post=31387"}],"curies":[{"name":"wp","href":"https:\/\/api.w.org\/{rel}","templated":true}]}}