{"id":32917,"date":"2018-09-16T12:16:45","date_gmt":"2018-09-16T10:16:45","guid":{"rendered":"http:\/\/www.fjala.info\/?p=32917"},"modified":"2018-09-16T12:40:31","modified_gmt":"2018-09-16T10:40:31","slug":"ja-nje-shembull-si-jane-pergatitur-dhe-si-kane-vepruar-agjentet-spiunet","status":"publish","type":"post","link":"https:\/\/jehonashqiptare.al\/fjala\/ja-nje-shembull-si-jane-pergatitur-dhe-si-kane-vepruar-agjentet-spiunet\/","title":{"rendered":"JA NJ\u00cb SHEMBULL, SI JAN\u00cb P\u00cbRGATITUR DHE SI KAN\u00cb VEPRUAR AGJENT\u00cbT (SPIUN\u00cbT)"},"content":{"rendered":"

Ibrahim Kelmendi me Hashim Tha\u00e7in, etj. n\u00eb nj\u00eb bised\u00eb konspirative…<\/em><\/p>\n

Ibrahim Kelmendi<\/strong><\/p>\n

Sa patriotike do t\u00eb kishte qen\u00eb, tani, ta z\u00ebm\u00eb edhe Sabri Novosella dhe agjent\u00eb tjer\u00eb t\u00eb sh\u00ebrbimeve inteligjente (fshehta), t\u00eb rr\u00ebfenin k\u00ebshtu si Isuf Emrullahu (alias \u201eManush Kelmendi\u201c, krye personazhi i romanit t\u00eb Nasho Joga\u00e7it \u201eM\u00ebrgata e qyqeve\u201c), p\u00ebr m\u00ebnyr\u00ebn se si jan\u00eb rekrutuar e st\u00ebrvitur dhe cil\u00ebn veprimtari e kan\u00eb ushtruar.<\/p>\n

Ishte interesante ndodhia, pothuajse rast\u00ebsore, pas botimit t\u00eb romanit tim ATENTATET, n\u00eb vitin 2007. M\u00eb pyet bashk\u00ebveprimtari veteran Malush Ademaj (nga Katuni i Ri i Komun\u00ebs s\u00eb Pej\u00ebs), n\u00ebse do t\u00eb pranoja t\u00eb takohesha me kush\u00ebririn e tij, Dem\u00eb Demaj, i cili p\u00ebrpara ka qen\u00eb kryepolic n\u00eb Prishtin\u00eb. Meq\u00eb m\u00eb tha se Dema kishte d\u00ebshir\u00eb t\u00eb bisedonte p\u00ebr romanin, konkretisht p\u00ebr t\u00eb rr\u00ebfyer nj\u00eb ndodhi q\u00eb ai kishte p\u00ebrjetuar, lidhur me nj\u00ebrin nga personazh\u00ebt e romanit, pranova, sepse mu duk interesante. N\u00eb koh\u00ebn kur caktuam ndej\u00ebn e p\u00ebrbashk\u00ebt, Malushi kishte marr\u00eb me vete edhe nj\u00eb mik t\u00eb tij, meq\u00eb edhe ai ishte kurreshtar t\u00eb d\u00ebgjonte.<\/p>\n

N\u00eb at\u00eb ndej\u00eb Dema (dez)informoj [parafrazim]<\/strong>:<\/p>\n

\u201eN\u00eb dhjetor 1979 shefi i Sh\u00ebrbimit t\u00eb Sigurimit t\u00eb Shtetit t\u00eb Jugosllavis\u00eb [si\u00e7 e kan\u00eb riem\u00ebrtuar UDB-n\u00eb pas p\u00ebrmbysjes se Rankovi\u00e7it] n\u00eb Prishtin\u00eb, n\u00eb nd\u00ebrkoh\u00eb i nderi Ibush Kllokoqi*, m\u00eb pat urdh\u00ebruar t\u00eb p\u00ebrgatisja ekipin e polic\u00ebve p\u00ebr arrestim t\u00eb Sabri Novosell\u00ebs, n\u00eb m\u00ebngjesin e hersh\u00ebm t\u00eb dit\u00ebs pasuese. Angazhova ekip prej 12 polic\u00ebve, mor\u00ebm masat paraprake gjat\u00eb nate dhe rreth or\u00ebs 4 t\u00eb m\u00ebngjesit po b\u00ebheshim gati t\u00eb hynim n\u00eb sht\u00ebpin\u00eb e Sabri Novosell\u00ebs p\u00ebr ta arrestuar. Duke qen\u00eb t\u00eb sht\u00ebpia e Sabriut, tashm\u00eb e rrethuar, n\u00eb pritje t\u00eb Ibushit dhe kolegut t\u00eb tij me mbiem\u00ebr Krasniqi, sapo ata arrit\u00ebn, Ibushi me ndau anash dhe me tha: ‘Ne dy po hyjm\u00eb t\u00eb par\u00ebt brenda, pastaj do t’ju sinjalizojm\u00eb kur do t\u00eb hyni ju.’ Meq\u00eb nuk mu duk profesionale, si\u00e7 i b\u00ebnin arrestimet e ngjashme, shpreha habi dhe e pyeta: ‘P\u00ebrse k\u00ebshtu, nuk po frik\u00ebsoheni?!’ Ai m\u00eb urdh\u00ebroi t\u00eb hesht dhe t\u00eb mos u tregoja polic\u00ebve q\u00eb i komandoja. <\/p>\n

Q\u00ebndrimi i Ibushit me kolegun e tij n\u00eb sht\u00ebpi t\u00eb Sabriut zgjati rreth 10 minuta. At\u00ebher\u00eb d\u00ebgjova t\u00eb ndizej automobili, me t\u00eb cilin kishin ardhur Ibushi. Ishte qet\u00ebsi e madhe dhe u ndie zhurma e tij, edhe pse ishte n\u00eb an\u00ebn tjet\u00ebr t\u00eb sht\u00ebpis\u00eb. UDBashi Krasniqi doli nga hyrja kryesore, nga edhe ishte hy brenda, dhe na dha sinjalin q\u00eb t\u00eb shkonim. Hym\u00eb brenda kat\u00ebr polic\u00eb. Krasniqi na urdh\u00ebroi t\u00eb ishin t\u00eb p\u00ebrmbajtur, t\u00eb mos trazonim Nan\u00ebn e Sabriut, meq\u00eb po flinte. Kur pam\u00eb dhomat me radh\u00eb, nuk e gjet\u00ebm Sabriun. <\/p>\n

Shkova edhe n\u00eb dhom\u00eb t\u00eb gjumit. Aty gjeta gruan e Sabriut, e ulur n\u00eb shtrat, n\u00eb pjes\u00ebn ku kishte fjetur. E pyeta ku ishte Sabriu. M’u p\u00ebrgjigj se nuk ka qen\u00eb at\u00eb nat\u00eb aty. E pyeta se kush kishte fjet n\u00eb shtrat pran\u00eb saj, meq\u00eb shtroja e krevatit ishte ende e ngroht\u00eb. Me tha nana kishte fjetur aty, por kishte kaluar n\u00eb nd\u00ebrkoh\u00eb n\u00eb shtratin e saj. Kur e kund\u00ebrshtova, duke i th\u00ebn\u00eb se nana po flinte n\u00eb dhom\u00eb t\u00eb saj, ajo zuri t\u00eb belb\u00ebzonte. N\u00eb at\u00eb rast nd\u00ebrhyri Krasniqi, duke m\u00eb th\u00ebn\u00eb q\u00eb t\u00eb mos pyesja m\u00eb, por t\u00eb shkruaja n\u00eb raport se nuk e kishim gjetur Sabriun n\u00eb sht\u00ebpi, q\u00eb do t\u00eb thot\u00eb duhej t\u00eb g\u00ebnjenim. K\u00ebshtu u aktrua ai aksion p\u00ebr arrestim t\u00eb Sabriut. Pastaj, mora vesh q\u00eb Ibush Kllokoqi, prej aty e kishte d\u00ebrguar Sabriun n\u00eb drejtim t\u00eb kufirit me Shqip\u00ebrin\u00eb, q\u00eb t\u00eb aktrohej edhe arratisja e tij n\u00eb Shqip\u00ebri, \u00e7ka edhe ka ndodhur…\u201c<\/p>\n

Dem\u00eb Demaj pati shpreh gatishm\u00ebri t\u00eb gjente edhe koleg\u00eb polic\u00eb t\u00eb atij aksioni, p\u00ebr t\u00eb d\u00ebshmuar, n\u00ebse do t\u00eb k\u00ebrkohej.<\/p>\n

Pasi pata publikuar k\u00ebt\u00eb d\u00ebshmi, pata lexuar nj\u00eb reagim t\u00eb motr\u00ebs s\u00eb Sabriut dhe nj\u00eb reagim edhe t\u00eb Sabriut. Por un\u00eb e pata lut Sabriun t\u00eb b\u00ebnte padi kund\u00ebr meje dhe kund\u00ebr Dem\u00ebs, p\u00ebr shpifje, n\u00ebse nuk ishte e v\u00ebrtet d\u00ebshmia e Dem\u00ebs. D\u00ebshiroja q\u00eb rasti t\u00eb fillonte t\u00eb hetohej e t\u00eb dekonspirohej, meq\u00eb ka qen\u00eb rast tep\u00ebr serioz, me pasoja t\u00eb r\u00ebnda. Pos tjerave, edhe Heroi Jusuf G\u00ebrvalla ishte viktim\u00eb e simulimeve UDBeske t\u00eb Ibush Kllokoqit, Sabri Novosell\u00ebs dhe koleg\u00ebve t\u00eb tyre q\u00eb jan\u00eb marr\u00eb me ato komplote…<\/p>\n

Fatkeq\u00ebsisht, asnj\u00eb televizion, as gazet\u00eb e portal nuk shfaqi interesim p\u00ebr ta intervistuar Dem\u00eb Demajn. Ndoshta kjo \u00ebsht\u00eb edhe nj\u00eb d\u00ebshmi konkrete, n\u00eb cilat p\u00ebrmasa i ka kap BIA e Serbis\u00eb mediat \u201etona\u201c elektronika dhe t\u00eb shkruara, q\u00eb t\u00eb mos zbulohen e zb\u00ebrthehet komplotet e sh\u00ebrbimeve t\u00eb at\u00ebhershme…<\/p>\n

Nd\u00ebrsa shqet\u00ebsuese \u00ebsht\u00eb heshtja kolektive e strukturave t\u00eb spiunazhit, e epror\u00ebve q\u00eb kan\u00eb rekrutuar spiun\u00eb dhe e spiun\u00ebve q\u00eb jan\u00eb rekrutuar, me stimulime karrieriste, financiare, por edhe me dhun\u00eb fizike e shantazhe, si\u00e7 duhet t\u00eb ket\u00eb ndodhur me ndonj\u00eb t\u00eb burgosur politik, q\u00eb gjat\u00eb torturave duhet t\u00eb ket\u00eb pranuar t\u00eb angazhohet p\u00ebr t\u00eb spiunuar, nga frika se nuk do t\u2019i mbijetonin torturat. Mendoj, atyre q\u00eb do t\u00eb reflektonin, duke rr\u00ebfyer se si, ke dhe p\u00ebrse e kan\u00eb rekrutuar, nj\u00ebherit edhe \u00e7far\u00eb kan\u00eb vepruar, do t’u rriteshin vlerat, do t\u00eb respektoheshin m\u00eb shum\u00eb. Nj\u00ebsoj vlen edhe p\u00ebr spiun\u00ebt, viktima t\u00eb atij sistemi. T\u00eb gjith\u00eb do t\u00eb \u00e7liroheshin nga ajo barr\u00eb e r\u00ebnd\u00eb q\u00eb e bajn\u00eb p\u00ebrdit\u00eb me vete.<\/p>\n

Nuk do dije t\u00eb konstatohet, epror\u00ebt dhe spiun\u00ebt e ati sistemi ishin hallka e dyt\u00eb e asaj federate monstrume. Hallka e par\u00eb ishte Lidhja Komuniste, q\u00eb ushtronte pushtet monist, ku ishin kuadro udh\u00ebheq\u00ebs Fadil Hoxha, Mahmut Bakalli, Rrahman Morina, Azem Vllasi, Ibrahim Rugova, Azem Shkreli…, por ishin an\u00ebtar\u00eb t\u00eb zellsh\u00ebm edhe Rexhep Qosja, Mehmet Kraja, Milazim Krasniqi…
\nApo jo?<\/p>\n

\n

* Krye-UDBashi Ibush Kllokoqi \u00ebsht\u00eb vra n\u00eb Prishtin\u00eb me 6 gusht 1999. Vrasje duhet t\u00eb jet\u00eb b\u00ebr\u00eb nga pjes\u00ebtar\u00ebt e SHIK-ut, Nazim Bllaca me koleg\u00eb, t\u00eb shp\u00ebrdoruar nga kUmandant Azem Syla…
\nDuhet t\u00eb ket\u00eb qen\u00eb e vet\u00ebkuptue, n\u00ebse Z. Sabri Novosella i \u00ebsht\u00eb g\u00ebzuar vrasjes se Ibush Kllokoqit, – si\u00e7 kam d\u00ebgjuar se edhe ka qeras miq t\u00eb tij, – sepse duhet t\u00eb jet\u00eb \u00e7liruar nga ankthi mos ndoshta Ibushi nuk do ta merrte me vete at\u00eb fsheht\u00ebsi n\u00eb varr dhe Sabriu do t\u00eb demaskohej e diskreditohej p\u00ebr t\u00eb gjall\u00eb…<\/em>
\n—
\nShkrimi m\u00eb sip\u00ebr u b\u00eb n\u00eb kontekst t\u00eb k\u00ebsaj videoje:
\n