{"id":72055,"date":"2021-10-10T13:07:10","date_gmt":"2021-10-10T11:07:10","guid":{"rendered":"https:\/\/fjala.info\/?p=72055"},"modified":"2021-10-10T13:41:22","modified_gmt":"2021-10-10T11:41:22","slug":"virtytet-e-malesoreve-dhe-ligjerimi-ne-lahuten-e-malesise-te-gjergj-fishtes","status":"publish","type":"post","link":"https:\/\/jehonashqiptare.al\/fjala\/virtytet-e-malesoreve-dhe-ligjerimi-ne-lahuten-e-malesise-te-gjergj-fishtes\/","title":{"rendered":"VIRTYTET E MAL\u00cbSOR\u00cbVE DHE LIGJ\u00cbRIMI N\u00cb \u201cLAHUT\u00cbN E MAL\u00cbSIS\u00cb\u201d T\u00cb GJERGJ FISHT\u00cbS"},"content":{"rendered":"

Fishta mrekullohet me karakterin madh\u00ebshtor t\u00eb mal\u00ebsor\u00ebve, me bes\u00ebn, bujarin\u00eb, burrnin\u00eb, trimnin\u00eb dhe atdhetarin\u00eb e tyre<\/em><\/p>\n

\u201cKush e ka lexuar \u201cLahut\u00ebn\u201d kur e botoi Fishta, si dhe gjithkush q\u00eb e lexon sot, pavar\u00ebsisht se kan\u00eb kaluar dhum\u00eb vjet qysh at\u00ebher\u00eb, mrekullohet e krenarohet me virtytet e mal\u00ebsor\u00ebve (n\u00eb fakt t\u00eb krejt shqiptar\u00ebve) q\u00eb p\u00ebrb\u00ebjn\u00eb indin e poem\u00ebs madh\u00ebshtore, si bujaria, burrnia, trimnia apo gatishm\u00ebria p\u00ebr t\u2019u fl ijuar p\u00ebr atme e doket e t\u00eb par\u00ebve, urtia, maturia n\u00eb marrjen e vendimeve, t\u00eb cil\u00ebn shpesh e thot\u00eb n\u00eb form\u00ebn kadalia, si n\u00eb t\u00eb folmen e Mal\u00ebsis\u00eb, besa e pathyeshm\u00ebria e fjal\u00ebs s\u00eb dh\u00ebn\u00eb.\u201c<\/p><\/blockquote>\n

NGA AKADEMIK GJOVALIN SHKURTAJ<\/strong><\/p>\n

Para se t\u00eb ulesha p\u00ebr t\u00eb shkruar disa fjal\u00eb e vler\u00ebsime p\u00ebr virtytet e mal\u00ebsor\u00ebve dhe ligj\u00ebrimin n\u00eb \u201cLahut\u00ebn e Mal\u00ebsis\u00eb\u201d, m\u2019u desh t\u2019i shtroja vetes pyetjen se a thua ka mbetur gj\u00eb pa u th\u00ebn\u00eb p\u00ebr k\u00ebt\u00eb mjesht\u00ebr t\u00eb epik\u00ebs shqiptare dhe, natyrisht, \u00e7far\u00eb kumti (n\u00eb mos t\u00eb ri, s\u00eb paku t\u00eb p\u00ebrt\u00ebrir\u00eb), mund t\u00eb sillja sot k\u00ebtu n\u00eb k\u00ebt\u00eb log studiuesish, q\u00eb po i blatojn\u00eb lavde e poni meritore Ap\u00ebs s\u00eb letrave shqiptare me rastin e 150-vjetorit t\u00eb dit\u00eblindjes.<\/p>\n

S\u00eb pari, e kryekreje, g\u00ebzohem q\u00eb ato q\u00eb kam pohuar m\u00eb par\u00eb p\u00ebr atdhetarin\u00eb e Fisht\u00ebs dhe p\u00ebr m\u00ebtimet e tij mir\u00ebfi lli komb\u00ebtare shqiptare, q\u00eb e kan\u00eb nxitur n\u00eb krejt shkrimtarin\u00eb dhe veprimtarin\u00eb e tij, p\u00ebrkojn\u00eb e p\u00ebrputhen me ato q\u00eb jan\u00eb shprehur nga studiues t\u00eb tjer\u00eb, m\u00eb t\u00eb vjet\u00ebr, po edhe nga shum\u00eb t\u00eb rinj, t\u00eb cil\u00ebt, n\u00eb em\u00ebrues t\u00eb p\u00ebrbashk\u00ebt kan\u00eb vler\u00ebsimin se \u201ct\u00eb flas\u00ebsh p\u00ebr Fisht\u00ebn \u00ebsht\u00eb nj\u00eblloj si t\u00eb flas\u00ebsh p\u00ebr pun\u00ebt e Shqip\u00ebris\u00eb, p\u00ebr pun\u00ebt e saj t\u00eb hershme, p\u00ebr pun\u00ebt e saj t\u00eb vona, p\u00ebr pun\u00ebt e saj t\u00eb sotme.\u201d<\/p>\n

Vitet e mbrame t\u00eb shek. XIX dhe sidomos dhjet\u00ebvje\u00e7ari i par\u00eb i shek. XX sh\u00ebnojn\u00eb edhe \u201cpik\u00ebn e vlimit\u201d t\u00eb veprimtaris\u00eb s\u00eb gjithanshme t\u00eb Gj. Fisht\u00ebs dhe ai vihet n\u00eb radh\u00ebt e para t\u00eb p\u00ebrpjekjeve p\u00ebr liri e pavar\u00ebsi komb\u00ebtare, n\u00eb krye t\u00eb pun\u00ebs madhore p\u00ebr nj\u00ebsimin e alfabetit t\u00eb shqipes, duke kryesuar komisionin p\u00ebrkat\u00ebs n\u00eb Kongresin e Manastirit (1908), po edhe si z\u00eb shum\u00eb i fuqish\u00ebm nxit\u00ebs i mal\u00ebsor\u00ebve t\u00eb Mal\u00ebsis\u00eb s\u00eb Madhe q\u00eb k\u00ebrkonin shpalljen e pavar\u00ebsis\u00eb n\u00ebn udh\u00ebheqjen e Ded Gjo Lulit \u201cNderi i Kombit\u201d. Fishta n\u00eb \u201cLahut\u00eb\u201d shkruan p\u00ebr De\u00e7iqin, ku si\u00e7 thon\u00eb historian\u00ebt \u201cu krye simbolikisht parath\u00ebnia e Flamurit t\u00eb Vlon\u00ebs\u201d.<\/p>\n

Mbi k\u00ebt\u00eb fakt madhor e atdhetar shqiptar t\u00eb Poetit t\u00eb shquar, me rastin e 100-vjetorit t\u00eb shpalljes s\u00eb pavar\u00ebsis\u00eb dhe vendosjes s\u00eb bustit t\u00eb Ded Gjo Lulit n\u00eb qend\u00ebr t\u00eb Tiran\u00ebs, nj\u00eb nga rapsodit\u00eb e reja thot\u00eb:
\n\u201cBjen lahuta e Malsis\u00eb\/n\u00eb krye t\u00eb vendit<\/em>
\nja ka nis\u00eb\/ P\u00ebr her\u00eb t\u00eb par\u00eb n\u00eb Brigje t\u00eb Hotit\/<\/em>
\nAt Gjergj Fishta nier i Zotit\/ me n\u00eb krye Ded<\/em>
\nGjo Lulin\/ n\u00eb De\u00e7iq ngrit\u00ebn fl amurin\/Gurakuqi<\/em>
\nburri i burrit,\/N\u00eb krah t\u00eb djatht\u00eb t\u00eb Ded Gjo Lulit.\u201d<\/em><\/p>\n

Gjergj Fishta e njohu mir\u00eb dhe e deshi Mal\u00ebsin\u00eb e Madhe, shkroi p\u00ebr b\u00ebmat trim\u00ebrore e bujarin\u00eb e mal\u00ebsor\u00ebve nj\u00eb nga poemat m\u00eb t\u00eb bukura t\u00eb let\u00ebrsis\u00eb shqiptare, k\u00ebndoi n\u00eb kryeve\u0002pr\u00ebn e vet hap\u00ebsirat e gjera t\u00eb urt\u00ebsis\u00eb, trim\u00ebris\u00eb dhe bujaris\u00eb proverbiale t\u00eb mal\u00ebsor\u00ebve, duke pohuar e fi ksuar n\u00eb vargje lapidare krenarin\u00eb dhe atdhetarin\u00eb e fl akt\u00eb t\u00eb mal\u00ebsor\u00ebve t\u00eb Hotit e t\u00eb krejt Mal\u00ebsis\u00eb s\u00eb Madhe. E, mbi t\u00eb gjitha, si\u00e7 ka shkruar edhe konti Lamartin: \u201cE vetmja gj\u00eb e pandryshueshme tek shqiptar\u00ebt \u00ebsht\u00eb pasioni i tyre p\u00ebr pavar\u00ebsi dhe lavdi<\/em>\u201d.<\/p>\n

Dhe k\u00ebt\u00eb Fishta n\u00ebvargjet e \u201cLahut\u00ebs\u201d e pohoi dhe e p\u00ebrthekoi aq bukur duke p\u00ebrmendur me emra e mbiemra gati t\u00eb gjith\u00eb trimat e burrat e urt\u00eb t\u00eb Mal\u00ebsis\u00eb, aq sa kur e lexon poem\u00ebn t\u00eb duket se shtegton e shkon der\u00eb m\u00eb der\u00eb e shpatin\u00eb m\u00eb shpatin\u00eb bashk\u00eb me bijt\u00eb e bijat e Hotit, t\u00eb Grud\u00ebs, t\u00eb Trieshit, t\u00eb Kastratit, t\u00eb Kelmendit, t\u00eb Shkrelit dhe madje t\u00eb Shal\u00ebs , t\u00eb Mirdit\u00ebs etj. dhe duke u dh\u00ebn\u00eb b\u00ebmave trim\u00ebrore dhe q\u00ebndres\u00ebs atdhembrojt\u00ebse t\u00eb mal\u00ebsor\u00ebve t\u00eb Mbishkodr\u00ebs nj\u00eb karakter mbar\u00ebshqiptar e mbar\u00ebkomb\u00ebtar.\u00a0Po edhe Mal\u00ebsia e ka dashur dhe e do shum\u00eb Pat\u00ebr Gjergjin, Poetin zem\u00ebrval\u00eb e fran\u00e7eskanin erudit, poem\u00ebn e t\u00eb cilit k\u00ebng\u00ebtar\u00ebt e Mal\u00ebsis\u00eb e kan\u00eb k\u00ebnduar dhe e k\u00ebndojn\u00eb me lahut\u00eb n\u00eb dasma, festa e g\u00ebzime.<\/p>\n

Gjergj Fishta, i njohur, i adhuruar dhe i p\u00ebrmendur n\u00eb Mal\u00ebsi si \u201cPat\u00ebr Gjergji\u201d, ndon\u00ebse qe i lindur n\u00eb fush\u00eb, n\u00eb Fisht\u00ebn me dhe t\u00eb but\u00eb e t\u00eb njohur si vis me bujq t\u00eb urt\u00eb e t\u00eb p\u00ebrvujt\u00eb, pati lidhje t\u00eb forta shpirt\u00ebrore me Mal\u00ebsin\u00eb e Madhe, me Brigjen e Hotit, ku ai edhe sh\u00ebrbeu do koh\u00eb si meshtar, po edhe me krejt \u201cmalet\u201d e Mbishkodr\u00ebs, prej t\u00eb cilave ai mori edhe \u201cindin\u201d e kryevepr\u00ebs s\u00eb tij \u201cLahut\u00ebs\u201d, po edhe u dashurua me krejt sa zbuloi n\u00eb jet\u00ebn, b\u00ebmat trim\u00ebrore, bujarin\u00eb e pakundshoqet\u00eb Mal\u00ebsis\u00eb dhe me mend\u00ebsin\u00eb e ligj\u00ebrimin e mal\u00ebsor\u00ebve, duke iu qasur sidomos onomastik\u00ebs s\u00eb asaj zone, emrave t\u00eb vendeve e t\u00eb njer\u00ebzve, hetoi zbunimet dhe nofk at e shumta, q\u00eb aq me denduri e me efekt i p\u00ebrdornin mal\u00ebsor\u00ebt n\u00eb t\u00eb folmen e n\u00eb k\u00ebng\u00ebt e tyre dhe, shpesh, at\u00eb m\u00ebnyr\u00eb t\u00eb foluri, do ta
\np\u00ebrdorte edhe n\u00eb vargjet e kryevepr\u00ebs s\u00eb vet, \u201cLahut\u00ebs s\u00eb Malcis\u201d.<\/p>\n

S\u00eb dyti, natyrisht, m\u2019u desh t\u00eb b\u00ebja nj\u00eb rishqyrtim e rivler\u00ebsim t\u00eb atyre q\u00eb kisha kumtuar e shkruar koh\u00eb m\u00eb par\u00eb p\u00ebr gjuh\u00ebn e Fisht\u00ebs e ve\u00e7mas p\u00ebr sa nden ai te \u201cLahuta e Mal\u00ebsis\u00eb\u201d dhe, ndon\u00ebse \u201ct\u00eb shprishura\u201d n\u00eb p\u00ebrmbledhje a revista, jan\u00eb nj\u00eb sasi e konsiderueshme faqesh me shqyrtime e vler\u00ebsime, t\u00eb cilat, nd\u00ebrsa doja t\u00eb thosha ndonj\u00eb gj\u00eb krejt t\u00eb re, m\u00eb vlejt\u00ebn p\u00ebr t\u2019u mbajtur mbi to dhe, si\u00e7 e do rasti i sot\u00ebm, t\u00eb b\u00ebja vet\u00ebm ndonj\u00eb shtes\u00eb a plot\u00ebsim, disa sakt\u00ebsime e t\u00ebhollime t\u00eb v\u00ebna n\u00eb boshtin e tem\u00ebs \u201cVirtytet e
\nmal\u00ebsor\u00ebve dhe ligj\u00ebrimi n\u00eb \u201cLahut\u00ebn\u201d e Fisht\u00ebs\u201c.<\/p>\n

N\u00eb vepr\u00ebn e Fisht\u00ebs gjejm\u00eb tri lloj leksemash dhe kuptimesh e formash gjuh\u00ebsore:
\n1) t\u00eb njohura dhe t\u00eb p\u00ebrdorura edhe m\u00eb par\u00eb nga autor\u00ebt verior\u00eb apo n\u00eb folklorin e botuar e t\u00eb ditur;
\n2) t\u00eb njohura, por q\u00eb nuk ishin p\u00ebrmendur a p\u00ebrshkruar n\u00eb ndonj\u00eb punim dialektologjik, dhe q\u00eb, si t\u00eb tilla, duke na u d\u00ebshmuar n\u00eb vepr\u00ebn e Fisht\u00ebs ato, p\u00ebrve\u00e7 vlerave mir\u00ebfi lli stilistike q\u00eb kan\u00eb brenda saj, jan\u00eb edhe shum\u00eb t\u00eb mir\u00ebseardhura e t\u00eb p\u00ebrfi llshme p\u00ebr k\u00ebrkimet gjuh\u00ebsore, ve\u00e7an\u00ebrisht p\u00ebr ato dialektologjike e leksikologjike;
\n3) q\u00eb nuk njiheshin dhe nuk ishin v\u00ebn\u00eb re n\u00eb ndonj\u00eb punim dialektologjik dhe, si t\u00eb tilla,
\nsigurisht, meritojn\u00eb nj\u00eb v\u00ebmendje t\u00eb posa\u00e7me.<\/p>\n

\"At<\/p>\n

T\u00eb tria k\u00ebto shtresa, natyrisht, n\u00eb vepr\u00ebn e Fisht\u00ebs g\u00ebrshetohen, p\u00ebrmbruhen e nd\u00ebrliqen n\u00eb indin e n\u00eb t\u00ebrthoret leksematike prej gurrash t\u00eb ndryshme, krahinore e bar\u00ebkomb\u00ebtare, n\u00eb nj\u00eb m\u00ebnyr\u00eb shum\u00eb origjinale e n\u00eb funksion t\u00eb p\u00ebrft esave e ngjyresave stilistike dhe p\u00ebr arsye t\u00eb rim\u00ebs, ritmit etj., ku aq shum\u00eb shquan mjesht\u00ebria e poetit ton\u00eb.\u00a0N\u00eb m\u00ebnyr\u00eb t\u00eb ve\u00e7ant\u00eb Fishta u ka b\u00ebr\u00eb vend fjal\u00ebve dhe togfjal\u00ebshave q\u00eb lidhen me virtytet e mal\u00ebsor\u00ebve, si besa, bujaria, burrnia, trimina, urtia etj.<\/p>\n

Le t\u00eb kujtojm\u00eb, nd\u00ebr t\u00eb tjera, vargun: \u201ePor i urti kurr\u00eb nuk ngutet,\/Prej burrnijet e jo prej tutet…\u201c (LM.f.40) Kush e ka lexuar \u201cLahut\u00ebn\u201d kur e botoi Fishta, si dhe gjithkush q\u00eb e lexon sot, pavar\u00ebsisht se kan\u00eb kaluar dhum\u00eb vjet qysh at\u00ebher\u00eb, mrekullohet e krenarohet me virtytet e mal\u00ebsor\u00ebve (n\u00eb fakt t\u00eb krejt shqiptar\u00ebve) q\u00eb p\u00ebrb\u00ebjn\u00eb indin e poem\u00ebs madh\u00ebshtore, si bujaria, burrnia, trimnia apo gatishm\u00ebria p\u00ebr t\u2019u fl ijuar p\u00ebr atme e doket e t\u00eb par\u00ebve, urtia, maturia n\u00eb marrjen e vendimeve, t\u00eb cil\u00ebn shpesh e thot\u00eb n\u00eb form\u00ebn kadalia, si n\u00eb t\u00eb folmen e Mal\u00ebsis\u00eb, besa e pathyeshm\u00ebria e fj al\u00ebs s\u00eb dh\u00ebn\u00eb.<\/p>\n

\u201cJo,qi ka aty burra tjer\u00eb\/Bajraktar\u00eb, Kren\u00eb e Begler\u00eb,\/qi p\u00ebr fjal\u00eb e p\u00ebr urti,\/p\u00ebr trimni, p\u00ebr bujari\/nuk ia l\u00ebshojn\u00eb vendin kurrkuj\u00eb \/as n\u2019Shqipni, as nd\u00ebr t\u00eb huej\u00eb.\u201d (LM.f.102) Kurse p\u00ebr Avdyl Frash\u00ebrin, t\u00eb cilin e p\u00ebrshkruan m\u00eb epitetet m\u00eb t\u00eb ep\u00ebrme, nd\u00ebr t\u00eb tjera, vler\u00ebson edhe faktin \u201cqi po folka ashtu pa u ze,\/ her\u00eb tue mat\u00eb, mandej tue pre:\/qi prandej njat\u00eb fj al\u00eb qi e fl et,\/ Mreti as Krajli nuk e shk\u00eblet.\u201d (L.M.f.102-103).<\/p>\n

Virtytet e mal\u00ebsor\u00ebve Fishta i quan, n\u00eb fakt, t\u00eb krejt shqiptar\u00ebve dhe, n\u00eb Lahut\u00eb, shpesh, kur prmend bes\u00ebn e quan \u201cbes\u00eb shqiptare\u201d: \u201cDil e piqu n\u2019Haxhi Zek\u00ebn;\/grish Kosov\u00ebn, bashko Rek\u00ebn:\/ l\u00ebsho kushtrimin n\u2019Tosk\u00eb e n\u2019Geg\u00eb, \/mblidhnju tok si kokrrat n\u2019sheg\u00eb…
\nedhe lidh\u00eb me bes\u00eb shqiptare, \/bini shkjaut ju fulikare.\u201d (LM.f.94)<\/p>\n

Nd\u00ebr cil\u00ebsit\u00eb apo virtytet m\u00eb t\u00eb larta t\u00eb heronjve t\u00eb lahut\u00ebs \u00ebsht\u00eb shqiptaria, t\u00eb qen\u00ebt shqiptar, t\u00eb qen\u00ebt besnik i gjuh\u00ebs dhe i zakoneve shqiptare. \u201dS\u2019i lam\u00eb marre Shqiptaris\u00eb,\/ ku t\u2019jet\u00eb puna e trim\u00ebnis\u00eb \/p\u00ebrse mbar\u00eb lek\u00ebt e Mal\u00ebsis\u00eb, \/shk\u2019a\u2019m\u2019shtat\u00eb e shtat\u00ebdhdhet\u00eb vjet,\/ dijn\u00eb me dek\u00eb p\u00ebr dhe t\u2019vet.\/Pa m\u2019u ngjesh\u00eb p\u00ebr shtat xhubleta,\/s\u2019i baj Knjazit tungjatjeta!\/Por t\u2019flas\u00eb \u00c7uni, bajraktari, \/fj al\u00ebve t\u2019tija i rri ma i pari.\u201d (LM.f.150-151)<\/p>\n

Nektari i urtis\u00eb dhe i virtyteve mal\u00ebsore n\u00eb \u201cLahut\u00eb\u201d<\/strong><\/p>\n

Vepra \u201cLahuta e Malcis\u201d e Gjergj Fisht\u00ebs \u00ebsht\u00eb e lidhur fort ngusht me malet e shkrepat e Shqip\u00ebris\u00eb Veriper\u00ebndimore, vend q\u00eb historikisht ka p\u00ebrb\u00ebr\u00eb nj\u00eb shteg pretimesh e dyndjesh t\u00eb hordhive pushtuese, qoft \u00eb t\u00eb ardhura nga Anadolli p\u00ebr t\u00eb kaluar n\u00eb brend\u00ebsi t\u00eb Ballkanit e m\u00eb tej, qoft \u00eb edhe nga brenda Evrop\u00ebs p\u00ebr t\u00eb dal\u00eb n\u00eb fushat bregdetare t\u00eb Adriatikut ton\u00eb, t\u00eb cilat kan\u00eb qen\u00eb, sidomos, n\u00eb lakmin\u00eb e Cernogor\u00ebs fqinje, q\u00eb kurr\u00eb s\u2019ua ka reshtur prapashpinat e t\u00eb k\u00ebqijat mal\u00ebsor\u00ebve e krejt Shqip\u00ebris\u00eb Veriore.<\/p>\n

N\u00eb kish\u00ebn e Brigjes n\u00eb Rapsh\u00eb t\u00eb Hotit, n\u00eb at\u00eb pllaj\u00eb q\u00eb e rreh murrlani e styma dim\u00ebr e ver\u00eb e ku misri e thekra mezi kallohen nga that\u00ebsira, At\u00eb Gjergj Fishta, ndon\u00ebse ndenji p\u00ebr pak koh\u00eb, pati rastin t\u00eb njihte burra t\u00eb m\u00ebdhenj n\u00eb zem\u00ebr e n\u00eb b\u00ebma, njer\u00ebz t\u00eb thjesht\u00eb e pa shkoll\u00eb, por q\u00eb, me p\u00ebrvoj\u00ebn e dijen e trash\u00ebguar nga t\u00eb par\u00ebt, nga mendtar\u00ebt e urtak\u00ebt e atyre an\u00ebve, ia t\u00eb hollonin kuvendin si t\u00eb ishin t\u00eb diplomuar n\u00eb shkollat m\u00eb t\u00eb rrepta t\u00eb Evrop\u00ebs.<\/p>\n

Fishta, i lindur n\u00eb fushat e buta t\u00eb Zadrim\u00ebs, ku gjindja i vihen fort pun\u00ebs n\u00eb ara e lavra, q\u00eb u vjen aq ndoresh, si p\u00ebr perimet e pem\u00ebt, ashtu edhe p\u00ebr drith\u00ebrat e buk\u00ebs e prodhimet e tjera t\u00eb shumta, ku burrat jan\u00eb disi m\u00eb t\u00eb p\u00ebrvujt\u00eb e ca m\u00eb t\u00eb ndruajtur se mal\u00ebsor\u00ebt, \u00e7ka u shkon p\u00ebrshtat viseve fushore, n\u00eb Mal\u00ebsin\u00eb e Madhe, p\u00ebrkundrazi, do t\u00eb gjendej i rrethuar nga Lek\u00ebt e Hotit, krenar\u00eb e bujar\u00eb, po edhe t\u00eb ashp\u00ebr e zullumqar\u00eb, t\u00eb gjat\u00eb e t\u00eb zhd\u00ebrvjell\u00ebt si atlet\u00eb, t\u00eb q\u00ebndruesh\u00ebm e t\u00eb fort\u00eb si shk\u00ebmbi, njer\u00ebz q\u00eb, si\u00e7 do t\u00eb thoshte p\u00ebr ta Eqrem \u00c7abej, duket se jetojn\u00eb m\u00eb fort me ajrin e past\u00ebr q\u00eb thithinsesa me ushqimin e pak\u00ebt q\u00eb han\u00eb p\u00ebrdit\u00eb.<\/p>\n

Aty ai do t\u00eb njihte Marash Ucin e Uc Mehmetit, njeri i njohur p\u00ebr mend po edhe p\u00ebr trim\u00ebri, q\u00eb kur vjen puna p\u00ebr fatin e atdheut, mund t\u2019i bjer\u00eb edhe detit m\u00eb k\u00ebmb\u00eb; do t\u00eb d\u00ebgjonte se si k\u00ebndohej p\u00ebr Oso Kuk\u00ebn e djemt\u00eb e tij t\u00eb pakundshoq, q\u00eb e shoq\u00ebronin: Ka\u00e7el Dod\u00ebn e Kerrni Gil\u00ebn; do t\u00eb kalonte net t\u00eb shumta dimri duke d\u00ebgjuar \u00e7ka thoshin mal\u00ebsor\u00ebt p\u00ebr prijsat e tyre: \u00c7un Mul\u00ebn e Ded Gjon Lulin; do t\u00eb merrte sh\u00ebnime se si p\u00ebrmendeshin p\u00ebr mir\u00eb ajka e djelm\u00ebnis\u00eb mal\u00ebsore q\u00eb kishin flijuar rinin\u00eb e tyre p\u00ebr atdhe e p\u00ebr nderin e kombit shqiptar. N\u00eb ato rrasa t\u00eb bardha t\u00eb Brigjes s\u00eb Hotit, n\u00eb Kushe e n\u00eb Bjeshk\u00ebt e Jugomirit, ashtu si kudo n\u00eb an\u00ebt e Mal\u00ebsis\u00eb son\u00eb t\u00eb Madhe, n\u00eb Grud\u00eb e Triesh apo n\u00eb Koj\u00ebn e Ku\u00e7it, n\u00eb Kastrat e Shkrel, Fisht\u00ebs do t’i dilnin p\u00ebrpara t\u00eb nj\u00ebjtat pamje madh\u00ebshtore t\u00eb nj\u00eb epike q\u00eb kishte edhe nj\u00eb rekuizit\u00eb etnografike nga m\u00eb t\u00eb bukurat e m\u00eb spikat\u00ebset nd\u00ebr trevat shqiptare.<\/p>\n

Kush nuk ka par\u00eb vallet e logut e dasmat mal\u00ebsore, kush nuk ka shijuar etnografin\u00eb e parad\u00ebs s\u00eb bukuris\u00eb s\u00eb gruas mal\u00ebsore n\u00eb logun n\u00eb oborr t\u00eb kishave pas mesh\u00ebs n\u00eb dit\u00eb t\u00eb diela e n\u00eb festa t\u00eb m\u00ebdha, nuk mund as ta imagjinoj\u00eb se \u00e7far\u00eb kan\u00eb p\u00ebrfaq\u00ebsuar e p\u00ebrfaq\u00ebsojn\u00eb traditat, virtytet e shpirti mal\u00ebsor n\u00eb etnogjenez\u00ebn e shqiptar\u00ebve. Mal\u00ebsia e Madhe ka qen\u00eb gjithmon\u00eb visar shqiptarie, gurr\u00eb e pashuar e shpirtit t\u00eb bardh\u00eb dhe e d\u00ebshirave p\u00ebr dit\u00eb t\u00eb mira. Ani pse, jo gjithmon\u00eb ka mundur t\u2019i realizoj\u00eb ato.<\/p>\n

N\u00eb m\u00ebnyr\u00eb t\u00eb ve\u00e7ant\u00eb Fishta hetoi madh\u00ebshtin\u00eb e stilit dhe pasurin\u00eb e gjuh\u00ebs s\u00eb krijimeve t\u00eb let\u00ebrsis\u00eb gojore, sidomos t\u00eb epik\u00ebs, e cila e deg\u00ebzuar n\u00eb n\u00ebnlloje, jetonte n\u00eb goj\u00ebn e shum\u00eb k\u00ebng\u00ebtar\u00ebve t\u00eb moshave t\u00eb ndryshme.<\/p>\n

Gjergj Fisht\u00ebn, k\u00ebt\u00eb poet t\u00eb ndjesh\u00ebm e njeri erudit, ato \u00e7ka pa e p\u00ebrjetoi n\u00eb malet tona, me siguri, edhe do ta ken\u00eb befasuar, sepse n\u00ebp\u00ebr fusha doket e zakonet e mo\u00e7me qysh aso kohe kishin filluar disi t\u00eb mekeshin; atij do t\u2019i jet\u00eb dukur se ndodhej bash n\u00eb djepin a vatr\u00ebn e eposit t\u00eb kreshnik\u00ebve. Rapsha e Hotit, n\u00eb nj\u00eb far\u00eb m\u00ebnyre, ishte p\u00ebr t\u00eb Jutbina e Mujit dhe e Halilit.<\/p>\n

Ai gjeti aty burra q\u00eb ishin si drangoj n\u00eb luft\u00eb, po edhe t\u00eb urt\u00eb e t\u00eb shtruar n\u00eb kuvend, gjithmon\u00eb me arm\u00ebn mbushur, po edhe buk\u00ebdh\u00ebn\u00eb e bujar\u00eb n\u00eb sof\u00ebr, kat\u00ebrqind ok\u00ebsh n\u00eb bes\u00eb e n\u00eb fjal\u00ebn e dh\u00ebn\u00eb, kat\u00ebrqind ok\u00ebsh n\u00eb shqiptariz\u00ebm; t\u00eb p\u00ebrkor\u00eb e t\u00eb vobekt\u00eb deri n\u00eb skamje, por gjithnj\u00eb t\u00eb paepur e t\u00eb vet\u00ebp\u00ebrmbajtur, gjindje q\u00eb ngopet me pak e q\u00eb kurr\u00eb nuk jepet pas kafshat\u00ebs, prandaj s\u2019ia kan\u00eb zili askujt pse Zoti i ka dh\u00ebn\u00eb m\u00eb shum\u00eb pasuri e t\u00eb mira. Kurr\u00eb nuk grabisin e nuk vjedhin, por edhe nuk t\u00eb falin po ua preke at\u00eb q\u00eb u p\u00ebrket. Mjer\u00eb kush i ka ngar\u00eb e kush i nget ata pa t\u00eb drejt\u00eb! Ashtu si\u00e7 thot\u00eb edhe fjala e urt\u00eb e k\u00ebtyre an\u00ebve: \u201dMos i nga gr\u00eathat me kr\u00e2nde, se nget t\u00eb zez\u00ebn t\u00e2nde!<\/em>\u201d<\/p>\n

Si\u00e7 pat shkruar Ernest Koliqi: \u201cTue lexue Lahut\u00ebn\u2026 t\u00eb duket se je tue v\u00ebshtrue popullin shqiptar kah i k\u00ebndon vetvedit, me fjal\u00ebt e Fisht\u00ebs, ma t\u00eb kulluet\u00ebn kang\u00eb, e cila shp\u00ebrthen nga nji gjak misterioz q\u00eb rrjedh n\u00eb zem\u00ebr t\u00eb tij ilire\u201d . Kjo \u00ebsht\u00eb arsyeja pse nd\u00ebr malet tona \u201cLahuta\u201d e Fisht\u00ebs u m\u00ebsua p\u00ebrmendsh, pse n\u00eb log t\u00eb kish\u00ebs e n\u00eb mbledhje t\u00eb bajrakut, me lahut\u00eb n\u00eb dor\u00eb, k\u00ebng\u00ebtar\u00ebt p\u00ebrshtatnin at\u00eb q\u00eb kishin trash\u00ebguar nga rapsodit\u00eb e kreshnik\u00ebve me ato q\u00eb kishte thurur p\u00ebr ta At\u00eb Gjergji dhe, p\u00ebr g\u00ebzimin e nderin m\u00eb t\u00eb madh q\u00eb mund t\u2019i blatohet nj\u00eb krijuesi, emri i Fisht\u00ebs kthehej nga nj\u00eb em\u00ebr i p\u00ebrve\u00e7\u00ebm n\u00eb em\u00ebr t\u00eb p\u00ebrgjithsh\u00ebm.<\/p>\n

Shum\u00eb nga k\u00ebng\u00ebt e \u201cLahut\u00ebs\u201d, edhe n\u00eb vitet kur emri e vepra e tij ishin ndaluar t\u00eb ziheshin me goj\u00eb, k\u00ebndoheshin normalisht si \u201ck\u00e2tk lavdet\u201d (k\u00ebng\u00eb lahute) n\u00eb Kelmend, n\u00eb Shkrel e n\u00eb Kastrat, n\u00eb Hotin e k\u00ebndej- dhe t\u00eb p\u00ebrtej kufirit, ashtu si edhe n\u00eb Grud\u00eb, Triesh e n\u00eb Koj\u00ebn e Ku\u00e7it, kudo q\u00eb ka pasur e ka mal\u00ebsor\u00eb, kudo q\u00eb rrojn\u00eb \u201ct\u00eb bijt\u00eb e xhublet\u00ebs\u201d. Kemi t\u00eb dh\u00ebna se k\u00ebng\u00eb t\u00eb \u201cLahut\u00ebs\u201d k\u00ebndohen ende n\u00eb diaspor\u00ebn mal\u00ebsore t\u00eb Amerik\u00ebs, sidomos n\u00eb \u201cnetwork-un\u201d shqiptar t\u00eb Nju Jorkut, t\u00eb Detroitit e deri edhe n\u00eb Australi.<\/p>\n

Nj\u00eb p\u00eblqim e p\u00ebrhapje t\u00eb ve\u00e7ant\u00eb ka pasur e ka \u201cLahuta\u201d n\u00eb Kosov\u00eb, ku \u201crapsod\u00ebt kosovar\u00eb as s\u2019u kishin nd\u00ebrrue fjal\u00eb, as s\u2019u kishin hjek\u00eb vargje\u201d, por nuk dinin t\u00eb thoshin tjet\u00ebr ve\u00e7se \u201ck\u00ebto kang\u00eb i kishin ndie, si t\u00eb rij, prej njaj lahutari t\u00eb ardhur nga Shqip\u0002nia. Fishta k\u00ebndohej pa dijt\u00eb se si ia thoshin emnit: k\u00ebndohej pse n\u00eb kang\u00eb t\u00eb tija ishte shqiptari. Shqiptari n\u00eb doke, n\u00eb kanu, n\u00eb mitologji, n\u00eb folklor, n\u00eb aspirata, n\u00eb jet\u00eb, n\u00eb luft\u00eb e n\u00eb ngallnime\u201d.<\/p>\n

Kufijt\u00eb nevojisht t\u00eb p\u00ebrkor\u00eb t\u00eb k\u00ebtij trajtimi na pengojn\u00eb t\u2019i p\u00ebrthekojm\u00eb n\u00eb p\u00ebrmasat e duhura m\u00ebtimet e theksin p\u00ebrbashkues e v\u00ebllaz\u00ebrues t\u00eb shqiptar\u00ebve pa dallim krahine a besimi fetar q\u00eb zot\u00ebron n\u00eb lahut\u00eb e n\u00eb veprat e tjera t\u00eb Fisht\u00ebs, por do t\u00eb v\u00ebm\u00eb theksin vet\u00ebm n\u00eb nj\u00eb pik\u00eb me shum\u00eb vler\u00eb p\u00ebr at\u00eb q\u00eb do t\u2019i hyj\u00eb njohjes s\u00eb tekstit e t\u00eb n\u00ebntekstit fishtjan:<\/p>\n

S\u00eb pari, Fishta, ashtu si \u00e7do personalitet historik e letrar i p\u00ebrmasave t\u00eb m\u00ebdha, nuk mund t\u00eb gjykohet duke e p\u00ebrjashtuar nga rrethanat e koh\u00ebs n\u00eb t\u00eb cil\u00ebn jetoi. Kjo do t\u00eb thot\u00eb se poeti yn\u00eb i shkroi \u201cLahut\u00ebn\u201d e veprat e tjera n\u00eb fillim t\u00eb shekullit XX, n\u00eb nj\u00eb periudh\u00eb aq t\u00eb zjarrt\u00eb e dramatike p\u00ebr Shqip\u00ebrin\u00eb e shqiptar\u00ebt, kur zien, vlon e shp\u00ebrthen d\u00ebshira p\u00ebr liri. Kuptohet se ai, si poet i ndjesh\u00ebm, po edhe si atdhetar q\u00eb ishte, nuk mund t\u00eb mbetej indiferent e jasht\u00eb asaj fryme t\u00eb p\u00ebrgjithshme.<\/p>\n

Ai u b\u00eb interpretuesi e shpreh\u00ebsi m\u00eb besnik i shpirtit q\u00eb gjallonte n\u00eb kombin shqiptar, duke e pyk\u00ebzuar v\u00ebshtrimin n\u00eb nj\u00eb vat\u00ebr t\u00eb hershme shqiptarie, bese e bujarie si Mal\u00ebsia jon\u00eb e Madhe. S\u00eb dyti, sepse edhe n\u00eb koh\u00ebn e Fisht\u00ebs (ashtu si gjithmon\u00eb n\u00eb raste d\u00ebshp\u00ebrimi t\u00eb
\np\u00ebrmasave t\u00eb m\u00ebdha) nj\u00eb numri t\u00eb madh shqiptar\u00ebsh u kishte humbur shpresa e liris\u00eb s\u00eb \u00ebnd\u00ebrruar nga poet\u00ebt dhe veprimtar\u00ebt idealist\u00eb. T\u00eb tjer\u00eb kishin r\u00ebn\u00eb n\u00eb nj\u00eb far\u00eb letargjie. Fishta, si nj\u00eb personalitet i shquar i letrave, po edhe si nj\u00eb njeri me vizion largvajt\u00ebs e frym\u00ebgjat\u00eb, e kuptonte se t\u00eb par\u00ebve u duhej dh\u00ebn\u00eb zem\u00ebr, duheshin trim\u00ebruar e inkurajuar, kurse t\u00eb dyt\u00ebt duheshin zgjuar nga gjumi.<\/p>\n

Poeti synonte q\u00eb t\u00eb dy pal\u00ebt t\u00eb gjenin n\u00eb \u201cLahut\u00ebn\u201d e tij shembuj frym\u00ebzues t\u00eb heroizmit t\u00eb atyre q\u00eb ishin flijuar e flijoheshin n\u00eb altarin e Atdheut. Kjo, natyrisht, p\u00ebrb\u00ebnte baz\u00ebn dhe frym\u00ebn luftarake t\u00eb vjersh\u00ebris\u00eb s\u00eb tij. Nd\u00ebrkaq, bash n\u00eb ato koh\u00ebra, nuk mungonin edhe shenjat e nj\u00eb p\u00ebr\u00e7arjeje e mbylljeje brenda caqeve t\u00eb ngushta, brenda fiseve e bajraqeve, brenda grupeve a bashk\u00ebsive t\u00eb vogla vendore, t\u00eb ndara sipas besimeve fetare t\u00eb ndryshme etj. Ishte e nevojshme q\u00eb, t\u00eb gjitha k\u00ebto kategori njer\u00ebzish a bashk\u00ebsish shoq\u00ebrore shqiptare, t\u00eb sqaroheshin dhe t\u00eb edukoheshin, duke formuar tek ata nd\u00ebrgjegjen e p\u00ebrgjegj\u00ebsin\u00eb si pjes\u00ebtar\u00eb t\u00eb nj\u00eb bashk\u00ebsie t\u00eb madhe e t\u00eb vetme komb\u00ebtare, shqiptare.<\/p>\n

Si\u00e7 thot\u00eb bukur At\u00eb Anton Harapi, n\u00eb at\u00eb koh\u00eb \u201cs\u2019mungojshin, mandej, asish q\u00eb, p\u00ebr padije, muslimanin e njehshin turk dhe katolikun latin, nd\u00ebrsa ortodoksin, simbas krahin\u00ebs, e mbajshin serb n\u00eb Veri, grek n\u00eb Jug\u201d. Edhe k\u00ebtyre u duhej treguar se tjet\u00ebr ishte besimi e feja e tjet\u00ebr komb\u00ebsia apo n\u00ebnshtet\u00ebsia. Fishta, ashtu si edhe klerik\u00eb t\u00eb tjer\u00eb atdhetar\u00eb t\u00eb asaj kohe, si At Anton Harapi, ishin luft\u00ebtar\u00eb t\u00eb mendimit se \u201cmysliman\u00eb, katolik\u00eb e ortodoks\u00eb, me gjak e me gjuh\u00eb shqiptare ishin vllaz\u00ebn e kishin t\u00eb nj\u00ebjt\u00ebn bab\u00eb Atdhen\u00eb e t\u00eb njajt\u00ebn nan\u00eb Shqipnin\u00eb\u201d.<\/p>\n

S\u00eb mbrami, nga shqyrtimet tona, d\u00ebshiroj t\u00eb sjell k\u00ebtu,krejt shkurt, pohimin se”Lahuta e Mal\u00ebsis\u00eb”, p\u00ebrtej caqeve t\u00eb vlerave artistike, me antroponimin\u00eb q\u00eb ndeshim n\u00eb t\u00eb, na v\u00eb n\u00eb dor\u00eb mund\u00ebsi e t\u00eb dh\u00ebna t\u00eb shumta p\u00ebr ta zgjeruar njohjen rreth disa dukurive t\u00eb emrave vetjak\u00eb t\u00eb shqipes, sidomos p\u00ebr t\u00eb theksuar disa vlera jo vet\u00ebm mir\u00ebfilli gjuh\u00ebsore, po edhe n\u00eb planin e antropologjis\u00eb kulturoree t\u00eb sociolinguistik\u00ebs.<\/p>\n

K\u00ebtu, n\u00eb radh\u00eb t\u00eb par\u00eb, m\u00eb duket \u00ebsht\u00eb me interes t\u00eb p\u00ebrmendim nj\u00eb an\u00eb shum\u00eb t\u00eb r\u00ebnd\u00ebsishme t\u00eb mend\u00ebsis\u00eb mal\u00ebsore, e cila m\u00eb qart\u00eb se kudo del n\u00eb vepr\u00ebn e Fisht\u00ebs. E kemi fjal\u00ebn p\u00ebr tradit\u00ebn e Mal\u00ebsis\u00eb s\u00eb Madhe, po edhe m\u00eb gjer\u00eb, p\u00ebr t’ iu drejtuar burrave me em\u00ebr dhe mbiem\u00ebr (patronim). Qysh n\u00eb mosh\u00eb t\u00eb njom\u00eb, si p\u00ebr t’ u nxitur shpirtin burr\u00ebror dhe etjen p\u00ebr m\u00ebvet\u00ebsi e personalitet, mal\u00ebsor\u00ebt e th\u00ebrrasin nj\u00ebri-tjetrin me em\u00ebr e mbiem\u00ebr, qoft\u00eb edhe kur rrin\u00eb s\u00eb bashku dit\u00eb p\u00ebr dit\u00eb. Madje, jo rrall\u00eb, kjo vihet re edhe n\u00eb mjedisin familjar apo miq\u00ebsor intim. Kjo dukuri shquan qart\u00eb edhe n\u00eb poem\u00ebn e Fisht\u00ebs, ku emrat Oso Kuka, Tara Pllumi, Ka\u00e7el Doda, Kerrni Gila, Galo Keqi, Dod Pre\u00e7i, Marash Uci, \u00c7un Mula, Met Zeneli etj. dalin gjithandej k\u00ebshtu t\u00eb plot\u00eb.<\/p>\n

Rrall\u00eb e tek ai i p\u00ebrdor pa mbiem\u00ebr ose n\u00eb forma t\u00eb prekura nga zbunimi. Kam bindjen se n\u00eb k\u00ebt\u00eb pik\u00eb, Fishta, si njoh\u00ebs i thell\u00eb i mend\u00ebsis\u00eb mal\u00ebsore, ka g\u00ebrshetuar dendur edhe nevojat p\u00ebr rim\u00eb, por ai, mbi t\u00eb gjitha, ka m\u00ebtuar t\u00eb jet\u00eb n\u00eb p\u00ebrputhje me nj\u00eb dukuri aq spikat\u00ebse t\u00eb shpirtit e t\u00eb jet\u00ebs mal\u00ebsore. Kjo shquan edhe m\u00eb mir\u00eb n\u00eb rastet kur Fishta, gjithnj\u00eb n\u00eb p\u00ebrputhje me sa pasqyron, i jep emrat e personave jo vet\u00ebm me em\u00ebr e mbiem\u00ebr, po edhe t\u00eb shoq\u00ebruar me emrin e krahin\u00ebs a t\u00eb fisit q\u00eb ata p\u00ebrfaq\u00ebsojn\u00eb (Tara Pllumi i Jugomirit, Preng Markola prej Mirdite, Dod Pre\u00e7i prej Kastratit, Nik Gjoni i Kastratit, Marka Kuli prej Kthellet, Gjin Pjetri i Kurbinit) apo me p\u00ebrs\u00ebritjen e emritt\u00eb plot\u00eb t\u00eb t’ et (Marash Uci i Uc Mehmetit, Curr Ula i Ul\u00eb Keqot\u00ebs, Shan Deda i Ded Jakupit, Nik Daka i Dak Cubakut).<\/p>\n

N\u00eb Mal\u00ebsi t\u00eb Madhe, mal\u00ebsor\u00ebt e kan\u00eb si rregull, po edhe si nj\u00eb mend\u00ebsi t\u00eb trash\u00ebguar q\u00eb, deri edhe n\u00eb bisedat shoq\u00ebrore e miq\u00ebsore, t’ ia ruajn\u00eb e t’ ia p\u00ebrmendin burrit vlerat e tij dhe nj\u00eb nga k\u00ebto shenja aty \u00ebsht\u00eb edhe t\u00eb thirrurit me em\u00ebr e mbiem\u00ebr. Shum\u00eb bukur kjo na \u00ebsht\u00eb pasqyruar n\u00eb nj\u00eb nga \u00e7astet m\u00eb t\u00eb v\u00ebshtira t\u00eb bisedave t\u00eb Oso Kuk\u00ebs me bashk\u00ebluft\u00ebtar\u00ebt e tij:
\n“Kur xen Osja atje t’ e vona:<\/em>
\n“Kqyre at\u00eb shpatull, Soko Tona!”<\/em>
\nDisa dukuri t\u00eb tjera t\u00eb struktur\u00ebs s\u00eb emrave vetjak\u00eb t\u00eb shqipes q\u00eb mund t\u00eb zgjerohen me t\u00eb dh\u00ebna t\u00eb reja nga vepra “Lahuta e Mal\u00ebsis\u00eb”.<\/p>\n

\u00cbsht\u00eb tashm\u00eb nj\u00eb gj\u00eb e njohur dhe e pohuar mir\u00eb prej historian\u00ebve t\u00eb gjuh\u00ebs shqipe, posa\u00e7\u00ebrisht nga E. \u00c7abej, se emrat me tri gjymtyr\u00eb tregojn\u00eb nj\u00eb tipar t\u00eb mo\u00e7\u00ebm apo lasht\u00eb shqiptar L\u00ebnd\u00ebs, tashm\u00eb t\u00eb njohur, t\u00eb p\u00ebrb\u00ebr\u00eb nga emrat e tipit Gjergj Elez Alija, nga poema e Fisht\u00ebs u shtohen t\u00eb till\u00eb, si: Preng Bib Doda, Mar Kol Gjini, Bib Llesh Markola, Llesh Nkoll Luli, Baca Luc Dedi, Pjet\u00ebr Gjok Toshi, Lul Pal Kiri, Nishk Djal\u00eb Miri, Luc\u00eb Prel\u00eb Nishku, Ded Gjon Ujka, Mark Preng Dudi, Preng\u00eb Nkoll\u00eb Gje\u00e7i, Gjek\u00eb Marash Haka, Llesh Nik Daka, Gjo’ Ndue Vokkrri etj., t\u00eb cil\u00ebt, nd\u00ebrkaq, \u00ebsht\u00eb vendi t\u00eb ritheksojm\u00eb se lidhen me po at\u00eb mend\u00ebsi q\u00eb ftilluam m\u00eb lart: me m\u00ebtimin e mal\u00ebsor\u00ebve (p\u00ebrgjith\u00ebsisht shqiptar\u00ebve) p\u00ebr ta identifikuar sa m\u00eb duksh\u00ebm emrin e nj\u00eb personi me an\u00ebn e dh\u00ebnies s\u00eb emrit t\u00eb babait, mund\u00ebsisht t\u00eb plot\u00eb: em\u00ebr + em\u00ebr i babait + em\u00ebr i babait t\u00eb babait.<\/p>\n

Emrat n\u00eb form\u00eb zbunimi.Dendur, n\u00eb vepr\u00ebn e Fisht\u00ebs emrat e njer\u00ebzve na dalin edhe n\u00eb format e dyta t\u00eb tyre, t\u00eb p\u00ebrdorura p\u00ebr zbunim ose ku zbunimi \u00ebsht\u00eb n\u00eb funksion t\u00eb rim\u00ebs apo p\u00ebr arsye t\u00eb tjera stilistike. P. sh., pasi ka folur m\u00eb lart p\u00ebr “Abdul Frash\u00ebrin, ‘i Tosk\u00eb me mend” (f. 105) e p\u00ebrmend me zbunimin Duli: “Prap xen Duli fjal\u00ebt me i thek\u00eb” (f. 108). Po k\u00ebshtu, p\u00ebr Abdullah Drenin n\u00eb nj\u00eb varg thot\u00eb me zbunim: “si s’ e ban as Dulo Dreni” (f. 124), apo Mashi p\u00ebr Marash Ucin: “Por shka, Zot, ka Mashi sot, qi na a vra e nuk ban za?” (f. 141).<\/p>\n

N\u00eb \u201cLahut\u00eb\u201d, si dhe n\u00eb veprat e tjera t\u00eb Fisht\u00ebs, gjejm\u00eb fjal\u00eb, togfjal\u00ebsha dhe m\u00ebnyra t\u00eb th\u00ebni t\u00eb nj\u00eb mjesht\u00ebrie t\u00eb pashoqe p\u00ebr nga ana artistike, por edhe meritojn\u00eb t\u00eb lexohen e t\u00eb analizohen me kujdes e me dije, si\u00e7 e meritojn\u00eb veprat e poet\u00ebve t\u00eb m\u00ebdhenj. Me sa ka qen\u00eb e mundshme ato i kam sht\u00ebn\u00eb n\u00eb shembullzimet e \u201cFjalor Leksiko-Frazeologjik dhe Etnolinguistik i Mal\u00ebsis\u00eb s\u00eb Madhe<\/em>\u201d (botim i Akademis\u00eb son\u00eb t\u00eb Shkencave, n\u00eb shtyp<\/em>).<\/p>\n

Tiran\u00eb, 23 shtator 2021<\/em><\/p>\n