{"id":53430,"date":"2020-04-07T00:00:12","date_gmt":"2020-04-06T23:00:12","guid":{"rendered":"https:\/\/fjala.info\/?p=53430"},"modified":"2020-04-07T00:00:12","modified_gmt":"2020-04-06T23:00:12","slug":"keta-gjarperinj-te-gjakut","status":"publish","type":"post","link":"https:\/\/jehonashqiptare.al\/fjala\/keta-gjarperinj-te-gjakut\/","title":{"rendered":"K\u00ebta Gjarp\u00ebrinj t\u00eb Gjakut…"},"content":{"rendered":"

\"Gjergj Bajram Kabashi<\/strong><\/p>\n

N\u00eb koh\u00ebn kur Kosova e vog\u00ebl, e \u00e7liruar kryesisht nga NATO nga gjysma e dyt\u00eb e qershorit 1999, vazhdon t\u00eb p\u00ebrp\u00eblitet me mundime por me dinjitet me problemet e nd\u00ebrlidhura me pandemin\u00eb e virusit korona, Hashim Tha\u00e7it i \u00ebsht\u00eb kujtuar si asnj\u00eb her\u00eb m\u00eb par\u00eb rendi, ligji, pjesa veriore e vendit (integriteti territorial) si dhe mbrojtja e lirive e t\u00eb drejtave njer\u00ebzore, p\u00ebr t\u00eb cilat kryeBurri i shtetit ton\u00eb po digjet flak\u00eb.<\/p>\n

Nj\u00ebzet vite nuk u brengosen p\u00ebr zhvillimin proporcional t\u00eb vendit n\u00eb gjith\u00eb hap\u00ebsir\u00ebn e tij, por kryesisht se si t\u00eb pasurohen vet\u00eb me t\u00eb vet\u00ebt, nd\u00ebrsa Sot posa Albin Kurti erdhi n\u00eb pushtet t\u00eb gjith\u00eb si nj\u00eb ose e larguan nga pozita e Kryeministrit ose vdiq\u00ebn!<\/p>\n

Kryeministri n\u00eb detyr\u00eb \u00ebsht\u00eb duke e b\u00ebr\u00eb t\u00eb pamundur\u00ebn p\u00ebr vendin n\u00eb k\u00ebto rrethana, duke treguar sinqeritet, ndershm\u00ebni e vendosm\u00ebni n\u00eb mbrotjen e sh\u00ebndetit t\u00eb qytetar\u00ebve dhe p\u00ebrkujdesur p\u00ebr rendin e qet\u00ebsin\u00eb publike n\u00eb gjith\u00eb hap\u00ebsir\u00ebn shtet\u00ebrore. Duhet ta pranojm\u00eb q\u00eb Albin Kurti nuk e ka fare leht\u00eb me k\u00ebta Gjarpij t\u00eb Gjakut<\/em>, t\u00eb cil\u00ebt n\u00eb bisedat e Serbis\u00eb p\u00ebr \u00e7\u00ebshtje t\u00eb brendshme t\u00eb Kosov\u00ebs (?!) jo rrall\u00eb kan\u00eb shkuar me duar n\u00eb xhepa, p\u00ebrderisa nga ana e shtetit t\u00eb Serbis\u00eb ato vazhdimisht n\u00eb prapavij\u00eb i ka udh\u00ebhequr SANU (Akademia e Arteve e Shkencave t\u00eb Serbis\u00eb) dhe pjes\u00ebmarr\u00ebsit nga politika serbe aty kan\u00eb qen\u00eb vet\u00ebm si shpalues t\u00eb projekteve mizore t\u00eb asaj Akademie, q\u00eb historikisht aq t\u00eb zeza u ka b\u00ebr\u00eb shqiptar\u00ebve dhe jo vet\u00ebm shqiptar\u00ebve n\u00eb gadishullit ton\u00eb.<\/p>\n

Nd\u00ebr gabimet m\u00eb t\u00eb m\u00ebdha e t\u00eb pafalshme n\u00eb bisedat me Serbin\u00eb, kan\u00eb qen\u00eb ato “p\u00ebr komunat serbe” n\u00eb Kosov\u00ebn “multietnike”!<\/p><\/blockquote>\n

Dikush mund t\u00eb thot\u00eb q\u00eb qenkam kund\u00ebr serb\u00ebve… Jo! Madje edhe po t\u00eb ishin m\u00eb shum\u00eb se q\u00eb jan\u00eb ata n\u00eb Kosov\u00eb, p\u00ebr mua nuk do t\u00eb ishte asgj\u00eb problematike, pasi me r\u00ebnd\u00ebsi \u00ebsht\u00eb q\u00eb shteti t\u00eb funksiononte n\u00eb m\u00ebnyr\u00eb unike, si \u00e7do shtet tjet\u00ebr i nj\u00ebmendt n\u00eb bot\u00eb. Me bisedimet aq k\u00ebmb\u00ebngul\u00ebse t\u00eb Serbis\u00eb qe nj\u00ebzet vite, t\u00eb thuash u arrit q\u00eb me ndihm\u00ebn e disa qarqeve naive nd\u00ebrkomb\u00ebtare, Serbia ta vendosi n\u00eb m\u00ebnyr\u00eb t\u00eb kamufluar “k\u00ebmb\u00ebn” e saj n\u00eb Kosov\u00eb, prandaj, ajo b\u00ebri aq shum\u00eb p\u00ebrpjekje p\u00ebr komuna nj\u00ebetnike serbe, p\u00ebr “kisha serbe”, p\u00ebr moslejimin e stabilizimit t\u00eb situat\u00ebs n\u00eb pjes\u00ebn veriore t\u00eb vendit etj.<\/p>\n

Gjat\u00eb gjith\u00eb k\u00ebsaj kohe kryesori q\u00eb e lejoi Serbin\u00eb t’i fuste hund\u00ebt n\u00eb \u00e7\u00ebshtjet e brendshme t\u00eb Kosov\u00ebs, ishte mu Hashim Tha\u00e7i; i pari i U\u00c7K-s\u00eb, i pari i PDK-s\u00eb, Kryeminstri i Kosov\u00ebs e tash Presidenti i Kosov\u00ebs! N\u00eb pun\u00ebt q\u00eb i ka kryer ai “n\u00eb em\u00ebr t\u00eb Kosov\u00ebs”, nuk ka asnj\u00eb dyshim, q\u00eb ndihm\u00eb t\u00eb madhe i ka dh\u00ebn\u00eb edhe LDK e Isa Mustaf\u00ebs, si dhe vet\u00eb kryetari i k\u00ebsaj partie.<\/p>\n

Nd\u00ebrsa tash, nj\u00ebzet vite pas, pavar\u00ebsisht q\u00eb virusi korona e ka tronditur edhe Kosov\u00ebn ton\u00eb t\u00eb varf\u00ebr, sikurse shum\u00eb vende t\u00eb m\u00ebdha e t\u00eb pasura t\u00eb bot\u00ebs, President Aga gjumin gjum\u00eb nuk \u00ebsht\u00eb duke e b\u00ebr\u00eb, p\u00ebr t\u00eb mos e l\u00ebn\u00eb t\u00eb qet\u00eb Albin Kurtin, megjith\u00ebse ai tashm\u00eb \u00ebsht\u00eb kryeminist\u00ebr n\u00eb detyr\u00eb, duke shpikur e shpifur probleme nat\u00ebn e dit\u00ebn, qoft\u00eb me veriun e vendit ton\u00eb, qoft\u00eb me shqet\u00ebsimet e tij tragjikomike p\u00ebr respektimin e t\u00eb drejtave dhe lirive njer\u00ebzore.<\/p>\n

Ata q\u00eb e kan\u00eb pritur Milan Radoji\u00e7iqin n\u00eb zyr\u00eb kryeminitrie, apo q\u00eb sipas t\u00eb gjitha gjas\u00ebve kan\u00eb zhvilluar biseda t\u00eb fshehta me Aleksander Vu\u00e7iqin p\u00ebr ndarjen e vendit t\u00eb vet t\u00eb pavarur, m\u00eb nuk kan\u00eb t\u00eb drejt\u00eb t\u00eb flasin ndonj\u00eb fjal\u00eb, se me fjal\u00ebt e posht\u00ebrsit\u00eb e tyre jemi ngopur tashm\u00eb.<\/p>\n

Ka ardhur nj\u00eb koh\u00eb vendimtare, q\u00eb e gjith\u00eb Kosova e brendshme dhe ajo jashtmja, e m\u00ebrguara, t\u00eb jen\u00eb unik\u00eb dhe t\u00eb flasin e t\u00eb veprojn\u00eb me nj\u00eb z\u00eb mund\u00ebsisht sa m\u00eb jopartiak, q\u00eb me t\u00eb gjitha mund\u00ebsit\u00eb e fuqin\u00eb q\u00eb i kan\u00eb, t’i dalin zot vendit, rendit e qet\u00ebsis\u00eb publike, si dhe integritetit territorial t\u00eb vendit.<\/p>\n

T\u00eb mendosh Sot me gjuh\u00eb fanatik\u00ebsh partiak\u00eb dhe me k\u00ebso gjuhe t\u00eb marr\u00ebsh, ta akuzosh tjetrin p\u00ebr problemet, q\u00eb ia ke shkaktuar vendit qe nj\u00ebzet vite rresht, m\u00eb s\u00eb paku \u00ebsht\u00eb panjer\u00ebzi dhe munges\u00eb nd\u00ebrgjegjeje njer\u00ebzore e komb\u00ebtare.<\/p>\n

Ask\u00ebnd nuk duhet lejuar q\u00eb ta destabilizoj\u00eb vendin, duke e b\u00ebr\u00eb at\u00eb pre t\u00eb synimeve t\u00eb huaja antishqiptare… P\u00ebr t\u00eb shkuar aq larg n\u00eb tentativ\u00ebn antikomb\u00ebtare, sa q\u00eb veriun e vendit ta p\u00ebrdorin, si\u00e7 alarmohet me t\u00eb drejt\u00eb gjithkah, p\u00ebr shp\u00ebtimin e fatit personal n\u00eb t\u00eb ashtuquajturat kompromise<\/em>, q\u00eb u dashkan b\u00ebr\u00eb me Serbin\u00eb?!…<\/p>\n

Ndiqni edhe vler\u00ebsimin e historianit dhe akademikut Jusuf Buxhovi:<\/em><\/p>\n

<\/div>\n