{"id":51465,"date":"2020-02-25T15:24:38","date_gmt":"2020-02-25T14:24:38","guid":{"rendered":"https:\/\/fjala.info\/?p=51465"},"modified":"2020-02-25T22:30:20","modified_gmt":"2020-02-25T21:30:20","slug":"a-po-na-ndodh-terbimi-kolektiv-i-quajtur-marreveshje","status":"publish","type":"post","link":"https:\/\/jehonashqiptare.al\/fjala\/a-po-na-ndodh-terbimi-kolektiv-i-quajtur-marreveshje\/","title":{"rendered":"A PO NA NDODH T\u00cbRBIMI KOLEKTIV – I QUAJTUR “MARR\u00cbVESHJE”?"},"content":{"rendered":"

Dr. Shenasi Rama<\/strong> vs. Ibrahim Kelmendi<\/strong><\/p>\n

(debat<\/em>)<\/p>\n

Para dy dit\u00ebve (m\u00eb 23 shkurt 2019), Politologu shkodran Shenasi Rama, – bashk\u00eb-organizuesi i protestave t\u00eb student\u00ebve n\u00eb Tiran\u00eb n\u00eb dhjetor 1990 dhe tani ligjerues n\u00eb Universitetin Publik t\u00eb New York’ut, – publikoi shkrimin q\u00eb po e sjell n\u00eb vazhdim.<\/p>\n

Me shkroi n\u00eb privat parmbr\u00ebm\u00eb, t’ia lexoja shkrimin dhe t\u00eb b\u00ebja vler\u00ebsimin.<\/p>\n

R\u00ebndom, gabimet e shumta, sidomos ato tipografike (meq\u00eb drejtshkrimin nuk e zot\u00ebroj), m\u00eb pengojn\u00eb gjat\u00eb leximit. Prandaj kopjova tekstin q\u00eb t\u00eb mund ta korrigjoja gjat\u00eb leximit dhe t\u2019ia preferoja Mikut Shenasi ta riafishonte, me m\u00eb pak korrigjime.<\/p>\n

Dhe meq\u00eb ma k\u00ebrkoi disa her\u00eb mendimin p\u00ebr shkrimin, me mendim se \u00ebsht\u00eb humor shkodran, i shkrova:
\n“M\u00eb leht\u00eb do ta haja nj\u00eb krah me therra, se sa ta lexoja deri n\u00eb fund<\/em>.”<\/p>\n

Filluan grindjet. Fatmir\u00ebsisht n\u00eb privat. Kur u lodh, me bllokoi.
\nMbr\u00ebm\u00eb m\u00eb debllokoj prap\u00eb, p\u00ebr t\u00eb m\u00eb pyet, n\u00ebse ia kisha d\u00ebrguar dhe e kishte publikuar shkrimin ndonj\u00eb portal. Pyeti prap\u00eb, p\u00ebrse nuk kisha shkruar ende vler\u00ebsim. P\u00ebr t\u00eb mos th\u00ebn\u00eb tro\u00e7, se kisha preferuar t\u00eb hesht, meq\u00eb shkrimi nuk m\u00eb kishte p\u00eblqye, e ai do t\u00eb hidh\u00ebrohej m\u00eb shum\u00eb, taktizova: “Meq\u00eb m\u00eb pate bllokuar, nuk pata mund\u00ebsi komunikimi m\u00eb, me shkrimin as me Ty<\/em>.” Ai me sqaroi se praktikonte mbylljen e p\u00ebrkohshme t\u00eb profilit t\u00eb tij n\u00eb FCB, q\u00eb ta linin t\u00eb qet\u00eb. Dhe prap\u00eb m\u00eb bllokoi, pa p\u00ebrfunduar sqarimet mes nesh.<\/p>\n

Meq\u00eb nj\u00eb mikesh\u00eb me ka ofruar mund\u00ebsin\u00eb, t’i shoh profilet e atyre q\u00eb m\u00eb bllokojn\u00eb, e p\u00ebrdora dhe pash se Miku Shenasi nuk e kishte mbyll\u00eb faqen e tij n\u00eb FCB, si\u00e7 m\u00eb kishte mashtruar, por m\u00eb kishte bllokuar mua.<\/p>\n

Kaq p\u00ebr sqarim “teknik<\/em>“, p\u00ebrse e afishova k\u00ebt\u00eb shkrim t\u00eb Mikut Shenasi, t\u00eb cilin po e (dis)kualifikoj si shum\u00ebzues t\u00eb “t\u00ebrbimit” kolektiv, t\u00eb quajtur “marr\u00ebveshje”.<\/p>\n

Lus q\u00eb ta informon ndokush Shenasiun, se k\u00ebtu ia publikova shkrimin, t\u00eb shoq\u00ebruar me k\u00ebt\u00eb pak informacion.<\/p>\n

* * *<\/p>\n

Shenasi Rama<\/b>:<\/p>\n

P\u00cbR RREGULLIMIN E MARR\u00cbDH\u00cbNIEVE SHQIPTARO-SERBE DHE T\u00cb ARDHMEN E KOSOV\u00cbS<\/b><\/h3>\n

(nj\u00eb tem\u00eb p\u00ebr debat<\/i>)<\/p>\n

N\u00eb nj\u00eb shk\u00ebmbim q\u00eb kisha dje me nj\u00eb nga figurat m\u00eb t\u00eb spikatura t\u00eb rezistenc\u00ebs shqiptare n\u00eb Kosov\u00eb qysh n\u00eb vitet 1980, Ibrahim Kelmendi, iu hym\u00eb disa temave q\u00eb jan\u00eb tejet delikate dhe problematike. E natyrisht dol\u00ebm tek problemi i marr\u00ebdh\u00ebnieve dhe marr\u00ebveshja me Serbin\u00eb dhe posa\u00e7\u00ebrisht problemi i taks\u00ebs, problemi i marr\u00ebdh\u00ebnieve me SHBA, problemi i besueshm\u00ebris\u00eb s\u00eb disa figurave politike, problemi i rolit t\u00eb Shqip\u00ebris\u00eb dhe i udh\u00ebheq\u00ebsve t\u00eb saj si dhe rrug\u00ebt e zgjidhjes. Un\u00eb ka koh\u00eb q\u00eb jam shk\u00ebputur nga problemet e Kosov\u00ebs. E kam nxjerr\u00eb se fundi nj\u00eb lib\u00ebr me k\u00ebt\u00eb tem\u00eb, por nuk ka fort interes dhe un\u00eb nuk merrem me politik\u00eb.<\/p>\n

Megjithat\u00eb, ia premtova Ibrahimit se do t\u00eb b\u00ebja nj\u00eb shkrim p\u00ebr k\u00ebto gj\u00ebra, m\u00eb duhet me e mbajt\u00eb fjal\u00ebn. Po mendoj se duhet me than\u00eb di\u00e7ka, jo se po m\u00eb pyet njeri mua, por sepse kam shum\u00eb vite, q\u00eb jam marr\u00eb me k\u00ebto probleme. Ndoshta n\u00ebp\u00ebr t\u00eb, edhe mund t\u00eb ket\u00eb ndonj\u00eb mendim q\u00eb vyen sepse si thot\u00eb miku, edhe \u201cprovokimi shpaguen.\u201d<\/p>\n

FATI I VENDEVE T\u00cb VOGLA VARET NGA FUQIT\u00cb E M\u00cbDHA<\/strong><\/p>\n

Tani n\u00eb fillim duhet th\u00ebn\u00eb se megjith\u00ebq\u00eb dallimet e theksuara, si shtete t\u00eb vogla, si Serbia ashtu edhe Kosova jan\u00eb t\u00ebr\u00ebsisht t\u00eb varura nga vullneti i Fuqive t\u00eb M\u00ebdha q\u00eb i mb\u00ebshtesin. Nj\u00eb shtet ekziston sepse nj\u00eb Fuqi e madhe e mbron. Kjo ndodh me shtetet kufitare n\u00eb zonat e influenc\u00ebs, dhe kufiri europian midis SHBA dhe Rusis\u00eb kalon n\u00eb Merdare dhe n\u00eb Mitrovic\u00eb. Nga nj\u00eb an\u00eb \u00ebsht\u00eb Bondsteel<\/em>, nga ana tjet\u00ebr \u00ebsht\u00eb Qendra \u201cHumanitare\u201d Ruse n\u00eb Nish dhe baza serbe n\u00eb Medvegje dhe rus\u00ebt n\u00eb Bujanovc. Pavar\u00ebsisht se BE dhe Gjermania kan\u00eb kontroll mbi aspektet ligjore e ekonomike, p\u00ebrmes EULEX, kjo \u00ebsht\u00eb e pjes\u00ebshme. N\u00eb planin politik, ushtarak e diplomatik, kjo marr\u00ebdh\u00ebnie strategjike q\u00eb e b\u00ebn Kosov\u00ebn shesh beteje me r\u00ebnd\u00ebsi strategjike t\u00eb dor\u00ebs s\u00eb par\u00eb, kusht\u00ebzohet nga dy superfuqit\u00eb ushtarake q\u00eb kan\u00eb interesa jetike, q\u00eb her\u00eb p\u00ebrplasen pa u b\u00ebr\u00eb luft\u00eb e her\u00eb pajtohen pa u pajtuar t\u00ebr\u00ebsisht.<\/p>\n

Nj\u00eb nga k\u00ebto marr\u00ebdh\u00ebnie paradoksale \u00ebsht\u00eb ajo midis Serbis\u00eb dhe Kosov\u00ebs, q\u00eb tashm\u00eb \u00ebsht\u00eb problematizuar edhe m\u00eb shum\u00eb. Rus\u00ebt e humb\u00ebn Maqedonin\u00eb por do t\u00eb b\u00ebjn\u00eb gjith\u00e7ka q\u00eb t\u00eb mos humbin Serbin\u00eb dhe po mund\u00ebn t\u00eb shk\u00ebrmoqin Malin e Zi sa t’iu jepet mund\u00ebsia. N\u00eb k\u00ebt\u00eb p\u00ebrplasje, e p\u00ebrputhje t\u00eb rast\u00ebsishme interesash, Kosova e gjen veten n\u00eb nj\u00eb situat\u00eb t\u00eb v\u00ebshtir\u00eb.
\nGjendja \u00ebsht\u00eb, pak me than\u00eb, kritike. A kan\u00eb faj politikan\u00ebt? Po natyrisht q\u00eb kan\u00eb e kan\u00eb shum\u00eb faj. Edhe e ashtuquajtura shoq\u00ebri civile ka faj. Edhe ata q\u00eb shiten si mendimtar\u00eb dhe b\u00ebjn\u00eb pun\u00ebn e tjerakujt me gazeta e me media t\u00eb tjera, kinse politikan\u00eb me klas, kan\u00eb shum\u00eb faj. Por si gjithmon\u00eb, faji \u00ebsht\u00eb kopil, qyrk, me than\u00eb, dhe nuk e vesh njeri. Tani duhet par\u00eb se ku jemi, dhe k\u00ebta i kemi t\u00eb gjith\u00eb n\u00eb krye, dhe duhet diskutuar mir\u00eb se ku duhet shkuar sepse k\u00ebta do t\u00eb na \u00e7ojn\u00eb atje. Nj\u00eb gjendje jo e mir\u00eb.<\/p>\n

Kjo komplikohet edhe nga serb\u00ebt. Nj\u00ebher\u00eb nj\u00eb figur\u00eb e njohur serbe na pat th\u00ebn\u00eb \u201ckemi pas pritur 600 vjet me e marr\u00eb Kosov\u00ebn, tash do t\u00eb presim edhe 600 vjet t\u00eb tjera<\/em>.\u201d Kjo mjafton me t\u00eb krijue kontekstin e gjendjes ku jemi. Sa duhet me luftue kund\u00ebr nj\u00eb fqinji t\u00eb till\u00eb gjeografik dhe armik p\u00ebr vdekje, q\u00eb punon me mend\u00ebsin\u00eb se i duhet me prit\u00eb edhe 600 vjet me t\u00eb zhduk\u00eb? Si duhet me iu p\u00ebrgjigj\u00eb nj\u00eb kombi, q\u00eb ka shtet dhe nj\u00eb parie q\u00eb e p\u00ebrdor shtetin sipas parimit t\u00eb Pashiqit \u201cnarodo moja, shtoko moja<\/em>\u201d? e vetmja zgjidhje \u00ebsht\u00eb kombi dhe ideja komb\u00ebtare, por tashm\u00eb pykat kan\u00eb hyr\u00eb thell\u00eb dhe jemi t\u00eb p\u00ebr\u00e7ar\u00eb keq.<\/p>\n

Me e thjesht\u00ebzue problemin n\u00eb \u00e7\u00ebshtje kohe, p\u00ebr t\u2019u b\u00ebr\u00eb shtet, Kosova ka nevoj\u00eb ose p\u00ebr nj\u00eb zgjidhje t\u00eb shpejt\u00eb e p\u00ebrfundimtare ose do t\u00eb duhet q\u00eb shqiptar\u00ebt t\u00eb sht\u00ebrngojn\u00eb dh\u00ebmb\u00ebt dhe t\u00eb p\u00ebrgatiten q\u00eb edhe p\u00ebr do dhjetravje\u00e7ar\u00eb t\u00eb tjer\u00eb, si nj\u00eb komb kompakt, t\u00eb luftojn\u00eb t\u00eb kap\u00ebrcejn\u00eb pengesat e shumta q\u00eb do t\u00eb dalin nga Fuqit\u00eb e M\u00ebdha ose nga specifikat e sistemit nd\u00ebrkomb\u00ebtar. Zgjidhja q\u00eb k\u00ebrkon koh\u00eb nuk \u00ebsht\u00eb e pranueshme p\u00ebr shqiptar\u00ebt e Kosov\u00ebs, sepse don t\u00eb thot\u00eb q\u00eb t\u00eb jetohet n\u00eb rrethim serb, edhe brenda Kosov\u00ebs me enklava serbe, \u00e7ka do t\u00eb jen\u00eb nj\u00eb burim i p\u00ebrjetsh\u00ebm sherri p\u00ebr shum\u00eb e shum\u00eb vite dhe q\u00eb shum\u00eb leht\u00eb mund t\u2019ia v\u00ebn\u00eb flak\u00ebn Kosov\u00ebs.<\/p>\n

Nuk jemi Zvicra q\u00eb ka banka e ushtri pa pasur armiqt\u00eb q\u00eb ka Kosova. Jemi nj\u00eb vend ku hyn derri dhe ariu si don vet\u00eb dhe k\u00ebt\u00eb ariun, q\u00eb b\u00ebn si don, duhet edhe me e p\u00ebrshendet\u00eb. Ama edhe zgjidhja q\u00eb \u00ebsht\u00eb e shpejt\u00eb nuk \u00ebsht\u00eb e pranueshme, sepse k\u00ebrkon q\u00eb t\u00eb b\u00ebhen sakrifica t\u00eb nj\u00eb lloji tjet\u00ebr. Shkurt, do t\u00eb humbet shum\u00ebcka materialisht e territorialisht p\u00ebr t\u00eb pasur kompakt\u00ebsin\u00eb q\u00eb duhet etnikisht.<\/p>\n

Pra, problemi i shk\u00ebmbimit t\u00eb territorit \u00ebsht\u00eb i pandash\u00ebm nga kompakt\u00ebsia etnike. Pik\u00ebrisht kjo \u00ebsht\u00eb edhe dilema p\u00ebr t\u00eb cil\u00ebn nuk po diskutohet si duhet. Me shk\u00ebmbye territore pa shk\u00ebmbye njer\u00ebz \u00ebsht\u00eb gabimi m\u00eb i madh q\u00eb mund t\u00eb b\u00ebhet. N\u00ebse nuk mb\u00ebrrihet kohezioni etnik n\u00eb zona t\u00eb caktuara, kurr\u00eb nuk do t\u00eb ket\u00eb paqe n\u00eb Kosov\u00eb.<\/p>\n

\u00c7ka p\u00ebrcakton shum\u00eb\u00e7ka \u00ebsht\u00eb se momenti \u00ebsht\u00eb i till\u00eb q\u00eb Fuqit\u00eb e M\u00ebdha, p\u00ebr interesat e tyre, duan q\u00eb t\u00eb zgjidhet ky problem n\u00eb nj\u00eb m\u00ebnyr\u00eb t\u00eb caktuar. Rusia k\u00ebrkon t\u00eb vendos\u00eb nj\u00eb precedent. Po e arriti k\u00ebt\u00eb, Rusia zgjidh probleme t\u00eb shumta me fqinj\u00ebt q\u00eb k\u00ebrkon t’i shp\u00ebrb\u00ebj\u00eb. SHBA k\u00ebrkon t\u00eb zgjidh\u00eb problemin e marr\u00ebdh\u00ebnieve me nj\u00eb shtet si Serbia, q\u00eb \u00ebsht\u00eb nj\u00eb shtet shum\u00eb problematik dhe q\u00eb krijon shqet\u00ebsime t\u00eb p\u00ebrher\u00ebshme n\u00eb Ballkan. Natyrisht Gjermania refuzon t\u00eb hap\u00eb tem\u00ebn e shk\u00ebmbimit t\u00eb territoreve sepse nj\u00eb e treta e Polonis\u00eb \u00ebsht\u00eb Prusia e vjet\u00ebr dhe kjo do t\u00eb hap\u00eb nj\u00eb kuti Pandore p\u00ebr t\u00eb gjith\u00eb europian\u00ebt n\u00eb ve\u00e7anti dhe BE n\u00eb p\u00ebrgjith\u00ebsi. Do t\u00eb jet\u00eb edhe vdekja e Aktit t\u00eb Helsinkit, por Fuqit\u00eb e M\u00ebdha ndjekin interesat e tyre, ashtu si parimi i vet\u00ebvendosjes, ashtu edhe ai i pandryeshm\u00ebris\u00eb s\u00eb kufinjve jan\u00eb parime t\u00eb kap\u00ebrcyeshme. Pra, dihet se ku po shkon loja dhe ve\u00e7 tashm\u00eb e kemi kuptuar se jemi krejt t\u00eb pap\u00ebrgatitur si duhet.<\/p>\n

Por le t\u00eb ndalemi n\u00eb an\u00ebn ton\u00eb. K\u00ebtu jan\u00eb n\u00eb q\u00ebnd\u00ebr aleati jetik e strategjik i shqiptar\u00ebve si komb, SHBA, q\u00eb k\u00ebrkon t\u00eb zgjidh\u00eb k\u00ebt\u00eb problem, me pak mir\u00ebkuptim e sakrifica nga shqiptar\u00ebt, dhe nga nj\u00eb k\u00ebndv\u00ebshtrim i p\u00ebrhapur, armiku jetik, Rusia q\u00eb sheh nj\u00eb mund\u00ebsi t\u00eb art\u00eb p\u00ebr t\u00eb zgjidhur problemet e veta, duke zgjeruar edhe Serbin\u00eb n\u00eb Bosnj\u00eb, dhe duke i dh\u00ebn\u00eb aleatit t\u00eb vet mund\u00ebsi zhvillimi ekonomik nga BE, por edhe me pak mir\u00ebkuptim nga serb\u00ebt q\u00eb t\u00eb njohin pavar\u00ebsimin e Kosov\u00ebs.<\/p>\n

\u00cbsht\u00eb e pashmangshme q\u00eb me durim do t\u00eb mund t\u00eb kalohen situatat dhe t\u00eb pritet ndonj\u00eb moment i volitsh\u00ebm p\u00ebr p\u00ebrmir\u00ebsim. Duke e njohur mir\u00eb gjendjen dhe parit\u00eb tona k\u00ebndej e andej kufirit, them se nuk ka shans q\u00eb t\u00eb ruajm\u00eb unitetin dhe besimin tek paria jon\u00eb politike p\u00ebr t\u00eb zgjidhur k\u00ebt\u00eb problem si duhet n\u00eb nj\u00eb afat kohor t\u00eb gjat\u00eb. Shumica e parive jan\u00eb t\u00eb kapur, t\u00eb lidhur e t\u00eb mbaruar. \u00c7do zgjatje krijon m\u00eb shum\u00eb probleme p\u00ebr ne, sepse nuk kemi asnj\u00eb parakusht q\u00eb t\u00eb mund t\u00eb shpresojm\u00eb p\u00ebr ndonj\u00eb sukses p\u00ebrve\u00e7se n\u00eb nd\u00ebrhyrjen e Zotit.<\/p>\n

PROBLEMI I SOVRANITETIT<\/strong><\/p>\n

Kur iu kam pase shkruar e th\u00ebn\u00eb figurave politike t\u00eb Kosov\u00ebs, q\u00eb nga para Rambuje-s\u00eb e m\u00eb pas, rregullisht dhe sa her\u00eb m\u00eb \u00ebsht\u00eb dh\u00ebn\u00eb rasti se po marrin pushtet pa shtet, m\u00eb kan\u00eb par\u00eb shtremb\u00ebt dhe mi kan\u00eb mbyll\u00eb dyert e vesh\u00ebt. Por e v\u00ebrteta \u00ebsht\u00eb se pavar\u00ebsisht \u201cshpalljes s\u00eb pavar\u00ebsis\u00eb\u201d e shkruarjes s\u00eb deklaratave t\u00eb shkruara me gjak e me shum\u00eb romantiz\u00ebm, realiteti \u00ebsht\u00eb se Kosova nuk ka sovranitet. E nuk \u00ebsht\u00eb Kosova vet\u00ebm; n\u00eb k\u00ebt\u00eb bot\u00eb ka shum\u00eb pak shtete q\u00eb kan\u00eb sovranitet. Me p\u00ebrjashtim t\u00eb kat\u00ebr-pes\u00eb shteteve si SHBA, Rusia, Kina apo Izraeli, asnj\u00eb shtet nuk ka sovranitet si mendojn\u00eb n\u00eb Prishtin\u00eb. Por shtetet e tjera dijn\u00eb t\u00eb b\u00ebjn\u00eb me shum\u00eb e m\u00eb mir\u00eb me aq sovranitet sa kan\u00eb dhe me aq hap\u00ebsir\u00eb sa kan\u00eb.<\/p>\n

Indirekt, sovraniteti n\u00eb Kosov\u00eb ushtrohet nga Fuqit\u00eb e M\u00ebdha. Paria politike e shqiptar\u00ebve, pra, Kadri Veseli, Hashim Thaci, Ramush Haradinaj, Isa Mustafa, Albin Kurti, Shpend Ahmetaj, Fatmir Limaj, Jakup Krasniqi, Nexhat Daci e me radh\u00eb kan\u00eb legjitimitet n\u00eb popull por jo aq fuqi sa me iu dal\u00eb kund\u00ebr interesave t\u00eb fuqive t\u00eb m\u00ebdha. K\u00ebt\u00eb keni dasht\u00eb, kaq keni marr\u00eb, sepse nuk keni dasht\u00eb me ba at\u00eb q\u00eb duhet kur i keni pas\u00eb mund\u00ebsit\u00eb.<\/p>\n

Ta ngulim t\u00eb gjith\u00eb mir\u00eb n\u00eb mend se, p\u00ebr mua, me Ahtisaarin, Kosova \u00ebsht\u00eb protektorat nd\u00ebrkomb\u00ebtar me p\u00ebrgjegj\u00ebsi t\u00eb ndara n\u00eb mes t\u00eb fuqive t\u00eb m\u00ebdha. Marr\u00ebveshja Ahtisaari e b\u00ebn k\u00ebt\u00eb kaq t\u00eb qart\u00eb sa nuk b\u00ebhet. Politikan\u00ebt n\u00eb Kosov\u00eb jan\u00eb n\u00eb kontroll t\u00eb shtetit sa koh\u00eb q\u00eb shteti b\u00ebn at\u00eb q\u00eb duhet dhe q\u00eb \u00ebsht\u00eb p\u00ebrcaktuar nga Fuqit\u00eb e M\u00ebdha. Kosova e ka sovranitetin e kufizuar shum\u00eb edhe pse nuk ka unitet n\u00eb parin\u00eb e Prishtin\u00ebs, ku ka p\u00ebr\u00e7arje t\u00eb m\u00ebdha e rivalitet n\u00eb zona feudale, n\u00eb ndarjen fshat-qytet, n\u00eb p\u00ebr\u00e7arjen midis fraksioneve q\u00eb i kan\u00eb sh\u00ebrbyer si Krajlit, Titos ashtu edhe Sllobodanit, ashtu t\u00eb tjer\u00ebve dhe atyre, t\u00eb themi t\u00eb brezit t\u00eb 1981 apo para tyre t\u00eb le\u00e7itunve.<\/p>\n

Shkurt e shqip, ka ardh\u00eb koha me marr\u00eb nj\u00eb vendim, q\u00eb e k\u00ebrkon nj\u00eb Fuqi e Madhe, sepse pavar\u00ebsin\u00eb e ke prej saj, sigurin\u00eb p\u00ebr t\u00eb tashmen e t\u00eb ardhmen e ke prej saj, dhe \u00ebsht\u00eb jetike p\u00ebr t\u00eb q\u00eb t\u00eb zgjidhet ky problem n\u00eb k\u00ebt\u00eb m\u00ebnyr\u00eb. Kjo \u00ebsht\u00eb logjika e marr\u00ebdh\u00ebnieve nd\u00ebrkomb\u00ebtare dhe nuk ka njeri q\u00eb mundet me e nd\u00ebrrue n\u00eb Kosov\u00eb. Askush nuk don me e than\u00eb kaq qart\u00eb, por po e them un\u00eb, sepse nuk mendoj se ka shum\u00eb zgjidhje t\u00eb tjera. Bondsteel<\/em> nuk shkon kund prej aty ku \u00ebsht\u00eb, KFOR nuk ik\u00ebn nga Kosova, EULEX vazhdon pun\u00ebn, biles edhe UNMIK vazhdon pun\u00ebn. Nuk ka shans q\u00eb me ik\u00eb SHBA nga Kosova. Nuk mundet kush me e lejue Kosov\u00ebn me krijue probleme q\u00eb mund t\u00eb \u00e7ojn\u00eb n\u00eb luft\u00eb t\u00eb tret\u00eb bot\u00ebrore. Zor q\u00eb nd\u00ebrrimi i ndonj\u00eb administrate mund t\u00eb \u00e7oj\u00eb n\u00eb nd\u00ebrrim t\u00eb politik\u00ebs. Prandaj duhen par\u00eb mir\u00eb zgjidhjet e mundshme.<\/p>\n

N\u00cb LIDHJE ME BISEDIMET<\/strong><\/p>\n

E v\u00ebrteta \u00ebsht\u00eb q\u00eb bisedimet me Serbin\u00eb kan\u00eb filluar edhe pa mbaruar lufta, dhe jan\u00eb intensifkuar menj\u00ebher\u00eb mbas luft\u00ebs, n\u00eb disa nivele. P\u00ebr aq sa di un\u00eb, dhe un\u00eb vet\u00eb nj\u00eb koh\u00eb kam ken\u00eb pjes\u00eb e bisedimeve, problemi i shk\u00ebmbimit t\u00eb territoreve ka q\u00ebn\u00eb gjithmon\u00eb prezent si tem\u00eb. N\u00eb m\u00ebnyr\u00eb informale, me sa di un\u00eb, rregullisht ish-diplomat\u00eb apo pjes\u00eb e rretheve sunduese n\u00eb Beograd jan\u00eb ofruar p\u00ebr t\u00eb shk\u00ebmbyer Preshev\u00ebn me Mitrovic\u00ebn e veriut. Edhe pse Presheva \u00ebsht\u00eb nyj\u00eb e r\u00ebnd\u00ebsishme hekurudhore, tashm\u00eb rajon m\u00eb strategjik \u00ebsht\u00eb Bujanovci dhe Medvegja, realisht me pakic\u00eb t\u00eb ndjeshme shqiptare dhe n\u00eb shpopullim e sip\u00ebr nga shqiptar\u00ebt. Nuk ka shanse q\u00eb shqiptar\u00ebt q\u00eb jan\u00eb n\u00eb Serbi, p\u00ebrve\u00e7se n\u00eb ndonj\u00eb fshat si T\u00ebrnoci i Ep\u00ebrm ta ruajn\u00eb si duhet kohezionin etnik.<\/p>\n

Argumenti i serb\u00ebve \u00ebsht\u00eb se Leposaviqi iu shtue Kosov\u00ebs nga Tito e Rankoviqi p\u00ebr t\u00eb p\u00ebrmir\u00ebsuar balancat etnike n\u00eb Kosov\u00eb n\u00eb vitin 1953 e mandej n\u00eb vitin 1956 u konsolidua. Pra, sipas tyre po shkohet n\u00eb kufinjt\u00eb natyral\u00eb etnik\u00eb t\u00eb vendosur mbas 1912 dhe n\u00eb kufinjt\u00eb e Kosov\u00ebs s\u00eb natyrshme. Po u zgjidh puna e rezervuarit dhe e minier\u00ebs si dhe deri diku \u00e7\u00ebshtja e fshatrave shqiptare si Boletini (edhe me shk\u00ebmbim popullsie) ky rikthim n\u00eb natyralitetin e Kosov\u00ebs si entitet gjeografik \u00ebsht\u00eb unik, i pap\u00ebrs\u00ebristsh\u00ebm kund tjet\u00ebr, dhe p\u00ebr ne, nuk vendos asnj\u00eb precedent.<\/p>\n

Gjithkush don me pa n\u00eb t\u00eb at\u00eb q\u00eb nuk \u00ebsht\u00eb, por n\u00eb politik\u00eb kjo \u00ebsht\u00eb nj\u00eb teknik\u00eb e njohur. Nj\u00eb baz\u00eb e marr\u00ebveshjes \u00ebsht\u00eb kthimi n\u00eb natyralitetin gjeografik t\u00eb Kosov\u00ebs. N\u00eb gjendjen ku jemi m\u00eb vdekjeprur\u00ebse do t\u00eb jet\u00eb prania e enklavave t\u00eb organizuara si Zajednic\u00eb, se sa kthimi n\u00eb natyralitetin gjeografik t\u00eb Kosov\u00ebs t\u00eb p\u00ebrcaktuar n\u00eb baz\u00eb t\u00eb parimit etnik.<\/p>\n

POLITIKA E TIRAN\u00cbS DHE KOSOVA<\/strong><\/p>\n

Paria e Tiran\u00ebs nuk ka shum\u00eb dashuri p\u00ebr Kosov\u00ebn as si shtet, as si trev\u00eb themelore komb\u00ebtare shqiptare. Edi Rama po k\u00ebrkon me e mjel\u00eb k\u00ebt\u00eb proces politik dhe po e b\u00ebn k\u00ebt\u00eb me zgjuar\u00ebsi. Sali Berisha gjithashtu. T\u00eb gjith\u00eb e shohin Kosov\u00ebn nga Tirana. Dhe nga Tirana, Kosova, me dy milion\u00eb shqiptar\u00eb, komb\u00ebtarist\u00eb, deri n\u00eb ekstrem, atdhetar\u00eb dhe patriot\u00eb \u00ebsht\u00eb nj\u00eb k\u00ebrc\u00ebnim p\u00ebr vdekje. Sepse \u00ebsht\u00eb vet\u00ebm \u00e7\u00ebshtje kohe para se komb\u00ebtarizmi i Kosov\u00ebs t\u00eb infektoj\u00eb Gegnin\u00eb dhe t\u00eb shtrihet deri n\u00eb Tiran\u00eb duke e nd\u00ebrruar p\u00ebrfundimisht rrjedh\u00ebn e politik\u00ebs anti-shqiptare t\u00eb Tiran\u00ebs. Prandaj duke k\u00ebrkuar t\u00eb b\u00ebjn\u00eb sh\u00ebrbyesin m\u00eb t\u00eb bindur t\u00eb t\u00eb huajve si Edi Rama, ose kund\u00ebrshtarin e marr\u00ebveshjes duke ia l\u00ebn\u00eb n\u00eb der\u00eb problemin Hashim Tha\u00e7it e U\u00c7K si Sali Berisha, t\u00eb dy pal\u00ebt kan\u00eb q\u00ebllim ruajtjen e kontrollit mbi shtetin, q\u00eb duhej t\u00eb ishte shtet shqiptar, e q\u00eb nuk \u00ebsht\u00eb aspak shtet shqiptar por i kontrolluar nga pakicat, serb\u00ebt, grek\u00ebt e dreqi dhe i biri.<\/p>\n

N\u00eb fakt lufta e t\u00eb gjith\u00eb k\u00ebtyre \u00ebsht\u00eb me krahun q\u00eb ka q\u00ebn\u00eb krahu kund\u00ebrshtar i tyre dhe q\u00eb \u00ebsht\u00eb n\u00eb fakt krahu i Luft\u00ebs. Gjuh\u00ebn me UJD-istat, Titistat, e kozmopolitan\u00ebt e Prishtin\u00ebs k\u00ebta e gjejn\u00eb leht\u00eb, por me Drenic\u00ebn, Llapin e Dukagjinin nuk munden e nuk kan\u00eb me mund\u00eb. E shqiptaria n\u00eb Kosov\u00eb nuk \u00ebsht\u00eb kund m\u00eb e fort\u00eb se n\u00eb k\u00ebto zona, q\u00eb jan\u00eb jasht\u00eb kontrollit t\u00eb tyre e jasht\u00eb influenc\u00ebs s\u00eb tyre.<\/p>\n

PROBLEMI ND\u00cbRSHQIPTAR N\u00cb PRISHTIN\u00cb<\/strong><\/p>\n

Shum\u00eb\u00e7ka varet nga uniteti i paris\u00eb n\u00eb Prishtin\u00eb. Ka nj\u00eb ndarje q\u00eb mbetet e mpreht\u00eb n\u00eb politik\u00ebn e Prishtin\u00ebs n\u00eb mes t\u00eb veglave t\u00eb vjetra t\u00eb Serbis\u00eb, t\u00eb veglave t\u00eb t\u00eb huajve dhe nga ana tjet\u00ebr, t\u00eb pasardh\u00ebsve t\u00eb le\u00e7itunve, t\u00eb brezit 1981 e t\u00eb U\u00c7K. Pra, edhe tehu i sulmit t\u00eb t\u00eb gjith\u00eb k\u00ebtyre, dhe i veglave t\u00eb vjetra q\u00eb kan\u00eb dal\u00eb nga vrimat n\u00eb Prishtin\u00eb dhe shihen gjithkund n\u00eb media duke sulmuar gjithk\u00ebnd, kinse si atdhetar\u00eb t\u00eb pap\u00ebrlyer \u00ebsht\u00eb me krahun e luft\u00ebs dhe t\u00eb U\u00c7K. Po tentohet q\u00eb pik\u00ebrisht kjo \u00e7\u00ebshtje jetike dhe kardinale t\u00eb p\u00ebrdoret p\u00ebr diskreditimin e U\u00c7K, \u201cme fitue poenta\u201d kur dihet mir\u00eb q\u00eb nuk po i pyet kush as Hashim Tha\u00e7in, as Ramush Haradinajn, as t\u00eb tjer\u00ebt. N\u00eb fakt, Ramushi e ka tregue veten burr\u00eb shteti dhe meriton respekt p\u00ebr aq sa ka ba, anipse n\u00eb pika t\u00eb ndryshme mund t\u00eb ishte sjell\u00eb m\u00eb me fines\u00eb. Hashim Tha\u00e7i, si thonte Baci Adem, \u201c\u00ebsht\u00eb m\u00eb dinaku q\u00eb kemi<\/em>\u201d dhe po sillet me shum\u00eb men\u00e7uri e inteligjenc\u00eb. Por me k\u00ebrkue me fitue pik\u00eb n\u00eb k\u00ebt\u00eb moment, duke u shit\u00eb si atdhetar kur ke ken\u00eb nj\u00eb maskara i nivelit m\u00eb t\u00eb ul\u00ebt n\u00eb momentin kur \u00ebsht\u00eb dashur, \u00ebsht\u00eb krim komb\u00ebtar.<\/p>\n

Natyrisht nuk \u00ebsht\u00eb mir\u00eb q\u00eb politika shqiptare e Prishtin\u00ebs \u00ebsht\u00eb shum\u00eb e p\u00ebr\u00e7ar\u00eb, sepse kjo nuk lejon t\u00eb merren vendimet q\u00eb duhen. Ama, kjo ka q\u00ebn\u00eb nj\u00eb taktik\u00eb q\u00eb ka funksionuar sepse nuk \u00ebsht\u00eb lejuar kush q\u00eb t\u00eb dal\u00eb e t\u00eb marr\u00eb vendime q\u00eb mund t\u00eb kishin q\u00ebn\u00eb shum\u00eb t\u00eb d\u00ebmshme p\u00ebr Kosov\u00ebn. Dhe me gjas\u00eb, kjo do t\u00eb vazhdoj\u00eb edhe n\u00eb t\u00eb ardhmen. Por, n\u00eb k\u00ebt\u00eb rast, SHBA k\u00ebrkon t\u00eb hiqet taksa dhe kjo taktik\u00eb, n\u00eb k\u00ebt\u00eb rast, nuk ka funksionuar. E k\u00ebshtu mund t\u00eb pezullohet taksa, nd\u00ebrkoh\u00eb q\u00eb mund t\u00eb gjenden zgjidhje t\u00eb tjera, q\u00eb tregojn\u00eb vullnet t\u00eb mir\u00eb por q\u00eb q\u00ebllimin e arrijn\u00eb nj\u00eblloj.<\/p>\n

Le t\u00eb mos mendoj\u00eb njeri se t\u00eb huajt nuk e din\u00eb se sa e papranueshme \u00ebsht\u00eb nj\u00eb marr\u00ebveshje me Serbin\u00eb p\u00ebr shqiptar\u00ebt. Por e din\u00eb edhe se zgjidhjet jan\u00eb t\u00eb kufizuara dhe se nuk \u00ebsht\u00eb e leht\u00eb. Edhe Hashimi, Ramushi, Kadria, dhe t\u00eb tjet\u00ebr e din\u00eb se nuk munden me e d\u00ebnue veten me vdekje, se n\u00eb nj\u00eb an\u00eb kan\u00eb Gjykat\u00ebn Speciale, e n\u00eb an\u00ebn tjet\u00ebr kan\u00eb Marr\u00ebveshjen. Por duhet me ua shpjegue njer\u00ebzve se cili \u00ebsht\u00eb \u00e7mimi dhe pse po duhet me u ba, anipse duhet punue me shpres\u00eb se munden me marr\u00eb ma shum\u00eb se po u jepet n\u00eb k\u00ebt\u00eb pik\u00eb.<\/p>\n

NJ\u00cb PROBLEM I ZGJIDHSH\u00cbM POLITIK: TARIFA 100% MBI IMPORTET NGA SERBIA<\/strong><\/p>\n

Taksa 100% p\u00ebr prodhimet serbe \u00ebsht\u00eb nj\u00eb penges\u00eb e madhe p\u00ebr bisedimet. \u00cbsht\u00eb b\u00ebr\u00eb shum\u00eb zhurm\u00eb nga ana e serb\u00ebve p\u00ebr t\u00eb rritur presionin, dhe kjo tarif\u00eb ishte qartazi nj\u00eb mjet politik nga qeveria e Kosov\u00ebs p\u00ebr t\u00eb frenuar dik\u00eb si Presidenti Tha\u00e7i. N\u00eb nj\u00eb an\u00eb kjo ka treguar shum\u00eb karakter nga ana e kryeministrit Ramush Haradinaj, q\u00eb \u00ebsht\u00eb p\u00ebr t\u2019u p\u00ebrg\u00ebzuar q\u00eb nuk ka hequr dor\u00eb.<\/p>\n

Mir\u00ebpo, pavar\u00ebsisht se n\u00eb Kosov\u00eb e shohin veten si shtet, sovraniteti i Kosov\u00ebs \u00ebsht\u00eb shum\u00eb, shum\u00eb i kufizuar\u2026 n\u00eb fakt, kur t\u00eb vij\u00eb puna, vendimet do t\u00eb merren pa miratimin e paris\u00eb n\u00eb Prishtin\u00eb, sepse k\u00ebshtu jan\u00eb prerogativat. Nuk zgjidhen pun\u00ebt duke mendue se Gjermania mundet me veprue e me mb\u00ebshtet\u00eb dik\u00eb kund\u00ebr nj\u00eb vendimi q\u00eb merr SHBA. Kur t\u00eb vendos\u00eb SHBA, e \u00e7ka t\u00eb vendos\u00eb, n\u00eb rastin ton\u00eb, ashtu do t\u00eb b\u00ebhet.<\/p>\n

Por ata q\u00eb e kan\u00eb fuqin\u00eb nuk po duan me e tregue se e kan\u00eb fuqin\u00eb, sepse mandej p\u00ebr ta krijohet nj\u00eb gjendje e pak\u00ebndshme. Preferenca \u00ebsht\u00eb q\u00eb shqiptar\u00ebt ta thon\u00eb vet\u00eb at\u00eb q\u00eb duhet me u than\u00eb n\u00eb k\u00ebto kushte. Kjo si do t\u00eb thoshte Sun Zu<\/em>, p\u00ebrb\u00ebn nj\u00eb fitore, ruhet mir\u00ebkuptimi dhe besimi i shqiptar\u00ebve tek t\u00eb huajt dhe nuk krijohen shqet\u00ebsime n\u00eb popull. Pra, shpresa \u00ebsht\u00eb q\u00eb duhet b\u00ebr\u00eb ajo q\u00eb duhet nga paria shqiptare. T\u00eb gjitha shenjat q\u00eb po jepen jan\u00eb se kjo marr\u00ebveshje \u00ebsht\u00eb me pesh\u00eb e me r\u00ebnd\u00ebsi dhe k\u00ebrkon zgjidhjen, jo si\u00e7 e duan shqiptar\u00ebt, jo si\u00e7 e duan serb\u00ebt, por si\u00e7 e duan fuqit\u00eb e m\u00ebdha. Putini shkoi deri n\u00eb Beograd me ndikue n\u00eb zgjidhjen. Presidenti Trump d\u00ebrgoi let\u00ebr. Jo nj\u00eb, por dy letra. Dhe pati nj\u00eb seri masash e sanksione, q\u00eb jan\u00eb tregues i qart\u00eb se sa e r\u00ebnd\u00ebsishme \u00ebsht\u00eb kjo marr\u00ebveshje. Tani nuk duhet me t\u00eb ra rrufeja n\u00eb kok\u00eb, q\u00eb me e kuptue se \u00ebsht\u00eb moti i keq.<\/p>\n

Zgjidhja q\u00eb do t\u00eb propozoja, krejt si nj\u00eb njeri, q\u00eb nuk ka asnj\u00eb interes n\u00eb k\u00ebt\u00eb pun\u00eb, \u00ebsht\u00eb q\u00eb t\u00eb ndiqet rekomandimi dhe k\u00ebrkesa e SHBA p\u00ebr t\u00eb pezulluar p\u00ebrkoh\u00ebsisht, jodefinitivisht, pa e hequr taks\u00ebn. K\u00ebshtu tregohet respekti i duhur p\u00ebr mb\u00ebshtet\u00ebsin stregjik dhe zgjidhet nj\u00eb problem i panevojsh\u00ebm, q\u00eb po p\u00ebrdoret me shum\u00eb efektivitet nga serb\u00ebt. Hiqet edhe nj\u00eb penges\u00eb p\u00ebr bisedimet e pashmangshme.<\/p>\n

Prandaj, le t\u00eb pezullohet p\u00ebrkoh\u00ebsisht e jo definitivisht (pa afat kohor, e pa u hequr krejt deri n\u00eb nj\u00eb vendim t\u00eb Asambles\u00eb) taksa mbi prodhimet serbe q\u00eb gjith\u00eb-gjith\u00eb e b\u00ebn Serbin\u00eb t\u00eb humb\u00eb vet\u00ebm 40 milion\u00eb euro n\u00eb vit. Ama, duke par\u00eb se efekti i taks\u00ebs n\u00eb ekonomin\u00eb e Kosov\u00ebs ka qen\u00eb i jasht\u00ebzakonsh\u00ebm (sepse ka pasur nd\u00ebrmarrje q\u00eb kan\u00eb rritur pun\u00ebsimin me 50%), duke par\u00eb prodhimi vendor \u00ebsht\u00eb rritur, dhe se papun\u00ebsia ka r\u00ebn\u00eb me 20%, dhe q\u00eb taksa ka mb\u00ebshtetje masive n\u00eb popull, at\u00ebher\u00eb le t\u00eb ndiqet nj\u00eb rrug\u00eb tjet\u00ebr p\u00ebr t\u00eb inkurajuar prodhimin vendor.<\/p>\n

Ka tre rrug\u00eb p\u00ebr t\u00eb ndryshuar k\u00ebt\u00eb me dinjitetin e duhur. S\u00eb pari<\/em>, Komunat t\u00eb vendosin nj\u00eb taks\u00eb lokale p\u00ebr mallrat e importuara, n\u00eb kufirin ligjor. M\u00eb pas t\u00eb v\u00ebn\u00eb gjoba t\u00eb r\u00ebnda p\u00ebr mallrat q\u00eb importohen, kur ka mallra t\u00eb ngjashme q\u00eb prodhohen n\u00eb vend. N\u00eb m\u00ebnyr\u00eb indirekte mbrohen prodhimi vendor dhe mbushen arkat e komunave. P\u00ebrmir\u00ebsohet edhe marr\u00ebdh\u00ebnia nd\u00ebretnike, se mandej shqiptar\u00ebt kan\u00eb me shkue me ble n\u00eb komunat serbe.<\/p>\n

S\u00eb dyti<\/em>, qeveria le t\u00eb vendos\u00eb nj\u00eb taks\u00eb\/gjob\u00eb t\u00eb r\u00ebnd\u00eb mbi t\u00eb gjith\u00eb shit\u00ebsit, q\u00eb shesin prodhimet e importit kur kan\u00eb mund\u00ebsi t\u00eb shesin prodhime vendi dhe k\u00ebt\u00eb e vendos qeveria me dhjet\u00eb inspektor\u00eb t\u00eb ve\u00e7ant\u00eb n\u00eb zyr\u00ebn e taksave n\u00eb bashk\u00ebpunim me ministrin\u00eb e ekonomis\u00eb. Kjo inisiativ\u00eb le t\u00eb shtrihet mbi t\u00eb gjith\u00eb prodhimet e le t\u00eb kalohet kjo taks\u00eb mbi shit\u00ebsin lokal shqiptar e serb. Nuk ka r\u00ebnd\u00ebsi n\u00ebse vjen apo jo malli nga Serbia apo Shqip\u00ebria, zyrtarisht e verbalisht i b\u00ebhet e ditur shit\u00ebsit se po nuk b\u00ebri at\u00eb q\u00eb vendoset, do t\u00eb gjobitet. Dhe n\u00ebse ka prodhim vendor t\u00eb atij produkti, me standartet e p\u00ebrcaktuara, ligji t\u00eb jet\u00eb q\u00eb produkti i importuar duhet t\u00eb shitet me 50% m\u00eb shtrenjt\u00eb.<\/p>\n

S\u00eb treti<\/em>, serb\u00ebt p\u00ebrshembull, nuk i blejn\u00eb vullnetarisht prodhimet e Kosov\u00ebs. E k\u00ebshtu nuk ka shum\u00eb eksport nga Kosova n\u00eb Serbi. Po ashtu, n\u00ebse njer\u00ebzit e kan\u00eb kaq shum\u00eb hall se po importohen mallrat serbe, le t\u00eb mos i blejn\u00eb, ose po nuk mund\u00ebn t\u00eb rrin\u00eb pa to, le ti blejn\u00eb shtrenjt\u00eb, aq shtrenjt\u00eb sa t\u00eb mos mund t\u00eb konkurojn\u00eb me mallrat vendore. Le t\u00eb dalin aktivist\u00ebt dhe t\u00eb vendosin letra n\u00eb dyert e atyre q\u00eb preferojn\u00eb mallrat t\u00eb jashtme\u2026. Turpi \u00ebsht\u00eb nj\u00eb arm\u00eb e fort\u00eb, sidomos p\u00ebr nj\u00eb shoq\u00ebri, q\u00eb ka kaluar aq shum\u00eb t\u00eb k\u00ebqia nga Serbia.<\/p>\n

Shkurt, ka shum\u00eb m\u00ebnyra me mb\u00ebrrit\u00eb rezultatin q\u00eb duhet. Por e mira \u00ebsht\u00eb t\u00eb pezullohet kjo taks\u00eb dhe t\u00eb ndiqen rrug\u00eb t\u00eb tjera.<\/p>\n

\u00c7FAR\u00cb MARR\u00cbVESHJE MUND T\u00cb B\u00cbHET<\/strong><\/p>\n

Marr\u00ebveshja duhet me krijue kushte optimale p\u00ebr t\u00eb dy pal\u00ebt, shqiptar\u00ebt dhe serb\u00ebt, duke ruajtur shtet\u00ebsin\u00eb e Kosov\u00ebs, kontroll mbi burimet jetike dhe kohezionin etnik t\u00eb shtetit. Prandaj \u00ebsht\u00eb mir\u00eb q\u00eb t\u00eb shkohet tek shqiptar\u00ebt dhe t\u00eb parashtrohen e sqarohen pika t\u00eb v\u00ebshtira e t\u00eb paqarta t\u00eb marr\u00ebveshjes. Asnj\u00eb kompromis nuk \u00ebsht\u00eb i padhimbsh\u00ebm. Por asnj\u00eb zgjidhje q\u00eb vjen n\u00eb tavolin\u00eb nuk vjen pa kompromis. Direkt ose indirekt duhet me dal\u00eb dhe me ia shpjegue popullit, se \u00e7far\u00eb \u00ebsht\u00eb n\u00eb tavolin\u00eb dhe p\u00ebr \u00e7ka \u00ebsht\u00eb dakord\u00ebsuar. Sepse n\u00eb fund t\u00eb fundit kan\u00eb ardh\u00eb letrat dhe president\u00ebt presin n\u00ebnshkrimin.<\/p>\n

Ka me pas\u00eb problem p\u00ebr em\u00ebr; Serb\u00ebt kan\u00eb me dasht\u00eb me e quajt\u00eb Kosova i Metohija dhe me Metohi kan\u00eb n\u00ebnkuptue Zajednic\u00ebn dhe me evokue manastiret dhe qendrat e tyre. OKB mundet me e quajt\u00eb Kosovo e me radh\u00eb. E sa p\u00ebr me than\u00eb, n\u00ebse Kosova merr, t\u00eb themi 50% t\u00eb t\u00eb ardhurave t\u00eb Trep\u00e7\u00ebs, nuk \u00ebsht\u00eb pa pesh\u00eb. Dikur thuhej \u201cTrepca radi, Beograd se gradi<\/em>\u201d pra, n\u00eb Kosov\u00eb nuk hynte asgj\u00eb, dhe pes\u00eb miliard\u00eb dollar\u00eb n\u00eb vit shkonin n\u00eb Beograd\u2026 prap\u00eb mb\u00ebrriti Kosova me mbijetue deri q\u00eb nis\u00ebn me ardh\u00eb fondet e federat\u00ebs, q\u00eb ishin … parat\u00eb e Trep\u00e7\u00ebs.<\/p>\n

Ka shum\u00eb gj\u00ebra t\u00eb pak\u00ebndshme, q\u00eb do t\u00eb dalin me marr\u00ebveshjen, kjo \u00ebsht\u00eb e pritshme, por p\u00ebr mua m\u00eb t\u00eb r\u00ebnd\u00ebsishme jan\u00eb disa kushte, q\u00eb nuk po i p\u00ebrmend njeri si p\u00ebr shembull, me ua kthye 1000 hektar\u00ebt e tok\u00ebs shqiptar\u00ebve n\u00eb Pej\u00eb, q\u00eb i mor\u00ebn francez\u00ebt me dhun\u00eb dhe tokat e tjera t\u00eb sekuestruara, q\u00eb u p\u00ebrdor\u00ebn me u dhan\u00eb hap\u00ebsir\u00eb objekteve t\u00eb kultit se sa kombinati n\u00eb Mitrovic\u00eb.<\/p>\n

Thelbi i \u00e7do marr\u00ebveshjeje q\u00eb duhet mbajtur mend \u00ebsht\u00eb kohezioni etnik n\u00eb Kosov\u00eb. Po u b\u00eb shk\u00ebmbim territoresh, at\u00ebher\u00eb t\u00eb ket\u00eb edhe shk\u00ebmbim popullate. Le t\u00eb vijn\u00eb shqiptar\u00ebt nga disa nga fshatrat mbi-Ibrit, ku jemi pakic\u00eb e pap\u00ebrfillshme, e q\u00eb nuk na i jep njeri, e po humbnim e t\u00eb nd\u00ebrrohen me serb\u00ebt n\u00eb Kosov\u00eb n\u00eb fshatra si Davidovci apo nga krahu i Kamenic\u00ebs e Gjilanit p\u00ebr shembull. Le ta ket\u00eb Gra\u00e7anica statusin e ekstraterritorialitetit, por me nje num\u00ebr t\u00eb kufizuar banor\u00ebsh dhe me kusht q\u00eb kishtar\u00ebt drejtues t\u00eb jen\u00eb vendas n\u00eb Kosov\u00eb e me radh\u00eb.<\/p>\n

Do t\u00eb ket\u00eb zona e qytete n\u00ebn administrimin e huaj, t\u00eb UNMIK, p\u00ebr shembull, por gjithmon\u00eb ka rrug\u00eb e m\u00ebnyra p\u00ebr t\u00eb punuar si duhet e p\u00ebr t\u00eb avancuar interesat e pal\u00ebve. UNMIK ishte dhe \u00ebsht\u00eb n\u00eb Kosov\u00eb, e megjithat\u00eb, pavar\u00ebsia u shpall p\u00ebrkund\u00ebr interesave t\u00eb UNMIK. Dikur lexonim se Tito thoshte \u201cGllava damo, Trste ne Damo<\/em>\u201d e ku \u00ebsht\u00eb sot Trieste? Pjes\u00eb integrale e shtetit italian. Pra, me shum\u00eb kujdes, e me shum\u00eb v\u00ebmendje, \u00e7do der\u00eb q\u00eb mbyllet hap edhe nj\u00eb der\u00eb tjet\u00ebr.<\/p>\n

P\u00cbRMBYLLJE<\/strong><\/p>\n

N\u00eb vend t\u00eb nj\u00eb p\u00ebrmbylljeje, kisha th\u00ebn\u00eb se ka nj\u00eb mir\u00ebkuptim n\u00eb mes t\u00eb fuqive t\u00eb m\u00ebdha se si duhet me u zgjidh\u00eb kjo pun\u00eb. Gjasat jan\u00eb se presioni mbi parin\u00eb e Prishtin\u00ebs do t\u00eb jet\u00eb i madh. Mir\u00eb \u00ebsht\u00eb, megjithat\u00eb, me e hap\u00eb loj\u00ebn e letrat dhe me u tregue njer\u00ebzve, direkt apo indirekt se \u00e7ka po ndodh. N\u00eb Kosov\u00eb, vendimin nuk guxon me e marr\u00eb Ramushi me Hashimin, Kadrin\u00eb, Jakupin apo Fatmirin apo Albin Kurti me Isa Mustaf\u00ebn. K\u00ebtu duhet nj\u00eb diskutim n\u00eb kuvend (Asamble<\/em>) dhe nj\u00eb diskutim popullor shum\u00eb i qart\u00eb dhe i kujdessh\u00ebm. Kosova ka me pague nj\u00eb \u00e7mim t\u00eb r\u00ebnd\u00eb por shum\u00eb \u00ebsht\u00eb e logjikshme. Deri k\u00ebtu kemi shkue me mendjen e me k\u00ebmb\u00ebt tona dhe kaq i kemi mund\u00ebsit\u00eb dhe kaq mund t\u00eb b\u00ebjm\u00eb n\u00eb rrethanat ku jemi. K\u00ebshtu shkon edhe fati i shteteve dhe i kombeve, q\u00eb nuk kan\u00eb bashkimin e unitetin e duhur n\u00eb radh\u00ebt e veta. Kur nuk b\u00ebn at\u00eb q\u00eb duhet kur ke mund\u00ebsi, duhet me ba at\u00eb q\u00eb nuk don, kur je n\u00eb kushte t\u00eb v\u00ebshtira. Por \u00e7ka duket se \u00ebsht\u00eb humb\u00eb n\u00eb nj\u00eb krah, me mend, mund t\u00eb fitohet n\u00eb krahun tjet\u00ebr. Vet\u00ebm kur bjen n\u00eb pus, mendon se si me dal\u00eb prej pusit dhe at\u00ebher\u00eb e gjen zgjidhjen q\u00eb duhet e q\u00eb t\u00eb sh\u00ebrben me mir\u00eb.<\/p>\n

[FCB, 23.02.2019<\/em>]<\/p>\n

* * *<\/p>\n

Ibrahim Kelmendi:<\/b><\/p>\n

N\u00eb komunikim privat i pata premtuar Mikut e Politologut Shenasi Rama, se do t\u00eb shkruaj (\u00e7)vler\u00ebsim p\u00ebr shkrimin e tij. E nisa, duke e titulluar:<\/i><\/b><\/p>\n

RUAJTJA E EKUILIBRIT INTELEKTUAL N\u00cb FURTUN\u00cb T\u00cb RR\u00cbMUJSHME KOMPLOTISTE \u00cbSHT\u00cb E ZORSHME<\/b><\/h3>\n

Rastisi t\u00eb kishim debat me Mikun shkodran, Politologun Dr. Shenasi Rama (bashkorganizues i revolt\u00ebs s\u00eb student\u00ebve n\u00eb dhjetor 1990 dhe i Partis\u00eb Demokratike n\u00eb Tiran\u00eb…, tani ligj\u00ebrues n\u00eb Universitetin Publikt t\u00eb New York\u2019ut). Pasoi nj\u00eb shtjellim i tij, t\u00eb cilin e titulloi:<\/p>\n

\u201cP\u00cbR RREGULLIMIN E MARR\u00cbDH\u00cbNIEVE SHQIPTARO-SERBE DHE T\u00cb ARDHMEN E KOSOV\u00cbS – NJ\u00cb TEM\u00cb P\u00cbR DEBAT\u201d.<\/p>\n

Fjalia e par\u00eb e k\u00ebtij shtjellimi: \u201cN\u00eb nj\u00eb shk\u00ebmbim q\u00eb kisha dje me nj\u00eb nga figurat m\u00eb t\u00eb spikatura t\u00eb rezistenc\u00ebs shqiptare n\u00eb Kosov\u00eb qysh n\u00eb vitet 1980, Ibrahim Kelmendi, iu hym\u00eb disa temave q\u00eb jan\u00eb tejet delikate dhe problematike.\u201d<\/p>\n

Gjithsesi e fal\u00ebnderoj Mikun Shenasi p\u00ebr k\u00ebt\u00eb konsiderat\u00eb, n\u00ebse ka qen\u00eb i sinqert\u00eb, edhe pse, pasi mbarova leximin e shkrimit t\u00eb tij, e (keq)kuptova se ky madh\u00ebrim ishte nj\u00eb si aperitiv p\u00ebr t\u00eb ma nxit apetitin q\u00eb ta g\u00eblltis gjell\u00ebn e tij t\u00eb keqe, dhe ta lavd\u00ebroj se e kishte gatuar mir\u00eb.
\nFjalia pasuese: \u201cE natyrisht dol\u00ebm tek problemi i marr\u00ebdh\u00ebnieve dhe marr\u00ebveshja me Serbin\u00eb dhe posac\u00ebrisht problemi i taks\u00ebs, problemi i marr\u00ebdh\u00ebnieve me SHBA, problemi i besueshm\u00ebris\u00eb s\u00eb disa figurave politike, problemi i rolit t\u00eb Shqip\u00ebris\u00eb dhe I udheheq\u00ebsve t\u00eb saj si dhe rrug\u00ebt e zgjidhjes.\u201d<\/p>\n

Komunikimin e b\u00ebm\u00eb n\u00eb inbox (privat) t\u00eb FCB-ut, prandaj nuk po shp\u00ebrdoroj p\u00ebr ta sjell k\u00ebtu, por nuk kemi komunikuar aq gjat\u00eb, si\u00e7 t\u00eb krijon p\u00ebrshtypjen kjo hyrje n\u00eb k\u00ebt\u00eb shkrim t\u00eb gjat\u00eb t\u00eb Shenasiut.
\nPason sqarimi: \u201cUn\u00eb ka koh\u00eb q\u00eb jam shk\u00ebputur nga problemet e Kosov\u00ebs. E kam nxjerr\u00eb se fundi nje lib\u00ebr me k\u00ebt\u00eb tem\u00eb, por nuk ka fort interes dhe un\u00eb nuk merrem me politik\u00eb. Megjithat\u00eb, ia premtova Ibrahimit se do t\u00eb b\u00ebja nj\u00eb shkrim p\u00ebr k\u00ebto gj\u00ebra, m\u00eb duhet me e mbajt\u00eb fjal\u00ebn.\u201c<\/p>\n

Kush ka p\u00ebrcjell publikimet e Politologut Shenasi, debatet n\u00eb FCB e n\u00eb televizone (t\u00eb \u201ckazani\u201d, si\u00e7 po i diskualifikon Edi Rama), do t\u00eb bindet q\u00eb informimi i Shenasiut \u201cun\u00eb nuk merrem me politik\u00eb\u201d nuk \u00ebsht\u00eb i sakt\u00eb. Ndoshta ky ligj\u00ebrues n\u00eb fakultetin e \u201cshkencave politike\u201d – ai q\u00eb e ka th\u00ebn\u00eb i pari k\u00ebt\u00eb em\u00ebrtim mashtrues, do t\u00eb duhej t\u2019i rr\u00ebnohet edhe varri; me gjas\u00eb i pari duhet t\u00eb ket\u00eb qen\u00eb Joseph von Sonnenfels, n\u00eb shekullin e 18-t\u00eb, i cili e ka sajuar si diciplin\u00eb studimore n\u00eb Universitetin e Vjen\u00ebs…, – mendon se angazhim politik \u00ebsht\u00eb vet\u00ebm t\u00eb jesh udh\u00ebheq\u00ebs partish apo funksionar\u00eb shtet\u00ebror(?!)?<\/p>\n

Konstatimi i politologut Shenasi, i v\u00ebn\u00eb edhe si n\u00ebntitull, \u201cfati i vendeve t\u00eb vogla varet nga fuqit\u00eb e m\u00ebdha\u201d, \u00ebsht\u00eb tep\u00ebr spekulativ dhe nuk i ka hije k\u00ebtij, si politolog. Po t\u00eb ishte poet, edhe mund t\u2019i shkonte.
\nR\u00ebndom, fati (latinisht: fatum), \u00ebsht\u00eb em\u00ebrtim q\u00eb p\u00ebrmban rrjedh\u00ebn e rrojtjes se njeriut, e paracaktuar nga \u201czotat\u201d, i cili nuk varet nga vendimet dhe angazhimet e njeriut. N\u00eb rastin e p\u00ebrdorur nga Politologu Shenasi, \u00ebsht\u00eb fjala p\u00ebr vendin i vog\u00ebl (respektivisht shtetin e vog\u00ebl). Se cilin \u201cfat\u201d (ardhm\u00ebri) do ta ket\u00eb njeriu, por edhe shteti i vog\u00ebl, varet shum\u00eb nga p\u00ebrcaktimi dhe angazhimi i tyre.<\/p>\n

Edhe konstatimi pasues i politologut Shenasi, \u201cshtetet e vogla, si Serbia ashtu edhe Kosova jan\u00eb t\u00ebr\u00ebsisht t\u00eb varura nga vullneti i Fuqive t\u00eb M\u00ebdha q\u00eb i mb\u00ebshtesin. Nj\u00eb shtet ekziston sepse nj\u00eb Fuqi e madhe e mbron\u201d, i ngjason konstatimit p\u00ebr \u201cfatin\u201d.<\/p>\n

Nuk do mend t\u00eb thuhet se shum\u00eb shtete t\u00eb \u201cvogla\u201d ekzistojn\u00eb, pavar\u00ebsisht vullnetit dhe mbrojtjes se fuqive t\u00eb m\u00ebdha. Fuqit\u00eb e m\u00ebdha, – k\u00ebto aktualet: Amerika, Kina, Rusia dhe aleat\u00ebt\u00eb e tyre, – sado imperialiste q\u00eb jan\u00eb, nuk jan\u00eb aq t\u00eb marra e monstrume q\u00eb t\u00eb mos marrin fare parasysh p\u00ebrcaktimet e shteteve t\u00eb \u201cvogla\u201d.<\/p>\n

N\u00eb rastin konkret, fatkeq\u00ebsisht t\u00eb gjitha fuqit\u00eb e m\u00ebdha, deri n\u00eb mars 1999, ishin kategorikisht kund\u00ebr luft\u00ebs \u00e7lirimtare t\u00eb shqiptar\u00ebve dhe kund\u00ebr \u00e7lirimit t\u00eb Kosov\u00ebs; t\u00eb gjitha p\u00ebrkrahnin p\u00ebrcaktimin dhe angazhimin e Serbis\u00eb neofashiste p\u00ebr ta mbajt Kosov\u00ebn t\u00eb pushtuar. Por, p\u00ebrcaktimi i \u201ckok\u00ebkrisurve\u201d p\u00ebr LIRI APO VDEKJE, fatmir\u00ebsisht imponoi ndryshimin e p\u00ebrcaktimit t\u00eb deriat\u00ebhershme t\u00eb \u201cbot\u00ebs per\u00ebndimore\u201d (e organizuar ushtarakisht n\u00eb Aleanc\u00ebn NATO), duke u kuror\u00ebzua me \u00e7lirim t\u00eb Kosov\u00ebs n\u00eb qershor 1999 dhe me shpallje t\u00eb pavar\u00ebsis\u00eb shtet\u00ebrore n\u00eb shkurt 2008. N\u00ebse do t\u00eb ishim skllev\u00ebr t\u00eb fatit dhe t\u00eb vullnetit t\u00eb fuqive t\u00eb m\u00ebdha, nuk do p\u00ebrcaktoheshim fare p\u00ebr luft\u00eb \u00e7lirimtare dhe nuk do ta b\u00ebnim ate. Q\u00eb do t\u00eb thot\u00eb, nuk do t\u00eb impononim ndryshimin e fatit dhe t\u00eb vullnetit t\u00eb fuqive t\u00eb m\u00ebdha, prandaj do t\u00eb vazhdonim t\u00eb ishim n\u00ebn pushtimin fizik t\u00eb Serbis\u00eb.
\nPolitologu Shenasi Rama (n\u00eb vazhdim vet\u00eb inicialet Sh.R.): \u201ckufiri europian midis SHBA dhe Rusis\u00eb kalon n\u00eb Merdare dhe n\u00eb Mitrovic\u00eb.\u201d<\/p>\n

Nuk \u00ebsht\u00eb e v\u00ebrtet! Interesant do t\u00eb kishte qen\u00eb, p\u00ebrse e b\u00ebn\u00eb k\u00ebt\u00eb konstatim kaq vulgar Politologu Shenasi. Mos ndoshta \u00ebsht\u00eb ndikuar n\u00eb spekulin e Hashim Tha\u00e7it, i cili ndonj\u00ebher\u00eb shk\u00ebmbimin e territorit me Serbin\u00eb e arsyeton edhe n\u00eb pazot\u00ebsin\u00eb e Shtetit t\u00eb Kosov\u00ebs p\u00ebr t\u00eb ushtruar pushtet t\u00eb plot\u00eb n\u00eb gjith\u00eb hap\u00ebsir\u00ebn e tij kushtetuese? Politologut Rama duhet t\u2019i kujtohet se cil\u00ebn marr\u00ebveshje kan\u00eb firmos NATO dhe Serbia n\u00eb qershor 1999, kur Serbia ka kapitulluar, respektivisht cil\u00ebt kufij i p\u00ebrmban ajo marr\u00ebveshje. Apo ndoshta NATO nuk qenk\u00ebsh n\u00eb gjendje t\u00eb mbron territorin e saj, sepse Rusia qenk\u00ebsh m\u00eb e fort\u00eb, q\u00eb t\u00eb imponon kufirin n\u00eb Mitrovic\u00eb?<\/p>\n

Druaj se mashtrimi, q\u00eb gjoja kufiri mes SHBA-s\u00eb dhe Rusis\u00eb na qenk\u00ebsh n\u00eb Mitrovic\u00eb, \u00ebsht\u00eb nj\u00eb taktik\u00eb e luft\u00ebs speciale p\u00ebr t\u00eb na imponuar komplotin q\u00eb Serbia po provon t\u00eb na e imponon, p\u00ebrmes kuislingut Tha\u00e7i dhe ustallar\u00ebve q\u00eb nxisin frym\u00ebn ton\u00eb disfatiste, p\u00ebr t\u00eb pranuar si fat (t\u00eb paracaktuar nga zotat) dhe si vullnet i fuqive t\u00eb m\u00ebdha! Dhe prandaj duhet ta pranojm\u00eb t\u00eb mir\u00ebqen\u00eb, sepse nuk t\u00eb \u201cvegj\u00ebl\u201d p\u00ebr t\u00eb kund\u00ebrshtuar zotat dhe fuqit\u00eb e m\u00ebdha.<\/p>\n

Interesant, edhe pse Politologu Rama ligjeron n\u00eb Universitet publik t\u00eb NY, nuk \u00ebsht\u00eb n\u00eb gjendje t\u00eb ofron qoft\u00eb nj\u00eb prov\u00eb konkrete p\u00ebr p\u00ebrcaktim t\u00eb SHBA-ve q\u00eb Mitrovica \u00ebsht\u00eb \u201cpik\u00eb kufitare\u201d me Rusin\u00eb!<\/p>\n

Sh.R.: \u201cN\u00eb planin politik, ushtarak e diplomatik, kjo marr\u00ebdh\u00ebnie strategjike q\u00eb e b\u00ebn Kosov\u00ebn shesh beteje me r\u00ebnd\u00ebsi strategjike t\u00eb dor\u00ebs s\u00eb par\u00eb, kusht\u00ebzohet nga dy superfuqit\u00eb ushtarake q\u00eb kan\u00eb interesa jetike, q\u00eb her\u00eb p\u00ebrplasen pa u b\u00ebr\u00eb luft\u00eb e her\u00eb pajtohen pa u pajtuar t\u00ebr\u00ebsisht.\u201d
\nHamendeshim halucionist?! Jan\u00eb disa sundimtar\u00eb vulgar\u00eb n\u00eb Kosov\u00eb, t\u00eb cil\u00ebt p\u00ebr ta rrit pesh\u00ebn e tyre politike, Kosov\u00ebn e prezantojn\u00eb si k\u00ebrthiz\u00eb politike t\u00eb bot\u00ebs. Ata duhet kuptuar p\u00ebr interesin egoist q\u00eb kan\u00eb me k\u00ebt\u00eb lloj k\u00ebrthizimi t\u00eb Kosov\u00ebs, por p\u00ebrse kan\u00eb interes Politologu Rama dhe simendimtar\u00ebt e tij, ta propagandojn\u00eb k\u00ebt\u00eb lajthitje. Ndoshta nga mos trajtimi \u201cshkencor\u201d i k\u00ebsaj tematike?<\/p>\n

Vet\u00ebkuptohet, fuqit\u00eb e m\u00ebdha synojn\u00eb p\u00ebr t\u00eb shtri sa m\u00eb gjer\u00ebsisht ndikimin e tyre imperialist, politik, ekonomi, ushtarak, por n\u00eb Kosov\u00eb nuk thyhen shtizat e gar\u00ebs mes tyre. Kosova \u00ebsht\u00eb tep\u00ebr e vog\u00ebl p\u00ebr t\u2019u mjaftuar si hap\u00ebsir\u00eb (figurative), q\u00eb k\u00ebtu ta b\u00ebjn\u00eb gar\u00ebn e tyre imperialiste.
\nSh.R.: \u201cNj\u00eb nga k\u00ebto marr\u00ebdh\u00ebnie paradoksale \u00ebsht\u00eb ajo midis Serbis\u00eb dhe Kosov\u00ebs q\u00eb tashm\u00eb \u00ebsht\u00eb problematizuar edhe m\u00eb shum\u00eb.\u201d<\/p>\n

Edhe pse nuk po e kuptoj krejt\u00ebsisht k\u00ebt\u00eb formulim t\u00eb Politologut Rama, po hamend\u00ebsoj se synimi i tij \u00ebsht\u00eb t\u00eb na e mbush mendjen, v\u00ebrtet \u201cmardhania paradoksale\u201d mes Kosov\u00ebs dhe Serbis\u00eb na qenk\u00ebsh problematizuar pik\u00ebrisht tani, kur Hashim Tha\u00e7i ka dh\u00ebn\u00eb alarmin p\u00ebr cunamin n\u00eb legenin e tij.
\nVazhdoj t\u00eb mendoj se Serbia neofashiste ka inskenuar k\u00ebt\u00eb lloj zhurmimi, vet\u00ebm q\u00eb t\u00eb mund ta anashkalon kusht\u00ebzimin nga BE-ja p\u00ebr an\u00ebtar\u00ebsim, e q\u00eb \u00ebsht\u00eb \u201cmarr\u00ebveshja p\u00ebr mir\u00ebkuptim m\u00eb Kosov\u00ebn\u201d (kapitulli 35). Paralelisht Serbia \u00ebsht\u00eb duke u munduar q\u00eb p\u00ebrmes kuisling\u00ebve e marionetave, t\u00eb cil\u00ebt i ka imponuar n\u00eb krye t\u00eb institucioneve t\u00eb Kosov\u00ebs, por edhe me p\u00ebrkrahje t\u00eb serbofil\u00ebve rus\u00eb, amerikan\u00eb, europian\u00eb, t\u00eb zhvat sa m\u00eb shum\u00eb pasuri nga Kosova (sigurisht, nuk i interesojn\u00eb shum\u00eb hap\u00ebsirat e djerra as serb\u00ebt e Kosov\u00ebs)…<\/p>\n

K\u00ebto nguti urgjente ka Serbia, por Hashim Tha\u00e7i dhe hashimt\u00ebt po e plasojn\u00eb n\u00eb opinion sikur kjo ngutje urgjente, alarmante, p\u00ebr t\u00eb b\u00ebr\u00eb gjithsesi \u201cmarr\u00ebveshje\u201d m\u00eb Serbin\u00eb, na qenk\u00ebsh n\u00eb interes jetik e historik t\u00eb Kosov\u00ebs. Fatkeq\u00ebsisht!<\/p>\n

Sh.R.: \u201cSi duhet me iu p\u00ebrgjigj\u00eb nj\u00eb kombi q\u00eb ka shtet dhe nj\u00eb parie q\u00eb e p\u00ebrdor shtetin sipas parimit t\u00eb Pashiqit \u201cnarodo moja, stoko moja\u201d? e vetmja zgjidhje \u00ebsht\u00eb kombi dhe ideja komb\u00ebtare por tashm\u00eb pykat kan\u00eb hyr\u00eb thell\u00eb dhe jemi t\u00eb p\u00ebrcar\u00eb keq.\u201d<\/p>\n

P\u00ebr lexuesit q\u00eb nuk e njohin serbishten, th\u00ebnia e ish-kryeministrit serb Nikolla Pashiq, shqip\u00ebrohet: \u201cPopulli im, kafsh\u00ebt e mija\u201d.<\/p>\n

Pyetja p\u00ebrmban nj\u00eb pa sakt\u00ebsi, meq\u00eb paria serbe \u00ebsht\u00eb d\u00ebshmuar se nuk e shp\u00ebrdor popullin serb si kafsh\u00ebt, por e ka udh\u00ebheq e motivuar p\u00ebr p\u00ebrparim t\u00eb shpejt kulturor, ekonomik e shtet\u00ebror, meq\u00eb edhe serb\u00ebt, nj\u00ebsoj si ne, ishin t\u00eb pushtuar nga turqit. Kurse \u201cp\u00ebrgjigjja e vetme \u00ebsht\u00eb kombi dhe ideja komb\u00ebtare\u201d e Politologut Rama, po me ngjan n\u00eb slogan q\u00eb nuk i ka hije nj\u00eb politologu q\u00eb ligj\u00ebron n\u00eb Universitetin publik t\u00eb NY. As p\u00ebr\u00e7arja komb\u00ebtare, si\u00e7 e ka pykuar Shenasiu, nuk me ngjan\u00eb t\u00eb jet\u00eb e sakt\u00eb. Mua nuk me ngjan q\u00eb jemi t\u00eb p\u00ebr\u00e7ar\u00eb komb\u00ebtarisht. Dallimet ideopolitike nuk duhet ngat\u00ebrruar me p\u00ebr\u00e7arje komb\u00ebtare.<\/p>\n

Sh.R.: \u201cMe e thjesht\u00ebzue problemin n\u00eb c\u00ebshtje kohe, p\u00ebr t\u2019u b\u00ebr\u00eb shtet Kosova ka nevoj\u00eb ose p\u00ebr nj\u00eb zgjidhje t\u00eb shpejt\u00eb e p\u00ebrfundimtare.\u201d
\nPak m\u00eb tep\u00ebr se skandaloze! P\u00ebr Mikun Shenasi Kosova Kosova nuk qenk\u00ebsh shtet! E v\u00ebrteta \u00ebsht\u00eb se Kosova \u00ebsht\u00eb shtet, pavar\u00ebsisht se \u00ebsht\u00eb i brisht\u00eb, i pa zhvilluar ekonomikisht, me v\u00ebshtir\u00ebsi t\u00eb m\u00ebdha q\u00eb jan\u00eb pasoja t\u00eb sundimit gati nj\u00eb shekullor serb dhe me pasoja t\u00eb m\u00ebdha nga lufta.
\nKy prononcim i Politologut Shenasi ngjan me deklaratat e presidentit Tha\u00e7i, si\u00e7 ngjajn\u00eb dy pika uji mes tyre. Edhe ai nuk po lodhet duke zhurmuar se Kosova nuk na qenk\u00ebsh shtet, prandaj duhet \u201cmarr\u00ebveshja finale\u201d me Serbin\u00eb p\u00ebr t\u2019u b\u00ebr\u00eb shtet. Sigurisht q\u00eb k\u00ebto konstatime mund t\u00eb keqkuptohen si pjes\u00eb e luft\u00ebs komplotist\u00eb kund\u00ebr Shtetit t\u00eb Kosov\u00ebs!<\/p>\n

Se cila qenk\u00ebsh \u201cnj\u00eb zgjidhje e shpejt\u00eb e p\u00ebrfundimtare\u201d, q\u00eb e p\u00ebrmend Shenasiu, mbase do ta kuptojm\u00eb nga teksti i tij n\u00eb vazhdim.
\nP\u00ebr t\u2019u b\u00ebr\u00eb Kosova shtet, sipas Politogut ton\u00eb, \u201cduhet q\u00eb shqiptar\u00ebt t\u00eb sht\u00ebrngojn\u00eb dh\u00ebmb\u00ebt dhe t\u00eb p\u00ebrgatiten q\u00eb edhe p\u00ebr do dhjetravjecar\u00eb t\u00eb tjer\u00eb, si nj\u00eb komb kompakt, t\u00eb luftojn\u00eb t\u00eb kap\u00ebrcejn\u00eb pengesat e shumta q\u00eb do t\u00eb dalin nga Fuqit\u00eb e M\u00ebdha.\u201d<\/p>\n

Irrituese! V\u00ebrtet irrituese! As edhe diletant\u00ebt nuk mund t\u00eb arsyetohen me k\u00ebt\u00eb mendim kaq ogurzi. Por, meq\u00eb nuk \u00ebsht\u00eb i sakt\u00eb, duhet ta g\u00eblltisim, edhe pse me ngjan\u00eb se edhe ky mendim \u00ebsht\u00eb nj\u00eb nga therrat, nga krahu i therrave, p\u00ebr t\u00eb cilat i pata shkruar Mikut Shenasi, kur me insistim e urgjenc\u00eb k\u00ebrkonte vler\u00ebsimin e k\u00ebtij shkrimi q\u00eb po shkoklis. N\u00eb pakt, ju pata p\u00ebrgjith, shkurt e shqip: \u201cM\u00eb leht\u00eb e kisha ngr\u00ebn\u00eb nj\u00eb krah me therra, se sa ta lexoj deri n\u00eb fund.\u201d Parmbr\u00ebm\u00eb pata menduar se kjo p\u00ebrgjigje ngjan me humorin qortues shkodran. Pastaj, kur Miku Shenasi shfaqi pak\u00ebnaq\u00ebsi e hidh\u00ebrim, deri n\u00eb bllokim t\u00eb miq\u00ebsis\u00eb n\u00eb FCB, u pendova pse nuk isha m\u00eb me takt.<\/p>\n

P\u00ebrse duhet t\u2019i dalin Shtetit t\u00eb Kosov\u00ebs \u201cpengesat e shumta nga Fuqit\u00eb e M\u00ebdha\u201d?! Dhe jo p\u00ebr koh\u00eb t\u00eb shkurt, por \u201cedhe p\u00ebr do dhjetravjecar\u00eb\u201d! Edhe ky \u00ebsht\u00eb vet\u00ebm nj\u00eb hamendesim, jo vet\u00ebm i pa sakt\u00eb, por tep\u00ebr d\u00ebshp\u00ebrues. E sidomos nuk i ka hije politologut, i cili nga m\u00ebngjesi deri n\u00eb dark\u00eb, nuk lodhet duke propaganduar se SHBA-t\u00eb jan\u00eb aleati dhe miku kryesor i popullit shqiptar dhe i Kosov\u00ebs. Nuk do mend t\u00eb konstatohe e v\u00ebrteta, se SHBA-t\u00eb jan\u00eb fuqia num\u00ebr nj\u00eb n\u00eb Planetin ton\u00eb, edhe p\u00ebr shum\u00eb vite (n\u00ebse nuk vet\u00ebshkat\u00ebrrohet nga mbipesha). N\u00ebse \u00ebsht\u00eb e v\u00ebrtet kjo propagand\u00eb, t\u00eb pakt\u00ebn nga kjo Superfuqi num\u00ebr nj\u00eb, nuk duhet t\u00eb na dalin pengesa, si\u00e7 ka hamend\u00ebsuar Politologu yn\u00eb. At\u00ebher\u00eb pse duhet t\u00eb brengosemi kaq shum\u00eb, me alarm?! Mos ndoshta Politologu Shenasi di di\u00e7ka tjet\u00ebr, q\u00eb nuk e thot\u00eb dot. Ta z\u00ebm\u00eb, se n\u00eb SHBA, pas zgjedhjeve t\u00eb fundit presidenciale, ka ndodhur \u201cthyerje\u201d e madhe, e kobshme: kalimi i miq\u00ebsis\u00eb e p\u00ebrkrahjes q\u00eb kishim n\u00eb miq\u00ebsi e p\u00ebrkrahje ndaj Serbis\u00eb?<\/p>\n

Uroj t\u00eb mos na ket\u00eb ndodhur kjo fatkeq\u00ebsi!
\nE, n\u00ebse vazhdojm\u00eb ta g\u00ebzojm\u00eb p\u00ebrkrahjen amerikane, nuk duhet t\u00eb na brengosin shum\u00eb p\u00ebr pengesat ruse, kineze, hinduse…<\/p>\n

Politologu Shenasi vazhdon me konstatime, kryesisht paragjykuese, spekulative e t\u00eb p\u00ebr\u00e7arta, si ky i radh\u00ebs: \u201cZgjidhja q\u00eb k\u00ebrkon koh\u00eb nuk \u00ebsht\u00eb e pranueshme p\u00ebr shqiptar\u00ebt e Kosov\u00ebs sepse don t\u00eb thot\u00eb q\u00eb t\u00eb jetohet n\u00eb rrethim serb, edhe brenda Kosov\u00ebs me enklava serbe, cka do t\u00eb jen\u00eb nj\u00eb burim I p\u00ebrjetsh\u00ebm sherri p\u00ebr shum\u00eb e shum\u00eb vite dhe q\u00eb shum\u00eb leht\u00eb mund t\u2019ia v\u00ebn\u00eb flak\u00ebn Kosov\u00ebs.\u201d<\/p>\n

P\u00ebr cil\u00ebn zgjidhje \u00ebsht\u00eb fjala? P\u00ebrse popullata me mbi 95 % shqiptar\u00eb etnik\u00eb duhet t\u00eb ndihet e rrethuar dhe e rrezikuar nga minoritar\u00ebt serb\u00eb, q\u00eb jan\u00eb rreth 3 %?! Shpresoj t\u2019u p\u00ebrgjigjet k\u00ebtyre pyetjeve Politologu Shenasi, n\u00eb kuad\u00ebr t\u00eb debatit e polemikave q\u00eb do t\u00eb duhej t\u00eb b\u00ebnim.
\nN\u00eb t\u00eb nj\u00ebjtin stil paqart\u00ebsie \u00ebsht\u00eb edhe konstatimi vijues: \u201cJemi nj\u00eb vend ku hyn derri dhe ariu si don vet\u00eb dhe k\u00ebt\u00eb ariun, q\u00eb b\u00ebn si don, duhet edhe me e p\u00ebrshendet\u00eb.\u201d<\/p>\n

Ndoshta, po mos t\u00eb ishte shkrim p\u00ebr FCB, do ta formulonte m\u00eb me p\u00ebrkushtim, edhe pse afishimet n\u00eb FCB po lexohen nga m\u00eb shum\u00eb njer\u00ebz, se sa ato q\u00eb po publikohen n\u00eb gazeta e libra. E, meq\u00eb Politologu Shenasi \u00ebsht\u00eb edhe ligj\u00ebrues universitar n\u00eb Amerik\u00eb, autor i disa librave dhe personalitet ideues e organizues i rreblimit dhe kthes\u00ebs ideopolitike n\u00eb fillim t\u00eb dekad\u00ebs s\u00eb 90-t\u00eb t\u00eb shekullit t\u00eb kaluar, sigurisht q\u00eb ka m\u00eb shum\u00eb lexues e tifoz\u00eb. Prandaj, nga ky p\u00ebrher\u00eb pritet q\u00eb ta ruan nivelin intelektual.
\nSh.R.: \u201cProblemi i shk\u00ebmbimit t\u00eb territorit \u00ebsht\u00eb I pandash\u00ebm nga kompakt\u00ebsia etnike. Pik\u00ebrisht kjo \u00ebsht\u00eb edhe dilema p\u00ebr t\u00eb cil\u00ebn nuk po diskutohet si duhet. Me shk\u00ebmbye territore pa shk\u00ebmbye njer\u00ebz \u00ebsht\u00eb gabimi m\u00eb I madh q\u00eb mund t\u00eb b\u00ebhet. N\u00eb se nuk mbrrihet kohezioni etnik n\u00eb zona t\u00eb caktuara, kurr\u00eb nuk do t\u00eb ket\u00eb paqe n\u00eb Kosov\u00eb.\u201d<\/p>\n

Tashm\u00eb Politologu Shenasi doli t\u00eb preokupimi kryesor: \u201cshk\u00ebmbimi i territoreve\u201d, i startuar publikisht dhe i imponuar si \u201c\u00e7\u00ebshtje\u201d, pothuajse vet\u00ebm nga presidenti Tha\u00e7i, meq\u00eb ai po e shp\u00ebrdoron kapacitetin q\u00eb ka posti i presidentit shtet\u00ebror. Zor se mund t\u00eb definohet, n\u00ebse ky mendim i Shenasiut, i p\u00ebr\u00e7art\u00eb si ato pararend\u00ebse, \u00ebsht\u00eb apo nuk \u00ebsht\u00eb vet\u00ebm tifoz\u00ebri propagandistike e Tha\u00e7it, meq\u00eb edhe n\u00eb formulim kan\u00eb ngjashm\u00ebri.<\/p>\n

Un\u00eb nuk e kam t\u00eb qart\u00eb, n\u00ebse liria e shprehjes se mendimit mbron edhe mendimin, p\u00ebr t\u2019i dh\u00ebn\u00eb pushtuesit territor shtet\u00ebror, edhe n\u00ebse e kamuflon me trukun kamuflues \u201cshk\u00ebmbim\u201d? Meq\u00eb Politologu Shenasi nuk \u00ebsht\u00eb shtetas i Kosov\u00ebs, juridiksioni i Kosov\u00ebs nuk mund t\u2019ia ndalon m\u00ebndin p\u00ebr t\u2019i dh\u00ebn\u00eb territor shtet\u00ebror t\u00eb Kosov\u00ebs Serbis\u00eb, si\u00e7 mund t\u00eb na e ndalon n\u00eb shtetasve, e sidomos presidentit.<\/p>\n

V\u00ebrtet, \u00ebsht\u00eb anakroni e shekujve pararend\u00ebs, edhe p\u00ebr t\u00eb shpreh mendimin p\u00ebr shk\u00ebmbim t\u00eb popullsis\u00eb, meq\u00eb vendlindjet dhe vendbanimet nuk jan\u00eb vet\u00ebm pron\u00ebsi fizike, por edhe pron\u00ebsi emocionale, tradicionale. Poet\u00ebt dhe fetar\u00ebt do t\u00eb thoshin edhe shpirt\u00ebrore. Mbase Shkodrani Shenasi nuk ka p\u00ebrjetime emicionale si t\u00eb shqiptar\u00ebve t\u00eb Kosov\u00ebs: hap\u00ebsirat gjeografike deri n\u00eb Nish, Sanxhak, i p\u00ebrjeton si hap\u00ebsira etnike, edhe p\u00ebr fakti se nj\u00eb pjes\u00eb e madhe e popullsis\u00eb s\u00eb atyre an\u00ebve, kur jan\u00eb d\u00ebbuar, jan\u00eb strehuar n\u00eb Kosov\u00eb dhe ende mbajn\u00eb em\u00ebrtimin p\u00ebrcaktues \u201cmuhaxher\u00eb<\/em>\u201d (i huaj \/ imigrant\u00eb). Prandaj, secil\u00ebn p\u00ebll\u00ebmb\u00eb t\u00eb Kosov\u00ebs, q\u00eb Tha\u00e7i, Shenasiu dhe simendimtar\u00eb e tyre mendojn\u00eb t\u2019ia japin Serbis\u00eb, ose ta shk\u00ebmbejn\u00eb me Serbin\u00eb, \u00ebsht\u00eb hap\u00ebsir\u00eb etnike shqiptare, pavar\u00ebsisht fatkeq\u00ebsisht se mund t\u00eb jen\u00eb t\u00eb mbipoipulluar me serb\u00eb, t\u00eb cil\u00ebt Serbia i ka vendos n\u00eb Kosov\u00eb si kolonist\u00eb, n\u00eb mes t\u00eb dy luft\u00ebra bot\u00ebrore.<\/p>\n

Tani pason mashtrimi tipik tha\u00e7ist, n\u00eb dukje, por q\u00eb duhet t\u00eb jet\u00eb mendim i epror\u00ebve t\u00eb tij, t\u00eb cilin k\u00ebtu Politologu Shenasi e ka konkretizuar si mendim t\u00eb vetin: \u201c\u00c7ka p\u00ebrcakton shum\u00eb\u00e7ka \u00ebsht\u00eb se momenti \u00ebsht\u00eb i till\u00eb q\u00eb Fuqit\u00eb e M\u00ebdha, p\u00ebr interesat e tyre, duan q\u00eb t\u00eb zgjidhet ky problem n\u00eb nj\u00eb m\u00ebnyr\u00eb t\u00eb caktuar. Rusia k\u00ebrkon t\u00eb vendos\u00eb nj\u00eb precedent. Po e arriti k\u00ebt\u00eb, Rusia zgjidh probleme t\u00eb shumta me fqinj\u00ebt q\u00eb k\u00ebrkon t’i shp\u00ebrb\u00ebj\u00eb. SHBA k\u00ebrkon t\u00eb zgjidh\u00eb problemin e marr\u00ebdh\u00ebnieve me nj\u00eb shtet si Serbia, q\u00eb \u00ebsht\u00eb nj\u00eb shtet shum\u00eb problematik dhe q\u00eb krijon shqet\u00ebsime t\u00eb p\u00ebrher\u00ebshme n\u00eb Ballkan<\/em>.\u201d<\/p>\n

As Tha\u00e7i as Miku i tij, Shenasiu, nuk e kan\u00eb asnj\u00eb mund\u00ebsi argumentuese e konkretizuese, se fuqit\u00eb e m\u00ebdha \u201cduan q\u00eb t\u00eb zgjidhet ky problem n\u00eb nj\u00eb m\u00ebnyr\u00eb t\u00eb caktuar<\/em>\u201d. Rusia e Kina Kosov\u00ebn e din\u00eb si pjes\u00eb t\u00eb Serbis\u00eb. Amerika me aleat\u00ebt e njeh Kosov\u00ebn Shtet. Kjo \u00ebsht\u00eb gjendja faktike. Asnj\u00ebra nga k\u00ebto fuqi t\u00eb m\u00ebdha nuk ka shpreh\u00eb as iden\u00eb, k\u00ebrkes\u00eb jo se jo, p\u00ebr shk\u00ebmbim t\u00eb territoreve n\u00eb mes t\u00eb Kosov\u00ebs dhe Serbis\u00eb, as p\u00ebr \u201ckorrigjim\u201d t\u00eb kufirit. Vet\u00ebm Tha\u00e7i e ka shpreh\u00eb publikisht k\u00ebt\u00eb ide, e cila duhet t\u00eb jet\u00eb e sundimtar\u00ebve zyrtar\u00eb serb\u00eb, por q\u00eb nuk e publikojn\u00eb p\u00ebr shkaqe taktike. Presidenti serb Vu\u00e7iq, – ndoshta i frym\u00ebzuar nga taktika komplotiste Millosheviq-Ibrahim Rugova, – ka k\u00ebrkuar q\u00eb bashk\u00ebsia nd\u00ebrkomb\u00ebtare t\u2019i le e t\u00eb njoh\u00eb marr\u00ebveshjet, q\u00eb ai do ta b\u00ebj\u00eb me presidentin Tha\u00e7i, pa th\u00ebn\u00eb gj\u00eb konkrete p\u00ebr shk\u00ebmbim t\u00eb territoreve. Dhe p\u00ebr k\u00ebt\u00eb k\u00ebrkes\u00eb t\u00eb Vu\u00e7iqit po angazhohet Tha\u00e7i, bile me agresivitet, duke k\u00ebrkuar t\u00eb binden pushtetar\u00ebt n\u00eb Vashington, Bruksel, Mosk\u00eb e kryeqendra tjera, q\u00eb t\u00eb dakordohen me \u201cmarr\u00ebveshjen\u201d me Serbin\u00eb; n\u00eb fakt me tekstin q\u00eb do t\u00eb p\u00ebrpilonin serb\u00ebt e do ta firmoste Tha\u00e7i si president, bastardi Tha\u00e7i po e quan marr\u00ebveshje!!!<\/p>\n

Angazhimin e Tha\u00e7it po e diskualifikoj e vuaj, si detyrime i kuislingut ndaj epror\u00ebve t\u00eb tij. Por, nuk po di si ta (dis)kualifikoj k\u00ebt\u00eb lloj angazhimi t\u00eb Politologut shkodran, Mikut Shenasi Rama, meq\u00eb nuk ngjan me qen\u00eb vet\u00ebm p\u00ebrsiatje intelektuale.<\/p>\n

Sh.R.: \u201cK\u00ebtu jan\u00eb n\u00eb qend\u00ebr aleati jetik e strategjik i shqiptar\u00ebve si komb, SHBA, q\u00eb k\u00ebrkon t\u00eb zgjidh\u00eb k\u00ebt\u00eb problem, me pak mir\u00ebkuptim e sakrifica nga shqiptar\u00ebt dhe nga nj\u00eb k\u00ebndv\u00ebshtrim i p\u00ebrhapur, armiku jetik, Rusia q\u00eb sheh nj\u00eb mund\u00ebsi t\u00eb art\u00eb p\u00ebr t\u00eb zgjidhur problemet e veta duke zgjeruar edhe Serbin\u00eb n\u00eb Bosnj\u00eb, dhe duke i dh\u00ebn\u00eb aleatit t\u00eb vet mund\u00ebsi zhvillimi ekonomik nga BE por edhe me pak mir\u00ebkuptim nga serb\u00ebt, q\u00eb t\u00eb njohin pavar\u00ebsimin e Kosov\u00ebs<\/em>.\u201d<\/p>\n

Tashm\u00eb lexojm\u00eb q\u00eb Politologu Shenasi ka kontretizuar fantazit\u00eb e tij. Ca injorant\u00eb folklorist\u00eb mund t\u00eb arsyetohen kur Amerik\u00ebn e definojn\u00eb si aleat jetik e strategjik, por ligj\u00ebruesit universitar t\u00eb politik\u00ebs e t\u00eb drejt\u00ebs nd\u00ebrkomb\u00ebtare nuk i falet. Politologu do t\u00eb duhej t\u00eb dinte se alencat, qofshin ato edhe tep\u00ebr t\u00eb thjeshta, definohen n\u00eb marr\u00ebveshje bilaterale apo shum\u00ebpal\u00ebshe. Kemi ndonj\u00eb marr\u00ebveshje t\u00eb till\u00eb me Amerik\u00ebn? Shqip\u00ebria londineze e ka, qysh kur \u00ebsht\u00eb pranuar n\u00eb Alenac\u00ebn NATO. Amerika nuk i trajton popujt si kombe, sepse amerikan\u00ebt nuk kan\u00eb komb\u00ebsi, por si shtete. Prandaj alenca q\u00eb ka m\u00eb Shtetin shqiptar nuk p\u00ebrfshin\u00eb edhe Shtetin \u201ckosovar\u201d.<\/p>\n

V\u00ebrtet irritues dezinformomi e mashtrimi: \u201cSHBA, q\u00eb k\u00ebrkon t\u00eb zgjidh\u00eb k\u00ebt\u00eb problem, me pak mir\u00ebkuptim e sakrifica nga shqiptar\u00ebt<\/em>.\u201d Amerika e ka njohur Shtetin kushtetues t\u00eb Republik\u00ebs s\u00eb Kosov\u00ebs dhe asnj\u00eb zyrtar i lart\u00eb amerikan\u00eb, nuk ka b\u00ebr\u00eb k\u00ebrkes\u00eb q\u00eb Kosova t\u2019i jap ndonj\u00eb met\u00ebr katror territor Serbis\u00eb. Deri tani zyrtar\u00ebt amerikan\u00eb vet\u00ebm kan\u00eb lut\u00eb e k\u00ebrkuar q\u00eb Kosova sovrane dhe Serbia t\u00eb negociojn\u00eb p\u00ebr marr\u00ebveshje, e cila do t\u00eb p\u00ebrmbante edhe njohjen reciproke shtet\u00ebrore. Kaq! P\u00ebrse po e shtremb\u00ebrojn\u00eb k\u00ebt\u00eb k\u00ebrkes\u00eb amerikane Tha\u00e7i, dhe tani Politologu Shenasi, e simendimtar\u00ebt e tyre?! Amerika deri n\u00eb Konferenc\u00eb t\u00eb Rambujes ishte pro-serbe, n\u00eb kuptimin, q\u00eb ishte dakord me sakrifikimin e Kosov\u00ebs si pjes\u00eb t\u00eb Serbis\u00eb.<\/p>\n

K\u00ebt\u00eb e pat d\u00ebshmuar me p\u00ebrcaktimet n\u00eb Dejton, por edhe me favoret q\u00eb ia ofroi Serbis\u00eb, p\u00ebrmes tekstit t\u00eb marr\u00ebveshjes q\u00eb duhej ta pranonin \u201cpal\u00ebt\u201d n\u00eb p\u00ebrmbyllje t\u00eb Konfernc\u00ebs s\u00eb Rambujes. Millosheviqi nuk e firmosi. Ndodhi mrekullia kryesisht p\u00ebr shkak t\u00eb arroganc\u00ebs se Millosheviqit, t\u00eb cil\u00ebn Amerika e p\u00ebrjetoj si sfid\u00eb posht\u00ebruese, prandaj b\u00ebri kthes\u00ebn e madhe, fatlume p\u00ebr shqiptar\u00ebt: bombardimin ajrore ushtarak t\u00eb objekteve ushtarake e policore t\u00eb Serbis\u00eb! Aty e tutje, pa asnj\u00eb marr\u00ebveshje p\u00ebr ndonj\u00eb aleanc\u00eb, mbrojti Kosov\u00ebn nga agresioni serb dhe e p\u00ebrkrahu q\u00eb t\u00eb shpallte pavar\u00ebsin\u00eb shtet\u00ebrore, t\u00eb cil\u00ebn menj\u00ebher\u00eb e njohu! Dhe ende nuk e ka ndryshuar q\u00ebndrimin, pavar\u00ebsisht mjegullnajave q\u00eb jan\u00eb shfaq n\u00eb horizont, si shkak i stilit sundues t\u00eb presidentit Trump…<\/p>\n

Rusia nuk \u00ebsht\u00eb \u201carmik jetik\u201d. Politologu Shenasi ka dasht\u00eb t\u00eb shkruaj\u00eb n\u00eb permanent, por nga ngutia euforike ka b\u00ebr\u00eb gabim gjuh\u00ebsor, n\u00ebse mund t\u00eb quhet k\u00ebshtu. Rusia gjat\u00eb shekullit 18 e 19 dhe n\u00eb fillim t\u00eb shekullit 20, ishte n\u00eb luft\u00eb kund\u00ebr Perandoris\u00eb Otomane, e cila e definonte veten edhe Kalifat mysliman. Shqiptar\u00ebt ishin n\u00eb fillet e Rilindjes s\u00eb tyre komb\u00ebtare. Shumica injorante angazhohej, her\u00eb vullnetarisht, her\u00eb p\u00ebr hir t\u00eb Islamit, e m\u00eb shum\u00eb si mercenar\u00eb, n\u00eb luftimet kund\u00ebr Rusis\u00eb. Prandaj ishte e mir\u00ebkuptueshme q\u00eb Rusia dhe shtetet tjera europiane, at\u00ebher\u00eb kristiane, nuk p\u00ebrkrahnin shqiptar\u00ebt, n\u00eb shumic\u00eb me p\u00ebrkat\u00ebsi islame. Por, Lenini dhe Stallini, si Vilsoni dhe Clintoni, u angazhuan n\u00eb mbrotjen e shqiptar\u00ebve.<\/p>\n

Lenini pat diskredituar e anuluar marr\u00ebveshjen e fsheht\u00eb t\u00eb Londr\u00ebs (26 prill 1915) t\u00eb Rusis\u00eb cariste shteteve an\u00ebtare t\u00eb Antant\u00ebs, p\u00ebr ta zhb\u00ebr\u00eb Shqip\u00ebrin\u00eb. Stalini mbrojti Shqip\u00ebrin\u00eb londineze nga invadimi ushtarak jugo-sllav n\u00eb vitin 1948. Fatkeq\u00ebsisht, n\u00eb kuad\u00ebr t\u00eb gar\u00ebs p\u00ebr zona influence e dominim, Rusis\u00eb i ka mbet verem shteti i Serbis\u00eb si aleat n\u00eb Europ\u00ebn Juglindore, dhe prandaj e p\u00ebrkrah me p\u00ebrkushtim e sakrifica. Por, mendoj, n\u00eb interes t\u00eb Rusis\u00eb do t\u00eb ishte q\u00eb Serbia ta njihte Shtetin e Kosov\u00ebs, q\u00eb ta njihte pastaj edhe Rusia, p\u00ebr ta shp\u00ebrdorur si argument, p\u00ebr ta legalizuar pushtimin e Krimes\u00eb dhe t\u00eb ndonj\u00eb territori t\u00eb shteteve tjera.<\/p>\n

Fatmir\u00ebsisht, n\u00eb radh\u00eb \u00ebsht\u00eb nj\u00eb mendim i Politologut Shenasi q\u00eb po me p\u00eblqen: \u201c\u00cbsht\u00eb e pashmangshme q\u00eb me durim do t\u00eb mund t\u00eb kalohen situatat dhe t\u00eb pritet ndonj\u00eb moment i volitsh\u00ebm p\u00ebr p\u00ebrmir\u00ebsim<\/em>.\u201d Por, me mendimin shoq\u00ebrues, se si pa prish k\u00ebnaq\u00ebsin\u00eb q\u00eb me dha mendimi n\u00eb fjalin\u00eb e m\u00ebsip\u00ebrcituar. Dhe ja me cilin mendim m\u00eb d\u00ebshp\u00ebroj: \u201cDuke e njohur mir\u00eb gjendjen dhe parit\u00eb tona k\u00ebndej e andej kufirit, them se nuk ka shans q\u00eb t\u00eb ruajm\u00eb unitetin dhe besimin tek paria jon\u00eb politike, p\u00ebr t\u00eb zgjidhur k\u00ebt\u00eb problem si duhet n\u00eb nj\u00eb afat kohor t\u00eb gjat\u00eb. Shumica e parive jan\u00eb t\u00eb kapur, t\u00eb lidhur e t\u00eb mbaruar. \u00c7do zgjatje krijon m\u00eb shum\u00eb probleme p\u00ebr ne, sepse nuk kemi asnj\u00eb parakusht q\u00eb t\u00eb mund t\u00eb shpresojm\u00eb p\u00ebr ndonj\u00eb sukses p\u00ebrve\u00e7se n\u00eb nd\u00ebrhyrjen e Zotit<\/em>.\u201d<\/p>\n

Her\u00eb pas here, me takt, kam reaguar n\u00eb afishime t\u00eb Mikut Shenasi, sepse nuk toleronte kritika. Nj\u00ebher\u00eb pata komentuar: \u201cFatmir\u00ebsisht furra e picave nuk di t’i lexoj\u00eb shkrimet Tua, se do t\u00eb shnd\u00ebrrohej n\u00eb frigorifer<\/em>\u201d (parafrazim). N\u00eb reagim Shenasiu e pat shprehur hidh\u00ebrimin e p\u00ebrmasave q\u00eb nuk do t\u00eb lejonte m\u00eb komente t\u00eb ngjashme kritike.<\/p>\n

Politologu Shenasi tashm\u00eb ka filluar kapitull t\u00eb ri, q\u00eb e ka titulluar: \u201cPROBLEMI I SOVRANITETIT<\/strong>\u201d. Po vet\u00ebkuptohet, i Shtetit t\u00eb Kosov\u00ebs. Ky titull nuk p\u00ebrmban ndonj\u00eb paralajm\u00ebrim optimist e fatlum. Por, le t\u00eb shohim, se si do ta \u201cmaterializon\u201d.
\nFjalia e par\u00eb: \u201cKur iu kam pas\u00eb shkruar e th\u00ebn\u00eb figurave politike t\u00eb Kosov\u00ebs, q\u00eb nga para Rambuje-s\u00eb e m\u00eb pas, rregullisht dhe sa her\u00eb m\u00eb \u00ebsht\u00eb dh\u00ebn\u00eb rasti, se po marrin pushtet pa shtet, m\u00eb kan\u00eb par\u00eb shtremb\u00ebt dhe m’i kan\u00eb mbyll\u00eb dyert e vesh\u00ebt<\/em>.\u201d<\/p>\n

Menj\u00ebher\u00eb ka shprehur informimin dhe mendimin, se e pask\u00ebsh kontestuar qysh moti Shtetin e Kosov\u00ebs. Megjithat\u00eb Shteti i Kosov\u00ebs ekziston, pavar\u00ebsisht kontestimit nga Miku Shenasi, dhe komploteve t\u00eb Hashimit dhe hashim\u00ebve!<\/p>\n

Fjalia pasuese, edhe me pak patetiz\u00ebm poetik, p\u00ebrmban gjithashtu kontestimin e sovranitetit shtet\u00ebror t\u00eb Kosov\u00ebs: \u201cPor e v\u00ebrteta \u00ebsht\u00eb se pavar\u00ebsisht \u201cshpalljes s\u00eb pavar\u00ebsis\u00eb\u201d e shkruarjes s\u00eb deklaratave t\u00eb shkruara me gjak e me shum\u00eb romantiz\u00ebm, realiteti \u00ebsht\u00eb se Kosova nuk ka sovranitet.<\/em>\u201d<\/p>\n

Fatkeq\u00ebsisht, nuk kam intuit\u00eb aq t\u00eb zhvilluar, sa t\u00eb lexoj n\u00eb mendjen e Mikut Shenasi, si e definon ai sovranitetin shtet\u00ebror m\u00eb konkretisht se sa ka b\u00ebr\u00eb sqarimin: \u201cE nuk \u00ebsht\u00eb Kosova vet\u00ebm; n\u00eb k\u00ebt\u00eb bot\u00eb ka shum\u00eb pak shtete q\u00eb kan\u00eb sovranitet<\/em>.\u201d Po at\u00ebher\u00eb, p\u00ebrse nuk i mjafton kaq sovranitet, meq\u00eb n\u00eb \u201cbot\u00eb\u201d pask\u00ebsh fare pak shtete me sovranitet t\u00eb plot\u00eb?! N\u00ebse shtetet aq t\u00eb emancipuara e aq t\u00eb konsoliduara, si edhe Anglia, Franca e Gjermania, i kan\u00eb rrudh\u00eb sovranitetin e tyre nacional e shtet\u00ebror, n\u00eb kuad\u00ebr t\u00eb Bashk\u00ebsis\u00eb Europiane dhe t\u00eb Aleanc\u00ebs NATO, p\u00ebrse t\u00eb mos mjaftohemi ne me sovranitet t\u00eb kufizuar shtet\u00ebror \u2013 p\u00ebr hir t\u00eb monitorimit nga shtetet q\u00eb kan\u00eb na kan\u00eb ndihmuar t\u00eb \u00e7lirohemi e t\u00eb Shpallim Pavar\u00ebsin\u00eb Shtet\u00ebrore (pa thonj\u00ebza)?! Vet\u00ebm buk\u00ebp\u00ebrmbys\u00ebt e pl\u00ebng\u00ebprish\u00ebsit, por edhe mosmir\u00ebnjoh\u00ebsit, mund t\u00eb ankohen kund\u00ebr fitoreve kaq t\u00eb m\u00ebdha! Nuk \u00ebsht\u00eb racionale t\u00eb mbisundohemi nga d\u00ebshirat. Duhet t\u00eb jemi t\u00eb vet\u00ebdijsh\u00ebm p\u00ebr mund\u00ebsit\u00eb dhe rrethanat.<\/p>\n

Sovranitet absolut nuk kan\u00eb as shtetet q\u00eb i ka p\u00ebrmend konkretisht Shenasiu: SHBA, Rusia, Kina apo Izraeli. Sidomos Izraeli.<\/p><\/blockquote>\n

Sh.R.: \u201cIndirekt, sovraniteti n\u00eb Kosov\u00eb ushtrohet nga Fuqit\u00eb e M\u00ebdha. Paria politike e shqiptar\u00ebve, pra, Kadri Veseli, Hashim Thaci, Ramush Haradinaj, Isa Mustafa, Albin Kurti, Shpend Ahmetaj, Fatmir Limaj, Jakup Krasniqi, Nexhat Daci e me radh\u00eb ka legjitimitet n\u00eb popull por jo aq fuqi sa me iu dal\u00eb kund\u00ebr interesave t\u00eb fuqive t\u00eb m\u00ebdha. K\u00ebt\u00eb keni dasht\u00eb, kaq keni marr\u00eb sepse nuk keni dasht\u00eb me ba at\u00eb q\u00eb duhet kur i keni pas\u00eb mund\u00ebsit\u00eb<\/em>.\u201d<\/p>\n

Pjes\u00ebrisht konstatim i sakt\u00eb, edhe pse formulimi nuk p\u00ebrkon me grad\u00ebn akademike: Doktor i Shkencave politike. Por, meq\u00eb k\u00ebtu jan\u00eb apostrofuar disa veta, le t\u00eb shpresojm\u00eb se do t\u00eb reagojn\u00eb, sepse nuk \u00ebsht\u00eb praktik\u00eb e m\u00ebr\u00eb t\u00eb simulojn\u00eb indiferent\u00ebt e fort\u00eb, q\u00eb injorojn\u00eb edhe mendimet, si n\u00eb rastin konkret, t\u00eb Politologut Shenasi Rama, ish-k\u00ebshilltarit t\u00eb \u201cdelegacionit t\u00eb U\u00c7K-s\u00eb\u201d n\u00eb Konferenc\u00eb t\u00eb Rambujes\u00eb.<\/p>\n

Mbase nuk duhet t\u00eb kap\u00ebrcehet pa th\u00ebn\u00eb s\u00eb fuqit\u00eb e m\u00ebdha nuk jan\u00eb duke ushtruar sovranitet. Ose nuk jam duke e v\u00ebrejt\u00eb, cilin sovranitet jan\u00eb duke ushtruar ato, sidomos Kina?<\/p>\n

Si argument p\u00ebr sovranitet t\u00eb cunguar Politologu Shenasi p\u00ebrmend \u201cmarr\u00ebveshjen Ahtisari<\/em>\u201d, duke harruar se monitorimin Ahtisari e kishte parapa t\u00eb afat 5-vje\u00e7ar. Por nuk ka hezituar t\u00eb sjell si argument edhe: \u201cKosova e ka sovranitetin e kufizuar shum\u00eb edhe pse nuk ka unitet n\u00eb parin\u00eb e Prishtin\u00ebs, ku ka p\u00ebr\u00e7arje t\u00eb m\u00ebdha e rivalitet n\u00eb zona feudale, n\u00eb ndarjen fshat-qytet, n\u00eb p\u00ebr\u00e7arjen midis fraksioneve q\u00eb i kan\u00eb sh\u00ebrbyer si Krajlit, Titos ashtu edhe Sllobodanit, ashtu t\u00eb tjer\u00ebve dhe atyre, t\u00eb themi t\u00eb brezit t\u00eb 1981 apo para tyre t\u00eb le\u00e7itunve<\/em>.\u201d<\/p>\n

Tashm\u00eb Dr. Shenasi Rama ka ngat\u00ebrruar lisat me fshesa, meq\u00eb sovranitetin shtet\u00ebror nuk e cenojn\u00eb garat, grindjet e p\u00ebr\u00e7arjet partiake e personale. Edhe n\u00eb Amerik\u00eb dhe n\u00eb shtete tjera t\u00eb konsolituara, ku zbatohet pluralizmi partiak, jan\u00eb t\u00eb pranishme garat, grindjet e p\u00ebr\u00e7arjet mes partive.<\/p>\n

Sh.R.: \u201cShkurt e shqip, ka ardh\u00eb koha me marr\u00eb nj\u00eb vendim q\u00eb e k\u00ebrkon nj\u00eb Fuqi e Madhe, sepse pavar\u00ebsin\u00eb e ke prej saj, sigurin\u00eb p\u00ebr t\u00eb tashmen e t\u00eb ardhmen e ke prej saj, dhe \u00ebsht\u00eb jetike p\u00ebr t\u00eb q\u00eb t\u00eb zgjidhet ky problem n\u00eb k\u00ebt\u00eb m\u00ebnyr\u00eb. Kjo \u00ebsht\u00eb logjika e marr\u00ebdh\u00ebnieve nd\u00ebrkomb\u00ebtare dhe nuk ka njeri q\u00eb mundet me e nd\u00ebrrue n\u00eb Kosov\u00eb.<\/em>\u201d<\/p>\n

Keqardhje p\u00ebr k\u00ebt\u00eb spekulim! As shkurt, as shqip! Amerika nuk ka k\u00ebrkua \u201cme marr\u00eb nj\u00eb vendim\u201d Kosova. Amerika ka sugjeruar e lutur q\u00eb Kosova dhe Serbia t\u00eb b\u00ebjn\u00eb marr\u00ebveshje, e cila p\u00ebrmban edhe njohjen respektive shtet\u00ebrore. Pra, t\u00eb dy president\u00ebve (serb dhe kosovar) u ka shkruar pothuajse nj\u00ebsoj. Dhe at\u00eb p\u00ebrmes dy letrave t\u00eb Presidentit Trump, q\u00eb jan\u00eb p\u00ebrditshm\u00ebri kortezie n\u00eb shk\u00ebmbim t\u00eb letrave pa ndonj\u00eb ingerenc\u00eb juridike e politike shtet\u00ebrore. Mendimi \u201c\u00ebsht\u00eb jetike p\u00ebr t\u00eb q\u00eb t\u00eb zgjidhet ky problem n\u00eb k\u00ebt\u00eb m\u00ebnyr\u00eb<\/em>\u201d \u00ebsht\u00eb tep\u00ebr hi\u00e7-th\u00ebn\u00ebs, meq\u00eb deri tani Shenasiu nuk ka prezantuar cila qenk\u00ebsh \u201ck\u00ebt\u00eb m\u00ebnyr\u00eb\u201d. E nd\u00ebrsa paraqitja e k\u00ebtyre si logjik\u00eb n\u00eb marr\u00ebdh\u00ebnie nd\u00ebrkomb\u00ebtare, edhe un\u00eb, si laik n\u00eb t\u00eb drejt\u00ebn nd\u00ebrkomb\u00ebtare q\u00eb jam, po ta shkruaja, nuk do t\u00eb duhej t\u00eb m\u00eb kishte hije!<\/p>\n

Konstatimi p\u00ebrmbyll\u00ebs i k\u00ebtij kapitulli: \u201cNuk ka shans q\u00eb me ik\u00eb SHBA nga Kosova. Nuk mundet kush me e lejue Kosov\u00ebn me krijue probleme, q\u00eb mund t\u00eb \u00e7ojn\u00eb n\u00eb luft\u00eb t\u00eb tret\u00eb bot\u00ebrore. Zor q\u00eb nd\u00ebrrimi i ndonj\u00eb administrate mund t\u00eb \u00e7oj\u00eb n\u00eb nd\u00ebrrim t\u00eb politik\u00eb. Prandaj duhen par\u00eb mir\u00eb zgjidhjet e mundshme<\/em>.\u201d<\/p>\n

Nuk ia vlen as t\u00eb komentohet, mjafton keqardhja p\u00ebr k\u00ebso formulimesh t\u00eb p\u00ebr\u00e7arta e spekulative. R\u00ebndom, zgjedhjet, edhe n\u00eb Amerik\u00eb, b\u00ebhen p\u00ebr t\u00eb ndryshuar edhe politika, p\u00ebrndryshe, pse do t\u00eb duhej t\u00eb b\u00ebnin zgjedhje.<\/p>\n

Kapitulli i radh\u00ebs \u00ebsht\u00eb titulluar: \u201cN\u00cb LIDHJE ME BISEDIMET<\/strong>\u201d, duke filluar me nj\u00eb, p\u00ebr mendim tim, dezinformim deziorientues: \u201cP\u00ebr aq sa di un\u00eb, dhe un\u00eb vet\u00eb nj\u00eb koh\u00eb kam ken\u00eb pjes\u00eb e bisedimeve, problemi i shk\u00ebmbimit t\u00eb territoreve ka q\u00ebn\u00eb gjithmon\u00eb prezent si tem\u00eb<\/em>.\u201d<\/p>\n

Miku Shenasi do t\u00eb duhej t\u00eb na informonte konkretisht, kur dhe n\u00eb cilin delagacion ishte pjes\u00ebmarr\u00ebs n\u00eb bisedime me Serbin\u00eb. N\u00eb Rambuje deklarohej se ishte k\u00ebshilltar i \u201cdelegacionit t\u00eb U\u00c7K-s\u00eb\u201d. E kam takuar atje, por kam qen\u00eb i rezervuar ndaj tij, sepse i dyshoja krer\u00ebt e atij \u201cdelegacioni\u201d si marioneta t\u00eb sh\u00ebrbimeve armiq\u00ebsore. Druaj se Miku Shenasi nuk ka asnj\u00eb prov\u00eb konkrete q\u00eb ishte k\u00ebshilltar, ta z\u00ebm\u00eb, ndonj\u00eb vendim, kush, kur e ka caktuar k\u00ebshilltar, kishte ndonj\u00eb kontrat\u00eb p\u00ebrkat\u00ebse, kush ia ka mbulluar shpenzimet p\u00ebr ardhje nga Amerika n\u00eb Rambuje, dhe p\u00ebr q\u00ebndrim aty. N\u00eb Rambuje kishim marr\u00eb me qera shum\u00eb dhoma hoteli, p\u00ebr t\u2019i strehuar veprimtar\u00ebt e U\u00c7K-s\u00eb, t\u00eb ngarkuara me detyra gjat\u00eb konferenc\u00ebs, por strehonim edhe k\u00ebshilltar\u00eb, p\u00ebrkthyes, gazetar\u00eb. Shenasiu nuk \u00ebsht\u00eb paraqitur p\u00ebr t\u00eb marr\u00eb nj\u00eb nga ato dhoma.<\/p>\n

Edhe ky edhe Sokol Bare, ish-drejtor i policis\u00eb s\u00eb Shqip\u00ebris\u00eb, edhe ndonj\u00eb tjet\u00ebr, do t\u00eb kishte qen\u00eb interesant t\u00eb rr\u00ebfenin ndonj\u00ebher\u00eb konkretisht, \u00e7ka e kan\u00eb k\u00ebshilluar at\u00eb \u201cdelegacion\u201d, me t\u00eb cilin nuk kishin mund\u00ebsi t\u00eb kishin kontakte fizike, e ishin t\u00eb ndaluara edhe komunikimet telefonimet, pos rasteve kur merreshin leje speciale.<\/p>\n

Pas lufte nuk e kam takuar ndonj\u00ebher\u00eb n\u00eb Prishtin\u00eb Mikun Shenasi, edhe pse banoja n\u00eb Hotel Grand dhe e kaloja koh\u00ebn m\u00eb t\u00eb madhe aty, meq\u00eb tjera lokale nuk ishin t\u00eb p\u00ebrshtatshme.<\/p>\n

Nuk me ka rastisur t\u00eb informohet, q\u00eb delegacionet serbe kan\u00eb paraqitur ndonj\u00ebher\u00eb k\u00ebrkes\u00eb zyrtare p\u00ebr shk\u00ebmbim t\u00eb territoreve. E sa p\u00ebr zhurmime mediatike, ato nuk mund t\u00eb kualifikohen p\u00ebr k\u00ebrkesa zyrtare. Edhe vet\u00eb Tha\u00e7i e ka th\u00ebn\u00eb se p\u00ebr her\u00eb t\u00eb par\u00eb tani ka paraqit\u00eb k\u00ebrkes\u00eb p\u00ebr bashkim t\u00eb Preshev\u00ebs, Medvegj\u00ebs, Bujanovcit. E n\u00ebse Tha\u00e7i, \u201ceprori\u201d i Mikut Shenasi, nuk pask\u00ebsh b\u00ebr\u00eb asnj\u00ebher\u00eb k\u00ebrkes\u00eb zyrtare, si kryeminist\u00ebr apo si minist\u00ebr i jasht\u00ebm, nuk po mund t\u00eb besoj se ndonj\u00eb delegacion tjet\u00ebr, q\u00eb pask\u00ebsh qen\u00eb Shnasiu pjes\u00ebtar, t\u00eb ket\u00eb k\u00ebrkuar shk\u00ebmbime territoriale?!<\/p>\n

T\u00eb tjerat \u201cdekorime\u201d, n\u00eb vazhdim, nuk po i komentoj, p\u00ebrderisa nuk kam prova se cili delegacion i Kosov\u00ebs, kur, ka b\u00ebr\u00eb k\u00ebrkesa zyrtare p\u00ebr shk\u00ebmbim t\u00eb territoreve.<\/p>\n

Keqardhje, p\u00ebrse edhe Politologu Shenasi shp\u00ebrdor g\u00ebnjeshtr\u00ebn ordinere: \u201cArgumenti i serb\u00ebve \u00ebsht\u00eb se Leposaviqi iu shtue Kosov\u00ebs nga Tito e Rankoviqi, p\u00ebr t\u00eb p\u00ebrmir\u00ebsuar balancat etnike n\u00eb Kosov\u00eb n\u00eb vitin 1953 e mandej n\u00eb vitin 1956 u konsolidua.<\/em>\u201d<\/p>\n

Ky nuk \u00ebsht\u00eb argument i serb\u00ebve, sepse ata jan\u00eb paksa m\u00eb serioz\u00eb. Kjo \u00ebsht\u00eb shpifje e Hashimit dhe hashimit\u00ebve. M\u00eb 26 korrik 2018 Hivzi Islami, ish-kryetari i Akademis\u00eb s\u00eb Kosov\u00ebs dhe demografi m\u00eb i kualifikuar, i lindur n\u00eb Letinc\u00eb t\u00eb Bujanovcit, bashk\u00eb m\u00eb dr. Arsim Ejupin, pat\u00ebn reaguar kund\u00ebr k\u00ebsaj shpifjeje t\u00eb presidentit Tha\u00e7i, se as Leposaviqi nuk i \u00ebsht\u00eb bashkuar Kosov\u00ebs, as Presheva nuk i \u00ebsht\u00eb dh\u00ebn\u00eb Serbis\u00eb. Uroj q\u00eb Shenasiu ta lexoj\u00eb at\u00eb reagim, q\u00eb ta korrigjoj\u00eb k\u00ebt\u00eb lajthitje, q\u00eb duhet t’i ket\u00eb ndodhur p\u00ebr shkak se ka besuar \u201ceprorin\u201d e tij, Hashimin.<\/p>\n

Nuk ia vlen t\u00eb citohen e komentohen kufijt\u00eb e \u201cnatyrsh\u00ebm\u201d q\u00eb pask\u00ebsh pas Kosova n\u00eb vitin 1912, sipas spekulimeve q\u00eb Miku Shenasi mund t’ei ket\u00eb d\u00ebgjuar nga pseudo-historiani Hashim.<\/p>\n

K\u00ebt\u00eb kapitull Politologu yn\u00eb e mbyll me konstatimet: \u201cNj\u00eb baz\u00eb e marr\u00ebveshjes \u00ebsht\u00eb kthimi n\u00eb natyralitetin gjeografik t\u00eb Kosov\u00ebs. N\u00eb gjendjen ku jemi m\u00eb vdekjeprur\u00ebse do t\u00eb jet\u00eb prania e enklavave t\u00eb organizuara si Zajednic\u00eb se sa kthimi n\u00eb natyralitetin gjeografik t\u00eb Kosov\u00ebs t\u00eb p\u00ebrcaktuar n\u00eb baz\u00eb t\u00eb parimit etnik.<\/em>\u201d<\/p>\n

Nuk po e kuptoj, si mund t\u00eb b\u00ebn\u00eb spekulim, duke dezinformuar sikur pask\u00ebsh marr\u00ebveshje q\u00eb e p\u00ebrmban \u201cnatyralitetin gjeografik i Kosov\u00ebs<\/em>\u201d.<\/p>\n

Fantazi destruktive!<\/p>\n

\n

Fusnota<\/b>:
\n* https:\/\/zeri.info\/…\/ndarja-e-re-e-kosoves-e-nderlidhur…\/<\/a><\/p>\n

Tashm\u00eb arrita t\u00eb kapitulli q\u00eb Miku Shenasi e ka titulluar: \u201cPOLITIKA E TIRAN\u00cbS DHE KOSOVA<\/strong>\u201d. K\u00ebtu duhet t\u00eb shpresojm\u00eb p\u00ebr mendime m\u00eb konstruktive, meq\u00eb ka informacion m\u00eb konkret p\u00ebr politik\u00ebn e Tiran\u00ebs.<\/p>\n

\u201cParia e Tiran\u00ebs nuk ka shum\u00eb dashuri p\u00ebr Kosov\u00ebn as si shtet, as si trev\u00eb themelore komb\u00ebtare shqiptare.<\/em>\u201d, shkruan Politologu Shenasi.<\/p>\n

Ky ka huazuar em\u00ebrtim pari nga Mal\u00ebsia dhe e p\u00ebrdor shpesh. N\u00eb Mal\u00ebsi pari kishte kuptim pozitiv, sepse p\u00ebrfshin\u00eb t\u00eb par\u00ebt e fiseve t\u00eb nj\u00eb krahine. Nd\u00ebrsa Shenasiu e p\u00ebrdor n\u00eb kuptimin negativ, n\u00eb vend t\u00eb em\u00ebrtimit band\u00eb<\/em>, q\u00eb p\u00ebrfshin gjith\u00eb nomenklatur\u00ebn politike.<\/p>\n

Konstatimi se paria e Tiran\u00ebs nuk ka shum\u00eb dashuri p\u00ebr Kosov\u00ebn \u00ebsht\u00eb nj\u00eb supozim, nuk ka ndonj\u00eb anket\u00eb apo t\u00eb dh\u00ebn\u00eb empirike. Por, ajo pari nuk ka nevoj\u00eb ta doj\u00eb shum\u00eb Kosov\u00ebn, mjafton ta doj\u00eb, sa, ta z\u00ebm\u00eb, Krahin\u00ebn e Lab\u00ebris\u00eb.
\nEdhe konstatimin vijues t\u00eb Shenasiut \u201cEdi Rama po k\u00ebrkon me mjel\u00eb k\u00ebt\u00eb process politik dhe po e b\u00ebn k\u00ebt\u00eb me zgjuar\u00ebsi. Sali Berisha gjithashtu<\/em>\u201d, e mb\u00ebshtet.<\/p>\n

Nd\u00ebrsa e prish fare me k\u00ebt\u00eb konstatim vijues: \u201cnga Tirana, Kosova, me dy milion\u00eb shqiptar\u00eb, komb\u00ebtarist\u00eb, deri n\u00eb ekstrem, atdhetar\u00eb dhe patriot\u00eb \u00ebsht\u00eb nj\u00eb k\u00ebrc\u00ebnim p\u00ebr vdekje. Sepse \u00ebsht\u00eb vet\u00ebm \u00e7\u00ebshtje kohe para se komb\u00ebtarizmi i Kosov\u00ebs t\u00eb infektoj\u00eb Gegnin\u00eb dhe t\u00eb shtrihet deri n\u00eb Tiran\u00eb, duke e ndrruar p\u00ebrfundimisht rrjedh\u00ebn e politik\u00ebs anti-shqiptare t\u00eb Tiran\u00ebs<\/em>.\u201d<\/p>\n

Nuk me besohet se Kosova ka dy milion\u00eb komb\u00ebtarist\u00eb, deri n\u00eb ekstrem, dhe nuk kam asnj\u00eb ide se k\u00ebta dy milion\u00eb do t\u00eb \u201cinfektojn\u00eb\u201d (ndoshta ka dasht\u00eb me shkrua frym\u00ebzojn\u00eb<\/em>, por rrojtja n\u00eb Amerik\u00eb ia ka ngat\u00ebrrua shqipen) Gegnin\u00eb, q\u00eb u shtrika deri n\u00eb Tiran\u00eb (p\u00ebrse nuk e ditka se shtrihet deri te Lumi Shkumbin?!), p\u00ebr t\u00eb imponuar politik\u00eb patriotike. Sa pak e njihka Kosov\u00ebn dhe \u201ckosovar\u00ebt\u201d Shkodrani Shenasi! Nuk po m\u00eb besohet.<\/p>\n

Uroj t\u00eb mos zhg\u00ebnjeheni nga bro\u00e7kulla e radh\u00ebs, si\u00e7 po me ndodh mua, sepse pata shpresuar se Shenasi, t\u00eb pakt\u00ebn, ka njohuri p\u00ebr politik\u00ebn e Tiran\u00ebs. Citoj: \u201c…duhej t\u00eb ishte shtet shqiptar e q\u00eb nuk \u00ebsht\u00eb aspak shtet shqiptar por i kontrolluar nga pakicat, serb\u00ebt, grek\u00ebt e dreqi dhe i biri<\/em>.\u201d<\/p>\n

Se nuk e kontrollojn\u00eb minoritar\u00ebt serb\u00eb e grek\u00eb, kjo nuk k\u00ebrkon shum\u00eb njohuri, por m\u00eb karrabythi me \u201cdreqi dhe i biri\u201d!<\/p>\n

Kapitullin e radh\u00ebs Politologu Shenasi Rama e ka titulluar: \u201cPROBLEMI ND\u00cbRSHQIPTAR N\u00cb PRISHTIN\u00cb<\/strong>\u201d. Mir\u00eb q\u00eb \u00ebsht\u00eb p\u00ebrkufizuar n\u00eb nj\u00eb problem, nuk ka paralajm\u00ebruar shum\u00eb probleme, si\u00e7 i kemi.<\/p>\n

\u201cShum\u00eb\u00e7ka varet nga uniteti i paris\u00eb n\u00eb Prishtin\u00eb<\/em>\u201d, mendon Autori qysh n\u00eb fjalin\u00eb e par\u00eb. Un\u00eb do t\u00eb vazhdoj t\u00eb jem kund\u00ebr em\u00ebrtimin pari, meq\u00eb sundimtar\u00ebt partiak e shtet\u00ebror n\u00eb Prishtin\u00eb nuk e meritojn\u00eb. M\u00eb i sakt\u00eb \u00ebsht\u00eb do t\u00eb ishte diskualifikimi band\u00eb, sepse, sado kund\u00ebrshtar\u00eb duken, prap\u00eb merren vesh mes tyre, si t\u00eb bashk\u00ebsundojn\u00eb, duke u ricikluar mes tyre.<\/p>\n

Sh.R.: \u201cKa nj\u00eb ndarje q\u00eb mbetet e mpreht\u00eb n\u00eb politik\u00ebn e Prishtin\u00ebs n\u00eb mes t\u00eb veglave t\u00eb vjetra t\u00eb Serbis\u00eb, t\u00eb veglave t\u00eb t\u00eb huajve dhe nga ana tjet\u00ebr, t\u00eb pasardh\u00ebsve t\u00eb le\u00e7itunve, t\u00eb brezit 1981 e t\u00eb U\u00c7K<\/em>.\u201d
\nSi politolog q\u00eb \u00ebsht\u00eb, Shenasiut nuk i ka hije t\u2019i tjet\u00ebrson njer\u00ebzit n\u00eb \u201cvegla\u201d, sepse ky diskualifikim p\u00ebrmban p\u00ebr\u00e7mimin p\u00ebr ta. Nd\u00ebrsa si Shqiptar, legjitime \u00ebsht\u00eb edhe ky lloj diskredimi figurat.<\/p>\n

Grupimet e njer\u00ebzve t\u00eb angazhuara n\u00eb politik\u00ebn operative n\u00eb Prishtin\u00eb jan\u00eb ca titist\u00eb, tashm\u00eb pleq, dhe pinjoll\u00ebt e nomenklatur\u00ebs se at\u00ebhershme titiste, marionetat e Millosheviqit me argat\u00ebt e tifoz\u00ebt e tyre, ish-t\u00eb burgosurit politik dhe familjar\u00ebt e tyre, q\u00eb Shenasiu i quan \u201ct\u00eb le\u00e7itur\u201d (izoluar) dhe disa ish-pjes\u00ebtar\u00eb t\u00eb U\u00c7K-s\u00eb. Por, p\u00ebrvijimi tashm\u00eb nuk \u00ebsht\u00eb aq skematik. Ta z\u00ebm\u00eb, jan\u00eb shum\u00eb marioneta t\u00eb sh\u00ebrbimeve t\u00eb Serbis\u00eb dhe sh\u00ebrbimeve t\u00eb huaja, q\u00eb jan\u00eb b\u00ebr\u00eb bashk\u00eb, p\u00ebr ta rritur ndikimin dhe sundimin e tyre. Si shembull mund t\u00eb p\u00ebrmendet Baton Haxhiu<\/em>.<\/p>\n

Fjalia pasuese: \u201cPra, edhe tehu i sulmit t\u00eb t\u00eb gjith\u00eb k\u00ebtyre, dhe i veglave t\u00eb vjetra q\u00eb kan\u00eb dal\u00eb nga vrimat n\u00eb Prishtin\u00eb dhe shihen gjithkund n\u00eb media duke sulmuar gjithk\u00ebnd, kinse si atdhetar\u00eb t\u00eb pap\u00ebrlyer \u00ebsht\u00eb me krahun e luft\u00ebs dhe t\u00eb U\u00c7K<\/em>.\u201d<\/p>\n

Formulim i ngat\u00ebrruar. Duke pas parasysh sistemimin n\u00eb fjalin\u00eb pararend\u00ebse, tani po na del se t\u00eb gjith\u00eb na qenk\u00ebshin kund\u00ebr \u201ckrahut t\u00eb luft\u00ebs dhe t\u00eb U\u00c7K<\/em>\u201d. Meq\u00eb \u201ckrahu i luft\u00ebs\u201d e ka brenda edhe U\u00c7K-n\u00eb, do t\u00eb mjaftonte ta p\u00ebrmendte vet\u00ebm ai, apo vet\u00ebm U\u00c7K-ja. Nuk jam i mendimit se edhe ish-t\u00eb burgosurit politik\u00eb dhe familjar\u00ebt e tyre jan\u00eb kund\u00ebr \u201ckrahut t\u00eb luft\u00ebs\u201d. Bile edhe shum\u00eb titist\u00eb e pinjoll\u00eb t\u00eb titist\u00ebve nuk kan\u00eb kund\u00ebr, si\u00e7 duhet t\u00eb jen\u00eb marionetat e sh\u00ebrbimeve t\u00eb Serbis\u00eb dhe tifoz\u00ebt e tyre.<\/p>\n

Mund q\u00eb Shenasiu kritikat, sulmet dhe diskreditimet q\u00eb u b\u00ebhen disa individ\u00ebve, t\u00eb cil\u00ebt prezantohen se ishin udh\u00ebheq\u00ebs e komandant\u00eb t\u00eb U\u00c7K-s\u00eb, i kategorizon si sulme ndaj U\u00c7K-s\u00eb. Ata individ m\u00eb tipik jan\u00eb Xhavit Haliti, Azem Syla, Hashim Tha\u00e7i, -\u201ck\u00ebshilltar\u201d i t\u00eb cil\u00ebve duhet t\u00eb ket\u00eb qen\u00eb ky Shnasi, q\u00eb po ia \u201cproblematizoj\u201d shkrimin, – t\u00eb cil\u00ebt kan\u00eb qen\u00eb sabotuesit e komplotist\u00ebt m\u00eb godit\u00ebs ndaj U\u00c7K-s\u00eb.<\/p>\n

Po shpresoj, do t\u00eb kupton ndonj\u00ebher\u00eb edhe Shenasiu se kritikat e diskreditimet q\u00eb u b\u00ebhen k\u00ebtyre komplotist\u00ebve, nuk jan\u00eb domosdo sulme ndaj U\u00c7K-s\u00eb. P\u00ebrndryshe, do t\u00eb duhej t\u00eb m\u00eb kategorizonte edhe mua p\u00ebr kund\u00ebrshtar t\u00eb U\u00c7K-s\u00eb.<\/p>\n

Kapitullin e radh\u00ebs Politologu Shenasi Rama e ka titulluar: \u201cPROBLEMI ND\u00cbRSHQIPTAR N\u00cb PRISHTIN\u00cb<\/strong>\u201d. Mir\u00eb q\u00eb \u00ebsht\u00eb p\u00ebrkufizuar n\u00eb nj\u00eb problem, nuk ka paralajm\u00ebruar shum\u00eb probleme, si\u00e7 i kemi.<\/p>\n

\u201cShum\u00eb\u00e7ka varet nga uniteti i paris\u00eb n\u00eb Prishtin\u00eb<\/em>\u201d, mendon Autori qysh n\u00eb fjalin\u00eb e par\u00eb. Un\u00eb do t\u00eb vazhdoj t\u00eb jem kund\u00ebr em\u00ebrtimin pari<\/em>, meq\u00eb sundimtar\u00ebt partiak e shtet\u00ebror n\u00eb Prishtin\u00eb nuk e meritojn\u00eb. M\u00eb i sakt\u00eb \u00ebsht\u00eb do t\u00eb ishte diskualifikimi band\u00eb<\/em>, sepse, sado kund\u00ebrshtar\u00eb duken, prap\u00eb merren vesh mes tyre, si t\u00eb bashk\u00ebsundojn\u00eb, duke u ricikluar mes tyre.<\/p>\n

Sh.R.: \u201cKa nj\u00eb ndarje q\u00eb mbetet e mpreht\u00eb n\u00eb politik\u00ebn e Prishtin\u00ebs n\u00eb mes t\u00eb veglave t\u00eb vjetra t\u00eb Serbis\u00eb, t\u00eb veglave t\u00eb t\u00eb huajve dhe nga ana tjet\u00ebr, t\u00eb pasardh\u00ebsve t\u00eb le\u00e7itunve, t\u00eb brezit 1981 e t\u00eb U\u00c7K<\/em>.\u201d
\nSi politolog q\u00eb \u00ebsht\u00eb, Shenasiut nuk i ka hije t’i tjet\u00ebrsoj\u00eb njer\u00ebzit n\u00eb \u201cvegla\u201d, sepse ky diskualifikim p\u00ebrmban p\u00ebr\u00e7mimin p\u00ebr ta. Nd\u00ebrsa si Shqiptar, legjitime \u00ebsht\u00eb edhe ky lloj diskredimi figurat.<\/p>\n

Po shpresoj, do t\u00eb kupton ndonj\u00ebher\u00eb edhe Shenasiu se kritikat e diskreditimet q\u00eb u b\u00ebhen k\u00ebtyre komplotist\u00ebve, nuk jan\u00eb domosdo sulme ndaj U\u00c7K-s\u00eb. P\u00ebrndryshe, do t\u00eb duhej t\u00eb m\u00eb kategorizonte edhe mua p\u00ebr kund\u00ebrshtar t\u00eb U\u00c7K-s\u00eb.<\/p>\n

Interesante jan\u00eb vler\u00ebsimet konkrete, q\u00eb u b\u00ebhen ca sundimtar\u00ebve: \u201cRamushi e ka tregue veten burr\u00eb shteti dhe meriton respekt p\u00ebr aq sa ka ba, anipse n\u00eb pika t\u00eb ndryshme mund t\u00eb ishte sjell\u00eb m\u00eb me fines\u00eb. Hashim Tha\u00e7i, si thonte Baci Adem, \u201c\u00ebsht\u00eb m\u00eb dinaku q\u00eb kemi\u201d dhe po sillet me shum\u00eb men\u00e7uri e inteligjenc\u00eb.<\/em>\u201d<\/p>\n

Vet\u00eb kjo tifoz\u00ebri e diskualifikon Shenasiun, t\u00eb mos e ket\u00eb shkruar e vler\u00ebsuar si politolog e analist neutral, bile edhe \u201cdr.\u201d e ligj\u00ebrues universitar n\u00eb Amerik\u00eb.<\/p>\n

Nuk po sjell fjalin\u00eb pasuese, q\u00eb Shenasiun e diskualifikon si tifoz tep\u00ebr i zellsh\u00ebm, q\u00eb mund t\u00eb jet\u00eb pasoj\u00eb e angazhimit t\u00eb tij t\u00eb dikursh\u00ebm si \u201ck\u00ebshilltar\u201d e \u201cpjes\u00ebtar delegacionesh\u201d, si\u00e7 e ka prezantuar veten.<\/p>\n

Sh.R.: \u201cNatyrisht nuk \u00ebsht\u00eb mir\u00eb q\u00eb politika shqiptare e Prishtin\u00ebs \u00ebsht\u00eb shum\u00eb e p\u00ebr\u00e7ar\u00eb, sepse kjo nuk lejon t\u00eb merren vendimet q\u00eb duhen<\/em>.\u201d<\/p>\n

Natyrisht, mir\u00eb e ka, por do ta kishte edhe m\u00eb mir\u00eb n\u00ebse do t\u00eb b\u00ebn\u00eb ndonj\u00eb konkretizim, si dhe p\u00ebrse \u00ebsht\u00eb e p\u00ebr\u00e7ar\u00eb. R\u00ebndom, n\u00eb shtete q\u00eb praktikojn\u00eb Demokracin\u00eb, ata q\u00eb marrin vendime politike, votohen. Edhe n\u00eb Kosov\u00eb kemi Kuvend, q\u00eb ka votuar qeverin\u00eb. Baz\u00eb e koalicionit qeveris\u00ebs, n\u00eb dukje, \u00ebsht\u00eb \u201ckrahu i luft\u00ebs\u201d, i p\u00ebrkrahur nga dhjet\u00eb parlamentar\u00eb t\u00eb \u201clistra srpska\u201d dhe dhjet\u00eb parlamentar\u00ebt e minoritetve tjera. N\u00ebse qeveria nuk merr vendime t\u00eb duhura, kush e ka p\u00ebrgjegj\u00ebsin\u00eb? Opozita, q\u00eb nuk po e p\u00ebrkrah?!<\/p>\n

Interesant \u00ebsht\u00eb edhe vler\u00ebsimi pozitiv, q\u00eb i b\u00ebn\u00eb Politologu Shenasi Rama \u201cp\u00ebr\u00e7arjes\u201d s\u00eb \u201cpolitik\u00ebs shqiptare\u201d n\u00eb Prishtin\u00eb, nj\u00eb fjalin\u00eb pasuese. Po e citoj: \u201cAma, kjo ka q\u00ebn\u00eb nj\u00eb taktik\u00eb q\u00eb ka funksionuar, sepse nuk \u00ebsht\u00eb lejuar kush q\u00eb t\u00eb dal\u00eb e t\u00eb marr\u00eb vendime, q\u00eb mund t\u00eb kishin q\u00ebn\u00eb shum\u00eb t\u00eb d\u00ebmshme p\u00ebr Kosov\u00ebn<\/em>.\u201d<\/p>\n

Meq\u00eb po mendoj se e kuptoj Mikun Shenasi, edhe kur ka b\u00ebr\u00eb formulime t\u00eb p\u00ebr\u00e7arta, pa konkretizime, duket se e ka fjal\u00ebn p\u00ebr \u201cturbulencat\u201d anarshiste q\u00eb manifestoheshin n\u00eb Kuvendin e Kosov\u00ebs, n\u00eb mandatin parar\u00ebn\u00ebs, kur kund\u00ebrshtohej votimi p\u00ebr miratimin e marr\u00ebveshjes me Malin e Zi, p\u00ebr demarkimin e kufirit. N\u00ebse ia q\u00ebllova, nuk e ndaj t\u00eb nj\u00ebjtin mendim me Shenasiun.<\/p>\n

Sh.R.: \u201cDhe me gjas\u00eb, kjo do t\u00eb vazhdoj\u00eb edhe n\u00eb t\u00eb ardhmen. Por, n\u00eb k\u00ebt\u00eb rast, SHBA k\u00ebrkon t\u00eb hiqet taksa dhe kjo taktik\u00eb, n\u00eb k\u00ebt\u00eb rast, nuk ka funksionuar.<\/em>\u201d<\/p>\n

Duhet ta ket\u00eb menduar p\u00ebr\u00e7arjen, si taktik\u00eb t\u00eb mir\u00eb, p\u00ebr t\u00eb penguar vendimmarrjet e d\u00ebmshme. Por, vendimmarrja p\u00ebr taks\u00ebn 100 % ndaj prodhimeve serbe, nuk i ka p\u00eblqyer, ndoshta vet\u00ebm pse sundimtar\u00ebt amerikan\u00eb po e kund\u00ebrshtojn\u00eb. Si alternativ\u00eb t\u00eb taks\u00ebs Shenasiu parap\u00eblqen nj\u00eb veprim tjet\u00ebrfare, q\u00eb e ka prezantuar t\u00eb mjegulluesh\u00ebm: \u201cE k\u00ebshtu mund t\u00eb pezullohet taksa, nd\u00ebrkoh\u00eb q\u00eb mund t\u00eb gjenden zgjidhje t\u00eb tjera, q\u00eb tregojn\u00eb vullnet t\u00eb mir\u00eb por q\u00eb q\u00ebllimin e arrijn\u00eb nj\u00eblloj<\/em>.\u201d<\/p>\n

Pra, preferon bojkotin e konsumator\u00ebve, p\u00ebr shkak se sundimtar\u00ebt e shtetit q\u00eb i jep rrog\u00ebn, jan\u00eb kund\u00ebr taks\u00ebs q\u00eb ka vendos qeveria, fatkeq\u00ebsisht tep\u00ebr von\u00eb, meq\u00eb \u00ebsht\u00eb dasht\u00eb t\u00eb vendoset, q\u00eb kur Kosova \u00ebsht\u00eb shpall Shtet. Po t\u00eb vendosej qysh at\u00ebher\u00eb, do t\u00eb kishim nj\u00eb Serbi m\u00eb t\u00eb p\u00ebrmbajtur, q\u00eb do t\u00eb ishte m\u00eb rracionale n\u00eb bisedime dhe n\u00eb zbatim t\u00eb marr\u00ebveshjeve, p\u00ebr hir t\u00eb interesit q\u00eb e siguron n\u00eb tregun e Kosov\u00ebs.<\/p>\n

Sh.R.: \u201cLe t\u00eb mos mendoj\u00eb njeri se t\u00eb huajt nuk e din\u00eb se sa e papranueshme \u00ebsht\u00eb nj\u00eb marr\u00ebveshje me Serbin\u00eb p\u00ebr shqiptar\u00ebt<\/em>.\u201d
\nJan\u00eb \u201ct\u00eb huajt\u201d kaq homogjen, sa i kategorizon Politologu Shenasi? P\u00ebr shqiptar\u00ebt n\u00eb p\u00ebrgjegj\u00ebsi, sidomos p\u00ebr shqiptar\u00ebt e Kosov\u00ebs, nuk \u00ebsht\u00eb me interes \u201cnj\u00eb marr\u00ebveshje\u201d me Serbin\u00eb, por \u00ebsht\u00eb me interes marr\u00ebveshja, e cila p\u00ebrmban kompromisin q\u00eb do ta miratojn\u00eb Kuvendi i Kosov\u00ebs dhe Kuvendi Serbis\u00eb. Pra, pa keqkuptim, shqiptar\u00ebt nuk jan\u00eb kund\u00ebr marr\u00ebveshjes, as kund\u00ebr marr\u00ebveshjeve, q\u00eb b\u00ebhen n\u00eb mes t\u00eb p\u00ebrfaq\u00ebsive ligjore, por jan\u00eb kund\u00ebr \u201cnj\u00eb marr\u00ebveshje\u201d q\u00eb po duan t\u00eb na e kontrabandojn\u00eb e imponojn\u00eb Serbia dhe kuisling\u00ebt, marionetat e miqt\u00eb e saj!<\/p>\n

Sh.R.: \u201cEdhe Hashimi, Ramushi, Kadria, dhe t\u00eb tjet\u00ebr e din\u00eb se nuk munden me e d\u00ebnue veten me vdekje se n\u00eb nj\u00eb an\u00eb kan\u00eb Gjykat\u00ebn Speciale e n\u00eb an\u00ebn tjet\u00ebr kan\u00eb Marr\u00ebveshjen. Por duhet me ua shpjegue njer\u00ebzve se cili \u00ebsht\u00eb cmimi dhe pse po duhet me u ba, anipse duhet punue me shpres\u00eb se munden me marr\u00eb ma shum\u00eb se po u jepet n\u00eb k\u00ebt\u00eb pik\u00eb<\/em>.\u201d<\/p>\n

Gjat\u00eb shprehjes se k\u00ebtij q\u00ebndrimi Shenasiu duhet t\u00eb ket\u00eb harruar krejt\u00ebsisht profesionin e politologut, si\u00e7 prezantohet, ka shfaq nj\u00eb q\u00ebndrim q\u00eb ngjan me q\u00ebndrimet politike t\u00eb lideruc\u00ebve politik\u00eb n\u00eb Prishtin\u00eb e n\u00eb Tiran\u00eb.<\/p>\n

E para, Dr. Shenasi Ram\u00ebs nuk i ka hije \u201cDhomat e Specializuara\u201d t\u2019i tjet\u00ebrson n\u00eb \u201cGjykat\u00eb Speciale\u201d (me germa t\u00eb m\u00ebdha n\u00eb fillim), ose t\u00eb pakt\u00ebn t\u00eb ofronte edhe em\u00ebrtimin zyrtar. Pastaj, n\u00eb Europ\u00eb nuk ekzistojn\u00eb gjykata q\u00eb shprehin d\u00ebnim me vdekje. E kuptoj, Shenasiu e ka fjal\u00ebn p\u00ebr vdekje politike t\u00eb k\u00ebtyre sundimtar\u00ebve q\u00eb e ka p\u00ebrmend me emra. Nd\u00ebrsa em\u00ebrtimi i marr\u00ebveshjes q\u00eb shpresojm\u00eb se do t\u00eb arrihet, nuk \u00ebsht\u00eb dashur Shenasiu ta prezanton si \u201cMarr\u00ebveshje<\/em>\u201d (me germ\u00eb t\u00eb madhe, sepse ende nuk \u00ebsht\u00eb miratuar, bile asnj\u00eb zyrtar kompetent, deri tani, nuk i ka \u201cvizatuar\u201d e prezantuar as konturet, q\u00eb r\u00ebndom propozohen nga pal\u00ebt apo nd\u00ebrmjet\u00ebsuesit, n\u00eb prag t\u00eb fillimit t\u00eb bisedimeve. Nd\u00ebrsa \u201c\u00e7mimin\u201d q\u00eb ka p\u00ebrmend Shenasiu, q\u00eb u dashka ta paguajm\u00eb, duket se \u00ebsht\u00eb plagjiatur\u00eb, meq\u00eb ngjan me qen\u00eb n\u00eb frym\u00eb dhe stil t\u00eb Hashim Tha\u00e7it!<\/p>\n

Kapitullit pasues Politologu Shenasi Rama i ka v\u00ebn\u00eb titull paksa t\u00eb gjat\u00eb: \u201cNJ\u00cb PROBLEM I ZGJIDHSH\u00cbM POLITIK: TARIFA 100% MBI IMPORTET NGA SERBIA<\/strong>\u201d, por q\u00eb e ka t\u00eb paralajm\u00ebruar zgjidhjen p\u00ebr \u201cproblemin\u201d 100 % taks\u00eb p\u00ebr prodhimet serbe.
\nFjalia e par\u00eb: \u201cTaksa 100% p\u00ebr prodhimet serbe \u00ebsht\u00eb nj\u00eb penges\u00eb e madhe p\u00ebr bisedimet<\/em>.\u201d<\/p>\n

Po, \u00ebsht\u00eb penges\u00eb, por p\u00ebr k\u00eb? Nuk \u00ebsht\u00eb p\u00ebr t\u00eb gjith\u00eb, si\u00e7 e ka p\u00ebrgjith\u00ebsuar Shenasiu. \u00cbsht\u00eb \u201cpenges\u00eb e madhe\u201d vet\u00ebm p\u00ebr Serbin\u00eb, kuisling\u00ebt, marionetat dhe miqt\u00eb politik t\u00eb Serbis\u00eb! P\u00ebr mua, ta z\u00ebm\u00eb, \u00ebsht\u00eb taks\u00eb e vonuar. E pata shkruar edhe m\u00eb her\u00ebt, se \u00ebsht\u00eb dasht\u00eb t\u00eb vendoset qysh kur e kemi b\u00ebr\u00eb Kosov\u00ebn Shtet.<\/p>\n

Sh.R.: \u201cKjo tarif\u00eb ishte qartazi nj\u00eb mjet politik nga qeveria e Kosov\u00ebs p\u00ebr t\u00eb frenuar dik\u00eb si Presidenti Tha\u00e7i<\/em>.\u201d<\/p>\n

Tashm\u00eb na rezulton, se Sh\u00ebnasiu nuk na qenk\u00ebsh tifoz i \u201ckrahut t\u00eb luft\u00ebs\u201d, por i Hashimit! Fatkeq\u00ebsi kjo q\u00eb nj\u00eb politolog, ligj\u00ebrues universitar n\u00eb Amerik\u00eb, shp\u00ebrfaqet n\u00eb hashimit! Por, taktika e tij, se na ka ofruar nj\u00eb shqyrtim intelektual, rezulton t\u00eb jet\u00eb ofenduese, meq\u00eb na ka n\u00ebnvler\u00ebsuar p\u00ebr injorant\u00eb q\u00eb nuk do ta identifikojm\u00eb dot! Apo ndoshta nuk e kishte k\u00ebt\u00eb q\u00ebllim, por k\u00ebtu ka dit\u00eb e k\u00ebshtu ka b\u00eb, si\u00e7 thoshin pleqt\u00eb e urt\u00eb p\u00ebr raste t\u00eb ngjashme.<\/p>\n

Si duhet kuptuar fjalin\u00eb pasuese: \u201cN\u00eb nj\u00eb an\u00eb kjo ka treguar shum\u00eb karakter nga ana e kryeministrit Ramush Haradinaj q\u00eb \u00ebsht\u00eb p\u00ebr t\u2019u p\u00ebrg\u00ebzuar q\u00eb nuk ka hequr dor\u00eb<\/em>\u201d? Dyzim apo taktik\u00eb edhe… edhe?<\/p>\n

Sh.R.: \u201cT\u00eb gjitha shenjat, q\u00eb po jepen jan\u00eb se kjo marr\u00ebveshje \u00ebsht\u00eb me pesh\u00eb e me r\u00ebnd\u00ebsi dhe k\u00ebrkon zgjidhjen, jo si\u00e7 e duan shqiptar\u00ebt, jo si\u00e7 e duan serb\u00ebt, por si\u00e7 e duan fuqit\u00eb e m\u00ebdha. Putini shkoi deri n\u00eb Beograd me ndikue n\u00eb zgjidhjen. Presidenti Trump d\u00ebrgoi let\u00ebr. Jo nj\u00eb, por dy letra. Dhe pati nj\u00eb seri masash e sanksione q\u00eb jan\u00eb tregues i qart\u00eb se sa e r\u00ebnd\u00ebsishme \u00ebsht\u00eb kjo marr\u00ebveshje. Tani nuk duhet me t\u00eb rrufeja n\u00eb kok\u00eb q\u00eb me e kuptue se \u00ebsht\u00eb moti i keq<\/em>.\u201d<\/p>\n

Nuk duhet t\u00eb kem gabuar, kur me humor, ndoshta shkodran, i kam shkruar n\u00eb nj\u00eb komentim publik Mikut Shenasi: \u201cMir\u00eb q\u00eb furra e pic\u00ebs nuk di t’i lexon shkrimet Tua, p\u00ebrndryshe do sh\u00ebnd\u00ebrrohej n\u00eb frigorifer<\/em>\u201d. Ky p\u00ebshtjellim q\u00eb citova, e v\u00ebrteton. Do t\u00eb thosha, na ka sajuar bubullim\u00eb n\u00eb qiell t\u00eb kthjell\u00ebt, apo cunami n\u00eb got\u00eb. Serbia as miqt\u00eb e saj nuk duan p\u00ebr momentin marr\u00ebveshje q\u00eb p\u00ebrmban njohjen shtet\u00ebrore t\u00eb Kosov\u00ebs nga ana e Serbis\u00eb. Serbia do vet\u00ebm zhurm\u00eb, p\u00ebr t\u00eb arsyetuar anashkalimin q\u00eb i ka v\u00ebn\u00eb BE-ja n\u00eb kapitullin 35 t\u00eb kushteve p\u00ebr an\u00ebtar\u00ebsim n\u00eb BE. Dhe p\u00ebr k\u00ebt\u00eb q\u00ebllim ka angazhuar kuisling\u00ebt, marionetat dhe miqt\u00eb e saj. Kaq. P\u00ebr k\u00ebt\u00eb do t\u00eb bindemi, sapo K\u00ebshillim i BE-s\u00eb t\u00eb ket\u00eb marr\u00eb q\u00ebndrim, se dakordohet p\u00ebr anashkalimin e kusht\u00ebzimit t\u00eb kapitullit 35, p\u00ebr shkak se \u201cKosova ka shpreh pretendime territoriale ndaj Serbis\u00eb\u201d, duke pamund\u00ebsuar arritjen edhe vet\u00ebm t\u00eb \u201cmarr\u00ebveshjes p\u00ebr mir\u00ebkuptim me Kosov\u00ebs\u201d, si\u00e7 \u00ebsht\u00eb konkretizuar n\u00eb kusht\u00ebzim t\u00eb kapitullit 35.<\/p>\n

T\u00eb improvizojm\u00eb p\u00ebr nj\u00eb moment sundimtar\u00ebt e Serbis\u00eb, p\u00ebr t\u00eb kuptuar se ata e duan gjith\u00eb Shtetin e Kosov\u00ebs, si neokoloni, si\u00e7 e kishin nga shkurti 2008 deri tani, dhe jo vet\u00ebm ndonj\u00eb cop\u00eb territori pa ndonj\u00eb vler\u00eb, si\u00e7 po trumbetojn\u00eb ca hashimit\u00eb dhe ca patriot\u00eb nj\u00ebdimensional\u00eb, q\u00eb po zhurmojn\u00eb p\u00ebr \u201cshk\u00ebmbim t\u00eb territoreve etnike\u201d, si edhe Miku Shenasi.<\/p>\n

Sh.R.: \u201cZgjidhja q\u00eb do t\u00eb propozoja, krejt si nj\u00eb njeri q\u00eb nuk ka asnj\u00eb interes n\u00eb k\u00ebt\u00eb pun\u00eb, \u00ebsht\u00eb q\u00eb t\u00eb ndiqet rekomandimi dhe k\u00ebrkesa e SHBA p\u00ebr t\u00eb pezulluar p\u00ebrkoh\u00ebsisht, jodefinitivisht, pa e hequr taks\u00ebn. K\u00ebshtu tregohet respekti i duhur p\u00ebr mb\u00ebshtet\u00ebsin stregjik dhe zgjidhet nj\u00eb problem i panevojsh\u00ebm q\u00eb po p\u00ebrdoret me shum\u00eb efektivitet nga serb\u00ebt. Hiqet edhe nj\u00eb penges\u00eb p\u00ebr bisedimet e pashmangshme<\/em>.\u201d<\/p>\n

Aspak i ndersh\u00ebm mashtrimi: \u201ckrejt si nj\u00eb njeri q\u00eb nuk ka asnj\u00eb interes n\u00eb k\u00ebt\u00eb pun\u00eb<\/em>\u201d. Asnj\u00eb shqiptar nuk \u00ebsht\u00eb i pa interes n\u00eb k\u00ebt\u00eb \u00e7\u00ebshtje kaq serioze e komb\u00ebtare! As Miku Shenasi! Por, ka b\u00ebr\u00eb nj\u00eb gabim \u201cteknik\u201d, n\u00eb kuad\u00ebr t\u00eb taktik\u00ebs p\u00ebr t\u2019u imponuar sa m\u00eb shum\u00eb.<\/p>\n

P\u00ebrse edhe Shenasiu, si Hashimi e hashimit\u00ebt dhe miqt\u00eb e Serbis\u00eb, e propagandojn\u00eb p\u00ebr kaq kategorike: \u201cbisedimet e pashmangshme\u201d. P\u00ebrse qenk\u00ebshin bisedimet e pashmangshme p\u00ebr marr\u00ebveshje me Serbin\u00eb, sidomos tani? Sepse po i duhet urgjentisht Serbis\u00eb p\u00ebr interesin financiar q\u00eb ka nga BE-ja?<\/p>\n

Interesi i Kosov\u00ebs \u00ebsht\u00eb t\u00eb shpreh gatishm\u00ebri p\u00ebr marr\u00ebveshje kapitale, por me kusht\u00ebzimin e njohjes reciproke shtet\u00ebrore, q\u00eb t\u00eb barazohemi si pal\u00eb n\u00eb bisedime. T\u00eb tjera \u201cfizkultura\u201d nuk jan\u00eb n\u00eb dobi t\u00eb Kosov\u00ebs, por vet\u00ebm t\u00eb Serbis\u00eb. Ja, kan\u00eb b\u00ebr\u00eb \u201cmarr\u00ebveshje\u201d p\u00ebr energjetik\u00eb, por Kosova dhe Shqip\u00ebria nuk po kan\u00eb guximit t\u00eb l\u00ebshojn\u00eb as largp\u00ebr\u00e7uesin elektrik Kuk\u00ebs-Prizren, t\u00eb ngritur me ndihma gjermane. Pra, \u00ebsht\u00eb nj\u00eb d\u00ebshmi se edhe ajo \u201cmarr\u00ebveshje\u201d ishte nj\u00eb si \u201cfizkultur\u00eb\u201d q\u00eb manifeston Serbia, duke shp\u00ebrdoruar kuisling\u00ebt, marionetat e miqt\u00eb e saj, ne Prishtin\u00eb e Bruksel, p\u00ebr t\u00eb krijuar p\u00ebrshtypje t\u00eb mashtrueshme, se \u00ebsht\u00eb e gatshme p\u00ebr bisedime.<\/p>\n

Meq\u00eb Shenasiu ka sjell ca arsyetime p\u00ebr d\u00ebmtime e fitime financiare t\u00eb Serbis\u00eb e Kosov\u00ebs, por t\u00eb pa sakta, nuk po o citoj e komentoj. Nuk po merrem as me \u201ctre rrug\u00eb p\u00ebr t\u00eb ndryshuar k\u00ebt\u00eb me dinjitetin e duhur\u201d, sepse nuk meritojn\u00eb as t\u00eb lexohen. Sa p\u00ebr ilustrim, po sjell fjalin\u00eb e par\u00eb t\u00eb \u201crrug\u00ebs\u201d se par\u00eb: \u201cKomunat t\u00eb vendosin nj\u00eb taks\u00eb lokale p\u00ebr mallrat e importuara.\u201d Pa dashur t\u00eb imponohet dyshimi, n\u00ebse ka njohuri p\u00ebr funksionim t\u00eb shtetit…<\/p>\n

Tani po i afrohem fundit t\u00eb shkrimit. Arrita t\u00eb kapitulli i parafundit, t\u00eb cilin Miku Shenasi e ka titulluar: \u201cCFAR\u00cb MARR\u00cbVESHJE MUND T\u00cb B\u00cbHET\u201d, q\u00eb do t\u00eb thot\u00eb marr\u00ebveshja duhet, por n\u00eb pyetje \u00ebsht\u00eb vet\u00ebm \u00e7far\u00eb do t\u00eb jet. Se Kina \u201csuperfuqi\u201d dhe Tajvani \u201cmilingon\u00eb\u201d nuk kan\u00eb marr\u00ebveshje p\u00ebr njohje reciproke shtet\u00ebrore, nuk e ka penguar Tajvanin t\u00eb jet\u00eb shum\u00eb m\u00eb i zhvilluar e m\u00eb demokratik se Kina, dhe se secili kinez i informuar, do parap\u00eblqente Taivanin p\u00ebr t\u00eb rrojtur. Edhe un\u00eb, n\u00ebse do t\u00eb kisha vet\u00ebm k\u00ebto dy vende si kusht\u00ebzim p\u00ebr ta vazhduar rrojtjen.<\/p>\n

Fatkeq\u00ebsisht, Miku Shenasi po m\u00eb zhg\u00ebnjen, me spekulimin, sikur ekziston marr\u00ebveshja: \u201c\u00ebsht\u00eb mir\u00eb q\u00eb t\u00eb shkohet tek shqiptar\u00ebt dhe t\u00eb parashtrohen e sqarohen pika t\u00eb v\u00ebshtira e t\u00eb paqarta t\u00eb marr\u00ebveshjes (…) Direct ose indirect duhet me dal\u00eb dhe me ia shpjegue popullit se cfar\u00eb \u00ebsht\u00eb n\u00eb tavolin\u00eb dhe p\u00ebr cka \u00ebsht\u00eb dakord\u00ebsuar.\u201d. T\u00eb cil\u00ebs marr\u00ebveshje? Asnj\u00ebra pal\u00eb, as nd\u00ebrmjet\u00ebsuesit, nuk kan\u00eb b\u00ebr\u00eb ndonj\u00eb njoftim p\u00ebr ndonj\u00eb tekst t\u00eb marr\u00ebveshjes. Bile, as q\u00eb \u00ebsht\u00eb biseduar konkretisht. T\u00eb gjitha jan\u00eb vet\u00ebm \u201cfizkultura\u201d, q\u00eb po i duhen Serbis\u00eb p\u00ebr t\u00eb simuluar gatishm\u00ebrin\u00eb p\u00ebr marr\u00ebveshje.<\/p>\n

Kjo marr\u00ebveshjemani \u00ebsht\u00eb b\u00ebr\u00eb tashm\u00eb si nj\u00eb lloj t\u00ebrbimi kolektiv!
\nSh.R.: \u201cSepse n\u00eb fund t\u00eb fundit kan\u00eb ardh\u00eb letrat dhe president\u00ebt presin n\u00ebnshkrimin<\/em>.\u201d
\nKaq primitiv nuk po p\u00ebrshfaqet as kuislingu Hashim!<\/p>\n

Cil\u00ebt president\u00eb po presin n\u00ebnshkrim?!<\/strong>
\nMerre me mend, t\u00eb gjitha qenk\u00ebshin t\u00eb kryera, por do paraqitk\u00ebsh problem vet\u00ebm em\u00ebrtimi i Kosov\u00ebs. Po citoj Politologun ton\u00eb: \u201cKa me pas\u00eb problem p\u00ebr em\u00ebr; Serb\u00ebt kan\u00eb me dasht\u00eb me e quajt\u00eb Kosova i Metohija dhe me Metohi kan\u00eb n\u00ebnkuptue Zajednic\u00ebn dhe me evokue manastiret dhe qendrat e tyre. OKB mundet me e quajt\u00eb Kosovo e me radh\u00eb.<\/em>\u201d<\/p>\n

Fatkeq\u00ebsisht Shenasiu nuk paska informacion as p\u00ebr em\u00ebrimin e kahmotsh\u00ebm serb p\u00ebr Dukagjinin: \u201cMetohia\u201d. E ka burimin nga gjuha liturgjike e Kish\u00ebs serbe, q\u00eb p\u00ebraf\u00ebrsisht i bie: pron\u00eb kishtare.<\/p>\n

N\u00ebn \u00e7do dinjitet edhe ky spekulim i Politologut Shenasi. Fantazon edhe se si do t\u00eb manovruaka OKB-ja, e cila e pask\u00ebsh t\u00eb gatsh\u00ebm an\u00ebtar\u00ebsimin e Kosov\u00ebs, por do ket\u00eb pak \u201ckusuritje\u201d p\u00ebr em\u00ebrtimin!<\/p>\n

Sh.R.: \u201cE sa p\u00ebr me than\u00eb, n\u00ebse Kosova merr, t\u00eb themi 50% t\u00eb t\u00eb ardhurave t\u00eb Trep\u00e7\u00ebs, nuk \u00ebsht\u00eb pa pesh\u00eb. Dikur thuhej \u201cTrep\u00e7a radi, Beograd se gradi\u201d pra, n\u00eb Kosov\u00eb nuk hynte asgj\u00eb, dhe pes\u00eb miliard\u00eb dollar\u00eb n\u00eb vit shkonin n\u00eb Beograd\u2026 prap\u00eb mb\u00ebrriti Kosova me mbijetue deri q\u00eb nis\u00ebn me ardh\u00eb fondet e federat\u00ebs, q\u00eb ishin … parat\u00eb e Trep\u00e7\u00ebs.<\/em>\u201d<\/p>\n

Ndoshta me mir\u00eb \u00ebsht\u00eb t\u00eb shpreh dufin me no coment<\/strong>!, se sa t\u00eb them at\u00eb q\u00eb po me zien n\u00eb bark nga ky provokim!<\/p>\n

Sh.R.: \u201cKa shum\u00eb gj\u00ebra t\u00eb pak\u00ebndshme q\u00eb do t\u00eb dalin me marr\u00ebveshjen, kjo \u00ebsht\u00eb e pritshme, por p\u00ebr mua m\u00eb t\u00eb r\u00ebnd\u00ebsishme jan\u00eb disa kushte q\u00eb nuk po i p\u00ebrmend njeri si p\u00ebr shembull, me ua kthye 1000 hektar\u00ebt e tok\u00ebs shqiptar\u00ebve n\u00eb Pej\u00eb, q\u00eb i mor\u00ebn francez\u00ebt me dhun\u00eb dhe tokat e tjera t\u00eb sekuestruara q\u00eb u p\u00ebrdor\u00ebn, me u dhan\u00eb hap\u00ebsir\u00eb objekteve t\u00eb kultit se sa kombinati n\u00eb Mitrovic\u00eb<\/em>.\u201d<\/p>\n

Gati sa nuk po me mjafton vet\u00ebm shryerja e dufit me: no coment<\/strong>!
\nNga i ka Shenasiu k\u00ebto dezinformata?!<\/p>\n

Sh.R.: \u201cPo u b\u00eb shk\u00ebmbim territoresh, at\u00ebher\u00eb t\u00eb ket\u00eb edhe shkembim popullate. Le t\u00eb vijn\u00eb shqiptar\u00ebt nga disa nga fshatrat mbi-Ibrit ku jemi pakic\u00eb e pap\u00ebrfillshme, e q\u00eb nuk na i jep njeri, e po humbnim e t\u00eb nd\u00ebrrohen me serb\u00ebt n\u00eb Kosov\u00eb n\u00eb fshatra si Davidovci apo nga krahu i Kamenic\u00ebs e Gjilanit p\u00ebr shembull. Le ta ket\u00eb Gracanica statusin e ekstraterritorialitetit, por me nje num\u00ebr t\u00eb kufizuar banor\u00ebsh dhe me kusht q\u00eb kishtar\u00ebt drejtues t\u00eb jen\u00eb vendas n\u00eb Kosov\u00eb e me radh\u00eb<\/em>.\u201d<\/p>\n

Pyetje publike p\u00ebr Mikun Shenasi Rama: a je me \u201cne\u201d, apo me \u201cata\u201d<\/strong>? Nuk kam d\u00ebgjuar asnj\u00eb nacionalist\u00eb serb t\u00eb ket\u00eb th\u00ebn\u00eb e shkruar bro\u00e7kulla kaq t\u00eb pa skrupullta!<\/p>\n

Sh.R.: \u201cDo t\u00eb ket\u00eb zona e qytete n\u00ebn administrimin e huaj, t\u00eb UNMIK, p\u00ebr shembull, por gjithmon\u00eb ka rrug\u00eb e m\u00ebnyra p\u00ebr t\u00eb punuar si duhet e p\u00ebr t\u00eb avancuar interesat e pal\u00ebve<\/em>.\u201d
\nShpifje ordinere, hashimite!<\/p>\n

Tashm\u00eb Miku Shenasi nuk po \u201clexon\u201d as filxhan, por ndonj\u00eb legen, pasi t\u2019i ket\u00eb la k\u00ebmb\u00ebt Hashimi…
\nP\u00cbRMBYLLJE<\/strong> \u2013 e ka titulluar Miku Shenasi kapitullin e fundit, edhe un\u00eb po e p\u00ebrmbyll reagimin tim.<\/p>\n

Sh.R.: \u201cN\u00eb vend t\u00eb nj\u00eb p\u00ebrmbyllje kisha th\u00ebn\u00eb se ka nj\u00eb mir\u00ebkuptim n\u00eb mes t\u00eb fuqive t\u00eb m\u00ebdha se si duhet me u zgjidh\u00eb kjo pun\u00eb<\/em>.\u201d
\nG\u00ebnjesht\u00ebr! Por g\u00ebnjesht\u00ebr hileqare, bile!<\/p>\n

Sh.R.: \u201cKosova ka me pague nj\u00eb \u00e7mim t\u00eb r\u00ebnd\u00eb por shum\u00eb \u00ebsht\u00eb e logjikshme<\/em>.\u201d<\/p>\n

Edhe mund t\u00eb na ndodh fatkeq\u00ebsia q\u00eb t\u00eb paguajm\u00eb \u00e7mim t\u00eb r\u00ebnd\u00eb, sipas motos serbe: \u201csila ne moli ni boga<\/em>\u201d (forca nuk pyet as zotin<\/em>), por nuk mundet me qen\u00eb \u201cshum\u00eb e logjikshme\u201d, si\u00e7 pask\u00ebsh shkretuar Miku Shenasi.<\/p>\n

Tek tani po b\u00ebhem pishman, pse e kam nxit Mikun Shenasi t\u00eb shkruaj\u00eb e publikoj\u00eb k\u00ebt\u00eb shkrim? (p\u00ebr ta kompromentuar… :p \/A\u00c7<\/em>) M\u00eb e sh\u00ebndetshme ka qen\u00eb q\u00eb t\u00eb vazhdoj t\u00eb mos e njoh deri n\u00eb k\u00ebto p\u00ebrmasa degradimi, si\u00e7 po e vuaj tani d\u00ebshp\u00ebrimin q\u00eb me ka shkaktuar ky shkrim.<\/p>\n

M\u00eb her\u00ebt pothuajse u pendova, pse n\u00eb komunikim privat i shkrova kuturua: \u201cM\u00eb leht\u00eb do ta haja krah me therra, se sa ta lexoja deri n\u00eb fund shkrimin<\/em>.\u201d Edhe pse mendim kuturu, i krijuar nga nj\u00eb lexim i rrembimsh\u00ebm, fatkeq\u00ebsisht pask\u00ebsh qen\u00eb i sakt\u00eb. Tani me ngjau se h\u00ebngra nj\u00eb les\u00eb me therra, deri sa mbarova k\u00ebt\u00eb reagim!<\/p>\n

Uroj, Miku Shenasi t\u00eb m\u00eb drejtkupton, n\u00ebse nuk do t\u00eb mundet menj\u00ebher\u00eb t\u00eb m\u00eb mir\u00ebkupton, sepse nuk dua ta prishim miq\u00ebsin\u00eb e respektin reciprok q\u00eb kishim!<\/p>\n

E siguroj Mikun Shenasi, se vet\u00ebm ndaj shkrimeve t\u00eb shok\u00ebve reagoj me kaq p\u00ebrkushtim e emocione.
\nSh\u00ebndet dhe mbar\u00ebsi \u2013 Miku Shenasi!<\/p>\n

[FCB, 25 shkurt 2019<\/em>]<\/p>\n

Statusi dhe gjith\u00eb debati me t\u00eb gjith\u00eb pjes\u00ebmarr\u00ebsit gjendet n\u00eb<\/strong>:<\/p>\n

<\/div>\n